Taytəs 2:14 - Vengo (Babungo)

¹⁴ faŋ ŋwə nə kɔ̀ ŋwaa wi, kù tɔ nsiŋ, fùusə nsiŋ fɨ taa vənu vəbwəvə vaŋ-nsiŋ vənshə, laa nsiŋ kɨ nii lùu vɨɨ ley, baa lùu ŋkee mbii vɨɨ, kəə sheꞌ maa məyɨ vənu vəjəəvə.

Taytəs 2:14 ပူးပေါင်းရင်းမြစ်များ

Matiu 1:21

Ŋwə taa bi wee-wəndɔŋ, a shu yizii yi laa Yeso, buꞌ laa ŋwə ndɔ bweysə vɨɨ vi fɨ ghɔ vənu vəbwəvə faŋ mbə lùu maa vəŋ.»

Matiu 20:28

Fɔnə Wuu yinsəŋ Nwi nə kee jwì laa vɨɨ kɨ faꞌ tɨ́ ŋwə me. Ŋwə nə bee kii jwi maa məfaꞌ tɨ́ vɨɨ, kɔ̀ ŋwaa wi tɨ́ yiku maa məbweysə vɨɨ vəyaŋ.»

Matiu 3:12

Ŋkə ndɔ luu sheꞌ yaa nu wuu məfetə ŋɨŋee, faŋ nsì məfetə ŋɨŋee lùu ghɔ ŋwə, ŋwə ndɔ fetə ŋɨŋee wi, nùŋsə ŋkee jəə taa ŋii, ndɔ shəŋtə vəghɔ vi, twàŋ taa wi faŋ ŋwə kee yaa kɨ ndɨɨnə me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:15

Luu sheꞌ faŋ Tii ŋwaa kɨ̀ɨ nə mə; mə baa kɨ̀ɨ nə Tii ŋwaa. Nɨniŋ, mə bìŋ maa məku tɔ bisə saŋ maa məbweysə nsə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:51

Lùu mə lùu fazɨ kɔ́ faŋ ŋkə ndɔ̀ fɨ yizɔ nə, faŋ ŋkə kɔ məbwey tɨ́ vɨɨ. Wə kɨ luu zɨ̀ fazɨ kɔ́, buu ŋwə bwèy yighee muꞌ. Fazɨ kɔ́ faŋ mə taa kɔ tɨ́ vɨɨ laa vəŋ bwey, lùu mbasə ŋwaa ŋwaa.»

Akts 15:14

Saymon nii duꞌtə ŋwə naysə faŋ Nwi nə ndeynə vɨɨ faŋ nə kee lùu vɨɨ Jus me, shòꞌ vɨɨ fɨ taa ŋwaa vəŋ, vəŋ luu vɨɨ vi, bìŋ yizii yi.

Akts 15:9

Nwi nə kee seesə nsiŋ vɨ vəŋ me, sɔ̀ fwisə vəŋ, nsə ley, faŋ vəŋ nə nùŋ fwisə vəŋ maa Kristo nə.

Akts 20:28

Nɨniŋ, viŋ kɨ shiinə yiŋwaa yiŋ, baa shii nwaa vɨɨ mbɨə faŋ Zwitə Ley Nwi nùŋsə taa ghɔ viŋ nə. Viŋ luu nshiisə vɨɨ Kristo, faŋ ŋwə nə shòꞌ vəŋ, kù tɔ vəŋ nə.

Akts 9:36

Sheꞌ maa yighee yɔ́ wəzwi mɔ́ꞌ nə luu shɔ ntɨꞌ Jɔpa, yizii yi luu Tabita, ŋiꞌ yizii yi yɔ́ lùu laa fəshwi. Ŋwə nə luu wuu məbiŋ nu Yeso, ndì yighee yinshə maa məyɨ vənu vəjəəvə maa vɨɨ.

Galatia 1:4

Yeso Kristo nə kɔ̀ tɔ ki buꞌ vənu vəbwəvə vaŋ-nsiŋ maa məyɨ laa nsiŋ fuu fɨ ghɔ vənu vəbwəvə fɨ taa mbi nyə̀, faŋ lùu mbi yibwə nə. Ŋkə nə gày sheꞌ faŋ Nwi, Tii ŋwaa-nsiŋ, nəə kəə nɨniŋ.

Galatia 2:20

Nɨniŋ, kaꞌ mə gì laa vɨ nə bèy yia ŋwə mɔ́ꞌ. Mə kɨ luu bwèy, məbwey ŋwaa kee baa lùu ŋwaanə me; məbwey ŋwaa lùu ŋgwə Yeso Kristo faŋ ŋwə lùu taa ŋwaa mə. Məbwey ŋgwə faŋ mə kìi ŋwə taa mbi nyə̀ ndwə nə, mə shi buꞌ laa mə nùŋsə fwi nyaa maa Kristo, Wee Nwi, faŋ ŋwə kaw mə, ndìsə məbwey wi buꞌ mə nə.

Galatia 3:13

Nɨniŋ, nsiŋ lùu taa nsɔꞌ Nwi vənshə, buꞌ laa kaꞌ nsiŋ kee nùŋsə ntɨsə sənshə ghee nshə me. Luu nə, Yeso Kristo fùusə nsiŋ fɨ taa nsɔꞌ yɔ́, buꞌ faŋ ŋwə nə ye ŋɨꞌ, fi nsɔꞌ yɔ́ tɔ ŋwə buꞌ nsiŋ. Ŋkə lùu nɨniŋ buꞌ laa vɨ nə nyɔ̀ꞌ taa ŋwaꞌlə Nwi laa, «Wə tɨ̀ me wə, faŋ vɨ bey ŋwə fuu tɨ, buu lùu nsɔꞌ Nwi tɔ ŋwə.»

Efesɔs 1:11

Nwi, faŋ ŋwə yɨsə vənu vənshə faŋ ŋwə nə gì fɨ taa fwi ŋwə, baa shòꞌ nsiŋ maa mbii vɨɨ fɨ yiba jɨŋ Kristo, buꞌ ŋkitə Nwi maa nu ŋkɨə faŋ ŋwə nə nùŋ, shù fɨ maa vənzi.

Efesɔs 2:10

Nsiŋ lùu fa faŋ nə bɔ̀ŋ Nwi. Ŋwə bɔ̀ŋ nsiŋ buꞌ Yeso Kristo, laa nsiŋ kɨ yɨsə vənu vəjəəvə mbɨə faŋ ŋwə nə nùŋsə shù fɨ maa yighee vɨsɨ, laa nsiŋ ndɔ kɨ toꞌ ghuu yitoꞌ kaŋ-nsiŋ maa jɨɨ yɔ́ nə.

Efesɔs 5:2

Viŋ kɨ toꞌ yitoꞌ yiŋ nə ŋkawnə, sheꞌ faŋ Kristo nə kàw viŋ nə, kù tɔ nsiŋ nə, vɨ feꞌ ŋwə shɔ tɨ́ Nwi. Ŋkə nə bàw tɨ́ Nwi nɨniŋ.

1 Timoti 1:15

Yigisə Nwi lùu nu jəə. Bàw vɨɨ vənshə biŋ laa Yeso Kristo nə fùu taa mbi maa məbweysə vɨɨ bwənə, faŋ mə luu nshɔɔ vɨsɨ vəŋ.

1 Timoti 2:10

Bàw vəlɔꞌ vəvəŋ luu sheꞌ vənu vəjəəvə faŋ vəŋ yɨsə. Lùu faŋ ŋkə kùꞌnə tɨ́ vəki faŋ vəŋ kəə kɨ bəŋsə Nwi.

1 Timoti 2:6

Ŋwə nə kɔ̀ ŋwaa wi, kù tɔ vɨɨ vənshə maa məbweysə vəŋ. Lùu nu ŋkɨə faŋ Nwi nə nùŋsə laa vɨ ndɔ kɨ fɨꞌtə tɨ́ vɨɨ faŋ yighee kuꞌnə.

1 Timoti 6:18

Bàw a gi vəŋ kɨ yɨsə vənu vəjəəvə, vənu vəjəəvə vɔ́ gu ka vəŋ, yaŋ. Bàw vəŋ baa kɨ kaw maa məkɔ vətɔ tɨ́ vɨɨ ŋɨꞌ, gaŋtə vəŋ nə mbə.

Taytəs 2:7

Nuŋsə ŋwaa wə laa a luu mfɨꞌ nu tɨ́ vəŋ maa vənu vənshə, mbə kɨ baw. Deesə sheꞌ nu yinsəŋ tɨ́ vɨɨ, faŋ a deesə nu Nwi tɨ́ vəŋ. Deesə nu Nwi nə fwi yimuꞌ,

Taytəs 3:8

Yigi yɔ́ lùu nu yinsəŋ. Mə kəə laa a gi vənu vɔ́ ŋkee nə wutə, laa vɨɨ mbɨə faŋ vəŋ nùŋ fwisə vəŋ maa Nwi, tə̀ sɨ maa məyɨsə vənu vəjəəvə. Kɨ luu vəŋ yɨ̀ nɨniŋ, buu luu ŋkee nu jəə. Ŋkə baa gàŋtə vɨɨ nɨzi.

Hibru 1:3

Wee Nwi ghɔ́ lùu məley Nwi; wutə Nwi taa ŋwaa ŋwə. Ŋkɨꞌnə yi lùu yaa njyə Nwi. Kìi ŋwə kìi wutə maa mbi yinshə sheꞌ fɨ maa yigisə yi. Ŋwə lòotə jɨɨ, sɔ̀ yibɨsə vɨɨ laa vəŋ ley. Ŋwə baa luu koꞌ gə̀ yizɔ, dùꞌ maa kwiŋ maꞌnə Nwi, faŋ ŋwə sɔ̀ꞌ vətɔ vənshə.

Hibru 10:24

Bàw nsiŋ kɨ sɨɨnə nə vənu vaŋ-nsiŋ, nsiŋ nsiŋ, tɨ́ kaꞌ nsiŋ kɨ gaŋtə yiŋwaa nyaa-nsiŋ, nsiŋ nsiŋ, maa məkaw vɨɨ, baa nə maa məyɨ vənu vəjəəvə.

Hibru 9:14

Nɨniŋ, faŋ mənshi mə nyaa mbɔ́ kìi wutə maa məyɨsə laa vɨɨ ley, buu mənshi mə Kristo weꞌ shɔ̀ɔ yimbii, sɔ̀ yibɨsə nyaa-nsiŋ, yɨ̀sə laa fwi saŋ-nsiŋ ley. Zwitə Nwi nə kɔ̀ wutə tɨ́ Kristo laa ŋwə ndi ŋkee ŋwaa wi, faŋ nu bwə nə kee bee lùu maa ŋwə nə me, fèꞌ ndey shɔ buꞌ nsiŋ, laa ŋwə yɨ̀sə fwi saŋ-nsiŋ ley, tɨ́ kaꞌ nsiŋ kee baa yɨ̀sə vənu vəbwəvə, faŋ mbə jwi nə yiku nə me. Nɨniŋ laa nsiŋ faꞌ tɨ́ Nwi faŋ lùu Nwi məbwey.

Jeyms 4:8

Viŋ shəŋtə gə yɨ Nwi, buu Nwi taa kɨ shəŋtə jwi yɨ viŋ nɨzi. Viŋ sɔ ghɔ ghiŋ mɔɔ, viŋ vəyɨ-kəbwə! Viŋ yɨsə fwi siŋ ley mɔɔ, viŋ vɨɨ fwisə bɔɔ!

1 Pita 1:18

Viŋ kɔꞌ kɨɨ laa Yeso nə shùꞌ viŋ fɨ maa ghuu yitoꞌ ŋkɔmə ŋkɨə faŋ vətɨɨ viŋ nəə toꞌ nə, mwə̀sə viŋ shɔ, kee shùꞌ nə vətɔ vədayday yaa ka me.

1 Pita 1:22

Nɨniŋ, viŋ kaw nə yiŋwaa yiŋ, viŋ viŋ, kee bwa me! Viŋ kaw nə yiŋwaa yiŋ nə fwi yimuꞌ, buꞌ laa viŋ bìŋ maa məyɨ vənu vəjəəvə, tɨ́ kaꞌ fwi siŋ lèy. Viŋ kɨ kaw vaŋ-nshwi viŋ, kee seesə me!

1 Pita 2:12

Viŋ toꞌ ghuu yitoꞌ kiŋ jəə taa ŋwaa vɨɨ mbɨə faŋ vəŋ kee kɨ̀ɨ nə Nwi me, kɨ gi laa viŋ lùu vɨɨ bwənə, tɨ́ kaꞌ vəŋ ye, ndɔ kɨɨ nə jəə wiŋ, faŋ vəŋ ye vənu vəjəəvə mbɨə faŋ viŋ yɨsə. Nɨniŋ laa vəŋ ndɔ bəŋsə Nwi shɔ maa shi yiba, faŋ Nwi ndɔ jwi ye vəŋ.

1 Pita 2:9

Gə̀ fɨ maa viŋ, viŋ lùu way vɨɨ faŋ Nwi nə shòꞌ, lùu vɨɨ vəkɔ vi, ŋgwisə yiley. Viŋ lùu vɨɨ Nwi faŋ Nwi nə shòꞌ laa lùu vɨɨ yifwàŋ vi, baa nə laa viŋ sàynə vənu və shuu yɔŋvə Nwi. Ŋwə nə tìi viŋ fɨ taa mfiŋsə, laa viŋ ŋii taa ŋgwii məley.

1 Pita 3:18

Kristo nə kù yighee muꞌ buꞌ vənu vəbwəvə faŋ vɨɨ yɨ̀sə. Ŋkee wə ntɨə faŋ vənu vi lùu vəloomə, kù tɔ vɨɨ faŋ vənu vəvəŋ kee lùu vəloomə me, laa ŋwə kiasə nsiŋ, kɔ̀ tɨ́ Nwi. Vɨ nə zwì mbasə ŋwaa wi, luu nə, zwitə ki bwey.

1 Jɔn 1:7

Kɨ luu laa nsiŋ toꞌ yitoꞌ nyaa-nsiŋ fɨ taa shɨshwi ley, faŋ nshɨ-tɔ Nwi lùu taa shɨshwi ley nə, buu nsiŋ lùu fa kəmuꞌ, nsiŋ nsiŋ. Mənshi mə ŋwiŋ wi Yeso Kristo sɔ̀ yibɨsə nyaa-nsiŋ fɨ maa nsiŋ yinshə, faŋ ŋwə nə kù tɔ nsiŋ nə.

1 Jɔn 1:9

Nsiŋ kɨ luu bìŋ nu bwə kaŋ-nsiŋ, buu Nwi taa kɨ ndenə nu bwə kaŋ-nsiŋ, baa sɔ̀ vənu vəbwəvə fɨ maa nsiŋ, buꞌ laa Nwi lùu wuu yinsəŋ, yɨsə sheꞌ vənu vəloomə.

1 Jɔn 3:2

Vɨɨmba vaŋ, nsiŋ luu vaŋ Nwi ndwə. Luu nə, fa ŋkɨə faŋ nsiŋ ndɔ luu nə, ŋkə kee ta fùu ntee yikəꞌ vɨɨ me. Nsiŋ kɨɨ sheꞌ laa, yighee njyə faŋ ŋkə ndɔ fuu ntee sɨ vɨɨ, nsiŋ kɨ nii lùu yuu ŋwə, buꞌ faŋ nsiŋ ndɔ ye ŋwə faŋ ŋwə lùu.

Reveleyshən 1:5

baa nə fɨ ghɔ Yeso Kristo faŋ ŋwə nə də̀ yinsəŋ Nwi ŋkee yiley, fì vɨsɨ maa məywey fɨ shɨ yiku, sɔꞌ vəfwàŋ fɨ shɨ nsi nɨzi. Ŋwə baa luu kàw nsiŋ, kù tɔ nsiŋ maa məbweysə nsiŋ fɨ taa vənu vəbwəvə vaŋ-nsiŋ,

Reveleyshən 5:9

Vəŋ nə zwà nyay yifi laa, «A kùꞌnə maa məfi ŋwaꞌlə ghɔ́, shoꞌ vəlay vi, buꞌ laa a nə bìŋ vɨ zwi ghɔ, a ku, ywàŋ vɨɨ nə mənshi mə, yɨsə vɨɨ fɨ maa təkuu tə vɨɨ tənshə, nə təghaŋ tənshə, nə fɨ maa ŋgwisə vɨɨ vənshə, nə fɨ maa məshɨ mənshə, lùu vɨɨ Nwi.