1 Timote 1:16 - NYANMIƐN NDƐ'N 1998

¹⁶ Min bɔ ń sa tɛ liɛ'n tra sran'm be kwlaa be liɛ'n, Nyanmiɛn sili min aunnvuɛ, nan Krist-Jésus fɛ i anwlɛn b'ɔ trɛ i sran wun'n ´kle be nga be wa lafi i su bɔ be ´nyan anannganman nguan'n. Ɔ man be ´wun kɛ ɔ trɛ i anwlɛn bé wun wie.

Nyanmien nde Ufle

¹⁶ Nyanmien si min bo n sa te lie'n tra swran'n kwlaa bé lie'n, min aunnvue nan Christ-Jésus fe i awlen b'o tre swran wun'n klé bé nga bé wa lafi i su bo béh nyanh anannganman nguan'n, man bé wun ke o tre i awlen bé wun wié.

1 Timote 1:16 ပူးပေါင်းရင်းမြစ်များ

2 Be Nyoliɛ 33:19

I Nyanmiɛn srɛlɛ'n nin wafa nga Anannganman fa tɛli i su'n, i sa tɛ b'ɔ yoli'n, ɔ nin i wun bɔ ɔ'a fa mantan-man Nyanmiɛn'n, sraka yiwlɛ lika mun ng'ɔ yoli be'n, ɔ nin lika ng'ɔ kplannin waka nga be sɔ be'n, yɛ lika ng'ɔ takali amuɛn mun kwlaa nan ɔ'a kɛn i wun ase Nyanmiɛn nyrun'n, i kwlaa sɔ'n wo Ozai fluwa'n nun.

Jue Mun 25:11

Anannganman, kɛ a nian ɔ dunman'n, kpɛkuun kannzɛ mín wun sa'n cɛnnin'n, sanngɛ ɔ li, yaci cɛ min.

Ezipt Lɔ Tulɛ'n 34:8

Moiz kɛnnin i wun ase ndɛndɛ, ɔ kotoli yɛ ɔ utuli i nyin ase.

Ezai 1:18

Anannganman wan yoo: «Amun `bla man e ti é wun aniɛn. Sɛ amún sa tɛ bɔ amun yo'n be ti kɛ like ɔkwlɛ youun wie sa bɔbɔ'n, be ´fɛn fitafita kɛ jese fɔkɔ sa. Sɛ be ti kɛ like ble tikitiki wie sa bɔbɔ'n, be ´yo ufue fuai kɛ bua ndrɛ sa.

Ezai 43:25

M bɔbɔ min yɛ n yaci amún sa tɛtɛ mun n cɛ amun-ɔn. Mín wla su kpɛn-man amún sa tɛ'm be su kun le.

Ezai 55:7

Man sran ng'ɔ bu-man Nyanmiɛn nin i ndɛ'n be like fi'n, ɔ `yaci i atin tɛ'n i su falɛ. Man sran nga i nzuɛn'n ti tɛ'n, ɔ yaci akunndan tɛtɛ'm be bulɛ'n. Man ɔ bla Anannganman'n i sin, ɔ ´si i aunnvuɛ. Man ɔ bla e Nyanmiɛn b'ɔ yaci sran'm bé wun sa'n cɛ be wein'n i sin.

Kalɛ 23:3

Balaam seli Balak kɛ: «Jran ɔ tɛ'm bé wun wa, n cia mín wun kan. Wienun-ɔn, sɛ Anannganman wa yi i wun nglo kle min o. I nuan su ndɛ kwlaa ng'ɔ kan kle min'n, n ´kan kle wɔ.» Yɛ Balaam ko fuli kpɔlɛ kun ti su-ɔ.

JÉSUS-CHRIST I DYASIN FE'N BO LUC KLELI'N 15:10

Ɔ man n ´se amun kɛ sa tɛ yofuɛ kun b'ɔ kaci i nzuɛn'n ti, Nyanmiɛn i anz'm be klun jɔ.»

JÉSUS-CHRIST I DYASIN FE'N BO LUC KLELI'N 23:43

Yɛ Jésus kusu seli i kɛ: «Nian, man n kan ndɛ kun n kle wɔ, ndɛkɛn min nin wɔ e ´ju Nyanmiɛn i lika klanman'n nun lɔ.»

JÉSUS-CHRIST I DYASIN FE'N BO LUC KLELI'N 7:47

I sɔ'n ti'n, n ´kan kle wɔ kɛ i klolɛ dan b'ɔ fa klo min'n kle kɛ Nyanmiɛn a yaci i sa tɛtɛ kpanngban b'ɔ yoli'n ɔ'a cɛ i. Sanngɛ sran nga i sa tɛ b'ɔ yoli bɔ Nyanmiɛn yaci cɛli i'n, sɛ ɔ ti-man dan'n, i klolɛ b'ɔ fa fa klo min'n ti kaan.»

Jean 20:31

Sanngɛ kɛ ɔ ´yo nan amu'an lafi su kɛ Jésus ti Krist nan ɔ ti Nyanmiɛn i Wa'n, i ti yɛ be klɛli nga-a, yɛ sɛ an lafi i su'n, i ti amun ´nyan nguan .

Jean 3:36

Sran ng'ɔ lafi i Wa'n su'n, ɔ lɛ Anannganman nguan, sanngɛ sran nga i nyin yi-mɛn'n, ɔ nyan-man nguan le, sanngɛ i wun ya o Nyanmiɛn klun .

Jean 5:24

Nanwlɛ, sran ng'ɔ tie min ndɛ'n nan ɔ lafi sran ng'ɔ sunmannin min'n su'n, ɔ lɛ Anannganman nguan, be su fɛ i kɔ-man jɔlɛ difuɛ'n i ja su. Ɔ'a nyɛn i ti wie'n sa nun, yɛ ɔ'a nyan nguan.

Jean 6:37

Sran kwlaa nga n Si fa be man min'n be ´ba ń sin, ɔ man sran ng'ɔ ba ń sin'n, n su fuɛn-mɛn i,

Jean 6:40

An `nian, like nga n Si waan sran'm be nyɛn i'n yɛ: i waan sran kwlaa ng'ɔ wun i Wa'n b'ɔ lafi i su'n, ɔ ´nyan Anannganman nguan. Yɛ n ´cɛn i mɛn'n i awieliɛ.»

Jean 6:54

Sran ng'ɔ di min nnɛn'n nan ɔ nɔn min mmoja'n, ɔ lɛ Anannganman nguan, yɛ n ´cɛn i mɛn'n i awieliɛ,

Sa nga bé yôli'n 13:39

Sa nga kɛ an fa Moiz mmla'n su'n amu'an nyan-man amún ti be nun'n, siɛn'n, sran kwlaa ng'ɔ lafi Krist su'n, ɔ ´nyɛn i ti sa sɔ'm be nun.

Rɔmfuɛ Mun 15:4

Ndɛ nga be klɛli be laa'n, be klɛli i kwlaa sɔ'n kɛ be ´fa kle e ngwlɛlɛ nan Nyanmiɛn fɛ i ndɛ sɔ'n wla e fanngan, nan e tra ye anwlɛn e fa é wla'n guɛ i su.

Rɔmfuɛ Mun 6:23

Afin sa tɛ'n i akatua'n yɛlɛ wie, sanngɛ like nga Nyanmiɛn fa cɛ ye'n yɛlɛ anannganman nguan'n bɔ e nyɛn i e Min Krist-Jésus bɔ e nin i y'a kaci sran wunmuan'n ti'n.

1 Korɛntfuɛ Mun 7:25

Bla nga be nian ja-man bian'n, be liɛ'n, e Min'n ɔ'a man-man min bé wun ndɛ, sanngɛ Nyanmiɛn i aunnvuɛ b'ɔ si min b'ɔ man sran'm be kwla fa bé wla gua n su'n ti, n ´kan n liɛ ng'ɔ o n klun'n.

2 Korɛntfuɛ Mun 4:1

Nyanmiɛn i aunnvuɛ b'ɔ si ye b'ɔ fa e wlali junman nga nun'n ti'n, é sa sin bubu-man ye.

Efɛzfuɛ Mun 1:12

Ɔ yo e sɔ nan e bɔ e dun mmua fali é wla guali Krist su'n, e `mɛn i kɔmin su.

Efɛzfuɛ Mun 1:6

nan y'a bo i dunman ye dan b'ɔ fɛli i anwlɛn su Ba'n yoli ye'n ti.

Efɛzfuɛ Mun 2:7

nan blɛ ng'ɔ ´ba lɔ'n nun, kɛ ɔ ´yi i kpa b'ɔ yoli ye Krist-Jésus ti'n i nglo'n, be ´wun kɛ i ye b'ɔ yoli ye'n i dan'n lɛ-man wunsu.

2 Tɛsalonikfuɛ Mun 1:10

Kɛ ɔ ´ba bɔ be nga be ti i liɛ'm be ´mɛnmɛn i'n b'ɔ be nga be ko lafi i su'n be yi i ayɛ'n, amun nga an lafili ndɛ nga e kannin'n su'n, amun ´tran be nun wie. Cɛn sɔ'n nun yɛ ɔ ´tu be fɔ sɔ nin-ɔn.

Hébreu 7:25

I sɔ'n ti'n, ɔ man be bɔ i ti be mantan Nyanmiɛn'n, be ´kwla nyan bé ti mlɔnmlɔn, afin ɔ o lɛ titi ɔ srɛ Nyanmiɛn kɛ ɔ nian bé su.

1 Piɛr 3:20

Be nga laa kɛ Noe ´bobo mmeli'n be yoli nyin kekle Nyanmiɛn su'n, b'ɔ trɛli i anwlɛn bé wun'n, be wawɛ mun-ɔn. Sran mɔcuɛ cɛ yɛ be fuli mmeli sɔ'n nun be trannin nzue'n i nyin su lele be nyannin be ti-ɔ .

2 Piɛr 3:15

An `nian e Min'n i anwlɛn b'ɔ trɛ amun wun'n, amún ti nyanlɛ ti-ɔ. E niaan Pɔl b'ɔ ti e sran kpa'n, bɔ Nyanmiɛn mɛnnin i ngwlɛlɛ'n, kɛ ɔ klɛ i sɔ blɛli amun-ɔn.

2 Piɛr 3:9

Like nga e Min'n se kɛ ɔ ´yo, ɔ cuɛn-cuɛn-mɛn i ase kɛ sran'm be bu i'n sa. Sanngɛ ɔ trɛ i anwlɛn amun wun, ɔ klo-man kɛ sran kun sa mlin, ɔ klo kɛ sran'm be kwlaa be kaci be nzuɛn'n.