1 Samiɛl 7:3 - NYANMIƐN NDƐ'N 1998

³ Yɛ Samiɛl seli be kɛ: «Sɛ amun klo kɛ amun ´sa amún sin amun ´su Anannganman sakpa'n, amun `gua amuɛn nga amun ko tuli be nvle wie be nun bɔ i wie yɛlɛ Astarte be blo. Amun `fa amún wun mantan Anannganman yɛ amun `su i kunngba, kpɛkuun ɔ wa de amun Filistifuɛ'm bé sa nun.»

1 Samiɛl 7:3 ပူးပေါင်းရင်းမြစ်များ

Bo Bolɛ 35:2

Yɛ Zakɔb seli i yi nin i mma nin i sa nun sran'm be kwlaa kɛ: «An `gua amuɛn nga be o amún sa nun'n be ase. An `yo bé wun saun. An `kaci amun tralɛ mun.

1 Famiɛn Mun 11:33

Sa ti bɔ n ´yo sɔ'n, yɛlɛ kɛ be kacili be sin sili min, be ko sɔli Astarte b'ɔ ti Sidɔnfuɛ'm be amuɛn'n, ɔ nin Kɛmɔs b'ɔ ti Moabfuɛ'm be amuɛn'n, ɔ nin Milkɔm b'ɔ ti Amɔnfuɛ'm be amuɛn'n. B'a fa-man min atin'n su b'a yo-man nga n klo i'n. B'a fa-man min mmla fanunfanun'm bé su kɛ Salomɔn i si David liɛ'n sa,

1 Famiɛn Mun 8:48

Kɛ be o be kpɔfuɛ nga be trali be lomuɛn'n be mɛn'n nun lɔ'n, sɛ be tu be klun be kpata wɔ sakpa'n, sɛ be kpɛ bé nyin mɛn nga a fa mannin be nannan mun'n, nin klɔ nga a kpali'n, ɔ nin sua nga n kplan m mannin wɔ'n bé wun wa nan be srɛ wɔ'n,

2 Famiɛn Mun 17:39

sanngɛ amun nyin `yi min bɔ n ti Anannganman amun Nyanmiɛn'n. Afin min yɛ n ´de amun amun kpɔfuɛ'm be kwlaa bé sa nun-ɔn.»

2 Famiɛn Mun 23:15

Sraka yiwlɛ ng'ɔ o Betɛl'n, ɔ nin Nɛbat i wa Zeroboam bɔ man Izraɛlfuɛ'm be fɔnnin'n i sraka yiwlɛ lika'n b'ɔ yoli i kpɔlɛ'n su'n, Zozias bubuli be. Ɔ wɔli amuɛn sɔwlɛ'n nun ɔ kacili nzuɛn, yɛ ɔ wɔli waka nga be takali bɔ be sɔ i'n nun ekun.

1 Be Nyoliɛ 22:19

Ɔ man amun `nian nun su Anannganman amun Nyanmiɛn'n kpa sakpa. Amun `siesie amún wun nan amun `kplan Anannganman Nyanmiɛn'n i sua'n. Kɛ amun ko kplɛn i manmanlɛ sua sɔ'n, amun `fa i alaka'n nin i sulɛ ninnge mun fa sie nun.»

1 Be Nyoliɛ 28:9

Min wa Salomɔn, ɔ liɛ'n, kplin ɔ́ nyin nan si Nyanmiɛn nga n su i'n kpa. Gua ɔ wla ase nan su i kpa, nán fa like uflɛ ukɛ i su, afin Anannganman nian kɛ e anwlɛn'n fa ti'n. Ɔ si e klun akunndan'n kwlaa. Sɛ a fa ɔ wun mɛntɛn i'n, ɔ ´yi i wun nglo ´kle wɔ, sanngɛ sɛ a kaci ɔ sin a si i'n, ɔ ´yi wɔ blo mlɔnmlɔnmlɔn.

2 Be Nyoliɛ 19:3

sanngɛ a buli sa kpa wie'm be akunndan yɛ a yoli be. Ɔ mɛn'n nun waka nga be sɔ be'n, a wɔli be nun, yɛ a tuli ɔ klun fali ɔ́ wun mantannin ɔ Nyanmiɛn'n kpa.»

2 Be Nyoliɛ 20:33

Sanngɛ ɔ'a bubu-man sraka yiwlɛ lika nga be o kpɔlɛ'm be su'n mun, i sɔ'n ti sran'm b'a fa-man bé wla'n kwlaa b'a gua-man be nannan'm be Nyanmiɛn'n su.

2 Be Nyoliɛ 30:19

Ɔ seli kɛ: «Anannganman, e nannan'm be Nyanmiɛn, wɔ bɔ a ti kpa'n, be nga be miannin bé nyin kɛ be ´fa bé wun mantan wɔ'n, kannzɛ be ti-man saun'n, yaci bé wun sa'n cɛ be.»

Nyanndra Mun 16:1

Sɛ sran kun fua kɛ ɔ ´yo like wie'n, san Anannganman yɛ ɔ mɛn i wun atin, yɛ man ɔ kwla yo-ɔ.

Ezai 55:7

Man sran ng'ɔ bu-man Nyanmiɛn nin i ndɛ'n be like fi'n, ɔ `yaci i atin tɛ'n i su falɛ. Man sran nga i nzuɛn'n ti tɛ'n, ɔ yaci akunndan tɛtɛ'm be bulɛ'n. Man ɔ bla Anannganman'n i sin, ɔ ´si i aunnvuɛ. Man ɔ bla e Nyanmiɛn b'ɔ yaci sran'm bé wun sa'n cɛ be wein'n i sin.

Zeremi 24:7

M ´man be ngwlɛlɛ man be si kɛ min yɛ n ti Anannganman nin-ɔn. Sɛ b'a nian-man bɛ nin fama nan be ba min wun mlɔnmlɔn'n, be wa yo min sran yɛ n kusu n ´yo be Nyanmiɛn.

Zeremi 36:3

I liɛ'n, sa nga n waan n ´fa yo Zidafuɛ mun, sɛ wienun-ɔn be ´yaci be nzuɛn tɛ'n, ɔ man n ´yaci be fɔnlɛ'n ɔ nin be sa tɛ'n n ´cɛ be o.»

Zeremi 4:1

Anannganman'n wan yoo: «Izraɛl, sɛ a sa ɔ sin ba min sin'n, sɛ a yi ɔ tete ninnge mun min nyrun lɛ'n, a su wanndi-man kun.

Ezekiɛl 14:6

I sɔ'n ti kan kle Izraɛlfuɛ'm be kɛ: ‹Anannganman Nyanmiɛn'n wan yoo: An `sa amún sin, an `kaci amún sin si amun amuɛn mun. Nán an kpɛ amún nyin amun tete ninnge'm be su kun.

Ezekiɛl 18:31

Amun `gua sa tɛtɛ bɔ be kacili amun nzuɛn'n be blo mmua mmua lɔ. Man amun anwlɛn'n kaci uflɛ, man amun akunndan'n ɔ yo uflɛ. ?Izraɛlfuɛ mun, nguɛ ti yɛ amun klo kɛ amun ´wu-ɔ ?

Ndɛ Nga Nyanmiɛn I Nuan Ijɔfuɛ Oze Kannin'n 14:1

Samarifuɛ'm be jasoli be Nyanmiɛn'n i wun, be wa fɛ i su afɛ'n. Alɛ'n wa di be, be ´wie be mma'm be nunkun, be ´kpaci be yi'm bɔ be ti wunnzɛfuɛ'm be klun nun.

Matthieu 15:8

‹Sran nga'm be kɛn i bé nuan bui su kɛ be bu n sran, sanngɛ be anwlɛn nun-man min su.

Matthieu 4:10

Yɛ Jésus seli i kɛ: «Satan, jaso lɛ! Afin be klɛli i kɛ: ‹Koto ɔ Min Nyanmiɛn'n i bo, yɛ su i kunngba cɛ .› »

Matthieu 6:24

«Sran kun i min kwla yo-man nnyɔn, san ɔ ´kpɔ kun yɛ ɔ ´klo kun, ɔ ´fɛ i wun mantan kun yɛ ɔ ´yo kun finfin. An kwla yo-man Nyanmiɛn i sran nan amun kunngba'n amu'an yo sika'n i klofuɛ.

JÉSUS-CHRIST I DYASIN FE'N BO LUC KLELI'N 4:8

Jésus seli i kɛ: «Be klɛli i kɛ: ‹Koto ɔ Min Nyanmiɛn'n i bo, yɛ su i kunngba cɛ .› »

Jean 4:24

Nyanmiɛn ti aolia nun sran, ɔ man be nga be waan be ´koto i bo be ´mɛnmɛn i'n, man be yo i sɔ be akunndan'n nun nanwlɛ nun.»

Mmla'n 10:20

Amun `nyin yi Anannganman amun Nyanmiɛn'n, amun `su i, amun `fa amún wun `mɛntɛn i. Amun `fɛ i dunman yɛ amun fa ta nda-a.

Mmla'n 13:4

nán amun tie sran nga i waan ɔ ti Nyanmiɛn nuan ijɔfuɛ sɔ'n, annzɛ i ti'n wuun ase'n i ndɛ mun. Amun si kɛ Anannganman amun Nyanmiɛn'n yɛ ɔ su sa amun nian-an, sɛ amun klo i kpa kɛ ɔ fata'n sa o, sɛ amun fa amun wla'n kwlaa guɛ i su o, yɛ sɛ amun akunndan kwlaa o i su o.

Mmla'n 4:29

Kpɛkuun amun wa kunndɛ kɛ amun ´mantan Anannganman amun Nyanmiɛn'n. Sɛ amun tu amun klun amun fa amun wun mɛntɛn i kpa'n, yɛ sɛ amun fa amun wla'n kwlaa guɛ i su'n, ɔ ´fɛ i wun ´kle amun.

Mmla'n 6:13

Amun `nyin yi Anannganman amun Nyanmiɛn'n, amun `su i. Sɛ amun ´ta nda'n, amun `fɛ i dunman'n yɛ amun fa ta-a.

Zozie 13:31

Galaad mɛn'n i bue, ɔ nin Astarɔt klɔ'n nin Edrei klɔ'n, be fa lika sɔ'n kwlaa mannin Manase akpasua nga bé nannan yɛlɛ Makir'n. Astarɔt nin Edrei be ti Bazan mɛn'n i famiɛn'n bɔ be flɛ i Ɔg'n i famiɛn klɔ mun.

Zozie 24:14

Zozie kan guali su kɛ: «I sɔ'n ti, amun `nyin yi Nyanmiɛn, amun `tu amún klun be su i. Nán amun kpɔci i mlɔnmlɔn. Amun `gua amuɛn nga amun nannan'm be sɔ be kɛ be o Efrat i bue kun lɔ'n annzɛ Ezipt lɔ'n be ase nan amun `su Anannganman.

Zozie 24:23

Yɛ Zozie seli be kɛ: «Amun `gua amuɛn nga be o amún sa nun'n be blo nan amun `fa amún wun mantan Anannganman b'ɔ ti Izraɛl Nyanmiɛn'n.»

Jɔlɛ Difuɛ Mun 10:16

Be guali nvle uflɛ'm be amuɛn ng'ɔ o be sa nun'n be blo, kpɛkuun be suli Anannganman. Kɛ Anannganman wunnin i sɔ'n, ɔ yaci be nyrɛnnɛn nun-ɔn, ɔ yo-man ye.

Jɔlɛ Difuɛ Mun 10:6

Izraɛlfuɛ'm be wa yoli like nga Anannganman klo-mɛn i ekun. Be sɔli amuɛn nga be flɛ be Baal nin Astarte mun. Be sɔli Sirifuɛ mun, nin Sidɔnfuɛ mun, nin Moabfuɛ mun, nin Amɔnfuɛ mun, ɔ nin Filistifuɛ'm be amuɛn mun ekun. Be kacili bé sin sili Anannganman, b'a su-mɛn i kun.

Jɔlɛ Difuɛ Mun 2:11

Izraɛlfuɛ'm be yoli sa nga Anannganman klo-mɛn i mlɔnmlɔn'n: be sɔli amuɛn nga be flɛ be kɛ Baal mun .

Jɔlɛ Difuɛ Mun 2:13

Be yacili Anannganman lɛ be sɔli amuɛn nga be flɛ be kɛ Baal nin Astarte mun.

1 Samiɛl 31:10

I sin, be sieli ninnge sɔ mun amuɛn nga be flɛ i Astarte'n i sua'n nun. Kpɛkuun be fali Sail i fuɛn'n be boboli i talɛ ng'ɔ sisi Bɛt-Sean klɔ'n wun'n su.