1 Jean 2:4 - NYANMIƐN NDƐ'N 1998

⁴ Sran ng'ɔ se kɛ ɔ si i sanngɛ ɔ fɛ-mɛn i ndɛ'n su'n, ɔ ti atofuɛ yɛ ɔ di-man nanwlɛ mlɔnmlɔn.

Nyanmien nde Ufle

⁴ Swran ng'o sé ke o sii, sannge o fe'e i nde'n su'n, o ti atôfue, o di'a nanwle mlonmlon.

1 Jean 2:4 ပူးပေါင်းရင်းမြစ်များ

Jean 8:44

Amún si'n yɛlɛ mmusu'm bé si Satan'n, yɛ an klo kɛ amun ´yo amún si sɔ'n i klun sa. Kɛ ɔ fin i bo bolɛ nun'n, ɔ ti sran kunfuɛ, ɔ di-man nanwlɛ mlɔnmlɔn, afin ɔ si-man nanwlɛ'n. Ɔ bua ato, afin ato'n ti i nzuɛn, ato'n ti i junman, i yɛ ɔ ti ato buafuɛ'm be si nin-ɔn.

Tite 1:10

Afin sran kpanngban bé nyin ti kekle, yɛ be kan ndɛ ngbɛn-ngbɛn fa laka sran mun. Be kpanngban lika be fin Zuif'm bɔ b'a kaci Kristfuɛ'n be nun.

Tite 1:16

Be yo bé wun kɛ be si Nyanmiɛn, sanngɛ sa nga be yo'n ɔ kle-man kɛ be si i. Bé wun yo tɛ, bé nyin ti kekle, yɛ be kwla yo-man sa kpa bɔ kun sa.

1 Jean 1:10

Sɛ e se kɛ y'a yo-man sa tɛ'n, wuun e bu i atofuɛ yɛ e fɛ-mɛn i ndɛ'n su.

1 Jean 1:6

Sɛ e se kɛ e nin i e di anuansɛ sanngɛ e yo sa kɛ e tɛ o aosin'n nun sa'n, wuun e su bua ato e di-man nanwlɛ.

1 Jean 1:8

Sɛ e se kɛ sa tɛ nun-man é wun'n, wuun e su laka e wun, e di-man nanwlɛ.

1 Jean 2:3

Sɛ e fa Nyanmiɛn ndɛ'n su'n, i sɔ'n nun yɛ e ´si kɛ e si i sakpa-a.

1 Jean 2:9

Sran ng'ɔ se kɛ ɔ o weiin'n nun bɔ sanngɛ ɔ tɛ kpɔ i niaan'n, wuun ɔ tɛ o aosin'n nun.

1 Jean 3:6

Sran kwlaa ng'ɔ nin i be ti sran wunmuan'n, ɔ yo-man sa tɛ, sanngɛ sran kwlaa ng'ɔ yo sa tɛ'n, wuun ɔ'a wun-man i min sɔ'n yɛ ɔ'a si-mɛn i.

1 Jean 4:20

Sɛ sran kun se kɛ ɔ klo Nyanmiɛn sanngɛ ɔ kpɔ i niaan'n, wuun ato yɛ ɔ bua-a. ?Afin sɛ ɔ klo-mɛn i niaan'n b'ɔ wun i'n, ɔ ´yo sɛ yɛ ɔ kwla klo Nyanmiɛn b'ɔ wun-mɛn nin-ɔn?

1 Jean 4:7

N sran kpa mun, man e klo e wun, afin sran klolɛ'n fin Nyanmiɛn. Sran kwlaa ng'ɔ klo sran'n, ɔ ti Nyanmiɛn wa, yɛ ɔ si Nyanmiɛn.