1 Piɛr 5:3 - NYANMIƐN NDƐ'N 1998

³ Nán an tin be nga be fa be mannin amun kɛ an nian bé su'n bé su, sanngɛ an `yo sa ng'ɔ ti kpa'n man be nian su.

Nyanmien nde Ufle

³ Nanh an tin bé nga bé fa bé maan amun ke an nian bé su'n bé su, sannge anh yô sa ng'o ti kpa'n, man bé nian su.

1 Piɛr 5:3 ပူးပေါင်းရင်းမြစ်များ

Jue Mun 33:12

Be nga Anannganman ti be Nyanmiɛn'n, be liɛ su ti ye! Sran nga Anannganman ko fa be kɛ ɔ ´fa be yo i liɛ'n, be liɛ su ti ye!

Jue Mun 74:2

Nán ɔ wla fi ɔ nvle'n. Ɔ ti wɔ liɛ ɔ fin-man ndɛ. A kpɔli i ti, ɔ ti wɔ aja like. Nán ɔ wla fi Siɔn oka b'ɔ ti ɔ tranwlɛ'n.

Ezekiɛl 34:4

Amu'an wla-man nga be lɛ-man wunmiɛn'm be nun wunmiɛn. Amu'an yo-man ng'ɔ ti fukɛfukɛ'n i ayre. Nga kannin tuli i'n, amu'an cici-man su, yɛ nga bɔ ɔ'a fa mlinlɛ i atin'n, amu'an fɛ-mɛn i b'a sɛ-mɛn i sin. Amu'an kunndɛ-man be nga be mlinnin mun. Amun yoli be kpokokpoko, amun yoli be tɛtɛ.

Mise 7:14

Anannganman, ɔ kpɔnman nga a fa kankan nnɛn'n, fa nan fa kankan ɔ mɛn'n nunfuɛ mun, be ti ɔ liɛ. B'a cuɛn bé wun be gua bo ble wie afiɛn. Fa be kɔ Bazan nin Galaad mɛn'n nun lɔ nan be ko di like kɛ a fa yo i laa'n sa.

Kalɛ 18:7

Sanngɛ wɔ Aarɔn, ɔ liɛ'n, a nin ɔ mma mun amun `di min nyrun jranlɛ junman'n min sɔwlɛ'n su nin min lika kpa i nun rido'n i sin lɔ. M bɔbɔ min yɛ n fɛli i sɔ junman'n m mannin amun-ɔn. Sɛ sran uflɛ wunnge mín wun wa'n, man be kun i .»

Jean 13:15

N yoli i sɔ kleli amun nan amun kusu an `nian nga n yoli amun'n su yo.

Sa nga bé yôli'n 20:28

I sɔ'n ti, an `nian amun bɔbɔ amún wun kpa, yɛ an `nian bua fa nga Nyanmiɛn Wawɛ'n fa amun sieli be su'n be su kpa, yɛ an `nian Nyanmiɛn i Asɔnun'n b'ɔ fɛ i bɔbɔ wa'n toli'n i lika.

1 Korɛntfuɛ Mun 11:11

Kannzɛ ɔ ti sɔ bɔbɔ'n, e bɔ e nin Krist y'a kaci sran wunmuan'n, yasua di-mɛn i tiaun, yɛ bla kusu di-mɛn i tiaun.

1 Korɛntfuɛ Mun 3:5

?Wan yɛlɛ Apolɔs? ?Wan yɛlɛ m Pɔl kusu? E ti junman difuɛ bɔ e ndɛ bɔ e kannin'n ti yɛ an lafili Jésus su-ɔ.

1 Korɛntfuɛ Mun 3:9

Afin e nin Nyanmiɛn yɛ e di junman nin-ɔn. An ti kɛ Nyanmiɛn i fie sa, yɛ an ti kɛ i sua b'ɔ su kplan sa .

2 Korɛntfuɛ Mun 1:24

Nán kɛ e waan e mian amun Nyanmiɛn atin'n su ti-ɔ, afin kɛ an lafi Krist su'n, an jran kekle, sanngɛ e klo kɛ e ´uka amun e ´di junman nan amun klun `jɔ.

2 Korɛntfuɛ Mun 4:5

E kan-man e bɔbɔ é wun ndɛ, Krist-Jésus b'ɔ ti e Min'n i ndɛ yɛ e kan-an, i ti e ti amun akua.

Mmla'n 32:9

Anannganman i like liɛ ng'ɔ nyɛnnin i'n yɛlɛ Izraɛlfuɛ mun. Ɔ fali Zakɔb i osu nunfuɛ mun yoli i bɔbɔ liɛ.

Filipfuɛ Mun 3:17

Aniaan mun, an `nian n liɛ'n su. Y'a yo a kle amun, ɔ man an `nian be nga be yo like nga e kleli amun'n be liɛ'n su yo.

Filipfuɛ Mun 4:9

Like nga n kleli amun bɔ an tili an fa su'n, nin like nga an wun kɛ n yo'n, an `nian su yo, yɛ Nyanmiɛn b'ɔ man é wun jɔ ye'n, ɔ nin amun ´tran.

1 Tɛsalonikfuɛ Mun 1:7

Kɛ an yoli sɔ'n, ɔ man be kwlaa nga be lafi Krist su Maseduani nin Akai lɔ'n be nian amun liɛ'n su be yoli.

2 Tɛsalonikfuɛ Mun 3:9

Nán kɛ sɛ an uka ye-ɔ ɔ ti-mɛn i su ti-ɔ, sanngɛ e klo kɛ e yo i sɔ nan an nian e liɛ'n su yo.

1 Timote 4:12

Kɛ bɔ a ti gbanflɛn kan'n ti'n, nán yo man sran fi yo wɔ finfin, sanngɛ yo sa ng'ɔ ti kpa'n, man be nga be lafi Krist su'n be nian su yo, ɔ ijɔlɛ nun o, ɔ nzuɛn'n nun o, ɔ sran klolɛ nun o, ɔ Nyanmiɛn sulafilɛ nun o, ɔ nin sa tɛ bɔ a yo-man nin o.

Tite 2:7

Sa'n kwlaa nun ɔ bɔbɔ yo sa ng'ɔ ti kpa'n, man be nian ɔ liɛ'n su yo. Like nga a kle'n, kle i kpa, nán fa yo aɔwi.

1 Piɛr 2:9

Sanngɛ amun liɛ'n, an ti sran bɔ Nyanmiɛn fali amun, an ti Famiɛn Nyanmiɛn'n i nyrun jranfuɛ mun, an ti Nyanmiɛn i nvle'n nun sran mun, yɛ an ti i liɛ mlɔnmlɔn. Ɔ fali amun kɛ an yi i b'ɔ flɛli amun kɛ an jao aosin nun, an bla lika ng'ɔ kpaja kpa nun'n i ayɛ .