Taytəs 3:5 - Vengo (Babungo)

⁵ Faŋ ŋwə nə bweysə nsiŋ nɨniŋ nə, kee bweysə nsiŋ buꞌ vəfaꞌ vəjəəvə faŋ nsiŋ nə yɨsə me. Ŋwə bwèysə nsiŋ luu sheꞌ buꞌ gəŋ si, faŋ ŋwə nə sɔ nu bwə fɨ maa nsiŋ, bì nsiŋ fi. Zwitə Ley Nwi ŋii taa fwisə nsiŋ, kɔ nsiŋ nə nshinə yifi.

Taytəs 3:5 ပူးပေါင်းရင်းမြစ်များ

Matiu 3:11

Jɔn baa gi laa, «Mə kɔ muu mə Nwi tɨ́ viŋ laa viŋ kɨ kwiinə fwi siŋ. Luu nə, wə ntɨə faŋ ŋwə jwi fiiba mə, kìi wutə shɔ̀ɔ mə. Mə kee bee kùꞌnə ŋkee maa məshaꞌ gɔsə si me. Ŋwə ndɔ kɔ luu Zwitə Ley Nwi tɨ́ viŋ, nə wisə.

Lukas 1:50

Ŋwə kee gəŋsə vɨɨ mbɨə faŋ vəŋ fee ŋwə maa shiŋ tɨ̀ me shiŋ.

Lukas 1:54

Ŋwə gaŋtə vɨɨ Isirayl, faŋ luu vaŋ vi nə, baa lumə maa məkee gəŋsə vəŋ,

Lukas 1:72

Nwi nə gì laa, yi taa lumə məkee faŋ yi nə gwìa nə, kɨ kee gəŋsə vətɨɨ vaŋ-nsiŋ.»

Lukas 1:78

Lùu faŋ Nwi kee gəŋsə vɨɨ nə fwi yi yinshə. Gəŋsə Nwi ŋii taa ŋwaa nsiŋ yaa məley faŋ ŋwə siꞌ fɨ taa yizɔ, jwì yɨ nsiŋ,

Roma 11:14

tɨ́ kɨ kaꞌ yighee mɔ́ꞌ mə baa dɔ̀ŋsə ŋgwisə nyaa, bwèysə vɨɨ mɔ́ꞌ fɨ taa ŋwaa vəŋ nɨzi.

Roma 11:6

Faŋ ŋwə nə shòꞌ vəŋ nɨniŋ, buꞌ faŋ ŋwə nə kèe gəŋsə vəŋ nə, ŋwə nə kee shòꞌ vəŋ buꞌ vənu vəvəŋ faŋ vəŋ nə yɨ̀sə nə me. Ŋwə nəə toꞌ shòꞌ vəŋ buꞌ vənu vəvəŋ, buu nu ŋkɨə faŋ ŋwə nə gàŋtə vəŋ nə, kee baa lùu nu gəŋsə si me.

Roma 12:2

Kɨ viŋ kɨ toꞌ ghuu yitoꞌ kiŋ maa jɨɨ mbi nyə̀ me. Viŋ bee kii kwìinə fwi siŋ nə mbɨꞌtə yiŋ, kɨ kwaꞌtə nu ŋkɨə faŋ Nwi kəə laa viŋ kɨ yɨ. Nɨniŋ laa viŋ kɨ yɨsə nu faŋ ŋkə lùu kəjəə, baa ndɨŋ tɨ́ Nwi, nə ŋkɨə faŋ ŋkə bàw shɨlə.

Roma 3:20

buꞌ laa tuu wə muꞌ kee ndɔ fuu loomə yikəꞌ Nwi buꞌ vəfaꞌ vi faŋ ŋwə kəə kɨ beꞌsə nuŋsə ntɨsə sɔ́ me. Kaꞌ ntɨsə Nwi sɔ́ yɨ̀sə sheꞌ laa nsiŋ kɨɨ laa vənu mbɨə faŋ nsiŋ yɨsə, luu vənu vəbwəvə.

Roma 3:28

Nɨniŋ, nsiŋ biŋ laa, nu wə yaa kɨ kiasə loomə, buꞌ faŋ ŋwə nùŋ fwi yi maa Yeso, kee lòomə buꞌ laa jɨɨsə vənu vi kùꞌnə maa ntɨsə Nwi me.

Roma 4:5

Kɨ luu wə kee kɨ faꞌ vəfaꞌ maa məbɔŋsə vənu vi me, luu nə, nùŋ fwi yi maa Nwi, buu Nwi ndì vənu vi yaa vənu vəbivə. Lùu nɨniŋ buꞌ faŋ ŋwə nùŋ fwi yi maa Nwi faŋ ŋwə kiasə vənu və wə faŋ ŋwə yaa manə Nwi, yɨ̀sə mbə loomə.

Roma 9:11

faŋ vaŋ vɔ́ nəə kɨ bii taa njyoꞌ ŋwə, kee bee ta yɨ̀ nu jəə me, tɨꞌnə me nu bwə me, Nwi nə shòꞌ wə muꞌ fɨ taa ŋwaa vəŋ. Nɨniŋ laa vɨ kɨ ye laa Nwi yaa kɨ shoꞌ wə ntɨə faŋ ŋwə kàw.

Roma 9:16

Nɨniŋ, kee lùu nu wə faŋ ŋwə kəə nu kɔ́ me, kee lùu nu wə faŋ ŋwə jɔmə nu kɔ́ nə wutə me. Luu sheꞌ nu gəŋsə Nwi, faŋ ŋwə kee gəŋsə wə nə.

Roma 9:30

Ŋkə lùu kɨkə ndwə? - Viŋ zɔ! Vɨɨ tətɔŋ fu faŋ vəŋ nə kee kəə jɨɨsə maa məgu vɨɨ loomə vɨsɨ Nwi me, gù vɨɨ loomə. Nu vəŋ lùu kəloomə buꞌ faŋ vəŋ nùŋ fwisə vəŋ maa Kristo.

1 Kɔrintian 6:11

Nə luu yighee vɨsɨ, vɨɨ mɔ́ꞌ fɨ taa ŋwaa viŋ nə yɨ̀sə kəŋ vənu vɔ́. Luu nə, Yeso Kristo sɔ viŋ fɨ maa vənu vəbwəvə viŋ vɔ́, ŋwə fuusə viŋ, tə laa viŋ luu mbii vɨɨ. Nwi ndɨ̀ viŋ yaa vɨɨ faŋ vənu vəvəŋ lùu vəloomə, buꞌ laa viŋ jwì yɨ ŋwə maa yizii tɨta Yeso Kristo. Yɨ Zwitə Ley Nwi laa viŋ luu vɨɨ ley Nwi ndwə.

Galatia 2:16

Luu nə, faŋ nsiŋ kɔlə luu vɨɨ Jus binə nə, nsiŋ kɔꞌ kɨɨ laa, nu wə kee yaa kɨ kwiinə, lùu kəloomə sɨ Nwi buꞌ vənu mbɨə faŋ ŋwə yɨsə, faŋ gì nuŋsə me. Vənu və wə yaa kɨ kwiinə sheꞌ faŋ ŋwə nùŋsə fwi yi maa Yeso Kristo. Nɨniŋ, nsiŋ nùŋ fwi saŋ-nsiŋ maa Yeso Kristo sheꞌ yaa vɨɨ vɔ́ faŋ vəŋ kee lùu vɨɨ Jus me. Vənu vaŋ-nsiŋ lùu vəloomə vɨsɨ Nwi sheꞌ buꞌ faŋ nsiŋ nùŋ fwi saŋ-nsiŋ maa Yeso Kristo, kee luu buꞌ yitoꞌ nyaa-nsiŋ faŋ nsiŋ jia nuŋsə vɨɨ Jus nə wutə me. Ŋkə luu ŋkee faŋ vɨ nə nyɔ̀ꞌ taa ŋwaꞌlə Nwi fɨshi laa, «Wə kee lùu shɔ faŋ vənu vi ndɔ ley vɨsɨ Nwi, buꞌ laa ŋwə nuŋsə ntɨsə nə wutə me.»

Efesɔs 2:4

Luu nə, Nwi faŋ ŋwə kee gəŋsə vɨɨ dɨdɨꞌ nə, ŋwə nə kaw nsiŋ shɔ̀ɔ,

Efesɔs 4:23

Nɨniŋ, nu kiŋ nə luu laa viŋ kwiinə fwi siŋ, nsə bɔŋsə maa Zwitə Nwi.

Efesɔs 5:26

Nɨniŋ laa ŋwə yɨ̀sə vəŋ ley tɨ́ Nwi. Ŋwə nə sɔ̀ yibɨsə vəŋ fɨ maa vəŋ, faŋ ŋwə nə kɔ̀ yigisə Nwi nə muu mə Nwi tɨ́ vəŋ.

Kɔlɔsii 3:10

Viŋ bee kii ndi nshinə yifi, mɔ̀ꞌ maa viŋ yaa njwi. Nwi kɔ̀ nshinə yifi yɔ́ tɨ́ viŋ, yɨ̀sə laa viŋ gə nə vɨsɨ, kɨ kɨɨ nə Nwi. Ŋkɨꞌnə yiŋ kɨ nii lùu yaa njyə faŋ Nwi nə bɔ̀ŋ viŋ shɔ nə.

2 Timoti 1:9

Ŋwə nə bwèysə nsiŋ, shoꞌ nsiŋ maa vɨɨ ley vi, kee kɨ tii nsiŋ buꞌ vənu vəjəəvə vaŋ-nsiŋ me. Ŋwə nə tìi nsiŋ luu buꞌ faŋ nshɨ-tɔ wi nə kɔ̀ꞌnə taa fwi ŋwə shù fɨ maa vənzi və mbi, laa ŋwə ndɔ kee gəŋ saŋ-nsiŋ, faŋ ŋwə ndɔ tɔŋ Yeso Kristo tɨ́ nsiŋ nə.

Taytəs 3:4

Luu nə, nə luu maa yighee njyə faŋ Nwi, wuu məbweysə ŋwaa-nsiŋ, nə də̀ njyoꞌ yijəə yi nə ŋkawnə yi tɨ́ nsiŋ, ŋwə bweysə nsiŋ fɨ ghɔ jɨɨ yibwə yɔ́.

Hibru 10:22

Nɨniŋ, bàw nsiŋ nuŋ fwi saŋ-nsiŋ maa Yeso, jwì yɨ Nwi nə fwi yiley, buꞌ laa mənshi mə Yeso yɨsə fwi saŋ-nsiŋ ley. Nsiŋ lùu vɨɨ faŋ vəŋ sɔ̀ yiŋwaa yivəŋ ŋkee taa muu məleymə, faŋ nsiŋ nə fì muu mə Nwi nə.

Hibru 4:16

Nɨniŋ, bàw nsiŋ kii fwi yiweꞌ, kɨ jwi nə məŋaytə maa shəŋ kenə Nwi ŋkɨə faŋ ŋwə kee gəŋsə vɨɨ shɔ nə. Bàw nsiŋ gə maa shəŋ kɔ́ tɨ́ kaꞌ nsiŋ kìi mənɔŋ-bwaŋnə fɨ fuŋ, Nwi taa kɨ kee gəŋ saŋ-nsiŋ, baa gaŋtə nsiŋ maa yighee njyə faŋ nyə kùꞌnə.

Hibru 6:6

kɨ ghaŋ laa kəŋ wə ghɔ́ faŋ ŋwə kɨ̀ɨ nə vənu vɔ́ nə, baa kìasə fwi yi, twèy vənu vɔ́, buu jɨɨ kee baa lùu shɔ tɨ́ ŋwə, laa ŋwə baa kwiinə fwi yi, nùŋ maa Nwi me. Lùu nɨniŋ buꞌ laa, kəŋ wə ghɔ́ gù wə faŋ ŋwə baa bèy Wee Nwi fuu fəŋkɔꞌ fə ŋkɨꞌsə, baa shìasə ŋwə ntee.

1 Pita 1:3

Nsiŋ kɨ bəŋsə Nwi, tɨɨ Yeso Kristo, faŋ luu mbweysə nyaa-nsiŋ. Nwi nə kèe gəŋ saŋ-nsiŋ dɨdɨꞌ, faŋ ŋwə nə kɔ̀ məbwey fi tɨ́ nsiŋ, buꞌ faŋ ŋwə nə ywèysə Yeso fɨ shɨ yiku. Nɨniŋ, kaꞌ nsiŋ kɨ̀ꞌ məbwey vəlwaŋ nə məŋaytə.

1 Pita 2:10

Nə luu yighee vɨsɨ, viŋ kee lùu ŋiꞌ ŋii kəmuꞌ me. Luu nə, ndwə viŋ lùu ŋiꞌ ŋii vɨɨ Nwi. Yighee vɨsɨ, Nwi nəə kee ta kee gəŋ siŋ me, lùu ndwə Nwi kee gəŋ siŋ dɨdɨꞌ.

1 Pita 3:21

Nu muu kɔ́ luu mfɨꞌ nu muu mə Kristo, faŋ mbə bweysə viŋ ndwə. Mbə kee lùu maa məsɔ yifɨŋ fɨ maa viŋ me, lùu nu maa məbuꞌ ghɔ tɨ́ Nwi, laa ŋwə yɨsə fwi siŋ ley. Kaꞌ ŋkə bwèysə viŋ buꞌ laa Yeso Kristo nə ywèy fɨ shɨ yiku,