1 Samiɛl 22:3 - NYANMIƐN NDƐ'N 1998

³ David fɛ i lɛ ɔli Mizpe b'ɔ o Moab mɛn nun lɔ'n. Ɔ kɔ seli lɔ famiɛn'n kɛ: «N waan n ´srɛ wɔ nan mín si nin mín nin be wa tran ɔ́ wun wa, nan sɛ n ko wun like nga Nyanmiɛn waan ɔ ´yo man min'n, n ko ba be falɛ.»

1 Samiɛl 22:3 ပူးပေါင်းရင်းမြစ်များ

1 Timote 5:4

Sanngɛ ng'ɔ lɛ ba annzɛ anunman'n, man ba sɔ'm be si kɛ be Nyanmiɛn sulɛ'n nun'n, sa nga be ´dun mmua yo'n yɛlɛ be awlo'n i lika nianlɛ, ɔ nin like nga bé si nin be nin, ɔ nin be nannan'm be yo mannin be'n i wunsu yolɛ. I sɔ'n yo Nyanmiɛn fɛ.

1 Samiɛl 14:47

Kɛ Sail yoli Izraɛlfuɛ'm be su famiɛn'n ɔ nin i kpɔfuɛ nga be sin yiɛ'n be kunnin alɛ: ɔ nin Moabfuɛ mun, nin Amɔnfuɛ mun, nin Edɔmfuɛ mun, nin Sɔba'm be famiɛn'n, ɔ nin Filistifuɛ mun be kunnin. Be kwlaa ng'ɔ nin be kunnin'n, ɔ kwlali be.

1 Samiɛl 3:18

Yɛ Samiɛl kannin i kwlaa'n kleli i-ɔ. Ɔ'a fia-man ba kun su. Eli waan: «I yɛ ɔ ti Anannganman nin-ɔn, sa nga b'ɔ nian-an, ɔ ti sa kpa'n, man ɔ yo.»

Rit I Wun Ndɛ 4:17

Bla nga be nin be tran lɛ'n be waan: «Ee! Naomi ɔ'a nyɛn i wa kun.» Yɛ be tɔnnin i dunman kɛ Obɛd. Obɛd sɔ'n yɛ ɔ ti David i nannan nin-ɔn. I wa yɛlɛ David i si liɛ Izai.

Rit I Wun Ndɛ 4:10

Yɛ kusu m'an ja Maklɔn i yi Rit b'ɔ ti Moab bla'n kɛ ɔ ´yo nan Maklɔn ɔ'a nyan aja difuɛ nan i dunman'n ɔ'a nunnun-man i niaan ɔ nin i klɔfuɛ'm be afiɛn'n ti. I kusu n yoli sa sɔ'n amun nyrun .»

Jɔlɛ Difuɛ Mun 11:29

Yɛ Anannganman i Wawɛ'n jrali Zɛfte su-ɔ. Ɔ sinnin Galaad nvle'n nin Manase nvle'n nun. Ɔ sinnin Mizpe, kpɛkuun ɔ fɛli i lɛ nan ɔ nin Amɔnfuɛ'm b'a ɔ kunlɛ.

Ezipt Lɔ Tulɛ'n 20:12

Bu ɔ́ si nin ɔ nin be sran, kɛ ɔ ´yo nan ɔ nguan nyanman'n ɔ'a yo tɛnndɛn mɛn nga min Anannganman Nyanmiɛn n fa man wɔ'n i nun'n ti .

Bo Bolɛ 47:11

Zozɛf sieli i si nin i niaan mun Ezipt i lika kpa'n nun. Ɔ sieli be Ramsɛs nvle'n nun kɛ Ezipt famiɛn'n fa kannin'n sa.

1 Samiɛl 22:2

Sran nga afɛ o bé su'n, nin be nga kalɛ o bé su'n, ɔ nin be nga klunngbɔ o be klun'n be kusu be ko yiɛli i wun lɔ. Ɔ man i sa nun sran'm be juli ya nnan. I yɛ ɔ yoli be siefuɛ-ɔ.

1 Samiɛl 22:4

Yɛ ɔ fali be ɔli Moab famiɛn'n i awlo lɔ-ɔ. Blɛ'n kwlaa nga David o i fiawlɛ'n nun lɔ'n, i si nin i nin be nin Moab famiɛn'n yɛ be o i lika lɔ-ɔ.

2 Samiɛl 8:2

David kwlali Moabfuɛ mun. Ɔ man be lali asiɛ wun. Ɔ man be lali be ngbinngbin nun. Yɛ ɔ fali nyanman kun sie i kpalɛ kun, yɛ kpalɛ nnyɔn. Be kwlaa nga be la lɛ'n, ɔ kunnin be. I sin ɔ sie i kpɛ nsan su, be kwlaa nga be la lɛ ɔ yacili be lɛ. Moabfuɛ'm be suli David, be tua lapo be mɛn i.