1 Jean 1:2 - NYANMIƐN NDƐ'N 1998

² Kɛ i bɔ be flɛ i Nguan'n ɔ yili i wun nglo'n, e wunnin i, ɔ man e kɛn i ndɛ, yɛ i bɔ be flɛ i Anannganman Nguan sɔ'n, b'ɔ wo e Si'n i wun lɔ'n, b'ɔ yi i wun nglo kleli ye'n, e kɛn i ndɛ kle amun.

Nyanmien nde Ufle

² Ke i bo bé flee Nguan'n o yii i wun nglô'n, é wunniin, o man é ken i nde, ye é ken i bo bé fle i Anannganman Nguan so'n, b'o ô é Si'n i wun lo, b'o yi i wun nglô kléé yé'n, i nde klé amun.

1 Jean 1:2 ပူးပေါင်းရင်းမြစ်များ

Jean 1:18

Sran fi nian wun-man Nyanmiɛn le san i Wa kunngba'n b'ɔ nin i ti kun b'ɔ ti i anwlɛn su ba'n i yɛ man e sili i-ɔ .

Jean 1:4

I sa nun yɛ nguan'n wo-ɔ, nguan sɔ'n ti kɛ wia'n sa, ɔ man sran'm be wun ase.

Jean 10:28

M man be anannganman nguan, be su nunnun-man le, yɛ sran fi su de-man be ń sa nun.

Jean 14:6

Jésus seli i kɛ: «Min yɛ n ti atin nin nanwlɛ nin nguan nin-ɔn. Sran nga ɔ'a sin-man min nun'n, ɔ ju-man e Si wun lɔ.

Jean 15:27

Amun kusu, amun ´kan min ndɛ wie, afin kɛ ɔ fin i bo bolɛ nun'n, min nin amun yɛ e wo-ɔ.»

Jean 16:28

N fin e Si'n wun lɔ yɛ m bali-ɔ. Siɛn'n, n su jao mɛn nga nun n ´kɔ i wun lɔ ekun.»

Jean 17:3

Kɛ be se kɛ be ´nyan anannganman nguan'n, i bo'n yɛlɛ kɛ be ´si wɔ bɔ ɔ kunngba cɛ yɛ a ti Nyanmiɛn'n nin Jésus-Krist bɔ a sunmɛnnin i'n.

Jean 17:5

I sɔ'n ti siɛn'n, min Si, nyrun nga kɛ n wo ɔ wun lɔ'n n lɛ i'n nan w'a yi mɛn'n, man n nyan nyrun kunngba sɔ'n ɔ wun lɔ ekun.

Jean 19:35

Sran ng'ɔ wunnin nun'n yɛ ɔ kannin-ɔn, yɛ ndɛ ng'ɔ kan'n ti nanwlɛ. I bɔbɔ si kɛ ndɛ ng'ɔ kan'n ti nanwlɛ, ɔ man amun kusu an `lafi su wie.

Jean 21:14

Kɛ Jésus cɛnnin'n, i kpɛ nsan su b'ɔ ´fɛ i wun kle i sɔnnzɔnfuɛ mun'n yɛlɛ ng'ɔ o lɛ'n.

Jean 3:13

Sran fi nian ɔ-man nyanmiɛn su lɔ le san m bɔ n kacili Sran'n bɔ n fin lɔ bali'n.

Jean 7:29

M bɔbɔ n si i, i wun lɔ yɛ n fin-ɔn, i yɛ ɔ sunmannin min-ɔn.»

Jean 8:38

Like nga n wunnin i mín Si wun lɔ'n, i ndɛ yɛ n kan-an, yɛ amun kusu, like nga amún si liɛ'n kleli amun'n, yɛ an yo-ɔ.»

Sa nga bé yôli'n 1:22

kɛ Zan yoli e Min Jésus batɛm bɔ e wlan-wlan-an be ko sunman e titi lele fa juli cɛn nga Nyanmiɛn fɛli i e afiɛn'n, man ɔ yo be nun kun.»

Sa nga bé yôli'n 10:41

sanngɛ sran ngba a wun-mɛn i, san e nga Nyanmiɛn dun mmua sieli ye kɛ e wun i'n, bɔ kɛ ɔ cɛnnin'n e nin i e dili like'n, e yɛ e wunnin i-ɔ.

Sa nga bé yôli'n 2:32

Jésus sɔ'n yɛ Nyanmiɛn cɛnnin i nin-ɔn, ɔ yoli e kwlaa e nyrun.

Sa nga bé yôli'n 3:15

Amun yoli man be kunnin sran ng'ɔ man nguan'n, sanngɛ Nyanmiɛn cɛnnin i. Sa sɔ'n yoli e bɔbɔ e nyrun.

Sa nga bé yôli'n 5:32

Nyanmiɛn Wawɛ'n b'ɔ fa mannin be bɔ bé nyin yi i'n, e nin i e ti sa sɔ'n nun lalofuɛ.»

Rɔmfuɛ Mun 8:3

Like nga Moiz mmla'n kwlɛ-mɛn i yo'n klɔ sran i nzuɛn'n ti'n, Nyanmiɛn bɔbɔ yoli. Kɛ ɔ yoli man i bɔbɔ i Wa'n kacili kɛ klɔ sran b'ɔ yo sa tɛ sa'n, b'ɔ sunmɛnnin i kɛ ɔ `yo tɛ nnɛn'n, ɔ kle kɛ sa tɛ b'ɔ ti klɔ sran nzuɛn'n ti tɛ, ɔ man sɛ ɔ wie'n, ɔ ti i su .

Galasifuɛ Mun 4:4

Sanngɛ kɛ blɛ nga Nyanmiɛn sieli'n juli'n, ɔ sunmɛnnin i Wa'n, bla kun wuli i, ɔ dili mmla'n su.

1 Timote 3:16

Nanwlɛ, e kwlaa e si kɛ kɛ ɔ yoli bɔ e yoli Nyanmiɛn liɛ'n, ɔ ti abonuan dan, sran wun-mɛn i wlɛ. Ɔ yoli i wun sran'n, ɔ yili i wun nglo, Nyanmiɛn Wawɛ'n kle kɛ ɔ ti sran kpa, anz'm be wunnin i. Be kɛnnin i ndɛ nvle'm be nun. Be lafili i su mɛn wunmuan'n nun. Be mɛnnin i su ɔli nyanmiɛn su lɔ, ɔ nyannin nyrun dan.

2 Timote 1:10

E blɛ liɛ'n su kɛ e Defuɛ Krist-Jésus bali'n, yɛ ɔ yili ye sɔ'n i nglo-ɔ. Ɔ sacili wie'n i kwlalɛ'n, yɛ i jasin fɛ'n ti ɔ man y'a si nguan b'ɔ man sran wu-man'n.

Tite 1:2

nan be fa be wla gua anannganman nguan'n su. Nyanmiɛn b'ɔ bua-man ato'n, kɛ ɔ nian yi-man mɛn'n, ɔ sieli kɛ e nyan nguan sɔ'n.

1 Piɛr 5:1

I sɔ'n ti, m ma srɛ amun bɔ an ti asɔnun kpɛnngbɛn'n amun like kun. M bɔbɔ n ti asɔnun kpɛnngbɛn kɛ amun sa, n kan Krist i nyrɛnnɛn b'ɔ wunnin i'n i ndɛ, yɛ anyrunnyan like nga Nyanmiɛn wa yi i nglo'n, n dunman'n ´tɛ nun wie. N ´srɛ amun,

1 Jean 1:1

Nguan Ndɛ b'ɔ o lɛ anannganman'n i ndɛ yɛ e ´klɛ blɛ amun yɛ nin-ɔn. E tili, e bɔbɔ e wunnin i nin e nyinma, e niɛnnin i, e kɛnnin i.

1 Jean 2:25

An `nian, like nga Krist waan ɔ ´fa man ye'n yɛlɛ anannganman nguan'n.

1 Jean 3:5

Afin an si kɛ Krist bali sa tɛ'n i nuan nnya bulɛ, yɛ sa tɛ kaan sa bɔn-mɛn i wun.

1 Jean 3:8

Sran ng'ɔ yo sa tɛ'n, ɔ ti mmusu'm bé si Satan'n i liɛ, afin kɛ ɔ fin i bo bolɛ nun'n, mmusu'm bé si Satan'n ti sa tɛ yofuɛ. Nyanmiɛn Wa'n bali sa nga mmusu'm bé si Satan yo'n i nuan nnya bulɛ.

1 Jean 4:14

E wun kɛ e Si sunmɛnnin i Wa'n mɛn'n nun kɛ ɔ wa de sran mun yɛ man e kan-an.

1 Jean 4:2

An `nian, sa wafa nga amun fa si sran ng'ɔ ijɔ Nyanmiɛn Wawɛ'n nuan'n yɛ: sran kwlaa ng'ɔ se kɛ Jésus-Krist kacili sran ɔ bali'n, i sɔfuɛ'n yɛ ɔ ijɔ Nyanmiɛn Wawɛ'n nuan-an.

1 Jean 5:11

An `nian, ndɛ sɔ'n yɛ: Nyanmiɛn mannin ye anannganman nguan, i Wa'n ti yɛ man e nyannin nguan sɔ nin-ɔn.

1 Jean 5:13

N klɛ ndɛ sɔ'n blɛli amun nan amun bɔ an lafi Nyanmiɛn Wa'n su'n, an si kɛ an lɛ anannganman nguan.

1 Jean 5:20

E si kusu kɛ Nyanmiɛn Wa'n bali yɛ ɔ kle ye ngwlɛlɛ nan e si Nanwlɛfuɛ'n. E nin Nanwlɛfuɛ sɔ'n y'a yo kun i wa Jésus-Krist ti. I yɛ ɔ ti Nyanmiɛn nin-ɔn, i yɛ be flɛ i nguan nin-ɔn.