1 Piɛr 1:2 - NYANMIƐN NDƐ'N 1998

² E Si Nyanmiɛn fali amun, afin ɔ dun mmua buli i akunndan sɔ nan i Wawɛ'n ti, an `kaci i liɛ nan amún nyin `yi Jésus-Krist, yɛ i mmoja'n ti amún wun sa'n `wie. Nyanmiɛn man an nyan ye titi, yɛ man amún wun jɔ amun fɔuun!

Nyanmien nde Ufle

² É Si Nyanmien faa amun, afin o dun mmua bu i akunndan so, nan i Wawe'n ti, an katyi i lie, amun nyin yi Jésus-Christ, ye i mmôdya'n ti amun wun sa'n wiéh. Nyanmien man an nyan yé titi, ye man amun wun dyo amun fouun!

1 Piɛr 1:2 ပူးပေါင်းရင်းမြစ်များ

Ezai 55:7

Man sran ng'ɔ bu-man Nyanmiɛn nin i ndɛ'n be like fi'n, ɔ `yaci i atin tɛ'n i su falɛ. Man sran nga i nzuɛn'n ti tɛ'n, ɔ yaci akunndan tɛtɛ'm be bulɛ'n. Man ɔ bla Anannganman'n i sin, ɔ ´si i aunnvuɛ. Man ɔ bla e Nyanmiɛn b'ɔ yaci sran'm bé wun sa'n cɛ be wein'n i sin.

Ezai 65:22

Be su kplan-man sua be yaci man-man sran wie kɛ ɔ tran nun. Be su ta-man waka be yaci man-man sran uflɛ kɛ ɔ di i su mma. Afin min nvle'n nunfuɛ'm be ´cɛ cɛcɛcɛcɛ. Yɛ min sran kpa'm be ´di be bɔbɔ bé sa nuan ninnge'm be su.

Ezai 65:9

N ´yo man Zakɔb ɔ ´nyan osufuɛ mun, yɛ n ´yo man min oka'm be yo Zida osu nunfuɛ'm be liɛ, oka sɔ'm be ´yo min sran nga n kpali be'n be liɛ, yɛ min sufuɛ'm be ´tran oka lika sɔ'm be nun.

Daniɛl 4:1

«M bɔbɔ min famiɛn Nɛbikadnɛzar, n wo min famiɛn awlo'n nun, mín wla ti ase guawa.

Daniɛl 6:25

Famiɛn'n waan be `tra be nga bɔ be fali Daniɛl ko kpɛli i'n be nin bé yi mun, nin be mma mun, nan be `fa be yi asɔmɔli'm be sin kunman'n nun lɔ. I sin nan b'a ju kunman'n i bo lɔ bɔbɔ'n, lalaa kpa asɔmɔli'm b'a sɔ be nun b'a titi be nun trɛtrɛtrɛ, yɛ b'a bubu be owie'm be kwlaa be nun.

Saun Yolɛ 1:5

Ɔ `kpɛ nnɛn'n i kɔmin min nyrun lɛ. Min sɔwlɛ ng'ɔ o tannin sua'n i nyrun lɛ'n, man Aarɔn i wa yasua'm bɔ be ti min nyrun jranfuɛ'n be `fɛ i mmoja'n be `fa guɛguɛ i nvɛn wun nvɛn wun'm bé su tɛɛn `sin yia nun.

Matthieu 24:22

Sɛ Nyanmiɛn a kpɛ-man cɛn sɔ'n su'n, sran fi su fite-man nun, sanngɛ be b'ɔ fali be'n be ti, ɔ ´kpɛ cɛn sɔ'n su.

Matthieu 24:24

Afin be bɔ be tɔn bé wun suɛn kɛ be ti Krist'n, ɔ nin be bɔ be tɔn bé wun suɛn kɛ be ti Nyanmiɛn nuan ijɔfuɛ'n, be wa jao yɛ be ´yi atrɛ, yɛ be ´yo abonuan sa mun lele kɛ be nga Nyanmiɛn fali be'n sɛ be laka be-ɔ ɔ yo ye'n, be waan wuun be ´laka be.

Matthieu 24:31

Kɛ awɛ'n ko tɛ'n, n ´sunman min anz mun, be wa yia be bɔ Nyanmiɛn fali be bɔ be o mɛn wunmuan'n nun'n, kɛ ɔ fin nyanmiɛn b'ɔ la nglo lɔ plaii'n i bue kun su lele fa ju i bue kun ekun su lɔ'n yɛ ɔ ´yo i sɔ nin-ɔn .»

Marc 13:20

Sɛ e Min Nyanmiɛn'n ɔ'a kpɛ-man cɛn sɔ'n su ɔ'a yo-mɛn i tika'n, sran fi su fite-man nun, sanngɛ ɔ ´yo i tika be b'ɔ fali be'n be ti.

Marc 13:22

Afin be bɔ be tɔn bé wun suɛn kɛ be ti Krist'n, ɔ nin be bɔ be tɔn bé wun suɛn kɛ be ti Nyanmiɛn nuan ijɔfuɛ'n, be wa jao, be ´yi atrɛ, yɛ be ´yo abonuan sa mun lele kɛ be nga Nyanmiɛn fali be'n sɛ be laka be-ɔ ɔ yo ye'n, be waan wuun be ´laka be.

Marc 13:27

N ´sunman min anz mun, be wa yia be bɔ Nyanmiɛn fali be bɔ be o mɛn wunmuan nun'n kɛ ɔ fin asiɛ'n i awieliɛ lɔ lele fa ju nyanmiɛn'n i awieliɛ'n lɔ.»

JÉSUS-CHRIST I DYASIN FE'N BO LUC KLELI'N 18:7

?Yɛ be nga Nyanmiɛn kpali be bɔ be sun flɛ i kɔnguɛ nin wia nun'n, ɔ su jran-man bé sin di-man be ndɛ'n? ?Ɔ ´sisi i bo nan ɔ'a di be jɔlɛ'n?

Sa nga bé yôli'n 2:23

Kɛ Nyanmiɛn bɔbɔ dun mmua buli i akunndan b'ɔ sieli i kɛ be `fa bian sɔ'n be man sran mun'n, be kunnin i.

Sa nga bé yôli'n 20:32

Siɛn'n, min ´fa amun wla e Min'n sa nun, yɛ n ´fa ye dan bɔ Nyanmiɛn yoli ye'n i ndɛ'n n ´yaci amún sa nun. Ɔ yo man amun ´kwla jran cinnjin, yɛ kusu ɔ ´kwla fa like ng'ɔ sie mannin sran ng'ɔ ti i liɛ mlɔnmlɔn'n man amun.

Rɔmfuɛ Mun 1:5

I ti yɛ Nyanmiɛn bu n sran-an, ɔ sunmannin min kɛ n kɛn i ndɛ'n kle nvle-nvle'n kwlaa i bɔbɔ dunman nun nan be lafi i su yɛ bé nyin yi i.

Rɔmfuɛ Mun 1:7

N ´fa fluwa nga blɛ amun bɔ an wo Rɔm lɔ bɔ Nyanmiɛn klo amun b'ɔ flɛli amun kɛ an kaci i liɛ mlɔnmlɔn'n. Man e Si Nyanmiɛn nin e Min Jésus-Krist be yo man an nyan ye, yɛ man amún wun jɔ amun fɔuun!

Rɔmfuɛ Mun 11:2

Nyanmiɛn sran'm b'ɔ dun mmua fali be'n, ɔ'a yi-man be blo. ?Nyanmiɛn ndɛ nga be klɛli i kɛ Eli sanmannin Izraɛlfuɛ mun Nyanmiɛn ja su'n, an si-man ndɛ sɔ'n ? Be klɛli ndɛ sɔ'n kɛ:

Rɔmfuɛ Mun 11:28

Kɛ e niɛn i bue kun'n, e wun kɛ jasin fɛ'n bɔ Zuif'm b'a fa-man su'n ti Nyanmiɛn nin be buli. I sɔ'n yoli amun muae sa. Sanngɛ kɛ e niɛn i bue kun ekun bɔ e wun wafa nga Nyanmiɛn fa sran'n, e wun kɛ be nannan'm be ti'n, be ti Nyanmiɛn i anwlɛn su sran.

Rɔmfuɛ Mun 15:16

b'ɔ sieli min kɛ n di Krist-Jésus i junman be nga be ti-man Zuif'n be afiɛn'n ti yɛ n klɛli i sɔ-ɔ. Kɛ m ´bo Nyanmiɛn i jasin fɛ'n, n yo i nyrun jranfuɛ nan n ´fa be nga be ti-man Zuif'n mɛn i nan i Wawɛ'n man be kaci i liɛ yɛ i klun `jɔ bé wun.

Rɔmfuɛ Mun 16:19

Sran'm be kwlaa be se kɛ an ti anyinyiɛfuɛ. Kɛ an yo sɔ'n, ɔ jɔ n klun, sanngɛ n klo kɛ an yo ngwlɛlɛfuɛ bɔ be yo sa sa kpa, n klo-man kɛ sa tɛ bɔ kaan sa tran amun wun.

Rɔmfuɛ Mun 16:26

Sanngɛ siɛn'n, fluwa nga i nuan ijɔfuɛ'm be klɛli'n man y'a wun i wlɛ weiin. Anannganman Nyanmiɛn'n sieli i sɔ nan be kwlaa nga be ti-man Zuif'n be lafi i su yɛ bé nyin yi i.

Rɔmfuɛ Mun 8:13

Afin sɛ an yo sa ng'ɔ ti klɔ sran nzuɛn'n, amun ´wu. Sanngɛ sɛ Nyanmiɛn Wawɛ'n i fanngan nun an wla amun nyoliɛ tɛtɛ'm be ase'n, amun ´nyan nguan.

Rɔmfuɛ Mun 8:33

?Wan yɛ ɔ kwla saci be bɔ Nyanmiɛn fali be'n be dunman-an? Nyanmiɛn yɛ ɔ bu be sran kpa-a.

1 Korɛntfuɛ Mun 1:30

Afin i yɛ man amun nin Krist-Jésus amu'an kaci sran wunmuan-an, yɛ Krist ti e kacili ngwlɛlɛfuɛ, ɔ buli ye sran kpa, e kacili i liɛ mlɔnmlɔn, yɛ ɔ kpɔli é ti.

1 Korɛntfuɛ Mun 6:11

Kɛ laa amun nun sran wie'm be ti sɔ-ɔ. Sanngɛ siɛn'n, e Nyanmiɛn a wunnzin amun, ɔ'a fa amun a kaci i liɛ mlɔnmlɔn, yɛ ɔ'a bu amun sran kpa e Min Jésus-Krist dunman nun nin i Wawɛ'n i fanngan nun.

2 Korɛntfuɛ Mun 10:5

yɛ like nga b'ɔ man sran'm be si-man Nyanmiɛn'n e saci be kwlaa, yɛ e yo man sran'm be kwlaa, sɛ be akunndan'n ti sɛ ti sɛ o, be yaci be akunndan sɔ'n bé nyin yi Krist.

Mmla'n 7:6

Afin amun ti nvle kun bɔ Anannganman amun Nyanmiɛn'n kpali amun sieli amun ngunmin. Ɔ kpali amun nvle nga be o asiɛ wunmuan'n su'n be kwlakwla be nun kɛ amun yo i liɛ klonglo.

Kolɔsfuɛ Mun 3:12

An ti Nyanmiɛn i sran, ɔ klo amun, yɛ ɔ fali amun. I sɔ'n ti'n, man sran'm be yo amun annvɔ, an `yo be kpa, an `yo amun wun aenvuɛ, an `yo wɛtɛɛfuɛ, yɛ an `blu sa'm be su. An `fa like sɔ mun ´cici amún ti.

2 Tɛsalonikfuɛ Mun 2:13

Aniaan mun, amun bɔ an ti e Min'n i sran kpa'n, amun ti ɔ fata kɛ e la Nyanmiɛn ase tititi. Afin kɛ ɔ fin i bo bolɛ nun'n, ɔ fali amun kɛ i Wawɛ'n man an kaci i liɛ yɛ an lafi nanwlɛ'n su nan an nyan amún ti.

2 Timote 2:10

I sɔ'n ti yɛ sa sɔ'n kwlaa nun be nga Nyanmiɛn kpali be'n be ti n tra min anwlɛn nin-ɔn. N tra min anwlɛn kɛ ɔ ´yo nan Krist-Jésus ti be kusu be nyan bé ti yɛ be nyan nyrun b'ɔ wie-man'n.

Tite 1:1

M Pɔl n ti Nyanmiɛn i sran bɔ Jésus-Krist sunmannin min kɛ n uka be nga Nyanmiɛn kpali be'n man be lafi i su kpa, yɛ be wun ndɛ nanwlɛ nga be bɔ be nyin yi Nyanmiɛn'n be si i'n i wlɛ kpa

Hébreu 10:22

I sɔ'n ti'n, man e fa é wun mantan Nyanmiɛn. Kɛ e ´yo sɔ'n, nán man akunndan tɛ tran e klun, man e lafi i su kpa, afin ɔ man é wun sa'n b'ɔ man e klun titi ye'n ɔ wieli, yɛ ɔ fa nzue klengle wunnzinnin e .

Hébreu 11:28

Nyanmiɛn su b'ɔ lafi'n ti, ɔ boli Delɛ-cɛn dilɛ'n bo, yɛ ɔ man be fa mmoja kpɛntɛn-kpɛntɛnnin anuan'm bé su nan anz b'ɔ ´ba talua ba yasua'm be kunlɛ'n ɔ'a kun-man Izraɛlfuɛ'm be liɛ'm be wie .

Hébreu 12:24

nin Jésus b'ɔ ti aenguɛ uflɛ nga Nyanmiɛn waan ɔ nin sran'm be ´tra'n i nun jranfuɛ'n be wun. Jésus mmoja b'ɔ fa kpɛntɛn-kpɛntɛn'n, sɛ ɔ kwla ijɔ'n, wuun ɔ ´kan ndɛ fɛ tra Abɛl liɛ'n .

Hébreu 5:9

Kɛ ɔ yoli sran wafa nga Nyanmiɛn klo kɛ ɔ `yo'n, ɔ man be kwlaa nga bé nyin yi i'n, be ´nyan bé ti mlɔnmlɔn,

1 Piɛr 1:14

Man amún nyin yi Nyanmiɛn, like nga i nun bɔ an nian wun-man sa wlɛ'n amún nyin blo be su bɔ an yoli be'n, nán an yo be kun.

1 Piɛr 1:19

Sanngɛ Krist b'ɔ ti kɛ bua b'ɔ wa kpɛ cro sa'n bɔ lɛ fi nun-mɛn i wun'n, i mmoja'n b'ɔ ti kpa'n yɛ be fa toli amún ti-ɔ.

1 Piɛr 1:20

Nyanmiɛn dun mmua fɛ i sieli i sin nan ɔ'a yi mɛn'n, yɛ amun ti'n, kɛ y'a ju mɛn'n i bue nuan'n, ɔ'a yi i nglo.

1 Piɛr 1:22

Kɛ an fali ndɛ nanwlɛ'n su'n, bɔ amún wun sa'n wieli'n, ɔ man an klo-man amun niaan Kristfuɛ mun amún nuan bui su. I sɔ'n ti, an `klo amun wun kpa, an `tu amun klun yo sa ng'ɔ kle kɛ an klo amun wun'n.

1 Piɛr 2:9

Sanngɛ amun liɛ'n, an ti sran bɔ Nyanmiɛn fali amun, an ti Famiɛn Nyanmiɛn'n i nyrun jranfuɛ mun, an ti Nyanmiɛn i nvle'n nun sran mun, yɛ an ti i liɛ mlɔnmlɔn. Ɔ fali amun kɛ an yi i b'ɔ flɛli amun kɛ an jao aosin nun, an bla lika ng'ɔ kpaja kpa nun'n i ayɛ .

2 Piɛr 1:2

Nyanmiɛn nin e Min Jésus bɔ an si be'n ti, be man an ´nyan ye titi, yɛ man amún wun ´jɔ amun fɔuun!

2 Jean 1:1

Mmo, m bɔ n ti kpɛnngbɛn'n, n ´klɛ fluwa nga m ´blɛ wɔ bɔ Nyanmiɛn fali wɔ'n, n ´klɛ m ´blɛ wɔ nin ɔ mma mun bɔ n klo amún sa kpa'n. Nán min ngunmin yɛ n klo amún sa-a, be kwlaa nga be si ndɛ nanwlɛ'n, be klo amun wie.

2 Jean 1:13

Ɔ niaan bla bɔ Nyanmiɛn kpɛli fali i'n, i mma'm be ´yo wɔ like.

Jude 1:2

Man Nyanmiɛn wun amun aunnvuɛ nan amún wun jɔ amun fɔuun, yɛ ɔ klo amun tititi.