1 Jean 3:3 - NYANMIƐN NDƐ'N 1998

³ Sran kwlaa nga i wla o su sɔ'n, ɔ yo man sa tɛ kaan sa trɛn-mɛn i wun, afin sa fi nun-man Krist wun.

Nyanmien nde Ufle

³ Swran kwlaa nga i wla ô su so'n, o klô'a ke sa kaan sa tren i wun, afin sa fi nu'an Christ wun.

1 Jean 3:3 ပူးပေါင်းရင်းမြစ်များ

2 Samiɛl 22:27

Sran ng'ɔ yo-man sa tɛ'n, a yo-mɛn i tɛ, sanngɛ sran nga i waan sa tɛ'n yɛ ɔ ´yo'n, a nin i be lɛ i.

Matthieu 5:48

I sɔ'n ti, an `yo sran kpa kɛ amun Si b'ɔ o nyanmiɛn su lɔ'n ɔ ti kpa'n sa .»

JÉSUS-CHRIST I DYASIN FE'N BO LUC KLELI'N 6:36

An `si aunnvuɛ, kɛ amun Si kusu si aunnvuɛ'n sa.»

Jean 17:19

Be ti n fa mín wun mannin wɔ mlɔnmlɔn nan be kusu be `kaci ɔ liɛ sakpa.

Sa nga bé yôli'n 15:9

Ɔ'a bu-man ye kpa a tra-man be, afin Jésus su bɔ be lafi'n ti, Nyanmiɛn man bé wun sa'n kwlaa wieli.

Rɔmfuɛ Mun 15:12

Ezai kusu seli kɛ: «Izai i anunman'n ɔ ´ba, ɔ wa jao sie be nga be ti-man Zuif'n. I su yɛ be ´fa bé wla'n gua-a .»

2 Korɛntfuɛ Mun 7:1

N sran kpa mun, sa nga Nyanmiɛn seli kɛ ɔ ´yo be'n, i kwlaa sɔ'n ti'n, man e wla sa ng'ɔ saci sran'n i kwlaa nin akunndan tɛtɛ'n kwlaa be ase. Sɛ e waan e nyin yi Nyanmiɛn'n, man e nian e wun kpa kɛ nán man sa kaan sa tran e nin i ye afiɛn.

Kolɔsfuɛ Mun 1:5

Jasin fɛ'n b'ɔ ti nanwlɛ'n, kɛ an ´ti i klikli'n, be kannin like nga be sieli i nyanmiɛn su lɔ sieli amun'n i ndɛ kleli amun. Amún wla b'ɔ o su'n ti yɛ an lafi su yɛ an klo Nyanmiɛn sran mun-ɔn.

2 Tɛsalonikfuɛ Mun 2:16

Man e Min Jésus-Krist bɔbɔ nin e Si Nyanmiɛn b'ɔ klo ye'n, bɔ ye b'ɔ yo ye'n ti ɔ gua ye anwlɛn su nzue tititi'n, b'ɔ man e like kpa bɔ e fa é wla gua su'n,

Tite 3:7

nan ye nga ɔ yo ye'n ti'n, ɔ ´bu e sran kpa yɛ ɔ man e ´nyan anannganman nguan nga i waan ɔ ´man ye bɔ é wla o su'n.

Hébreu 12:14

Man amun nin sran'm be kwlaa amún nuan sɛ amún wun, man amun nzuɛn'n fa Nyanmiɛn liɛ'n, afin sɛ ɔ ti-mɛn i ti-ɔ, sran fi su wun-man e Min'n.

Hébreu 6:18

Ɔ man ndɛ ng'ɔ kannin'n nin nda ng'ɔ tali'n, like nnyɔn sɔ'n ɔ kaci-man be, ɔ bua-man ato. I sɔ'n ti'n, ɔ wla e bɔ e taloli i'n e fanngan kɛ e kplin é nyin nan e nyan like ng'ɔ sie e nyrun lɔ sieli ye'n, bɔ é wla o su kɛ e ´nyɛn i'n.

Hébreu 7:26

Nanwlɛ, Nyanmiɛn nyrun jranfuɛ'm be su kpɛn nga y'a nyɛn i yɛ'n, yɛ e kunndɛ nin-ɔn. Ɔ ti Nyanmiɛn liɛ klonglonglo sa tɛ kaan sa nun-mɛn i wun, ɔ nin sa tɛ yofuɛ'm be sanman nun, yɛ Nyanmiɛn mɛnnin i tranwlɛ kpa nglo mmua-mmua lɔ.

Jacques 4:8

An `fa amún wun mantan Nyanmiɛn, yɛ i kusu ´fɛ i wun mantan amun-ɔn. Sa tɛ yofuɛ mun, an `wunnzin amún sa, akunndan nnyɔn-nnyɔnfuɛ mun, an `yaci akunndan tɛtɛ'n.

1 Piɛr 1:15

Nyanmiɛn b'ɔ flɛli amun'n, i nzuɛn'n nin klɔ sran liɛ'n ti-man kun, man amun nzuɛn liɛ'n kusu fɛ i liɛ'n sa'n kwlaa nun.

1 Piɛr 1:3

E Min Jésus-Krist i Si Nyanmiɛn i kwla o! I aunnvuɛ silɛ dan'n ti, ɔ wuli ye ekun, ɔ man é wla o like bɔ e si weiin kpa kɛ ɔ o lɔ'n su Jésus-Krist i cɛnlɛ'n ti.

2 Piɛr 1:4

Kɛ ɔ yoli sɔ'n, ɔ kannin ndɛ fɛ kleli ye kɛ ɔ wa yo like dan man e nan kɛ an ko nyan like sɔ'n, an yaci like nga bé nyin blo su b'ɔ man mɛn'n saci'n, nan an kaci kɛ Nyanmiɛn sa.

2 Piɛr 3:14

N sran kpa mun, i sɔ'n ti, kɛ e ´minndɛ cɛn sɔ'n, an `yo like kwlaa nga an kwla yo'n nan ɔ'a wun kɛ an ti sran kpa bɔ sa kaan sa nun-man amun wun nan amun nin i amún nuan a sɛ.

1 Jean 2:6

sran ng'ɔ se kɛ ɔ nin i b'a yo kun'n, man ɔ yo sa nga Jésus yoli be'n wie.

1 Jean 4:17

Kɛ e klolɛ nga e fa klo Nyanmiɛn'n i nyin fiteli weiin'n, ɔ man e si kɛ jɔlɛ dilɛ cɛn'n nun é wla'n ´gua ase. Afin kɛ ɔ fa ti'n, kɛ e kusu e ti sɔ mɛn'n nun-ɔn.