1 Timote 2:10 - NYANMIƐN NDƐ'N 1998

¹⁰ sanngɛ man be yo sran ye, afin bla nga be sro Nyanmiɛn'n, sɛ be yo sɔ-ɔ ɔ ti kpa.

Nyanmien nde Ufle

¹⁰ sannge man bé yô swran yé, afin bla nga bé srô Nyanmien'n, se bé yô soo o ti kpa.

1 Timote 2:10 ပူးပေါင်းရင်းမြစ်များ

Nyanndra Mun 31:25

Wunmiɛn nin anyrunnyan ninnge mun, sɛ be ti tralɛ'n, wuun be ´se kɛ i sɔ ninnge mun yɛ be wlɛ i wun-ɔn. Kɛ ɔ bu i nyrun atin'n i akunndan'n, i klun kaan sa ti-mɛn i trɛ.

Nyanndra Mun 31:31

I junman klanman b'ɔ di'n ti man be yo i mo, yɛ be yo i kwla. I sa ti like ng'ɔ yo be'n be ti man klɔ wunmuan'n mɛnmɛn i.

Sa nga bé yôli'n 9:36

Jésus sɔnnzɔnfuɛ bla kun o Zope lɔ, be flɛ i kɛ Tabita. Grɛk nun'n, dunman sɔ'n yɛlɛ Dɔrkas'n, i bo yɛlɛ wannzannin. Ɔ ti klun ufuefuɛ kpa yɛ ɔ yo yalɛfuɛ'm be ye.

Sa nga bé yôli'n 9:39

Piɛr a sisi-mɛn i bo, ɔ nin be ɔli. Kɛ ɔ juli lɔ'n, be fɛ ɔli nglo sua'n nun lɔ. Angboti mmla'm be kwlaa be bɛli i wun lɛ, be fa tralɛ nin tralɛ dandan nga Dɔrkas wuli be kɛ i nyin tɛ o su'n, kleli i, wuun be ´sun.

Efɛzfuɛ Mun 2:10

Afin e ti i sa nuan like, kɛ e nin Krist-Jésus e yoli sran wunmuan'n, Nyanmiɛn boli ye uflɛ nan e `yo nyoliɛ kpakpa ng'ɔ dun mmua sieli ye kɛ e `yo'n.

1 Timote 2:11

Man mmla'm be tran diin be sie bé su like nga be kle be'n su, man be yo bé wun aenvuɛ.

1 Timote 2:9

I kunngba'n, n klo kɛ tannin nga mmla'm be kla'n be klɛ i kpa, nán man be fa bé wun kle, sanngɛ man be sie bé wun kpa . Kɛ be ´siesie bé wun'n, nán man be fa be wla guɛ i be ti bɔ be yo'n, nin sika ɔkwlɛ, nin afle, nin tralɛ b'ɔ lɛ gua'm bé su,

Tite 2:14

E ti Jésus ɔ fɛli i wun mannin nan ɔ ´yi ye sa tɛtɛ'n kwlaa nun nan e `kaci i sa ti sran bɔ é wun sa tɛtɛ'n kwlaa ɔ'a wie, bɔ e tu e klun yo sran ye .

Tite 3:8

Ndɛ nga n ´kɛn i yɛ'n ti nanwlɛ weiin. N klo kɛ a jran ndɛ sɔ'n su kpa nan be nga be lafi Nyanmiɛn su'n be fa ye yolɛ'n kaci be junman. I sɔ yolɛ'n ti kpa, ɔ yo sran'm bé wun sa ye.

1 Piɛr 2:12

An `yo sa ng'ɔ ti kpa'n be nga be ti-man Kristfuɛ'n be nyrun nan sɛ be saci amun dunman kɛ an ti sa tɛ yofuɛ mun'n, be wun sa kpa nga an yo be'n nan cɛn nga Nyanmiɛn ´ba'n, be `mɛnmɛn i.

2 Piɛr 3:11

?Sɛ ninnge sɔ'n kwlaa be ´saci sɔ'n, like onin yɛ sɛ an yo-ɔ ɔ ti su-ɔ? Man amun nzuɛn'n yo kpa, yɛ an `fa amún wun mantan Nyanmiɛn!

Sa nglô yile 2:19

N si amun nyoliɛ'n, nin klolɛ bɔ an fa klɔ min'n, nin n su bɔ an lafi'n, nin amun junman'n, ɔ nin anwlɛn bɔ an lɛ i'n. N si kɛ sa nga an yo be siɛn'n be kpa tra laa liɛ'n,