Taytəs 2:2 - Vengo (Babungo)

² Tɨsə vəndɔŋ vətaavə laa vəŋ jiatə yiŋwaa vəŋ, toꞌ yuu ŋkə kuꞌnə tɨ́ wuu taa, kɨ yɨsə vənu vənshə nə yitɔfə, nùŋ fwi vəŋ maa Kristo ŋkee maa yinsəŋ, kaw vɨɨ, jia fwisə vəŋ taa ŋɨꞌ.

Taytəs 2:2 ပူးပေါင်းရင်းမြစ်များ

Mark 5:15

Vəŋ jwi yɨ Yeso, yè wə ntɨə faŋ vəzwitə vəbwəvə nə luu maa ŋwə ŋkaŋsə nə. Wə ghɔ́ nə dùꞌ nsi, tɨ́ ŋwə mɔꞌ njwisə, tɔ ki ley. Vəŋ fee.

Lukas 8:35

Vɨɨ fuu gə maa məye nu ŋkɨə faŋ ŋkə nii gày shɔ nə. Vəŋ jwi yɨ Yeso, yè wə ntɨə faŋ vəzwitə vəbwəvə fùu fɨ taa ŋwaa ŋwə nə, tɨ́ ŋwə duꞌ ghuu Yeso, shùŋ njwi si, tɔ ki ley. Vəŋ fee.

Akts 24:25

Pɔɔl gi kɔ̀ŋ nu məyɨ nu loomə, nə nu məmeꞌtə vənu vəmɔ́ꞌ, baa kɔ̀ŋ shi nsɔꞌ Nwi faŋ ŋkə ndɔ jwi maa yighee yiba. Goməna ghɔ́ fee, gì laa bàw ŋwə gə ndwə, laa yi ndɔ baa kii yighee, buu baa tii ŋwə.

Roma 12:3

Nɨniŋ, mə buꞌ ghɔ tɨ́ viŋ tɔ tɔ laa, kɨ wə kɨ bɨꞌtə laa mfɨꞌ nu yi bàw shɔ̀ɔ faŋ mfɨꞌ fwi yi lùu me. Mə gì tɨ́ viŋ nɨniŋ buꞌ mənɔŋ-bwaŋnə Nwi faŋ Nwi nə kèy mə shɔ nə. Bàw wə kɨ fɨꞌ nu ki nə yitɔfə fɨ maa mfɨꞌ məbiŋ wi faŋ Nwi kɔ̀ tɨ́ ŋwə, ŋwə nùŋ fwi yi maa Kristo nə.

1 Kɔrintian 15:34

Kɨ viŋ baa kɨ yɨsə vənu vəmfaw me. Viŋ bee kii meꞌtə məyɨ vənu vəbwəvə, yuu ŋkə kuꞌnə tɨ́ nsiŋ. Mə ye laa vɨɨ mɔ́ꞌ fɨ taa ŋwaa viŋ kee kɨ̀ɨ nə Nwi tuu tɨtiꞌ me. Mə gì tɨ́ nee, lùu nu tɔ dɨɨ tɨ́ viŋ.

1 Kɔrintian 9:25

Wə tɨ̀ me wə faŋ ŋwə gì laa yi taa sɨɨnə ghuu, lootə ŋwaa wi ŋkee jəə, mèꞌtə vənu vəyaŋ, tɨ́ kaꞌ ŋwaa wi weꞌ. Ŋwə yɨ̀sə nɨniŋ laa ŋwə kìi vəkeynə. Vəkeynə mbɨə faŋ ŋwə kəə mbə nə, lùu fa faŋ kaꞌ ŋkə bɨ. Luu nə, vəkeynə mbɨə faŋ nsiŋ tə̀ sɨ shɔ laa nsiŋ taa kii nə, lùu məbwey vəlwaŋ faŋ kaꞌ ŋwə kee ndɔ bɨ me.

2 Kɔrintian 5:13

Kɨ luu laa yia kəꞌ yuu vɨɨ ŋgienə, buu ŋkə lùu maa məfaꞌ tɨ́ Nwi. Yia kɨ luu kɨ gisə tɔ ley, buu ŋkə lùu tɨ́ viŋ.

Galatia 5:23

nə məbwasə ŋwaa, nə məshiinə ŋwaa. Ntɨ kee lùu shɔ faŋ nyə twey kəŋ vənu vɔ́ me.

Filipi 4:8

Vaŋ-nshwi vaŋ, vəndwə və yigi vaŋ lùu laa, viŋ nuŋsə mbɨꞌtə yiŋ sheꞌ maa nu ŋkɨə faŋ ŋkə lùu yinsəŋ, nə ŋkɨə faŋ ŋkə kùꞌnə tɨ́ vɨɨ Nwi, nə ŋkɨə faŋ ŋkə lùu kəloomə, baa lùu kəley, baa nə maa vənu mbɨə faŋ mbə kɔ məŋaytə tɨ́ vɨɨ, baa suŋtə vɨɨ. Vənu vəjəəvə vənshə, nə mbɨə faŋ mbə jwi nə məbəŋsə tɨ́ Nwi, lùu vənu mbɨə faŋ viŋ taa kɨ bɨꞌtə mbə.

1 Tesalonika 5:6

Nɨniŋ, kɨ nsiŋ kɨ bwey yaa vɨɨ vɔ́ me; nsiŋ kɨ shi nə yikɨꞌ, bwasə ŋwaa.

1 Tesalonika 5:8

Gə fɨ maa nsiŋ, faŋ nsiŋ lùu vaŋ shi kɔ́ nə, bàw nsiŋ jia fwi saŋ-nsiŋ, mɔ̀ꞌ məbiŋ nə ŋkawnə yaa njwi yighaw faŋ nyə shiinə nsiŋ fɨ ghɔ nu bwə. Nsiŋ kɨ kɨꞌ məbwey vəlwaŋ. Məkɨꞌ məbwey ghɔ́ lùu yaa yisɔꞌ vəsogeꞌ tɨ́ nsiŋ, shìtə nsiŋ fɨ ghɔ zwitə bwə.

1 Timoti 1:10

nə tɨ́ vɨɨ mətii vəki, nə vɨɨ faŋ vəŋ shi ghɔ vəliŋ vəvəŋ vəndɔŋ, nə vɨɨ məfiŋ vɨɨ, nə vɨɨ təba, nə vɨɨ faŋ vəŋ kee yizii Nwi maa nshulə shaŋ, nə vɨɨ faŋ vəŋ yɨsə kəŋ nu tɨ̀ me kəŋ nu faŋ ŋkə kee kùꞌnə ghɔ nu Nwi yinsəŋ me.

1 Timoti 1:14

Nɨniŋ, gəŋsə tɨta ŋwaa-nsiŋ, Yeso Kristo, faŋ ŋwə kèe gəŋ saŋ nə, shɔ̀ɔ ki, yɨsə mə nuŋ fwi nyaa maa ŋwə, kàw ŋwə.

1 Timoti 1:2

Mə tɔ̀ŋ ŋwaꞌlə ŋwə̀ tɨ́ ghɔ, Timoti, faŋ a luu ŋkee ŋwiŋ ŋwaa yinsəŋ fɨ yiba jɨŋ Kristo, buꞌ faŋ nsoo nùŋ fwi maa ŋwə nə. Tɨta Nwi ghɔ tɨta ŋwaa-nsiŋ Yeso Kristo tu mənɔŋ-bwaŋnə tɔ ghɔ, kèe gəŋ sə, kɔ̀ ghɔ nə məduꞌ-nyɔŋ!

1 Timoti 1:5

Ŋkee ŋiꞌ nu Nwi lùu laa, nsiŋ kɨ kaw nə yiŋwaa nyaa-nsiŋ nə fwi yiley. Nsiŋ kii ŋkawnə yɔ́ faŋ nu kaŋ-nsiŋ lùu kəley, buꞌ faŋ nsiŋ nùŋ fwi saŋ-nsiŋ maa Kristo ŋkee maa yinsəŋ.

1 Timoti 3:11

Bàw vɨɨ faꞌ mbə vəki baa luu vɨɨ jəənə nɨzi, kee kɨ gisə bwə tɔ vɨɨ me. Tɔ vəŋ luu kəley nɨzi. Vəŋ kɨ yɨ vənu vəvəŋ vənshə vəbi.

1 Timoti 3:2

Luu nə, ŋkə bàw laa kɨ tuu wee-fɨ-nu bwə lùu maa wuu məndeynə vɨɨ Nwi me. Bàw zu wi luu sheꞌ muꞌ. Tɔ ki luu kəley, ŋwə kɨ yɨsə vənu nə yitɔfə, yɨsə vənu maa jɨɨ yiloomə, kwaŋ vəndɔ taa ŋii ŋwə, baa kùꞌnə maa mətwelə ŋiꞌ nu Nwi.

1 Timoti 3:4

Bàw ŋwə luu wə faŋ ŋwə sɔꞌ vɨɨ taa ŋii ŋwə jəə, jia vaŋ vi jəə, vəŋ zɔnə ŋwə, gwènə ŋwə.

1 Timoti 3:8

Gə fɨ maa vɨɨ mbɨə faŋ vəŋ faꞌ taa ŋii Nwi, bàw vəŋ luu vɨɨ jəənə nɨzi, kee kɨ gisə təghaŋ təbɔɔ me, kee kɨ kaw maa mənu məluꞌ məyaŋ me, kee kəə ka ŋkuŋ me.

1 Timoti 5:1

Kaa gi yigi yishəsə tɨ́ wuu taa me, kɨ tɨsə ŋwə sheꞌ yaa tii wə, tɨsə zawə yaa vaŋ-nshwi və,

Taytəs 1:13

Yigi yɔ́ luu ŋkee yinsəŋ. Nɨniŋ, bàw a kɨ gi tɨ́ vəŋ ŋkee nə wutə, laa vəŋ kɨ duꞌ nə nu ŋkɨə faŋ vəŋ nùŋ fwisə vəŋ shɔ maa Kristo,

Taytəs 1:8

Bàw ŋwə bee kii kàw maa məfisə vəndɔ taa ŋii ŋwə, kàw vənu vəjəəvə, yɨsə vənu vənshə nə yitɔfə, yɨ vənu vəloomə, baa lùu wuu ley vɨsɨ Nwi, kɨɨ maa məshiinə ŋwaa wi,

Taytəs 2:7

Nuŋsə ŋwaa wə laa a luu mfɨꞌ nu tɨ́ vəŋ maa vənu vənshə, mbə kɨ baw. Deesə sheꞌ nu yinsəŋ tɨ́ vɨɨ, faŋ a deesə nu Nwi tɨ́ vəŋ. Deesə nu Nwi nə fwi yimuꞌ,

Filemon 1:9

Mə bee kii buꞌ ghɔ tɨ́ ghɔ, buꞌ laa mə kàw ghɔ. Mə buꞌ ghɔ tɨ́ ghɔ yaa wuu taa, yuu mə luu wuu taa nə. Mə baa luu wə taa ŋii mfiŋ buꞌ nu Yeso Kristo maa yighee ndwə.

1 Pita 1:13

Nɨniŋ, viŋ lootə yiŋwaa yiŋ, tɔ kiŋ ley nɨzi, viŋ nuŋsə fwi siŋ sheꞌ maa məbwey ghɔ́ faŋ Nwi ndɔ kɔ tɨ́ viŋ buꞌ gəŋsə si, yighee njyə faŋ ŋwə ndɔ baa tɔŋ Yeso Kristo ntee.

1 Pita 4:7

Ndwəsə vənu vənshə lùu nshənə. Nɨniŋ, viŋ kɨ yɨsə vənu vənshə nə yitɔfə, tɔ kiŋ ley nɨzi, tɨ́ kɨ kaꞌ viŋ kɨ shɔꞌtə Nwi.

1 Pita 5:8

Viŋ duꞌ nə tɔ ley, kɨ shi nə yikɨꞌ nɨzi, buꞌ laa tɨɨ vəzwitə vəbwəvə toꞌ fɨ taa mbi, toꞌ bwə yaa bikəə, kəə wə kwə.

2 Pita 1:6

Faŋ viŋ toꞌ nə yitɔfə nə, viŋ kɨ jia yiŋwaa yiŋ, baa weꞌ maa vənu vɔ́. Faŋ viŋ nuŋsə, jìa vənu vɔ́, wèꞌ shɔ nə, viŋ baa kɨ zɔnə Nwi nɨzi.