Taytəs 3:15 - Vengo (Babungo)

¹⁵ Vɨɨ vənshə faŋ yia vɨ vəŋ lùu mɔ́ꞌ, shɔꞌtə ghɔ. Shɔꞌtə vɨɨ mbɨə faŋ vəŋ kaw yia, buꞌ nu Kristo, faŋ nsiŋ nùŋ fwi saŋ-nsiŋ maa ŋwə nə, tɨ́ yia. Nwi tu mənɔŋ-bwaŋnə tɔ viŋ vənshə!

Taytəs 3:15 ပူးပေါင်းရင်းမြစ်များ

Matiu 5:47

Viŋ kɨ luu kɨ shɔꞌtə sheꞌ vaŋ-nshwi viŋ, buu viŋ yɨ̀ nu kwalə kɨkə? Maa vɨɨ faŋ vəŋ kee kɨ̀ɨ nə Nwi me, yɨsə nɨniŋ nɨzi.

Akts 20:34

Viŋ kɔꞌ kɨɨ laa mə nə fàꞌ nə ghɔ ŋaa, kìi fa ŋkɨə faŋ mə nəə kəə fɨ fuŋ, nə vətɔ və vɨɨ mbɨə faŋ yia vɨ vəŋ nə luu mɔ́ꞌ.

1 Kɔrintian 16:23

Tɨta Yeso Kristo tu mənɔŋ-bwaŋnə tɔ viŋ.

Galatia 5:6

Kɨ ghaŋ nsiŋ faynə nsiŋ vɨ Kristo, buu nu məsɨɨtə wə kee baa lùu nu me. Faŋ vɨ sɨ̀ɨtə wə, nə faŋ vɨ kee yisɨɨtə me, luu sheꞌ fa kəmuꞌ, ŋkwiinə kee lùu shɔ me. Nu ŋkɨə faŋ ŋkə lùu kəweꞌ, lùu laa nsiŋ biŋ Yeso Kristo, nùŋ fwi saŋ-nsiŋ maa ŋwə, baa kii ŋkawnə.

Kɔlɔsii 4:18

Maa məndwə, ye məshɔꞌtə ŋwaa faŋ nyɔ̀ꞌ mə Pɔɔl ŋkee nə ghɔ kaŋ. Viŋ kɨ lumə laa mə lùu taa ŋii mfiŋ feenə. Nwi tu mənɔŋ-bwaŋnə tɔ viŋ!

1 Timoti 1:2

Mə tɔ̀ŋ ŋwaꞌlə ŋwə̀ tɨ́ ghɔ, Timoti, faŋ a luu ŋkee ŋwiŋ ŋwaa yinsəŋ fɨ yiba jɨŋ Kristo, buꞌ faŋ nsoo nùŋ fwi maa ŋwə nə. Tɨta Nwi ghɔ tɨta ŋwaa-nsiŋ Yeso Kristo tu mənɔŋ-bwaŋnə tɔ ghɔ, kèe gəŋ sə, kɔ̀ ghɔ nə məduꞌ-nyɔŋ!

1 Timoti 1:5

Ŋkee ŋiꞌ nu Nwi lùu laa, nsiŋ kɨ kaw nə yiŋwaa nyaa-nsiŋ nə fwi yiley. Nsiŋ kii ŋkawnə yɔ́ faŋ nu kaŋ-nsiŋ lùu kəley, buꞌ faŋ nsiŋ nùŋ fwi saŋ-nsiŋ maa Kristo ŋkee maa yinsəŋ.

2 Timoti 4:22

Tɨta Yeso Kristo goꞌsə taa fwi ghɔ! Mənɔŋ-bwaŋnə Nwi luu taa ŋwaa viŋ!

Filemon 1:5

Mə bwaŋ Nwi buꞌ laa mə zɔ laa a nùŋ fwi yə maa tɨta Yeso, baa kaw ŋwə, ndɔ kaw vɨɨ ley Nwi vənshə.

Hibru 13:25

Nwi tu mənɔŋ-bwaŋnə tɔ viŋ vənshə. [Ŋkə lùu nɨniŋ.]

3 Jɔn 1:1

Lùu mə, wuu taa fɨ taa məshəŋtə vɨɨ Kristo, faŋ mə nyɔ̀ꞌ ŋwaꞌlə ŋwə̀ tɨ́ ghɔ, Gayɔs, faŋ mə kàw ghɔ yinsəŋ.