1 Timote 2:1 - NYANMIƐN NDƐ'N 1998

¹ Afɔtuɛ nga n waan m ´man wɔ'n i klikli'n yɛ: an `kan sran'm be kwlaa be ndɛ kle Nyanmiɛn, an `srɛ i kɛ ɔ nian bé su, an `srɛ i aunnvuɛ su, an `lɛ i ase.

Nyanmien nde Ufle

¹ Afotue nga n waan mh manh wo'n i klikli'n ye: anh kan swran'n kwlaa bé nde klé Nyanmien, anh sre i ke o nian bé su, anh sre i aunnvue su, anh le i asé.

1 Timote 2:1 ပူးပေါင်းရင်းမြစ်များ

Ɛsdras 6:10

Man be yi tɛ ng'ɔ bɔn fannin'n fa man nglo lɔ Nyanmiɛn'n, nan be srɛ be man famiɛn nin i mma mun.

Jue Mun 72:19

Man e la Nyanmiɛn b'ɔ i dunman'n fu'n i ase tititi. Man i nyrun nyannyan'n yi asiɛ wunmuan'n. Man ɔ yo sɔ!

Zeremi 29:7

An `kunndɛ klɔ nga n trali amun ɔli su'n i kpa yolɛ. An `srɛ Anannganman'n be mɛn i. Afin sɛ ɔ nyan muae'n yɛ amun kusu amun ´nyan wie-ɔ.› »

Sa nga bé yôli'n 17:30

I nun bɔ sran'm be wun-man sa wlɛ'n, sa nga be yoli'n, Nyanmiɛn a fa sie-mɛn i klun, sanngɛ siɛn'n, ɔ kan kleli be kwlaa kɛ be kaci be nzuɛn'n.

Rɔmfuɛ Mun 1:8

Jésus-Krist ti n la min Nyanmiɛn'n i ase amun ndɛ bɔ n tili'n ti, afin be kan amun Nyanmiɛn sulafilɛ ndɛ'n mɛn wunmuan'n nun.

Rɔmfuɛ Mun 6:17

N ´yo Nyanmiɛn i kwla o, afin laa'n, sa tɛ'n ti amun nzuɛn, sanngɛ siɛn'n, amu'an fa ndɛ nanwlɛ nga be kleli amun'n su kpa.

1 Korɛntfuɛ Mun 15:3

Sa nga be fa kleli min'n, bɔ n kusu n fa kleli amun'n ɔ ti cinnjin kpa. Be klɛli i Nyanmiɛn Ndɛ'n nun kɛ Krist ɔ wa wu sa tɛ bɔ e yoli'n ti, yɛ ɔ wuli .

2 Korɛntfuɛ Mun 8:6

Ɔ man e srɛli Tit b'ɔ boli junman sɔ'n bo amun wun lɔ'n, kɛ ɔ ko uka amun nan an guagua nɛnnɛn dilɛ sɔ'n bo.

Efɛzfuɛ Mun 3:13

Ɔ man n ´srɛ amun kɛ, nán amún sa sin bubu amun nyrɛnnɛn nga n wun i amun ti'n ti, afin ɔ ti amun anyrunnyan like.

Efɛzfuɛ Mun 5:20

Sa'n kwlakwla nun'n, an `la é si Nyanmiɛn ase titi e Min Jésus-Krist dunman nun.

Efɛzfuɛ Mun 6:18

Kɛ an ko yo i kwlaa sɔ'n, an `srɛ Nyanmiɛn kɛ ɔ jran amún sin. Sa'n kwlaa nun'n, amun nin Nyanmiɛn koko yalɛ i Wawɛ'n i fanngan nun tititi. An `niɛn i sɔ'n su yo i titi, nán an kpɔnzɔ. An `srɛ Nyanmiɛn kɛ ɔ niɛn i sran'm be kwlaa bé su.

Filipfuɛ Mun 1:3

Blɛ kwlaa nga min wla kpɛn amun su'n, n la min Nyanmiɛn'n i ase.

Filipfuɛ Mun 4:6

Nán amun koko sa fi su, sanngɛ sa'n kwlaa nun nin like kwlaa ng'ɔ mian amun'n, an `kan kle Nyanmiɛn, an `srɛ i, an `jran su kpa, yɛ an `lɛ i ase.

1 Tɛsalonikfuɛ Mun 3:12

Man e Min'n man an klo amun wiengu nin sran'm be kwlaa dan kpa tra laa'n kɛ e kusu e fa klo amun'n sa!

2 Tɛsalonikfuɛ Mun 1:3

Aniaan mun, an lafi Krist su kpa tra laa'n, yɛ klolɛ nga amun kwlaa an fa klo amun wun'n ti dan tra laa'n, ɔ man amun ti ɔ fata kɛ e la Nyanmiɛn ase titi, sɛ e yo i sɔ-ɔ ɔ ti su.

1 Timote 2:4

Ɔ klo kɛ ɔ ´de sran'm be kwlaa nan be wun sa ng'ɔ ti nanwlɛ'n i wlɛ kpa.

1 Timote 5:5

Bla nga i wun wuli b'ɔ lɛ-man sran niɛn-mɛn i lika mlɔnmlɔn'n, ɔ fɛ i wla'n gua Nyanmiɛn su, yɛ wia nun o, kɔnguɛ o, ɔ nin i koko yalɛ, ɔ srɛ i kɛ ɔ niɛn i su.

2 Timote 2:24

Afin e Min'n i sran'n nin utre'n fata-man. Sanngɛ ɔ yo sran'm be kwlaa be kpa, ɔ si like kle, sa nga be yo i'n sɔn i nun,

Tite 2:11

Afin Nyanmiɛn a yi ye nga ɔ yo sran b'ɔ man sran'm be kwlaa be kwla nyan bé ti'n i nglo.

Tite 3:2

Nán man be kan sran wun ndɛ, nán man be klo utre, man be yaci sa cɛ, man sran'n kwlaa be wun kɛ be ti wɛtɛfuɛ.

Hébreu 6:11

Sanngɛ e klo kɛ amun kwlakwla an mian amún nyin yo kɛ an yo i laa'n sa guɛ i ti nin i bo, yɛ amun ´nyan like nga amún wla o su kɛ amun ´nyɛn i'n i kwlaa-a.

Jacques 5:16

I sɔ'n ti, kɛ ɔ ´yo nan amu'an yo juejue'n, an `kan sa nga an yoli'n kle amun wiengu, an `srɛ Nyanmiɛn man amun wun kɛ ɔ man amun jaso. Sɛ sran kpa kun srɛ like Nyanmiɛn sa nun b'ɔ jran su kpa'n, i srɛlɛ sɔ'n yo sa ye dan.