Taytəs 3:1 - Vengo (Babungo)

¹ Lumə tɨ́ vɨɨ laa ŋkə bàw vəŋ fee vɨɨ mbɨə faŋ vəŋ sɔꞌ vəŋ, zɔnə vəŋ, baa yɨsə vənu vəjəəvə vənshə.

Taytəs 3:1 ပူးပေါင်းရင်းမြစ်များ

Matiu 22:21

Vəŋ gi laa, «Lùu njyə fwàŋ Kaysa.» Ŋwə gi tɨ́ vəŋ laa, «Ŋkə bàw laa vɨ kɔ fa Kaysa tɨ́ Kaysa, kɔ̀ fa Nwi tɨ́ Nwi.»

1 Kɔrintian 15:58

Nɨniŋ, vaŋ-nshwi vaŋ faŋ mə kàw, viŋ kɨ tɨŋnə weꞌ. Viŋ goꞌ fa kəmuꞌ viŋ vɨ Kristo. Viŋ kɨ faꞌ faꞌ Nwi nə fwi yinshə, buꞌ laa viŋ kɔꞌ kɨɨ laa faꞌ ŋgwə faŋ viŋ faꞌ tɨ́ tɨta Yeso, kee ndɔ ndi day me.

Efesɔs 2:10

Nsiŋ lùu fa faŋ nə bɔ̀ŋ Nwi. Ŋwə bɔ̀ŋ nsiŋ buꞌ Yeso Kristo, laa nsiŋ kɨ yɨsə vənu vəjəəvə mbɨə faŋ ŋwə nə nùŋsə shù fɨ maa yighee vɨsɨ, laa nsiŋ ndɔ kɨ toꞌ ghuu yitoꞌ kaŋ-nsiŋ maa jɨɨ yɔ́ nə.

Filipi 1:11

Vənu vəjəəvə ndɔ lwaŋ taa ŋwaa viŋ, viŋ kii nshinə yijəə faŋ nyə ndɔ̀ fɨ ghɔ Yeso Kristo. Nɨniŋ, vɨɨ ye yikwalə Nwi fɨ fuŋ, bəŋsə ŋwə.

Kɔlɔsii 1:10

Nu tɔ ley kɔ́ taa yɨsə laa viŋ kɨ toꞌ nə nshinə yiŋ, faŋ nyə bàw tɨ́ tɨta Kristo, kùꞌnə tɨ́ vɨɨ faŋ vəŋ beꞌsə ŋwə nə. Viŋ kɨ yɨsə vənu vəjəəvə jɨɨsə səyaŋ, baa kɨ̀ɨ nə Nwi ŋkee jəə.

1 Timoti 2:2

Viŋ kɨ shɔꞌtə Nwi nɨniŋ tɔ vəfwàŋ nə vəshɨꞌ vənshə, tɨ́ kaꞌ nsiŋ kɨ duꞌ jəə, baa duꞌ bwaŋnə, bəŋsə Nwi maa vənu vənshə, baa duꞌ maa jɨɨ yiley.

1 Timoti 4:6

A taa kɨ luu kɨ twelə vənu vɔ́ tɨ́ vaŋ-nshwi vaŋ-nsoo, buu a luu wuu faꞌ Yeso Kristo jəə, biasə ŋwaa wə maa nu Kristo faŋ nsiŋ nuŋ fwi saŋ-nsiŋ maa ŋwə nə, baa nə maa vənu vəjəəvə, faŋ nsiŋ deesə tɨ́ vɨɨ nə, faŋ nshɨ-tɔ wə nə zɔ biŋ.

1 Timoti 5:10

Bàw vɨ kwaŋ yizii yi faŋ vɨɨ biŋ ŋwə laa ŋwə nəə yɨsə vənu vəjəəvə, kɨꞌ vaŋmbwaa, baa fisə vəndɔ taa ŋii ŋwə, sɔ ghuu vɨɨ ley Nwi, gaŋtə vɨɨ ŋɨꞌ, yɨsə vənu vəjəəvə vənshə.

2 Timoti 1:6

Nɨniŋ, mə kəə lumə tɨ́ ghɔ laa, a kɨ ndeynə laa vəkɔ mbɨə faŋ Nwi nə kɔ̀ tɨ́ ghɔ maa yighee njyə faŋ mə nə mɔ̀ꞌ ghɔ ŋaa tɔ ghɔ nə, kɨ faꞌ taa ŋwaa ghɔ,

2 Timoti 2:14

Kɨ lumə tɨ́ vɨɨ, baa tɨsə vəŋ nə wutə yikəꞌ Nwi, laa kɨ vəŋ kɨ mɔꞌlə yigi me, buꞌ laa kaꞌ nyə kee gàŋtə wə nə nu me, bee kii ndisə nu Nwi fɨ taa fwisə vɨɨ faŋ vəŋ zɔ̀.

2 Timoti 2:21

Kɨ luu wə yɨsə vənu vi nə ŋwaa wi ley fɨ maa vənu vəbwəvə, buu ŋwaa wi ghɔ́ taa luu maa məyɨ nu Nwi ley, kùꞌnə maa məfaꞌ vəfaꞌ tɨ́ tii wi.

Taytəs 1:16

Vəŋ gisə laa vəŋ kɨ̀ɨ nə Nwi. Luu nə, vəŋ twey ŋwə fɨ taa nshinə vəŋ. Vəŋ luu ŋkee vɨɨ bwənə, kee zɨzɔnə Nwi me, kee bee kùꞌnə maa məyɨ tuu nu jəə kəmuꞌ me.

Taytəs 2:14

faŋ ŋwə nə kɔ̀ ŋwaa wi, kù tɔ nsiŋ, fùusə nsiŋ fɨ taa vənu vəbwəvə vaŋ-nsiŋ vənshə, laa nsiŋ kɨ nii lùu vɨɨ ley, baa lùu ŋkee mbii vɨɨ, kəə sheꞌ maa məyɨ vənu vəjəəvə.

Taytəs 3:14

Bàw laa vaŋ-nshwi vaŋ-nsiŋ zwetə maa məyɨ vənu vəjəəvə maa vɨɨ faŋ nu mɔ́ꞌ ghɔꞌ vəŋ, laa kɨ məbiŋ vəŋ, faŋ vəŋ nùŋ fwi vəŋ maa Kristo nə, kee gù nu yɔŋ me.

Taytəs 3:8

Yigi yɔ́ lùu nu yinsəŋ. Mə kəə laa a gi vənu vɔ́ ŋkee nə wutə, laa vɨɨ mbɨə faŋ vəŋ nùŋ fwisə vəŋ maa Nwi, tə̀ sɨ maa məyɨsə vənu vəjəəvə. Kɨ luu vəŋ yɨ̀ nɨniŋ, buu luu ŋkee nu jəə. Ŋkə baa gàŋtə vɨɨ nɨzi.

Hibru 13:21

Nwi kɔ viŋ nə vətɔ vəjəəvə vənshə faŋ mbə gaŋtə viŋ maa məyɨsə vənu mbɨə faŋ ŋwə kəə laa viŋ kɨ yɨsə. Yeso Kristo faꞌ taa fwisə nsiŋ, laa nsiŋ kɨ shi nə nshinə njyə faŋ nyə bàw too Nwi. Nsiŋ kɨ bəŋsə Yeso ghee nshə. Feenə wi ndɔ goꞌsə yighee muꞌ. Ŋkə lùu nɨniŋ.

2 Pita 1:12

Lùu nu ŋkɨə faŋ mə naysə tɨ́ viŋ ghee nshə, mə taa kɔꞌ kɨ lɨlumə vənu vɔ́ tɨ́ viŋ, faŋ viŋ kɔlə kɨ̀ɨ nə mbə, baa wèꞌ shɔ maa vənu və yinsəŋ vɔ́ faŋ viŋ kɨ̀ɨ nə mbə nə.

Ŋwaꞌlə Jud 1:5

Bàw mə lumə vənu vəmɔ́ꞌ tɨ́ viŋ faŋ viŋ duꞌtə viŋ kɨ̀ɨ nə mbə. Ŋkee fɨshi, maa yighee njyə faŋ Nwi nə gàŋtə vɨɨ Isirayl laa vəŋ fuu fɨ shɨ Ijip, ŋwə kɨ nii zwìlə vɨɨ mbɨə faŋ vəŋ nə kee bìŋ Nwi me.