1 Jean 5:3 - NYANMIƐN NDƐ'N 1998

³ Nyanmiɛn i klolɛ'n yɛlɛ kɛ e fɛ i ndɛ'n su, i ndɛ sɔ'n i su falɛ'n yo-man ya .

Nyanmien nde Ufle

³ Nyanmien i klôle'n yele ke é fe i nde'n su, i nde so'n i su fale'n yô'a ya.

1 Jean 5:3 ပူးပေါင်းရင်းမြစ်များ

2 Famiɛn Mun 18:6

Ɔ mantannin Anannganman, ɔ'a kpɔci-mɛn i le. Ɔ fali mmla nga Anannganman fa mannin Moiz'n su.

Jue Mun 119:140

Ɔ ndɛ nga a kan'n, ɔ lɛ-man kun ng'ɔ ti-man su-ɔ. M bɔ n ti ɔ sufuɛ'n, n klo be dan.

Jue Mun 119:45

Kɛ n ´nanti'n n ´kɔ'n, n fa-man like fi'n tanndan-man mín ja nun. Ɔ mmla nga a sie be'n, be yɛ n kunndɛ-ɔ.

Ezipt Lɔ Tulɛ'n 20:6

Sanngɛ sran nga be klo min'n, bɔ be fa min ndɛ'm bé su'n, n klo be lele n fa wlu be anunman'm be mma liɛ'm be nun lele ju be akpasua akpi su.

Nyanndra Mun 3:17

I atin'm be ti kpa. I atin mma'm be kwlaa be su falɛ yo fɛ.

Daniɛl 9:4

N srɛli Anannganman min Nyanmiɛn'n, yɛ n kannin e sa tɛ nga e yoli mun n kleli i, n seli kɛ yoo: ‹Anannganman, Nyanmiɛn b'ɔ ti dan yɛ b'ɔ yo sro'n, sran nga be fa ɔ mmla'm be su'n, aenguɛ nga a nin be tra'n ɔ ka lɛ titi. A nin be nga be klo wɔ'n be o nun titi.

Mise 6:8

Atin ng'ɔ ti atin kpa'n, bɔ Anannganman waan amun fa su'n, like nga i waan amun yo'n, be dun mmua kan kleli amun. Like nga i waan amun yo'n yɛlɛ kɛ i waan nán an bu amun wiengu lufle, klun-ufue su like'n yɛ amun `yo-ɔ, yɛ atin nga amun Nyanmiɛn'n kle amun'n, amun `fa su nin amun wun ase kanlɛ .

Matthieu 23:4

Be wlawla trɔ nɔnnin-nɔnnin jin sran'm bé ti su, sanngɛ be bɔbɔ be fa-man be sama bɔ kun sa kɛn-mɛn i.

Jean 14:15

«Sɛ an klo min'n, amun ´fa min ndɛ'n su.

Jean 15:10

Sɛ an fa min ndɛ'n su'n, amun ´si kɛ n klo amun tititi. Kɛ n fa n Si ndɛ'n su sɔ-ɔ, ɔ man n si kɛ ɔ klo min tititi.

Jean 15:14

Sɛ an fa min ndɛ'n su'n, an ti n janvuɛ.

Rɔmfuɛ Mun 7:12

I sɔ'n ti'n, mmla wunmuan'n ti Nyanmiɛn liɛ, yɛ mmla kun sɔ'n kusu ti Nyanmiɛn liɛ. Mmla kun sɔ'n i sielɛ'n ti su, ɔ ti kpa.

Rɔmfuɛ Mun 7:22

Nyanmiɛn mmla'n i sufalɛ'n yo n fɛ min anwlɛn'n nun,

Mmla'n 5:10

Sanngɛ sran nga be klo min'n, bɔ be fa min mmla'm bé su'n, n ´klo be lele n fa wlu be anunman'm be mma liɛ'm be nun lele fa ju be akpasua akpi su.

Mmla'n 7:9

I sɔ'n ti, amun `si kɛ Anannganman amun Nyanmiɛn'n yɛ ɔ ti Nyanmiɛn nin-ɔn. Nyanmiɛn sɔ'n ɔ ti nanwlɛfuɛ, ɔ nin sran mun tra aenguɛ. Sɛ be klo i nan be fɛ i mmla'm be su'n, i kusu ɔ nian aenguɛ ng'ɔ nin be trali'n su yɛ ɔ si be aunnvuɛ lele fa wlu be anunman'm be mma liɛ'm be nun lele ju be akpasua akpi su.

Hébreu 8:10

E Min'n seli ekun kɛ: ‹Aenguɛ nga cɛn wie e nin Izraɛl nvle'n e ´tra'n yɛ: N man min mmla'n ´tran be klun, yɛ n ´fa min mmla'n klɛ be anwlɛn'n nun. N ´yo be Nyanmiɛn, yɛ be kusu be ´yo min sran.

1 Jean 2:3

Sɛ e fa Nyanmiɛn ndɛ'n su'n, i sɔ'n nun yɛ e ´si kɛ e si i sakpa-a.

2 Jean 1:6

Bé wun klolɛ sɔ'n yɛlɛ i ndɛ'n bɔ an tili i bo bolɛ nun'n, yɛlɛ kɛ an klo amun wun.