1 Jean 4:3 - NYANMIƐN NDƐ'N 1998

³ Sanngɛ sran ng'ɔ lafi-man su kɛ Jésus kacili sran'n, nán Nyanmiɛn Wawɛ'n nuan yɛ ɔ ijɔ-ɔ, Krist i Kpɔfuɛ'n bɔ an tili i kɛ ɔ ´ba'n, bɔ kɛ e ´se yɛ'n ɔ o mɛn nun'n i nuan yɛ ɔ ijɔ-ɔ.

Nyanmien nde Ufle

³ Sannge swran ng'o lafi'a su ke Jésus katyii swran'n, nanh Nyanmien Wawe'n nuan ye o idyoo, Christ Kpofue'n bo an tii i ke oh bah'n, bo ke é sé ye'n o ô men'n nun'n i nuan ye o idyoo.

1 Jean 4:3 ပူးပေါင်းရင်းမြစ်များ

Matthieu 24:5

Afin sran sunman be wa fa n dunman'n be ´se kɛ be yɛ be ti Krist nin-ɔn. Be wa laka sran kpanngban.

1 Jean 2:18

Ba kanngan mun, y'a ju mɛn'n i bue nuan. An tili i kɛ Krist i Kpɔfuɛ'n ɔ ´ba. Krist i kpɔfuɛ kpanngban b'a ba, ɔ man e si kɛ y'a ju mɛn'n i bue nuan.

1 Jean 2:22

?Wan yɛ ɔ ti atofuɛ nin-ɔn? ?Nán sran nga i waan Jésus ti-man Krist nin-ɔn? Sran sɔ'n yɛ ɔ ti Krist i kpɔfuɛ nin-ɔn, afin ɔ bu-man e Si'n nin i Wa'n be like fi.

2 Jean 1:7

Afin sran kpanngban b'a sanndi mɛn'n nun, be laka sran mun, be waan, Jésus-Krist a kaci-man sran. Sran ng'ɔ se sɔ'n yɛ ɔ ti sran lakafuɛ nin Krist i kpɔfuɛ nin-ɔn.