Taytəs 3:2 - Vengo (Babungo)

² Kɨ vəŋ kɨ ndasə vɨɨ me, kee kəə nsɔꞌ me, yɨsə vənu vənshə maa jɨɨ yijəə, duꞌ bwaŋnə ghɔ vɨ vɨɨ vənshə.

Taytəs 3:2 ပူးပေါင်းရင်းမြစ်များ

Matiu 11:29

Viŋ shaꞌ fəŋkɔꞌ fə kaalə nyàa faŋ maa viŋ, kɨ zwetə nu kaŋ, buꞌ laa mə lùu wuu bwaŋnə, ndɔ bwasə ŋwaa nsi fɨ taa fwi mə, buu fwi yiŋ duꞌ bwaŋnə.

Akts 23:5

Pɔɔl gi laa, «Mə nii kee yikɨɨ laa lùu wuu kwalə məfeꞌ Nwi me, vaŋ-nshwi vaŋ. Mə kɔꞌ kɨɨ laa ŋkə lùu taa ŋwaꞌlə Nwi laa, kɨ wə gi nu bwə tɔ wə ntɨə faŋ ŋwə sɔꞌ shɨ kaŋ-nsiŋ me.»

1 Kɔrintian 6:10

nə vɨɨ faŋ vəŋ shɨshaw, nə vɨɨ vəŋwiŋ, nə vɨɨ faŋ vəŋ nu məluꞌ, mbə shɔɔ sɨ vəŋ, nə vɨɨ faŋ vəŋ toꞌ ndasə vɨɨ, nə vɨɨ faŋ vəŋ si vətɔ və vɨɨ, kəŋ vɨɨ vɔ́ vənshə, faŋ vəŋ yɨsə vənu vəbwəvə vɔ́ nə, kee ndɔ ŋii taa nu yifwàŋ Nwi me.

1 Kɔrintian 9:19

Mə lùu wə faŋ mə toꞌ fɨ tɔ mə, wə kee sɔꞌ mə me. Luu nə, faŋ ŋkə kɔlə lùu nɨniŋ, mə gù buꞌ tɨ́ vɨɨ vənshə, tɨ́ kaꞌ mə yɨ̀sə laa vɨɨ vəyaŋ jwi bèꞌsə Yeso Kristo.

2 Kɔrintian 10:1

Mə Pɔɔl kəə kee vənu tɨ́ viŋ kɔ̀ŋ nu Kristo faŋ ŋwə zutə ndɔ sàylə. Mə faŋ viŋ gisə laa mə bwasə ŋwaa ŋwaa nsi, vɨsɨ viŋ yighee njyə faŋ nsiŋ lùu mɔ́ꞌ, baa nə laa, yighee njyə faŋ mə ndɔ fɨ yɨ viŋ, buu fwi nyaa weꞌ maa viŋ.

2 Kɔrintian 12:20

Mə fee laa yighee njyə faŋ mə taa ziꞌ yɨ viŋ, yè viŋ faŋ viŋ kee yɨsə vənu maa jɨɨ njyə faŋ mə kəə laa viŋ kɨ yɨsə nə me. Nɨniŋ, viŋ nɨzi taa kɨ ye mə faŋ mə yɨsə vənu faŋ viŋ kee kàw me. Lùu nɨniŋ buꞌ laa mə fɨfee laa mə taa jwi, ye viŋ taa ntaysə nə məsəsə vɨɨ, tɨꞌnə me nə fwi yishəsə nə vəŋwiŋ, tɨꞌnə me laa viŋ sɨɨ təba tɔ viŋ, viŋ viŋ, ndɔ buꞌ məlɔꞌ, tɨꞌnə me koꞌsə ŋwaa, nə nshəŋtə yiŋ yibuulə.

Galatia 5:22

Gə fɨ maa vənu mbɨə faŋ mbə ndɔ̀ fɨ taa Zwitə Nwi, mə kəə naysə vənu vɔ́ tɨ́ viŋ nɨzi. Vənu vɔ́ luu ŋkawnə, nə məŋaytə, nə məduꞌ bwaŋnə, nə məjia fwi, nə məsaylə jəə, nə məgaŋtə vɨɨ, nə məzɔnə,

Galatia 6:1

Vaŋ-nshwi vaŋ, viŋ kɨ luu fàynə viŋ vɨ wə faŋ ŋwə yɨ̀ nu bwə, bàw viŋ gaŋtə wə ghɔ́ laa ŋwə kiasə gù wuu jəə. Kaꞌ viŋ yɨ̀sə nɨniŋ faŋ viŋ kìi Zwitə Ley Nwi taa fwisə viŋ. Bàw viŋ yɨ̀ nɨniŋ, kɨ yɨsə fɨ taa bwaŋnə, baa ndeynə yiŋwaa yiŋ buꞌ məmɔŋ mɔ́ꞌ taa ŋii viŋ nɨzi.

Galatia 6:10

Yighee kɨ bii maa məyɨ nu jəə ndwə. Bàw nsiŋ gaŋtə vɨɨ ghee nshə, gàŋtə vaŋ-nshwi vaŋ-nsiŋ vɨɨ Nwi fɨ taa nwaa vɨɨ Yeso Kristo.

Efesɔs 4:2

Viŋ bwasə yiŋwaa yiŋ nsi, kɨ yɨsə vənu fɨ taa bwaŋnə. Viŋ jia fwi siŋ, kɨ kawnə yiŋwaa yiŋ ghee nshə.

Efesɔs 4:31

Bàw viŋ meꞌ fwi yibiŋ, nə too bwənə, nə məshəsə, nə ndisə, fɨ taa ŋwaa viŋ. Viŋ meꞌ vənu vəbwəvə vənshə!

Filipi 4:5

Viŋ kɨ yɨsə vənu maa jɨɨ yijəə, tɨ́ kaꞌ vɨɨ vənshə taa ye laa viŋ lùu vɨɨ bwaŋnə. Viŋ kɨ lumə laa tɨta Yeso luu nshənə.

1 Tesalonika 2:7

faŋ yia nə kɔlə kìi wutə buꞌ laa yia lùu vɨɨ ntɔŋ Kristo. Yia nəə bwasə yiŋwaa yia nsi, kɨꞌ viŋ faŋ nsiŋ nə luu mɔ́ꞌ nə, sheꞌ yaa nshu weembwa yaa kɨ kɨꞌ ŋwiŋ wi nə.

1 Timoti 3:11

Bàw vɨɨ faꞌ mbə vəki baa luu vɨɨ jəənə nɨzi, kee kɨ gisə bwə tɔ vɨɨ me. Tɔ vəŋ luu kəley nɨzi. Vəŋ kɨ yɨ vənu vəvəŋ vənshə vəbi.

1 Timoti 3:3

Kɨ ŋwə kɨ nu məluꞌ, mbə shɔɔ sɨ ŋwə me, tɨꞌnə me, luu wuu məkəə yighaw me. Bàw ŋwə luu wuu bwaŋnə, kee kɨ kəə nsɔꞌsə me, fwi yi kee kɨ ndɔ maa ka me.

Jeyms 3:17

Yitɔfə njyə faŋ nyə ndɔ fɨ ghɔ Nwi, lùu nɨŋkwiŋ. Wə ntɨə faŋ ŋwə kìi kəŋ tɔ ley kɔ́, lùu wuu ley. Ŋwə jwi nə mənɔŋ-bwaŋnə tɨ́ vɨɨ, yɨ jəə, kee kìi məshii me, kee gəŋsə vɨɨ ŋkee dɨdɨꞌ, yɨsə vənu vəjəəvə ghee nshə, kee shia nsɔꞌ tɔ wə me, kee bweꞌsə wə me.

Jeyms 4:11

Vaŋ-nshwi vaŋ, kɨ viŋ baa kɨ gisə vənu vəbwəvə tɔ yiŋwaa yiŋ me. Wə kɨ luu gi nu bwə tɔ weenshu wi, yighee mɔ́ꞌ kɨ kəə shia nsɔꞌ tɔ ŋwə, buu ŋkə lùu laa, ŋwə gisə bwə kɔ̀ŋ ntɨsə Nwi, ndi nshɨ-tɔ wi yaa wuu məshia nsɔꞌ kɔ̀ŋ ntɨsə Nwi. Wə kɨ luu ndì ŋwaa wi laa yi lùu wuu məshia nsɔꞌ kɔ̀ŋ ntɨsə Nwi, buu ŋwə kee baa lùu wə faŋ ŋwə nùŋsə ntɨsə sɔ́ me.

1 Pita 2:1

Nɨniŋ, viŋ meꞌtə nu fwi yibwə, nə nu məbweꞌsə vɨɨ, nə nu məboꞌ ŋwaa, nə nu fəsə, nə ghaŋ bwənə.

1 Pita 3:10

Maa vɨ nə nyɔ̀ꞌ taa ŋwaꞌlə Nwi laa, «Wə ntɨə faŋ ŋwə kəə zɨ mənɔŋ-bwaŋnə nə məŋaytə shɨ nsi, bàw ŋwə kee baa kɨ gisə yigi yibwənə me, kee gì yigi təba me.

1 Pita 3:8

Maa məndwə nu kɔ́, mə gì tɨ́ viŋ vənshə, viŋ kii mbɨꞌtə yiŋ yimuꞌ, nə ŋkitə yimuꞌ, kìi fwi yijəə. Viŋ kɨ kaw nə yiŋwaa yiŋ yaa vaŋ-nshwi, kee gəŋsə vɨɨ, baa lùu vəzutə.

1 Pita 4:4

Jwì fɨ maa ndwə, viŋ kee baa lùu taa nwaa vɨɨ vɔ́ me, viŋ kee baa yɨsə kəŋ vənu vəbwəvə vɔ́ me. Nɨniŋ, nu kɔ́ ghɔꞌ vəŋ, vəŋ kɨ nii ndasə viŋ.

2 Pita 2:10

Vɨɨ mbɨə faŋ Nwi ndɔ kwaŋ taa nsɔꞌ shɔ̀ɔ ki, lùu vɨɨ mbɨə faŋ vəŋ yɨ sheꞌ vənu vəbwəvə faŋ mbɨꞌtə vəŋ də tɨ́ vəŋ, baa nə faŋ vəŋ twey maa məzɔnə Nwi. Vɨɨ vɔ́ faŋ vəŋ toꞌ deesə nu faŋ kee lùu nu yinsəŋ nə me, vəŋ koꞌsə ŋwaa vəŋ dɨdɨꞌ, kee fee maa məgi nu bwə kɔ̀ŋ vəzwitə mbɨə faŋ mbə kìi wutə yizɔ nə me. Vəŋ toꞌ ndasə vəzwitə vɔ́.

Ŋwaꞌlə Jud 1:10

Gə fɨ maa vɨɨ vɔ́, vəŋ ndasə vənu faŋ vəŋ kee kɨ̀ɨ nə mbə me. Vəŋ lùu yaa nyaasə taa gay faŋ nsə kee yaa kɨ bɨꞌtə nu me. Vəŋ yɨsə vənu sheꞌ yaa nyaasə, faŋ nsə yaa kɨ yɨsə vənu, kee bee bɨꞌtə nu shɔ me. Vəŋ yɨ nɨniŋ, buu ndìsə sheꞌ vənu vɔ́ ndìsə vəŋ.

Ŋwaꞌlə Jud 1:8

Vɨɨ vɔ́ faŋ vəŋ jwì taa ŋwaa viŋ nə, yɨ sheꞌ kəŋ vənu vəbwəvə vɔ́, yɨ vənu vəbwəvə vɔ́ buꞌ njyəəsə faŋ nsə shi vəŋ. Vəŋ kee biŋ laa Nwi lùu tɨɨ tɔ vəŋ me. Vəŋ ndasə vəzwitə mbɨə faŋ mbə kii wutə yizɔ.