1 Jean 1:4 - NYANMIƐN NDƐ'N 1998

⁴ E ´klɛ i sɔ nan e klun jɔ kpa.

Nyanmien nde Ufle

⁴ Éh kleh i so nan é klun dyo kpa.

1 Jean 1:4 ပူးပေါင်းရင်းမြစ်များ

Ezai 61:10

N klun'n ɔ jɔ dan Anannganman ti, mín wun'n ɔ blibli min kpa min Nyanmiɛn'n ti. Afin sɛ sran'm be delɛ'n ti tannin'n, wuun n ´se kɛ ɔ fa katali mín wun. Yɛ sɛ sa nga be yo i nuan su'n ti tralɛ'n, wuun n ´se kɛ ɔ fa wlali min wun. M'an yo kɛ atɔnvlɛ yasua b'ɔ wla kle klanman'n sa. M'an yo kɛ atɔnvlɛ bla b'ɔ wlawla i afle kpakpa mun'n sa.

Jean 15:11

N ´kɛn i sɔ kle amun nan amun klun ´jɔ kɛ n liɛ'n sa, yɛ amun klun ´jɔ lelele.

Jean 16:24

Lele ndɛ'n, an nian srɛ-man like fi min dunman nun. An `srɛ, amun ´nyɛn i yɛ amun klun'n ´jɔ lelele.»

Jean 3:29

Atɔnvlɛ bla'n ti bian b'ɔ su fa atɔnvlɛ'n i liɛ, sanngɛ bian'n i janvuɛ'n b'ɔ jin lɛ'n, ɔ tie i ndɛ ng'ɔ kan'n, kɛ ɔ ti i nɛn'n, i klun jɔ dan, n kusu kɛ n klun liɛ'n wa jɔ dan sɔ-ɔ .

2 Korɛntfuɛ Mun 1:24

Nán kɛ e waan e mian amun Nyanmiɛn atin'n su ti-ɔ, afin kɛ an lafi Krist su'n, an jran kekle, sanngɛ e klo kɛ e ´uka amun e ´di junman nan amun klun `jɔ.

Efɛzfuɛ Mun 3:19

Kannzɛ sran fi kwla wun-man klolɛ bɔ Krist fa klo ye'n i wlɛ kpa'n, n ´srɛ i kɛ an wun i wlɛ nan an fa Nyanmiɛn sa kwlaa nun.

1 Jean 2:1

M mma mun, kɛ ɔ ko yo nan amu'an yo-man sa tɛ'n ti, n ´klɛ ndɛ nga blɛ amun. Sanngɛ sɛ sran wie yo sa tɛ'n, e lɛ é ti ndɛ kanfuɛ, ɔ o e Si Nyanmiɛn wun lɔ, yɛlɛ Jésus-Krist b'ɔ ti sran kpa'n.

2 Jean 1:12

Ndɛ kpanngban wo n klun, n klo kɛ n ´kan kle amun, sanngɛ n klo-man kɛ n klɛ. N waan m ´ba amún wun lɔ nan min nin amun ´koko yalɛ nan e klun jɔ dan.