1 Timote 1:17 - NYANMIƐN NDƐ'N 1998

¹⁷ Famiɛn b'ɔ ti anannganman'n, b'ɔ wu-man, bɔ be wun-mɛn i'n, b'ɔ ti Nyanmiɛn bɔ like fi nun-mɛn i sin'n, man be mɛnmɛn i, yɛ be yi i ayɛ tititi, nán be yaci i le! Man ɔ yo sɔ!

Nyanmien nde Ufle

¹⁷ Famien b'o ti anannganman, b'o wunman, bo bé wunmen, b'o ti Nyanmien bo liké fi nu'en i sin'n, man bé menmen bé yi i aye tititi! Mon o yô so!

1 Timote 1:17 ပူးပေါင်းရင်းမြစ်များ

1 Be Nyoliɛ 29:11

Anannganman, a ti dan , a kwla, a yo nyɛnmɛn, a o lɛ tititi, ɔ nyrun'n ti nyannyannyan. Nglo lɔ nin asiɛ'n su wa ninnge'n kwlaa be ti ɔ liɛ. Anannganman wɔ yɛ a ti famiɛn nin-ɔn. A o ninnge'n kwlaa ti su.

Neemi 9:5

Yɛ Zozie, Kadmiɛl, Bani Asabnia, Serebia, Ɔdiza, Sɛbania, ɔ nin Pɛtakza bɔ be ti Levifuɛ'n, be seli kɛ: «Amun `jaso be la Anannganman amun Nyanmiɛn'n i ase titi, nán amun yaci i le.» «Man be manman ɔ dunman b'ɔ yo nyɛnmɛn'n. Ɔ dunman'n ti dan tra su, be kwla mɛnmɛn-mɛn i nin bé nuan'n.

Jue Mun 10:16

Anannganman ti famiɛn tititi. Nvle-nvlefuɛ nga be su-mɛn i'n, ɔ nunnun be i asiɛ liɛ'n su.

Jue Mun 106:48

Amun `la Anannganman b'ɔ ti Izraɛl Nyanmiɛn'n i ase tititi! Yɛ man sran'm be kwlaa be se kɛ: «Man ɔ yo sɔ!» An `manman Anannganman!

Jue Mun 145:13

Ɔ sielɛ'n wo lɛ tititi. Ɔ kwlalɛ bɔ a kwla'n wo lɛ blɛ kwlaa. Nda nga a ta'n, a yo i su sa'n. Ɔ kpa bɔ a ti'n ɔ fite su sa nga a yo'n i kwlaa nun.

Jue Mun 41:13

Min liɛ'n, kɛ bɔ m'an yo-man sa'n, i ti a suannin min bo. A fali min sieli ɔ wun lɛ tititi.

Jue Mun 45:1

Jue nga ti Kɔre i sran'm be liɛ. Ɔ o jue tofuɛ'm be su kpɛn'n i fluwa'm be nun wie. Yasua nin bla bé wun klolɛ jue-ɔ. Kɛ be ´to'n, be bo gitar. Be waan:

Jue Mun 45:6

Ɔ cua'm be ti piembie, sɛ a ´to be'n, be ´sran famiɛn'n i kpɔfuɛ'm be anwlɛn ba'n sɛsɛsɛ. Nvle wie'm be nunfuɛ wie'm be ´tɔ ɔ ja bo lɛ.

Jue Mun 57:11

Anannganman, ɔ klun-ufue'n ti dan lele kpe nun. I kunngba'n, a ti nanwlɛfuɛ dan.

Jue Mun 90:2

I sin nan b'a wun oka mun mɛn'n nun'n, nan mɛn'n bɔbɔ ɔ'a bo i bo'n, wuun a ti Nyanmiɛn, a ´ka sɔ tititi.

Zeremi 10:10

Anannganman'n ɔ ti Nyanmiɛn sakpa. Ɔ ti Nyanmiɛn kun b'ɔ lafi-man. I kunngba'n ti famiɛn b'ɔ ti adudua. Kɛ ɔ ko fa ya sa'n, asiɛ wunmuan'n keje. Nvle-nvle'm be nunfuɛ'm be yo i like'n wie fi-ɔ ɔ yo-man ye.

Daniɛl 2:44

Famiɛn sɔ'm be blɛ su'n, Nyanmiɛn b'ɔ o nglo lɔ'n ɔ ´sie famiɛn diwlɛ kun b'ɔ su saci-man le, yɛ mɛn uflɛ su sie-mɛn i le. Famiɛn diwlɛ sɔ'n ɔ ´nunnun famiɛn diwlɛ kun nga mun, kpɛkuun i bɔbɔ ɔ ´ka lɛ tititi .

Daniɛl 4:34

I sɔ'n ti siɛn'n, m bɔbɔ min Nɛbikadnɛzar m ´manman Nyanmiɛn b'ɔ ti nglo lɔ famiɛn'n. N ´yi i ayɛ yɛ n ´kɛn i wun ndɛ kpa. Like ng'ɔ yo be'n be kwlaa be ti nanwlɛ. Ɔ yo sa'n kwlaa i nuan su. Ɔ kwla kan be nga be tu bé wun'n be ase bɔbɔ.»

Daniɛl 7:14

Be fali kwlalɛ'n be mɛnnin, be mɛnmɛnnin i, yɛ be fali famiɛn diwlɛ'n be wlɛli i sa nun. Nvle-nvle'n kwlaa nin mɛnmɛn'n kwlaa be nunfuɛ mun bɔ be kan aniɛn wafa-wafa'n kwlaa'n, be suli i. I kwlalɛ sɔ'n ɔ ´tran lɛ tititi, i blɛ'n su sin-man le, yɛ i sielɛ'n su nunnun-man le .»

Mise 5:2

Anannganman ´yi i sran'm be ase lele san bla ng'ɔ ko wu ba'n, ɔ ´wu i. Izraɛlfuɛ nga be ko trannin nvle kun nga'm be nun'n, be ´sa bé sin be niaan'm be wun wa.

Malasi 1:14

Anannganman b'ɔ sie mɛn wunmuan'n waan: «Gblɛfuɛ nga nnɛn yasua kpa kun wo i nnɛn'm be nun bɔ nnɛn tukpacɛfuɛ nga ɔ'a yo kokloo kain'n yɛ ɔ ti like yɛ ɔ fa man min'n , i yako! Afin n ti famiɛn dan kun, min dunman'n yo sro mɛn wunmuan'n nun!»

Matthieu 25:34

Yɛ m bɔ n ti famiɛn'n n ´se be nga be gua n fama su'm be kɛ: ‹Amun bɔ n Si yoli amun ye'n, an `bla be wa di famiɛn bɔ kɛ be ´bo mɛn'n i bo'n be sie mannin amun'n.

Matthieu 28:20

Yɛ like kwlaa nga n kleli amun'n, amun kusu an `kle be man be fa su. An `nian, min nin amun e o cɛn kwlaa lele mɛn'n ´fa wie.»

Matthieu 6:13

Nán yaci e lɛ man Lakafuɛ'n laka e, sanngɛ de ye i sa nun. [Afin a ti kpli, a sie like'n kwlaa, yɛ manmanlɛ'n ti ɔ liɛ tititi. Man ɔ yo sɔ!]

Jean 1:18

Sran fi nian wun-man Nyanmiɛn le san i Wa kunngba'n b'ɔ nin i ti kun b'ɔ ti i anwlɛn su ba'n i yɛ man e sili i-ɔ .

Jean 5:44

?Amun bɔ an klo kɛ amun wiengu bo amun dunman'n, bɔ an klo-man kɛ Nyanmiɛn b'ɔ ti kunngba cɛ'n yɛ ɔ bo amun dunman'n, ɔ ´yo sɛ yɛ amun ´kwla lafi i su-ɔ?

Rɔmfuɛ Mun 1:20

Sran nyinma wun-man Nyanmiɛn'n, sanngɛ kɛ ɔ fin cɛn ng'ɔ yili mɛn'n, ninnge kwlaa ng'ɔ yo be bɔ be wun be'n, ɔ man be wun i wlɛ weiin kɛ Nyanmiɛn o lɛ yɛ ɔ kwla sa'n kwlaa yo. I sɔ'n ti be lɛ-man ndɛ fi .

Rɔmfuɛ Mun 1:23

Be yaci Nyanmiɛn b'ɔ ti anannganman b'ɔ lɛ nyrun lɛ be yo ninnge mun, kɛ sran sa, wie'm be ti kɛ nnɛn sa, wie'm be kusu be ti kɛ anunman sa, yɛ wie'm be ti kɛ wuo sa, be taka be, yɛ be sɔ be .

Rɔmfuɛ Mun 11:36

Ninnge nga be o lɛ'n, be kwlaa be fin i, i yɛ man be o lɛ-ɔ, yɛ i dunman nun yɛ be o lɛ-ɔ. Man e yi i ayɛ tititi. Man ɔ yo sɔ!

Rɔmfuɛ Mun 16:27

Jésus-Krist ti man e yi Nyanmiɛn bɔ ngwlɛlɛfuɛ fi nun-mɛn i sin'n i ayɛ tititi! Man ɔ yo sɔ!

Rɔmfuɛ Mun 2:10

Sanngɛ be kwlaa nga be yo sa kpa'n, Nyanmiɛn man be ´nyan nyrun, be ´bu be sran, yɛ be ´di alaje, Zuif mun yɛ be ti klikli-ɔ, i sin be nga mun.

Rɔmfuɛ Mun 2:7

Be nga be tra be anwlɛn be yo sa kpa'n, bɔ be kunndɛ kɛ be nyan nyrun nan be bu be sran'n, bɔ be kunndɛ nguan'n, ɔ ´man be anannganman nguan.

Kolɔsfuɛ Mun 1:15

Ɔ fa Nyanmiɛn bɔ be wun-mɛn i'n, ɔ ti i Wa Kpɛn bɔ i kpa'n tra like ng'ɔ yili be'n be kwlaa.

Hébreu 11:27

Nyanmiɛn su b'ɔ lafi'n ti, kɛ ɔ jao Ezipt famiɛn wlɛfuɛ'n wun lɔ'n, srɛ a kun-mɛn i, afin ɔ trɛ i anwlɛn, ɔ ti kɛ ɔ'a wun Nyanmiɛn bɔ be wun-mɛn i'n sa .

Hébreu 2:7

A yoli man anz'm be kpa'n trɛli i le nnyɔn kun, a sieli i famiɛn man ɔ nyannin nyrun, be mɛnmɛn i,

1 Piɛr 5:11

I yɛ ɔ kwla tititi-ɔ. Man ɔ yo sɔ!

2 Piɛr 3:18

Ye bɔ e Min'n b'ɔ ti e Defuɛ'n yo amun'n ti'n, man be wun kɛ amu'an yo sran, yɛ man be wun kɛ amun nin i tran nan amu'an si i kpa. Kɛ ɔ fin ndɛ'n, man be yi i ayɛ tititi. Man ɔ yo sɔ!

1 Jean 4:12

Sran fi nian wun-man Nyanmiɛn le. Sɛ e klo e wun'n, wuun e nin Nyanmiɛn e ti kun, yɛ klolɛ ng'ɔ man e fa klo sran'n i nyin'n ´fite weiin.

Jude 1:25

e Nyanmiɛn kunngba b'ɔ ti e Defuɛ'n, e Min Jésus-Krist ti, man be yi i ayɛ, be mɛnmɛn i yɛlɛ kɛ ɔ ti famiɛn, ɔ ti kpli, yɛ ɔ kwla sa'n kwlaa yo. Kɛ ɔ fin lalaa'n, be mɛnmɛn i sɔ, kɛ ɔ fin ndɛ'n man be mɛnmɛn i tititi. Man ɔ yo sɔ!

Sa nglô yile 15:3

Be to Moiz b'ɔ ti Nyanmiɛn i sran'n nin Bua Gbanflɛn'n be jue'n, be se kɛ: «Anannganman Nyanmiɛn wɔ bɔ a kwla like kwlaa yo'n, sa dandan nga a yo be'n, be ti abonuan! Nvle-nvle'm be Famiɛn, a ti nanwlɛfuɛ yɛ a yo sa i nuan su !

Sa nglô yile 17:14

Be nin Bua Gbanflɛn'n be ´kun, sanngɛ Bua Gbanflɛn'n nin be nga ɔ flɛli be'n, b'ɔ fali be'n, bɔ be fa bé wun mɛntɛn i kpa'n, be ´kwla be blu sɔ'n, afin i yɛ ɔ sie be kwlaa nga be sie sran'n nin famiɛn mun-ɔn .»

Sa nglô yile 19:1

I sin n tili sran kpanngban kpa be nɛn nyanmiɛn su lɔ, be kpan kekle kpa, be seli kɛ: «An `manman Nyanmiɛn! E Nyanmiɛn'n de sran, ɔ ti nyannyannyan, yɛ ɔ kwla like'n kwlaa yo.

Sa nglô yile 19:16

Be klɛli dunman kun i tralɛ'n nin i sɔwa'n su kɛ: «Famiɛn'm be Famiɛn nin sran'm be min mun be Min .»

Sa nglô yile 19:6

Yɛ n tili sran kpanngban wie'm be nɛn, be nɛn sɔ'n ɔ tɛ kɛ nzue dan b'ɔ sonji kpuu nin nyanmiɛn b'ɔ kpla dan'n sa. Be seli kɛ: «An `manman Nyanmiɛn! Afin Anannganman Nyanmiɛn b'ɔ kwla like kwlaa yo'n ɔ'a trɛn i bia'n su.

Sa nglô yile 7:12

se kɛ: «Man ɔ yo sɔ! Man e yi e Nyanmiɛn i ayɛ tititi, yɛ e yɛyɛ i, man e se kɛ ngwlɛlɛ'n ti i liɛ, man e lɛ i ase, yɛ e mɛnmɛn i, e se kɛ ɔ kwla like'n kwlaa yo, yɛ ɔ cɛnnin! Man ɔ yo sɔ!»