1 Timote 1:14 - NYANMIƐN NDƐ'N 1998

¹⁴ Ye nga e Min'n yoli min'n i nyin fiteli dan, ɔ man kɛ e nin Krist-Jésus e kacili sran wunmuan'n, e lafi i su, yɛ e klo i nin sran mun.

Nyanmien nde Ufle

¹⁴ Yé nga é Min'n yôô min'n i nyin fitéé dan, o man ke é nin Christ-Jésus é katyii swran wunmuan'n, é lafi i su, ye é klô i nin swran.

1 Timote 1:14 ပူးပေါင်းရင်းမြစ်များ

Ezipt Lɔ Tulɛ'n 34:6

I sin ɔ sinnin Moiz i nyrun lɛ, ɔ seli i ekun kɛ: «N ti Anannganman. N ti Nyanmiɛn aklunyefuɛ, nin aunnvuɛ sifuɛ, n fa-man ya ndɛndɛ. Min aklunye'n ti dan, yɛ sa nga n kan kɛ n ´yo be'n, n ´yo be.

Matthieu 20:9

Be nga be fali be nnɔsua nun'n be bali, be tuali be denie kunngun.

Sa nga bé yôli'n 15:11

Nán man e yo sɔ, afin e bu i kɛ e Min Jésus i ye dan b'ɔ yo ye'n bɔ i ti yɛ e fiteli nun'n, i kunngba'n ti yɛ be fiteli nun wie-ɔ.»

Rɔmfuɛ Mun 16:20

Ɔ cɛ kaan Nyanmiɛn b'ɔ man sran di alaje'n, ɔ man amun ´tia Satan su yɛ amun ´nunkun i. Man e Min Jésus yo amun ye tititi!

1 Korɛntfuɛ Mun 15:10

Sanngɛ sran nga m'an yo i yɛ'n, ye bɔ Nyanmiɛn yoli min'n ti yɛ man m'an yo sɔ-ɔ. Ye sɔ'n b'ɔ yoli min'n ɔ'a yo-man ngbɛn, afin n dili junman dan trali be ngba, nán kɛ m bɔbɔ min yɛ n dili junman sɔ nin-ɔn, sanngɛ Nyanmiɛn yɛ ɔ jrannin ń sin yɛ man n dili junman sɔ nin-ɔn.

1 Korɛntfuɛ Mun 3:10

Nyanmiɛn klun-ufue'n ti m'an yo kɛ sua kplanfuɛ b'ɔ si sua kplan sa, n wlali sua'n i bo ase, yɛ sran uflɛ su taka su. Sanngɛ man sran ng'ɔ taka su'n, ɔ niɛn i wafa ng'ɔ fa taka su'n i su kpa.

2 Korɛntfuɛ Mun 4:15

Amun ye yolɛ ti yɛ sa sɔ'n kwlaa yoli sɔ-ɔ, ɔ man kɛ Nyanmiɛn yo sran kpanngban bɔ bé nuan uka su titi'n be ye dan'n, ɔ man sran sɔ'm be kusu be wa lɛ i ase, yɛ be ´bo i dunman.

2 Korɛntfuɛ Mun 8:9

Afin an si ye dan nga e Min Jésus-Krist yoli ye'n: i b'ɔ ti anyanbeunfuɛ'n, ɔ kacili i wun yalɛfuɛ amun ti nan i yalɛ sɔ'n nun an kaci anyanbeunfuɛ.

Galasifuɛ Mun 1:13

Laa bɔ n tɛ o Zuif'm be Nyanmiɛn sulɛ nun'n, an tili sa nga n yoli'n, n kleli Nyanmiɛn i Asɔnun'n yalɛ lele trali yalɛ klelɛ su, min waan n ´nunnun i.

1 Tɛsalonikfuɛ Mun 1:3

E akunndan o like nga Krist su bɔ an lafi'n ti an yo'n, nin junman nga an di klolɛ bɔ an fa klo Nyanmiɛn nin sran'n, ɔ nin amún wla bɔ an fa gua e Min Jésus-Krist su kpa'n be su, yɛ e kan kle e Si Nyanmiɛn.

1 Tɛsalonikfuɛ Mun 5:8

Sanngɛ e bɔ e o wia nun'n, man e nian e wun su. Man Krist su bɔ e lafi'n nin e sran nin Nyanmiɛn klolɛ'n ɔ yo kɛ like kokloko bɔ e fa kata e wue su'n sa. Man é ti bɔ é wla o su kɛ e ´nyɛn i'n ɔ yo kɛ kpongbo kle sa .

1 Timote 2:15

Sanngɛ sɛ bla lafi Nyanmiɛn su kpa'n, sɛ ɔ klo sran titi'n, sɛ ɔ yo Nyanmiɛn liɛ mlɔnmlɔn nan ɔ niɛn i wun su kpa'n, sɛ ɔ ko wu ba'n, ɔ ´fite nun.

1 Timote 4:12

Kɛ bɔ a ti gbanflɛn kan'n ti'n, nán yo man sran fi yo wɔ finfin, sanngɛ yo sa ng'ɔ ti kpa'n, man be nga be lafi Krist su'n be nian su yo, ɔ ijɔlɛ nun o, ɔ nzuɛn'n nun o, ɔ sran klolɛ nun o, ɔ Nyanmiɛn sulafilɛ nun o, ɔ nin sa tɛ bɔ a yo-man nin o.

1 Timote 6:11

Sanngɛ ɔ bɔ a ti Nyanmiɛn i sran'n, nán fa ɔ wun wlɛ i ninnge sɔ'm be yolɛ nun. Mian ɔ́ nyin yo sa ng'ɔ ti kpa'n, fa ɔ wun mantan Nyanmiɛn, lafi i su, klo Nyanmiɛn nin sran, tra wɔ anwlɛn, yɛ yo wɛtɛɛfuɛ.

2 Timote 1:13

Fa ndɛ nanwlɛ nga n kan kleli wɔ'n su, nian su yo, afin sran wunmuan bɔ e nin Krist-Jésus ti'n ti e lafi Nyanmiɛn su, yɛ e klo Nyanmiɛn nin sran.

2 Timote 2:22

Nán bu like nga gbanflɛn konvi sɔ i'n i akunndan, sanngɛ be kwlaa nga sa tɛ nun-man be anwlɛn'n nun bɔ be bo flɛ e Min'n, a nin be an `mian amún nyin an `yo sa ng'ɔ ti kpa'n, an `lafi Nyanmiɛn su, an `klo Nyanmiɛn nin sran, yɛ man amun nuan sɛ amun wun.

Tite 2:2

Se yasua kpɛnngbɛn'm be kɛ be bu akunndan, yɛ be di nanwlɛ, be yo sa i nuan su, be jran kekle be lafi Nyanmiɛn su, be klo Nyanmiɛn nin sran, be tra be anwlɛn.

1 Piɛr 1:3

E Min Jésus-Krist i Si Nyanmiɛn i kwla o! I aunnvuɛ silɛ dan'n ti, ɔ wuli ye ekun, ɔ man é wla o like bɔ e si weiin kpa kɛ ɔ o lɔ'n su Jésus-Krist i cɛnlɛ'n ti.

1 Jean 4:10

Klolɛ sɔ'n, nán e yɛ e kloli Nyanmiɛn-ɔn, i yɛ ɔ kloli ye-ɔ nan ɔ'a sunmɛn i Wa kunngba'n kɛ ɔ fɛ i wun yi é ti tɛ.

Sa nglô yile 22:21

E Min Jésus man amun kwlaa an nyan ye!