1 Jean 4:2 - NYANMIƐN NDƐ'N 1998

² An `nian, sa wafa nga amun fa si sran ng'ɔ ijɔ Nyanmiɛn Wawɛ'n nuan'n yɛ: sran kwlaa ng'ɔ se kɛ Jésus-Krist kacili sran ɔ bali'n, i sɔfuɛ'n yɛ ɔ ijɔ Nyanmiɛn Wawɛ'n nuan-an.

Nyanmien nde Ufle

² Anh nian sa wafa nga amun fa si swran ng'o idyo Nyanmien Wawe'n nuan'n. Swran kwlaa ng'o sé ke Jésus-Christ katyii swran o bali'n, i sofue'n ye o idyo Nyanmien Wawe'n nuaan.

1 Jean 4:2 ပူးပေါင်းရင်းမြစ်များ

Jean 1:14

Ndɛ sɔ'n kacili i wun sran, ɔ nin ye wa trannin, ɔ ti aklunyefuɛ nin nanwlɛfuɛ . E niɛnnin i anyrunnyan'n, ɔ ti anyrunnyan bɔ sɛ Ba b'ɔ ti kunngba'n i Si mɛn i-ɔ ɔ ti su .

1 Korɛntfuɛ Mun 12:3

I sɔ'n ti'n, n ´kan kle amun kɛ sɛ sran kun ijɔ Nyanmiɛn Wawɛ'n fanngan nun'n, ɔ kwla fa-man Nyanmiɛn wua-man Jésus. Kusu sɛ sran kun ijɔ-man Nyanmiɛn Wawɛ'n i fanngan nun'n, ɔ kwla se-man kɛ Jésus ti i Min.

1 Timote 3:16

Nanwlɛ, e kwlaa e si kɛ kɛ ɔ yoli bɔ e yoli Nyanmiɛn liɛ'n, ɔ ti abonuan dan, sran wun-mɛn i wlɛ. Ɔ yoli i wun sran'n, ɔ yili i wun nglo, Nyanmiɛn Wawɛ'n kle kɛ ɔ ti sran kpa, anz'm be wunnin i. Be kɛnnin i ndɛ nvle'm be nun. Be lafili i su mɛn wunmuan'n nun. Be mɛnnin i su ɔli nyanmiɛn su lɔ, ɔ nyannin nyrun dan.

1 Jean 1:2

Kɛ i bɔ be flɛ i Nguan'n ɔ yili i wun nglo'n, e wunnin i, ɔ man e kɛn i ndɛ, yɛ i bɔ be flɛ i Anannganman Nguan sɔ'n, b'ɔ wo e Si'n i wun lɔ'n, b'ɔ yi i wun nglo kleli ye'n, e kɛn i ndɛ kle amun.

1 Jean 2:23

Sran ng'ɔ sɔ-man Nyanmiɛn Wa'n nun'n, wuun ɔ'a sɔ-mɛn i bɔbɔ nun. Sran ng'ɔ sɔ i nun'n, wuun ɔ'a sɔ i Si'n nun.

1 Jean 4:15

Sran ng'ɔ se kɛ Jésus ti Nyanmiɛn Wa'n, wuun ɔ nin Nyanmiɛn b'a kaci sran wunmuan, yɛ ɔ nin i be tran.

1 Jean 4:3

Sanngɛ sran ng'ɔ lafi-man su kɛ Jésus kacili sran'n, nán Nyanmiɛn Wawɛ'n nuan yɛ ɔ ijɔ-ɔ, Krist i Kpɔfuɛ'n bɔ an tili i kɛ ɔ ´ba'n, bɔ kɛ e ´se yɛ'n ɔ o mɛn nun'n i nuan yɛ ɔ ijɔ-ɔ.

1 Jean 5:1

Sran kwlaa ng'ɔ lafi su kɛ Jésus ti Krist'n, wuun ɔ ti Nyanmiɛn wa. Sran nga be klo i'n, be klo i nin i wa'n.

2 Jean 1:7

Afin sran kpanngban b'a sanndi mɛn'n nun, be laka sran mun, be waan, Jésus-Krist a kaci-man sran. Sran ng'ɔ se sɔ'n yɛ ɔ ti sran lakafuɛ nin Krist i kpɔfuɛ nin-ɔn.