1 Piɛr 4:3 - NYANMIƐN NDƐ'N 1998

³ Afin an yoli amun klun sa'n cɛli kɛ be nga be ti-man Kristfuɛ'n be yo'n sa. An boli wlaka, amún nyin bloli ninnge'm bé su, an nɔnnin nzan boli, an yoli sa finfin mun, an yia nɔnnin nzan lelele, yɛ an sɔli amuɛn.

Nyanmien nde Ufle

³ Afin an yôô amun klun sa tyeli ke bé nga bé ti'a Christfue'n bé yô'n sa. An bô wlaka, amun nyin blô ninngé'm bé su, an non nzan bô, an yô sa finfin mun, an yia non nzan lélélé, an so amuen.

1 Piɛr 4:3 ပူးပေါင်းရင်းမြစ်များ

2 Samiɛl 13:28

Absalɔm seli i gbanflɛn'm be kɛ: «Amun `nian Amnɔn su kpa, sɛ nzan'n ti i kpa'n, kɛ n ´se kɛ: ‹Amun `kun Amnɔn,› kpɛkuun amun `kun i. M bɔbɔ min dunman nun amun `jran kekle, amun `tra amun anwlɛn. Nán srɛ kun amun.»

1 Famiɛn Mun 21:26

Sa tɛ kpa b'ɔ ti tete like'n yɛ ɔ yoli-ɔ. Ɔ sɔli amuɛn mun. Sa nga Amɔrfuɛ'm be yoli bɔ i ti yɛ Anannganman fuannin be Izraɛlfuɛ'm be nyrun'n, i kunngba'n yɛ ɔ niannin su yoli-ɔ.

2 Be Nyoliɛ 15:8

Kɛ Aza tili ndɛ nga Obɛd wa Azaria b'ɔ ti Nyanmiɛn nuan ijɔfuɛ'n kannin'n, ɔ trɛli i anwlɛn fi. Ɔ nunnunnin tete ninnge nga be o Zida mɛn wunmuan'n nun'n nin Bɛnzamɛn mɛn wunmuan'n nun'n. Ɔ yoli sa kunngba sɔ'n klɔ ng'ɔ fali be Efraim oka-oka lika'm be nun lɔ'n be su wie. I sin'n, Anannganman i sɔwlɛ'n b'ɔ jin Anannganman bɔbɔ i sua'n nyrun lɛ'n, ɔ siesieli i ye.

Ezai 28:7

Nyanmiɛn nuan ijɔfuɛ'n nin Nyanmiɛn nyrun jranfuɛ'n, nzan kekle bɔ be nɔn ti'n, be nanti sa dadaada. Nzan'n ɔ'a bo be dan. Nzan kekleke'm b'a mlin be. Be ´kan sa nga be wunnin be aolia nun'n, wuun be nuan ´to fuan. Be ´di jɔlɛ'n, wuun be ´usu-usu.

Ezai 5:11

Be nga bɔ nglɛmun ndɛ kpa'n be ko kunndɛ nzan kekleke be nɔn'n, be yako! Be nga kɔnguɛ be la-man'n, bɔ nzan yɛ be nɔn i kɛ be ´fa kan bé wun nglɛ'n, be yako!

Ezai 65:4

Be tran asieliɛ kunman'm be nun, yɛ be la yɛbuɛ buɛ'm be nun. Be di kɔkɔti nnɛn'n, yɛ aliɛ bɔ be ti fiɛn'n yɛ be o be talie'm be nun-ɔn.

Zeremi 16:11

tɛ be su kɛ: ‹Anannganman'n waan: Amún si'm be yili min ase, be ko suli ninnge'm be su, be suli be, be kotoli be bo. Be yili min ase, b'a fa-man min mmla'n su.

Zeremi 16:18

N ´dun mmua m ´man bé sa tɛ'n i akatua sɔ fa nnyɔn min mɛn bɔ be yoli i fiɛn'n ti, ɔ nin be tete like bɔ be lɛ-man nguan bɔ be fa bali min lika'n nun'n ti.»

Ezekiɛl 44:6

Se Izraɛlfuɛ nyin keklefuɛ sɔ'm be kɛ: ‹Ndɛ nga Anannganman Nyanmiɛn kan'n yɛ: Izraɛlfuɛ mun, amun tete sa'm b'a flan min siɛn'n.

Ezekiɛl 45:9

Anannganman Nyanmiɛn wan yoo: «Izraɛl wlengbi mun, amu'an yo wie ngboko! Amun `yaci sa ukpo-ukpo yolɛ'n nin sran'm bé bo ninnge'm be fɛnlɛ'n, amun `yo sa b'ɔ ti seiin nin ng'ɔ ti i nuan su'n. Amun `yaci min sran'm bé bo ninnge'm be delɛ.» Anannganman Nyanmiɛn'n yɛ ɔ kan sɔ-ɔ.

Marc 7:22

bla bé yi bo kunndɛlɛ annzɛ bian bé wun bo kunndɛlɛ, bé nyin b'ɔ yi-man like'n, klunwi, gblɛ, sa sukusuku yolɛ, anyinbloɛ, sran wun ndɛ kanlɛ, wun tulɛ nin sinnzin yolɛ.

Sa nga bé yôli'n 17:30

I nun bɔ sran'm be wun-man sa wlɛ'n, sa nga be yoli'n, Nyanmiɛn a fa sie-mɛn i klun, sanngɛ siɛn'n, ɔ kan kleli be kwlaa kɛ be kaci be nzuɛn'n.

Rɔmfuɛ Mun 13:13

Man e yo sa bɔ be ti nanwlɛ'n kɛ e o wia klengle kpa'n nun sa. Man e yaci aliɛ sa'n, nin nzanboɛ'n, nin bé wun wannzo yolɛ'n, bɔ yɛlɛ bla nin bian kunndɛlɛ'n, nin wlaka bolɛ'n, man e yaci utre'n, nin sran nyin cilɛ'n.

1 Korɛntfuɛ Mun 12:2

An si kɛ i nun bɔ an tɛ sɔ amuɛn'n, an su amuɛn bɔ be ijɔ-man'n bé su.

1 Korɛntfuɛ Mun 6:11

Kɛ laa amun nun sran wie'm be ti sɔ-ɔ. Sanngɛ siɛn'n, e Nyanmiɛn a wunnzin amun, ɔ'a fa amun a kaci i liɛ mlɔnmlɔn, yɛ ɔ'a bu amun sran kpa e Min Jésus-Krist dunman nun nin i Wawɛ'n i fanngan nun.

2 Korɛntfuɛ Mun 12:21

Sa nga ti yɛ srɛ kun min yɛlɛ kɛ n ´ju amun wun lɔ bɔ n ´wun sran kpanngban bɔ be yoli sa tɛtɛ laa bɔ lele ndɛ be nian kaci-man be nzuɛn'n be tɛ yo ninnge tɛtɛ, be tɛ kunndɛ bla nin bian, yɛ be bo wlaka'n, be ti n ´sun. Yɛ min Nyanmiɛn'n man mín nyin ´gua ase ekun amun nyrun.

Galasifuɛ Mun 5:19

E si klɔ sran i nzuɛn'n kpa, yɛlɛ bla nin bian kunndɛlɛ, sa tɛtɛ yolɛ, wlaka bolɛ,

Galasifuɛ Mun 5:21

be lɛ konvi, be nɔn nzan bo, be yo sa finfin mun, yɛ be yo i sin sa wie mun ekun. Ndɛ kunngba nga n kan kleli amun laa'n, n ´kan kle amun ekun. Be nga be yo i sɔ sa'n, be su tran-man be nga Nyanmiɛn sie be'n be nun mlɔnmlɔn.

Efɛzfuɛ Mun 5:18

Nán an nɔn nzan bo, afin ɔ yo sran wannzo, sanngɛ man Nyanmiɛn Wawɛ'n sie amun mlɔnmlɔn.

1 Tɛsalonikfuɛ Mun 4:5

Nán man amún nyin tran sa tɛtɛ'm be yolɛ su kɛ be nga be si-man Nyanmiɛn'n be yo'n sa.

Tite 3:3

Afin laa e kusu e ti sinnglinfuɛ yɛ e ti nyin keklefuɛ. Be lakali ye man e yacili atin kpafuɛ'n, é nyin b'ɔ blo ninnge wafa-wafa'n kwlaa nin mɛn dilɛ'n su'n ti e kacili kɛ kanga sa, laa e ti klunwifuɛ, yɛ é nyin ci sran nin like, laa é wun yo tɛ yɛ e kpɔ e wun.

1 Piɛr 1:14

Man amún nyin yi Nyanmiɛn, like nga i nun bɔ an nian wun-man sa wlɛ'n amún nyin blo be su bɔ an yoli be'n, nán an yo be kun.

Jude 1:4

Afin sran wie mun bɔ be sro-man Nyanmiɛn'n be wa wluli e nun blɛlɛlɛ. Be fa ye nga Nyanmiɛn yoli be'n kata bé nyin yo sa tɛtɛ'n kwlaa, be bu-man Jésus-Krist bɔ i kunngba yɛ ɔ ti e Min'n nin e Like Klefuɛ'n i like fi. Sran sɔ'm be fɔ bulɛ ndɛ'n, be klɛ sieli lɛ laa.