1 Jean 1:9 - NYANMIƐN NDƐ'N 1998

⁹ Sanngɛ sɛ e di sa tɛ nga e yoli'n i nanwlɛ kle Nyanmiɛn'n, e kwla fa é wla'n guɛ i su, afin ɔ yo sa i nuan su, ɔ ´yaci cɛ ye, yɛ ɔ man é wun sa'n kwlaa ´wie.

Nyanmien nde Ufle

⁹ Sannge se é di sa nga é yôli'n i nanwle klé Nyanmien'n, é kwla fa é wla gue i su, afin o yô sa i nuan su, oh yatyih tye é, o man é wun sa'n wiéh.

1 Jean 1:9 ပူးပေါင်းရင်းမြစ်များ

1 Famiɛn Mun 8:30

Kɛ a o ɔ tranwlɛ'n nun nyanmiɛn su lɔ'n, tie min bɔ n ti ɔ sufuɛ'n, ɔ nin Izraɛlfuɛ'm bɔ be ti ɔ nvle'n nunfuɛ mun ye aunnvuɛ srɛlɛ'n nga e ´jran lika nga nun e ´srɛ wɔ'n. Tie nan yaci é wun sa mun cɛ ye.

1 Famiɛn Mun 8:47

Kɛ be o kanga nun mɛn sɔ'n nun lɔ'n, atrɛkpa-a, be ´kaci akunndan, yɛ be ´fa bé wun wla ɔ sa nun ekun. Atrɛkpa-a, be ´se kɛ: ‹E yoli sa tɛ. Atin nga e nantili su'n, ti-man sein. E fɔnnin.›

Neemi 1:6

nian min, sie ɔ́ su tie min srɛlɛ'n. Kɔnguɛ nin wia su n srɛ wɔ m man ɔ sufuɛ Izraɛlfuɛ mun. N kan Izraɛlfuɛ mun ɔ nin e kwlakwla e sa tɛ'n bɔ e yoli wɔ'n i ndɛ kle wɔ, afin e nin min nannan mun e yoli sa tɛ.

Jue Mun 19:12

Anannganman, min bɔ n ti ɔ sufuɛ'n, n nyan bé su ngwlɛlɛ. Sran ng'ɔ fa be su'n, ɔ nyan bé su mmlusuɛ.

Jue Mun 32:5

Yɛ n seli min wun kɛ: «Man n sin n di min sa tɛ'n i nanwlɛ n kle Anannganman ke!» Yɛ n kannin min fɔnlɛ bɔ n fɔnnin'n n kleli wɔ-ɔ, m'an fia-man su. Kpɛkuun ɔ kusu, min wun sa sɔ'n b'ɔ ti kɛ trɔ sa b'ɔ jin min ti su'n, a sike jinnin.

Ezipt Lɔ Tulɛ'n 34:7

N yi min aklunye'n i nglo sran'm be lika lele n fa wlu be anunman'm be anunman liɛ'm be nun lele ju be akpasua akpi su. N yaci bé sa tɛ mun, nin bé nyin kekle, ɔ nin be fɔnlɛ mun n cɛ be. Sanngɛ sran ng'ɔ yo sa tɛ'n, n se-mɛn kɛ ɔ'a yo-man like fi. N tu siɛ'm be fɔ lele fa wlu be mma nin be anunman'm be nun, kpɛkuun ɔ wlu be anunman siansian'm be nun.»

Nyanndra Mun 28:13

Sran ng'ɔ fia sa tɛtɛ ng'ɔ yo be'n be su'n, ɔ yo-man kpa. Sanngɛ sran ng'ɔ kɛn i sɔ sa liɛ mun'n, b'ɔ yaci be yolɛ'n, Nyanmiɛn'n yaci í wun sa'n cɛ i .

Ezai 45:21

Amun `kan amun nuan su ndɛ mun, amun `kan sa nga amun jran su kan ndɛ'n. Amun `wun amún wun bɔbɔ. ?Wan yɛ ɔ boli sa nga be wa ju'n be su lalaa-a? ?Wan yɛ ɔ dun mmua yili be nglo nan b'a ju-ɔ? ?Nán min Anannganman-an? Sɛ be san mín wun'n, be wun-man Nyanmiɛn fi kun. Nyanmiɛn b'ɔ ti nanwlɛfuɛ b'ɔ de sran'n, sɛ be san min wun'n, be su wun-mɛn i sɔ Nyanmiɛn kun.

Zeremi 3:13

Ɔ man i ti'n, di ɔ́ sa tɛ'n i nanwlɛ: Nyin kekle nga a yoli i min Anannganman ɔ Nyanmiɛn'n min su'n, kan. A wanndi ɔli nvle uflɛ'm be amuɛn'm bé sin, a ɔli waka nga be lɛ nnya'n be kwlaa be bo. W'a tie-man min aniɛn'n.› » Anannganman'n yɛ ɔ kan sɔ-ɔ.

Zeremi 33:8

N ´salo bé wun fiɛn'n kwlakwla, sa nga b'ɔ man be nin min ye afiɛn fɔnnin'n, n ´salo be. N ´yaci bé sa tɛ mun n ´cɛ be. Sa tɛ nga b'ɔ man be nin min ye afiɛn fɔnnin'n, n ´yaci n ´cɛ be. Sa tɛ nga be yoli'n, nyin kekle bɔ be yoli min su'n, n ´yaci n ´cɛ be.

Ngwlɛ Yilɛ 3:23

Aliɛ kwlaa ng'ɔ cɛn'n, ɔ yi i klun-ufue'n i nglo. Anannganman, nanwlɛ, a nin sran san nun-ɔn, a kpɔci-mɛn i le .

Ezekiɛl 36:25

N ´fa nzue klengle kpa n gua amún su, yɛ amun ´yo yɛiin. N ´salo amun fiɛn'n kwlaa yɛ n ´yi amun amuɛn sɔlɛ nzuɛn'n.

Ezekiɛl 37:23

Be su sɔ-man amuɛn kun nan b'a yo fiɛn. Be su yo-man be tete sa mun kun be su fa-man sran kunlɛ'n be tra-man nun kun nan b'a yo fiɛn. Kan kwlaa nga be tran lɛ'n, n ´wunnzin be saun, sa tɛtɛ kwlaa nga be yoli'n ɔ ´wie. Be ´yo min nvle, yɛ n kusu n ´yo be Nyanmiɛn.

Zakari 9:9

Siɔnfuɛ mun, man amun wun blibli amun, amun `tu kpɛn! Zerizalɛmfuɛ mun, amun `bo sro. Amun `nian, amun famiɛn'n su ba amun wun. Ɔ ti sran kpa, ɔ kwla, ɔ ti wɛtɛfuɛ. Ɔ'a fu aflunmun bɔ ɔ'a kpɛ cro kun su. Aflunmun sɔ'n ɔ ti aflunmun bla kun wa .

Matthieu 3:6

Kɛ be di sa nga be yoli'n i nanwlɛ'n, ɔ yo be batɛm nzue ba bɔ be flɛ i kɛ Zurdɛn'n i nun.

Marc 1:5

Zide mɛn wunmuan'n nin Zerizalɛmfuɛ'm be kwlaa be ɔli Zan wun lɔ. Kɛ be kannin sa tɛ nga be yoli'n, ɔ yoli be batɛm Zurdɛn nzue ba'n nun.

JÉSUS-CHRIST I DYASIN FE'N BO LUC KLELI'N 22:57

Sanngɛ ɔ fɛli i nuan kekle ɔ seli kɛ: «Mmo, n si-mɛn i mlɔnmlɔn.»

Jean 17:25

Min Si bɔ a ti sran kpa, mɛn nunfuɛ'm be si-man wɔ, sanngɛ n si wɔ, yɛ be nga be o yɛ'n, be si kɛ wɔ yɛ a sunmannin min-ɔn.

Sa nga bé yôli'n 19:18

Be nga be fali Nyanmiɛn ndɛ'n su'n, be kpanngban be wa dili sa nga be yoli'n i nanwlɛ nzra'n nun.

Rɔmfuɛ Mun 3:26

Sanngɛ olɛ nga e o yɛ'n, ɔ kle ye wafa ng'ɔ fa bu sran sran kpa'n, afin ɔ kle i wun kɛ ɔ ti kpa yɛ ɔ bu be nga be lafi Jésus su'n be sran kpa.

1 Korɛntfuɛ Mun 1:9

Nyanmiɛn b'ɔ flɛli amun kɛ amun nin i Wa Jésus-Krist b'ɔ ti e Min'n an di anuansɛ'n, ɔ ti nanwlɛfuɛ.

1 Korɛntfuɛ Mun 6:11

Kɛ laa amun nun sran wie'm be ti sɔ-ɔ. Sanngɛ siɛn'n, e Nyanmiɛn a wunnzin amun, ɔ'a fa amun a kaci i liɛ mlɔnmlɔn, yɛ ɔ'a bu amun sran kpa e Min Jésus-Krist dunman nun nin i Wawɛ'n i fanngan nun.

Efɛzfuɛ Mun 5:26

Afin Asɔnun'n ti, ɔ fɛ i wun mannin nan kɛ ɔ wunnzin i b'ɔ yo yɛiin i ndɛ'n ti, ɔ ´kaci Nyanmiɛn liɛ mlɔnmlɔn.

Mmla'n 7:9

I sɔ'n ti, amun `si kɛ Anannganman amun Nyanmiɛn'n yɛ ɔ ti Nyanmiɛn nin-ɔn. Nyanmiɛn sɔ'n ɔ ti nanwlɛfuɛ, ɔ nin sran mun tra aenguɛ. Sɛ be klo i nan be fɛ i mmla'm be su'n, i kusu ɔ nian aenguɛ ng'ɔ nin be trali'n su yɛ ɔ si be aunnvuɛ lele fa wlu be anunman'm be mma liɛ'm be nun lele ju be akpasua akpi su.

1 Timote 1:15

Ndɛ nga ti nanwlɛ weiin, sɛ be fa su'n ɔ ti kpa, yɛlɛ kɛ Krist-Jésus bali mɛn'n nun sa tɛ yofuɛ mun bɔ n ti be nun klikli'n be delɛ.

Tite 2:14

E ti Jésus ɔ fɛli i wun mannin nan ɔ ´yi ye sa tɛtɛ'n kwlaa nun nan e `kaci i sa ti sran bɔ é wun sa tɛtɛ'n kwlaa ɔ'a wie, bɔ e tu e klun yo sran ye .

Hébreu 10:23

Man e tra like nga e kɛn i ndɛ kɛ é wla o su'n i kekle, nán man é sa'n kpɔ, afin Nyanmiɛn b'ɔ se kɛ ɔ ´yo man ye'n, ɔ ti nanwlɛfuɛ.

Hébreu 11:11

Sara kusu Nyanmiɛn su b'ɔ lafi'n ti, ɔ nin i kpɛnngbɛn bɔbɔ bɔ ɔ'a yo'n, ɔ mɛnnin i fanngan man ɔ wuli ba, afin ɔ si kɛ Nyanmiɛn b'ɔ kan kɛ ɔ ´yo sa sɔ'n mɛn i'n ɔ ti nanwlɛfuɛ .

Hébreu 6:10

Afin Nyanmiɛn yo-man sa b'ɔ ti-mɛn i su'n, i wla fi-man junman nga an dili nin klolɛ nga an fa klo i b'ɔ man an yoli i sran'm be ye bɔ an tɛ yo'n su'n.

1 Jean 1:7

Sɛ sa nga e yo'n e yo i weinwein kɛ i bɔbɔ yo sa weinwein sa'n, e nin amun di anuansɛ, yɛ i Wa Jésus i mmoja'n man é wun sa tɛ kwlaa ´wie.

Sa nglô yile 15:3

Be to Moiz b'ɔ ti Nyanmiɛn i sran'n nin Bua Gbanflɛn'n be jue'n, be se kɛ: «Anannganman Nyanmiɛn wɔ bɔ a kwla like kwlaa yo'n, sa dandan nga a yo be'n, be ti abonuan! Nvle-nvle'm be Famiɛn, a ti nanwlɛfuɛ yɛ a yo sa i nuan su !