1 Piɛr 3:3 - NYANMIƐN NDƐ'N 1998

³ Kɛ amun ´siesie amun wun'n, nán man ɔ yo be wunnɛn su like kɛ bé ti yolɛ, nin sika wlalɛ, ɔ nin tralɛ klanman wlalɛ sa.

Nyanmien nde Ufle

³ Ke amunh siésiéh amun wun'n, nanh mon o yô bé wunnen su liké, ke bé ti yôle, sika wlale, nin trale klaan wlale sa.

1 Piɛr 3:3 ပူးပေါင်းရင်းမြစ်များ

Bo Bolɛ 24:22

Kɛ nyɔnngɔnmɛn'm be nɔnnin nzue'n wieli'n, bian'n fali bé sama ti nga kun, ɔ ti sika ɔkwlɛ, ɔ ti gram nsiɛn, yɛ ɔ fali bé sa kɔmin nun nga nnyɔn, kun ti gram ya tra su, kun ti gram ya tra su ɔ fa be mɛnnin i.

Bo Bolɛ 24:47

N usɛli i kɛ: ‹?Wan wa yɛlɛ wɔ?› Ɔ tɛli min su kɛ: ‹Milka nin Nakɔr bé wa Bɛtiɛl i wa yɛlɛ min.› Yɛ n fali nga'n n wlɛli i bue'n nun yɛ n fali bé sa kɔmin nun nga n wlɛli i sa-a.

Bo Bolɛ 24:53

Nan ɔ'a yi sika nin sika ɔkwlɛ ninnge mun, ɔ nin tralɛ mun ɔ'a fa man Rebeka, nan ɔ'a mɛn i niaan bian nin i nin be ninnge kpakpa kpanngban.

2 Famiɛn Mun 9:30

Zei sɛli i sin bali Zizreɛl. Kɛ Zezabɛl tili i kɛ Zei ɔ'a ju lɛ'n, ɔ fali like jɛli i nyin sin ndrɛ'n su klanman kpa, ɔ dili talua kpa. Kpɛkuun ɔ wa jrannin fenɛtri'n nun.

Ɛstɛr 5:1

I le nsan su'n, Ɛstɛr wlɛli i famiɛn tralɛ'n nan ɔ'a wlu famiɛn'n i awlo'n i klun lɔ. Ɔ ko jrannin famiɛn'n i sua ba'm be ndɛnman su lɛ. Kɛ ɔ ´kɔ'n, wuun famiɛn'n ti i famiɛn bia'n su i nyin kaci anuan nun lɛ.

Jue Mun 45:9

Mir, nin aloɛs, ɔ nin kanɛl bɔ be bɔn fannin'n, be bɔn ɔ tralɛ'm bé nun. Famiɛn sua bɔ sui je o nun sɛsɛsɛ'n, sran'm be bo ngowa kanlɛ like mun i nun lɔ, ɔ klun jɔ.

Ezipt Lɔ Tulɛ'n 3:22

Ezipt bla'm be kwlaa nga be trantran amún wun koko lɛ'n, ɔ nin nga be nin amun tran awlo kun'n, man amun nun mmla mun be srɛ be ninnge nga be fa jɛtɛ ufue annzɛ sika ɔkwlɛ be yoli'n, yɛ be `srɛ be tralɛ mun. Amun `fa ninnge sɔ mun sua amun mma yasua mun nin mma bla mun. Kɛ amun wa de Eziptfuɛ'm bé bo ninnge mun kɛ nga sa.»

Ezipt Lɔ Tulɛ'n 32:2

Aarɔn seli be kɛ: «Amun `yiyi sika ɔkwlɛ asunmanndi bɔ be o amún yi mun, nin amun mma yasua, ɔ nin amun mma bla'm bé su'm be nun'n mun, nan amun `fa be blɛ min.»

Ezipt Lɔ Tulɛ'n 33:4

Kɛ sran'm be tili nyrɛnnɛn ndɛ sɔ'n, be yoli kɛ sɛnvuɛ mun sa. Awlaboɛ'n kunnin be kpo. Sran fi ɔ'a kwla wlɛ-mɛn i blɛ dilɛ ninnge mun kun.

Ezipt Lɔ Tulɛ'n 35:22

Be kwlaa nga be klun ti ufue'n be bali: i bla o, i yasua o. Be fali ninnge nga be o yɛ mun bali: asunmanndi mun, nga wie mun, be sama ti nga mun, be sa kɔmin nun nga mun, ɔ nin ninnge wafa-wafa kwlaa nga be fa sika ɔkwlɛ yoli'n mun. Be ninnge nga be sieli be kɛ be ´fa man Anannganman'n, be kwlaa be fa be bali.

Ezipt Lɔ Tulɛ'n 38:8

Be yoli aaba kpongbo dan'n, i bo'n ti aaba. Bla nga be di junman tannin sua nga Anannganman yi i wun nglo nun'n i anuan'n nun lɛ'n bé niannun'n yɛ be fa yoli-ɔ.

Ezai 52:1

Amun `tinnge! Amun `tinnge! Siɔnfuɛ mun, amun `jran kekle! Zerizalɛmfuɛ mun, amun bɔ amun tran Nyanmiɛn i klɔ'n su'n, amun `wla amun cɛn dilɛ tralɛ mun! Afin be bɔ be wla-man klɛn'n, bɔ be ti fiɛn'n, be su wlu-man wa kun .

Ezai 61:10

N klun'n ɔ jɔ dan Anannganman ti, mín wun'n ɔ blibli min kpa min Nyanmiɛn'n ti. Afin sɛ sran'm be delɛ'n ti tannin'n, wuun n ´se kɛ ɔ fa katali mín wun. Yɛ sɛ sa nga be yo i nuan su'n ti tralɛ'n, wuun n ´se kɛ ɔ fa wlali min wun. M'an yo kɛ atɔnvlɛ yasua b'ɔ wla kle klanman'n sa. M'an yo kɛ atɔnvlɛ bla b'ɔ wlawla i afle kpakpa mun'n sa.

Zeremi 2:32

?Talua kun wla kwla fi i talua ninnge'm be su? ?Talua bɔ b'a jɛ i uflɛ'n i wla kwla fi i njuaba'n su? Sanngɛ min nvlefuɛ'm be liɛ'n, be wla fili min, be si-mɛn i afuɛ.

Zeremi 4:30

?Zerizalɛm, a ´wla tralɛ klanman'n nin njuaba'n ´fa yo nguɛ? ?A ´yo ɔ nyinma sin gale'n ´yo nguɛ? A di talua-a a ´di i ngbɛn. Ɔ klofuɛ'm bé nyin ´ci wɔ siɛn'n. Kunlɛ yɛ be ´kunndɛ kɛ be ´kun wɔ-ɔ.

Ezekiɛl 23:40

I kunngba'n, be ko yiali yasua'm bɔ be fin mmua mmua'n. Be sunmannin sran ɔ ko flɛli be yɛ be bali-ɔ. Be dunman nun be wunnzinnin, be wlali bé nyin bo gale. Be wlali talua dilɛ ninnge mun.

Rɔmfuɛ Mun 12:2

Nán an yo kɛ sran mun bɔ be o lɛ ndɛ'n be sa, sanngɛ man Nyanmiɛn kaci amun akunndan'n nan an kaci mlɔnmlɔn. Kɛ ɔ ko yo sɔ'n, amun ´wun Nyanmiɛn i klun sa'n i wlɛ, yɛ amun ´si sa ng'ɔ ti kpa, b'ɔ jɔ i klun, b'ɔ man amun ´yo kpa'n.