1 Piɛr 2:2 - NYANMIƐN NDƐ'N 1998

² Kɛ ba nɔnman kunndɛ nyɔnflɛn'n, amun kusu an `kunndɛ Nyanmiɛn ndɛ b'ɔ ti kɛ nɔnnɔn bɔ b'a gua-man nun like'n sa. Sɛ amun nɔn'n, amun ´yo sran yɛ amun ´nyan amún ti.

Nyanmien nde Ufle

² Ke ba nonman kunnde nyonflen'n, amun kusu anh kunnde Nyanmien nde b'o ti ke nonnon bo ba gua'a nun liké'n sa. Se amun non'n, amunh yôh swran ye amunh nyanh amun ti.

1 Piɛr 2:2 ပူးပေါင်းရင်းမြစ်များ

2 Samiɛl 23:5

Kɛ Nyanmiɛn nin min awlo'n be nanti sɔ-ɔ. Ɔ tali min nda kun b'ɔ lɛ-man awieliɛ. Nda sɔ'n ti weiin, i bɔbɔ ɔ nian su. Ɔ de min, like kwlaa nga n kunndɛ'n, ɔ yo man min.

Zɔb I Nyrɛnnɛn Wunlɛ 17:9

Man be bɔ be ti sɛsɛ'n, be tran cinnjin atin bɔ be fali'n i su. Man be bɔ be ti saun'n, be tra be anwlɛn.

Nyanndra Mun 4:18

Kɛ wia'n tu i bo b'ɔ ´kɔ'n, wuun i kpajalɛ'n ´uka su lele wia fa jran, sran kpa'n kusu kɛ i nzuɛn'n ti weiin sɔ-ɔ .

Ndɛ Nga Nyanmiɛn I Nuan Ijɔfuɛ Oze Kannin'n 14:5

«N ´yo man Izraɛlfuɛ'm be ´yaci bé nyin nyɔnnyɔn siesielɛ. N wa klo be klolɛ kpa, n su fa-man bé wun ya tɛ kun.

Ndɛ Nga Nyanmiɛn I Nuan Ijɔfuɛ Oze Kannin'n 14:7

Izraɛlfuɛ'm be wa yo mlanmlan, be ´yo klanman kɛ olivie sa, sɛ n ´kwla se'n, be ´bɔn fannin kɛ Liban bo'n fa bɔn fannin'n sa.

Ndɛ Nga Nyanmiɛn I Nuan Ijɔfuɛ Oze Kannin'n 6:3

Man e si Anannganman. Amun man e kunndɛ kɛ e ´si i, afin i balɛ'n ti kɛ aliɛ b'ɔ cɛn b'ɔ to fuan-man'n sa. I balɛ'n wa yo kɛ nzue b'ɔ kpiti kpli tɔ'n sa. Ɔ wa yo kɛ munngun nun nzue b'ɔ man asiɛ'n jɔ'n sa.»

Matthieu 18:3

«Nanwlɛ, sɛ amu'an kaci-man amu'an yo-man kɛ ba kanngan'm be sa'n, Nyanmiɛn su sie-man amun mlɔnmlɔn.

Matthieu 19:14

Yɛ Jésus seli be kɛ: «An `yaci ba kanngan'm be nun man be bla min sin, nán an fuan be, afin be bɔ be yo bé wun kɛ ba kanngan nga'm be sa'n, be yɛ Nyanmiɛn sie be-ɔ.»

Marc 10:15

Nanwlɛ, sran ng'ɔ yo-mɛn i wun kɛ bakan sa, b'ɔ fɛ-mɛn i wun man-man Nyanmiɛn kɛ ɔ sie i'n, ɔ su yo-man mɛn nga Nyanmiɛn sie'n i nunfuɛ mlɔnmlɔn.»

JÉSUS-CHRIST I DYASIN FE'N BO LUC KLELI'N 18:17

Nanwlɛ, sran ng'ɔ yo-mɛn i wun kɛ bakan sa'n, b'ɔ fɛ-mɛn i wun man-man Nyanmiɛn kɛ ɔ sie i'n, Nyanmiɛn su sie-mɛn i mlɔnmlɔn.»

Rɔmfuɛ Mun 6:4

I sɔ'n ti'n, kɛ e nin Krist e wuli e batɛm yolɛ sɔ'n nun bɔ be sieli ye nin i'n, ɔ man kɛ e Si Nyanmiɛn cɛnnin i'n, e kusu e ´cɛn e ´nanti ajalɛ uflɛ su .

1 Korɛntfuɛ Mun 14:20

Aniaan mun, nán an bu akunndan kɛ bakan sa, an `bu kpɛnngbɛn akunndan, sanngɛ an `yo kɛ ba nɔnman b'ɔ si-man gblɛ kpɛ'n sa.

Efɛzfuɛ Mun 2:21

I yɛ man sua wunmuan sɔ'n ɔ nyin, ɔ yo kpa, yɛ ɔ yo Nyanmiɛn i sua, sran wunmuan bɔ e nin e Min'n e ti'n ti.

Efɛzfuɛ Mun 4:15

Sanngɛ sɛ e klo sran bɔ e di nanwlɛ'n, e ´nyin, e ´yo sran, yɛ e ´fa Krist sa'n kwlaa nun. I yɛ ɔ ti Asɔnun'n b'ɔ ti i wunnɛn'n i ti nin-ɔn.

2 Tɛsalonikfuɛ Mun 1:3

Aniaan mun, an lafi Krist su kpa tra laa'n, yɛ klolɛ nga amun kwlaa an fa klo amun wun'n ti dan tra laa'n, ɔ man amun ti ɔ fata kɛ e la Nyanmiɛn ase titi, sɛ e yo i sɔ-ɔ ɔ ti su.

1 Piɛr 1:23

Nyanmiɛn ndɛ b'ɔ kaci-man'n, b'ɔ o lɛ titi'n ti, Nyanmiɛn wuli amun uflɛ, ɔ man amún si'n ti-man sran b'ɔ wu-ɔ, ɔ o lɛ tititi.

2 Piɛr 3:18

Ye bɔ e Min'n b'ɔ ti e Defuɛ'n yo amun'n ti'n, man be wun kɛ amu'an yo sran, yɛ man be wun kɛ amun nin i tran nan amu'an si i kpa. Kɛ ɔ fin ndɛ'n, man be yi i ayɛ tititi. Man ɔ yo sɔ!