1 Jean 3:9 - NYANMIƐN NDƐ'N 1998

⁹ Sran ng'ɔ ti Nyanmiɛn wa'n, ɔ ka-man sa tɛ yolɛ'n su, afin Nyanmiɛn i nzuɛn'n ɔ'a kɛ i nun, yɛ ɔ kwla yo-man sa tɛ, afin ɔ ti Nyanmiɛn wa.

Nyanmien nde Ufle

⁹ Swran ng'o ti Nyanmien wa'n, o ka'a sa te yôle'n su, afin Nyanmien nzuen'n wa ke i nun, ye o kwla yô'a sa te, afin o ti Nyanmien wa.

1 Jean 3:9 ပူးပေါင်းရင်းမြစ်များ

Zɔb I Nyrɛnnɛn Wunlɛ 19:28

Amun bɔ amun usa amun wun kɛ: «?E ´yo sɛ nan y'a trɛ i'n?» Amun bɔ amun waan sa ng'ɔ juli min su'n ɔ fin min bɔbɔ'n,

Jue Mun 119:3

Be yo-man sa ng'ɔ fata-man'n, Anannganman i atin'n su seiin yɛ be fa-a.

Saun Yolɛ 11:37

Sɛ like mma wie o lɛ nan be waan be ´ko lua nan sɛ nnɛn sɔ'm be nun kun fuɛn kɛn i'n, like mma sɔ'n nian saci-man.

Matthieu 7:18

Waka kpa'n ɔ kwla su-man mma tɛtɛ, yɛ waka b'ɔ ti-man kpa'n ɔ kwla su-man mma kpakpa.

Jean 1:13

Nyanmiɛn wa bɔ be ti'n, b'a wu-man be kɛ be fa wu ba'n sa, b'ɔ fin yasua nin bla bɔ be klo kɛ be ´nyan ba'n, sanngɛ Nyanmiɛn bɔbɔ yɛ ɔ wuli be-ɔ.

Jean 3:3

Jésus seli i kɛ: «Nanwlɛ, sran nga b'a wu-mɛn i ekun'n, ɔ su kwla yo-man mɛn nga Nyanmiɛn sie'n i nunfuɛ mlɔnmlɔn.»

Sa nga bé yôli'n 4:20

nanwlɛ, e kwla yaci-man like nga e wunnin i'n nin ndɛ nga e tili'n i kanlɛ.»

Rɔmfuɛ Mun 6:2

E su yo-mɛn i sɔ mlɔnmlɔn! ?Sa tɛ'n, kɛ e wuli bɔ e nin i a bu'n, ɔ ´yo sɛ yɛ e ´yo i ekun-ɔn?

Galasifuɛ Mun 5:17

Like nga klɔ sran klo i'n, Nyanmiɛn Wawɛ'n klo-mɛn i, yɛ like nga Nyanmiɛn Wawɛ'n klo i'n, klɔ sran klo-mɛn i, be nnyɔn'n bé nuan sɛ-man, ɔ man sa nga an klo kɛ amun ´yo'n, an kwla yo-man .

Tite 1:2

nan be fa be wla gua anannganman nguan'n su. Nyanmiɛn b'ɔ bua-man ato'n, kɛ ɔ nian yi-man mɛn'n, ɔ sieli kɛ e nyan nguan sɔ'n.

1 Piɛr 1:23

Nyanmiɛn ndɛ b'ɔ kaci-man'n, b'ɔ o lɛ titi'n ti, Nyanmiɛn wuli amun uflɛ, ɔ man amún si'n ti-man sran b'ɔ wu-ɔ, ɔ o lɛ tititi.

1 Jean 2:29

An si kɛ Krist ti sran kpa, i sɔ'n ti, sran kwlaa ng'ɔ yo sa ng'ɔ ti i nuan su'n, ɔ ti Nyanmiɛn wa.

1 Jean 3:6

Sran kwlaa ng'ɔ nin i be ti sran wunmuan'n, ɔ yo-man sa tɛ, sanngɛ sran kwlaa ng'ɔ yo sa tɛ'n, wuun ɔ'a wun-man i min sɔ'n yɛ ɔ'a si-mɛn i.

1 Jean 4:7

N sran kpa mun, man e klo e wun, afin sran klolɛ'n fin Nyanmiɛn. Sran kwlaa ng'ɔ klo sran'n, ɔ ti Nyanmiɛn wa, yɛ ɔ si Nyanmiɛn.

1 Jean 5:1

Sran kwlaa ng'ɔ lafi su kɛ Jésus ti Krist'n, wuun ɔ ti Nyanmiɛn wa. Sran nga be klo i'n, be klo i nin i wa'n.

1 Jean 5:18

Sran kwlaa ng'ɔ ti Nyanmiɛn wa'n, e si kɛ ɔ ka-man sa tɛ yolɛ'n su, afin Nyanmiɛn Wa'n sɛsɛ i, ɔ man Klunwifuɛ'n kwla yo-mɛn i sa fi.

1 Jean 5:4

Mɛn'n nun ninnge kwlaa be ti kɛ e kpɔfuɛ sa, be kwlaa nga be ti Nyanmiɛn wa'n, be kwla ninnge sɔ mun. Nyanmiɛn su bɔ e lafi'n ti yɛ man e kwla mɛn'n nun ninnge sɔ'm be kwlaa bɔ be ti kɛ e kpɔfuɛ sa mun-ɔn.

3 Jean 1:11

N sran kpa, nán nian sa tɛ nga be yo'n su, sanngɛ nian sa kpa nga be yo'n su. Sran ng'ɔ yo sa kpa'n, ɔ ti Nyanmiɛn liɛ, sran ng'ɔ yo sa tɛ'n, ɔ si-man Nyanmiɛn.