1 Samiɛl 4:3 - NYANMIƐN NDƐ'N 1998

³ Be nga be kali lɛ'n be sali be sin nanmue nun lɔ. Izraɛl kpɛnngbɛn'm be waan: «?Ɔ yo sɛ ti yɛ Anannganman man Filistifuɛ'm be kwlali ye sɔ-ɔ? E `ko fa Anannganman i alaka'n e bla. Sɛ ɔ o wa'n, ɔ ´de e e kpɔfuɛ'm bé sa nun.»

1 Samiɛl 4:3 ပူးပေါင်းရင်းမြစ်များ

2 Samiɛl 15:25

Famiɛn'n seli Zadɔk kɛ: «Fa Nyanmiɛn i alaka'n sa ɔ sin klɔ lɔ. Sɛ Anannganman si min aunnvuɛ'n, ɔ ´fa min sa n sin, ɔ man n ´wun i alaka'n nin i sua'n ekun.

1 Be Nyoliɛ 17:1

David trannin i famiɛn sua'n nun. Cɛn kun ɔ seli Natan b'ɔ ti Nyanmiɛn nuan ijɔfuɛ'n kɛ: «Nian, n tran sɛdri sua nun, kpɛkuun Anannganman i alaka'n kusu o tannin sua nun.»

Jue Mun 74:1

Jue nga ti Azaf liɛ. I waan: ?Nyanmiɛn, ɔ yo sɛ ti yɛ a yi e blo mlɔnmlɔn sɔ-ɔ? ?E ti-man kɛ ɔ bua mun sa? ?Ɔ yo sɛ ti yɛ a fa ya kekle e wun sɔ-ɔ?

Jue Mun 74:11

?Ɔ yo sɛ ti yɛ a o lɛ diin sɔ-ɔ? Yi ɔ́ sa'n fite fa bla ɔ kpɔfuɛ'n i like man ɔ wu ke!

Ezai 50:1

Anannganman waan: «?Fluwa bɔ n klɛli b'ɔ kle kɛ m'an yra amún nin'n, ɔ o ninfan? ?Annzɛ kusu, sran nga i kalɛ wo min su bɔ n yoli amun atɛ i sa nun'n, yɛlɛ wan? Sɛ be yoli amun atɛ'n, ɔ fin amun fɔnlɛ bɔ amun fɔnnin'n, sɛ be kannin amún nin bo'n, ɔ fin amun sa tɛtɛ bɔ amun yo'n.

Ezai 58:3

Sanngɛ be usa min kɛ: «?Sɛ a nian-man ye'n, wuun srɛ nun kpɛlɛ kpa'n ɔ yo nguɛ ye? ?Nguɛ ti yɛ e ´ci aliɛ-ɔ, sɛ ɔ ndɛ nun-man nun'n?» Yɛ n tɛ be su kɛ: «Kɛ amun ´ci nglɛmun'n, amun klun klo ninnge mun yɛ amun yo be-ɔ. Yɛ amun yo amun junman difuɛ'm be tɛtɛ .

Ezai 59:1

Nanwlɛ, Anannganman i sa'n ɔ ti-man tika b'ɔ kwla fa de-man amun-ɔn, yɛ i su'n ti-man tre b'ɔ kwla ti-man ndɛ nga amun kan kle i nin-ɔn.

Ezai 59:2

Sanngɛ amún sa tɛtɛ'm bɔ amun yo be'n be ti kɛ talɛ yɛ ɔ ja amun nin amun Nyanmiɛn'n amun afiɛn sa. Amún sa tɛ'n ti yɛ ɔ nian-man amun nyrun nin-ɔn, i ti yɛ ɔ sie-mɛn i su ti-man ndɛ nga amun kan nin-ɔn.

Zeremi 3:16

Anannganman'n wan yoo: «Kɛ amun wa trɛ bɔ amun ´sɔn kpanngban mɛn'n nun'n, be su kan-man Anannganman i alaka'n i ndɛ kun. Be su bu-mɛn i akunndan kun, bé wla su kpɛn-mɛn i su kun. Be su koko-mɛn i kun, be su bobo-man uflɛ .

Zeremi 7:4

Nán amun lafi ndɛ finfin nga be kɛn i yɛ'n su be se kɛ: Wa yɛ Anannganman i sua'n wo-ɔ, Anannganman i sua'n, Anannganman i sua'n.

Kalɛ 10:33

Be tuli be bo Anannganman i oka'n wun lɛ be nantili cɛn ba nsan. Be fa Nyanmiɛn i alaka'n dun mmua be nyrun nan ɔ ´kunndɛ lika kpa kun nga be ko tran nun'n.

Kalɛ 10:35

Kɛ be ´fa alaka'n be ´kɔ'n, Moiz seli kɛ: «Anannganman, jaso kɛ ɔ ´yo nan ɔ kpɔfuɛ'm b'a bo b'a sanndi'n ti. Man be kwlaa nga be kpɔ wɔ'n be wanndi ɔ nyrun .»

Kalɛ 31:6

Moiz sunmannin be kɛ be wɔ alɛ'n i kunlɛ. Nyanmiɛn nyrun jranfuɛ Fine b'ɔ ti Eleazar i wa'n ɔ ɔli be sunmanlɛ. Kɛ be ´kɔ'n, Fine yɛ ɔ sua Nyanmiɛn i ninnge mun nin awɛ nga kɛ be kɔ alɛ kunlɛ'n be bo nin-ɔn.

Mmla'n 29:24

Kpɛkuun be ´tɛ bé su kɛ: «Aenguɛ nga be nannan'm be Nyanmiɛn'n nin be trali blɛ nga b'ɔ yi be Ezipt lɔ ´fite'n, b'a di-man su.

Mmla'n 31:26

«Amun `fa mmla fluwa nga sie Anannganman amun Nyanmiɛn'n i alaka'n i wun lɛ. Man ɔ yo min nin Izraɛlfuɛ mun e afiɛn lalofuɛ.

2 Timote 3:5

be ´yo bé wun kɛ be sro Nyanmiɛn sa, sanngɛ be su lafi-mɛn i su kɛ ɔ kwla sa yo. Nán fa ɔ́ wun mantan sran sɔ mun.

Hébreu 9:4

Nyanmiɛn sɔwlɛ b'ɔ ti sika ɔkwlɛ'n, bɔ be yra ayre fannin su'n, ɔ nin Nyanmiɛn i alaka, bɔ be klo sika ɔkwlɛ guɛli i wun'n be o lɔ. Sika ɔkwlɛ sɛma'n bɔ mani'n wo nun'n, nin Aarɔn kpɔnman b'ɔ fɛfɛli'n, ɔ nin yɛbuɛ paplaapla bɔ be klɛ aenguɛ nga Nyanmiɛn waan ɔ nin sran'm be ´tra bé su'n, be wo alaka sɔ'n nun .

Zozie 4:7

Amun `se be kɛ: ‹Kɛ be ´fa Anannganman i alaka'n kpɛ Zurdɛn nzue'n, nzue nun'n kpɛli. Nzue'n nun kpɛli sakpa Nyanmiɛn i alaka'n i nyrun. I sɔ'n ti, yɛbuɛ sɔ'm be ti Izraɛlfuɛ'm be wla kpɛnlɛ like tititi.› »

Zozie 6:6

Nɛn i wa Zozie flɛli Nyanmiɛn nyrun jranfuɛ mun nan ɔ'a se be kɛ: «Amun `sua Anannganman i alaka'n amun wati su. Man amun nun sran nso be fa awɛ nso be dun mmua alaka'n i nyrun!»

Zozie 7:7

Yɛ Zozie waan: «Ee! Anannganman, min Min! ?A kunndɛ kɛ a ´fa e wlɛ Amɔrfuɛ'm bé sa nun nan be kun ye? Aa! Sɛ e si sɔ'n, wuun e kali nzue'n sin lɔ!

Zozie 7:8

?Ee e Min, kɛ Izraɛlfuɛ'm b'a wanndi be kpɔfuɛ'm be nyrun'n n ´se sɛ?

1 Piɛr 3:21

Nzue sɔ'n ti batɛm b'ɔ man amu'an nyan amún ti ndɛ'n i nzɔliɛ. Nán kɛ ɔ wunnzin amun wunnɛn'n su fiɛn-ɔn, sanngɛ ɔ man e srɛ Nyanmiɛn kɛ nán man e klun titi ye kun. Jésus-Krist i cɛnlɛ'n ti yɛ e nyannin é ti-ɔ.

Jude 1:5

Ndɛ nga m ma kɛn i lɛ'n, an si i kpa, sanngɛ m ´bo su ekun. E Min Nyanmiɛn deli Izraɛlfuɛ mun Ezipt lɔ, sanngɛ i sin'n, be nga b'a lafi-mɛn i su kun'n, ɔ nunnunnin be.

1 Samiɛl 1:24

Kɛ ɔ kpɛli i nyɔnflɛn wieli'n, ɔ nin i ɔli Silo lɔ Anannganman sua'n nun lɔ. Kɛ ɔ ´yo sɔ'n, wuun ba'n ti kaan kpa. Be ´kɔ'n, be fali nannin tola kun bɔ ɔ'a di afuɛ nsan, ɔ nin sanmlɛn bajɛ kun, ɔ nin nzan kplo kun.

1 Samiɛl 14:18

Yɛ Sail seli Asiza kɛ: «Fa Nyanmiɛn i alaka'n bla.» Le kun sɔ nun'n, wuun Nyanmiɛn i alaka'n wo Izraɛlfuɛ'm bé sa nun.

1 Samiɛl 4:2

Filistifuɛ'm be jranjrannin sɛsɛsɛ, yɛ alɛ'n boli i bo-ɔ. Filistifuɛ'm be kwlali Izraɛlfuɛ mun. Be kunnin be nun sran akpi nnan alɛ sɔ'n nun.