Taytəs 2:12 - Vengo (Babungo)

¹² Ŋkə də̀ jɨɨ tɨ́ nsiŋ maa məmeꞌ nu mətwey Nwi, meꞌ nu məkaw vətɔ və taa mbi, baa nə laa nsiŋ toꞌ ghuu yitoꞌ kaŋ-nsiŋ taa mbi nyə̀ nə yitɔfə, yɨsə vənu vəloomə, fee Nwi.

Taytəs 2:12 ပူးပေါင်းရင်းမြစ်များ

Matiu 12:32

Kɨ luu wə gi nu bwə tɔ Wuu yinsəŋ Nwi, buu Nwi taa ndenə nu kɔ́. Luu nə, wə kɨ luu gì nu bwə tɔ Zwitə Ley Nwi, buu kaꞌ Nwi kee ndènə nu kɔ́ maa ŋuꞌsə mbi sə̀ me, kee bee ndɔ ndenə maa ŋuꞌsə mbi nsɨə faŋ nsə ndɔ jwi nə me.

Matiu 16:24

Yeso kɨ nii gì tɨ́ vɨɨ məzwetə nu ki laa, «Wə kəə kɨ beꞌsə mə, ŋwə twèy nu ŋwaa ki, bìŋ maa məshaꞌ fəŋkɔꞌ fə ŋkɨꞌsə fi, bèꞌsə mə.

Matiu 28:20

deesə vəŋ maa mənuŋsə vənu vənshə faŋ mə yaa nàysə tɨ́ viŋ nə. Viŋ kɨ lumə laa mə taa luu yɨ viŋ ghee nshə, gə ziꞌ maa vəndwə və mbi.»

Lukas 1:6

Vənu vəvəŋ nə luu vəloomə yikəꞌ Nwi. Vəŋ nə toꞌ ghuu yitoꞌ vəŋ maa ntɨsə Nwi sənshə, yɨsə vənu vənshə faŋ Nwi nə nùŋsə. Tuu nu nə kee lùu shɔ faŋ vəŋ gù me.

Lukas 1:75

faꞌ tɨ́ Nwi nə fwi yiley, vənu vaŋ-nsiŋ luu vəloomə vɨsɨ Nwi maa vəshi vənshə faŋ nsiŋ luu shɨ nsi nyə̀.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:30

Mə kee baa gisə vənu vəyaŋ tɨ́ viŋ me, buꞌ laa Satan faŋ ŋwə sɔꞌ mbi nyə̀, lùu nshənə maa məjwi. Luu nə, kaꞌ Satan kee ghɔ̀ꞌ mə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:25

Faŋ vəŋ zìꞌ njɨɨ maghia yɔ́, yè Yeso njɨɨ yɔ́, bìtə tɨ́ ŋwə laa, «Tɨta, a sii jwì feenə yighee kə?»

Akts 24:16

Lùu ŋiꞌ nu ŋkɨə faŋ mə faꞌ ŋkee nə wutə ghee nshə, laa vənu vaŋ vənshə luu sheꞌ vəloomə vəloomə vɨsɨ Nwi nə vɨsɨ vɨɨ vənshə.

Akts 24:25

Pɔɔl gi kɔ̀ŋ nu məyɨ nu loomə, nə nu məmeꞌtə vənu vəmɔ́ꞌ, baa kɔ̀ŋ shi nsɔꞌ Nwi faŋ ŋkə ndɔ jwi maa yighee yiba. Goməna ghɔ́ fee, gì laa bàw ŋwə gə ndwə, laa yi ndɔ baa kii yighee, buu baa tii ŋwə.

Roma 12:2

Kɨ viŋ kɨ toꞌ ghuu yitoꞌ kiŋ maa jɨɨ mbi nyə̀ me. Viŋ bee kii kwìinə fwi siŋ nə mbɨꞌtə yiŋ, kɨ kwaꞌtə nu ŋkɨə faŋ Nwi kəə laa viŋ kɨ yɨ. Nɨniŋ laa viŋ kɨ yɨsə nu faŋ ŋkə lùu kəjəə, baa ndɨŋ tɨ́ Nwi, nə ŋkɨə faŋ ŋkə bàw shɨlə.

Roma 6:12

Nɨniŋ, kɨ viŋ biŋ laa nu bwə sɔꞌ yiŋwaa yiŋ, faŋ nyə ndɔ ku nə me. Kɨ viŋ baa kɨ biŋ fwi yiŋ ndɔ maa nu bwə, viŋ yɨsə nu kɔ́ me.

Roma 6:19

Mə gisə nɨniŋ, fɨꞌ sheꞌ maa ndɨɨlə wə mənsaw, buꞌ laa ŋwaa wiŋ nə bwa maa nu Kristo. Nə luu maa yighee vɨsɨ, viŋ nə fìŋ vəshəŋ fɨ maa viŋ maa nu bwə, nə maa nu faŋ ŋkə kee kùꞌnə maa ntɨsə Nwi me, viŋ gu vəbuꞌ və vənu vɔ́, sùꞌsə ntɨsə Nwi. Nɨniŋ, bàw viŋ baa luu fìŋ yiŋwaa yiŋ yinshə tɨ́ nu ŋkɨə faŋ ŋkə lùu kəloomə ndwə, gù vəbuꞌ tɨ́ nu faŋ ŋkə lùu kəloomə, laa viŋ baw vɨsɨ Nwi, gə̀ vɨsɨ vɨsɨ.

Roma 8:13

Kɨ luu viŋ toꞌ ghuu yitoꞌ kiŋ faŋ mbasə ŋwaa wiŋ kàw, buu viŋ ndɔ kukə. Luu nə, Zwitə Ley Nwi kɨ luu kɨ yɨsə viŋ meꞌ nu ŋkɨə faŋ mbasə ŋwaa wiŋ kəə kɨ yɨsə, buu viŋ ndɔ zɨ məbwey vəlwaŋ.

2 Kɔrintian 1:12

Nu ŋkɨə faŋ kaꞌ yia koꞌsə ŋwaa shɔ, lùu laa tɔ kia bìŋ laa ghuu yitoꞌ kia fɨ taa mbi nə bàw, baa ley vɨsɨ Nwi. Yia nəə kee toꞌ nə yitɔfə vɨɨ fɨ taa mbi me, toꞌ sheꞌ faŋ Nwi nə də̀ tɨ́ yia, faŋ ŋwə nə kèe gəŋ sia nə. Yia nəə toꞌ nɨniŋ fɨ taa mbi nyə̀, toꞌ nɨniŋ ŋkee jəə taa ŋwaa viŋ.

2 Kɔrintian 7:1

Vɨɨmba vaŋ, faŋ nsiŋ kìi ŋkɔꞌnə nyə̀ nee nə, bàw nsiŋ kiasə yiŋwaa fɨ maa nu bwə tɨ̀ me nu bwə, faŋ ŋkə lùu taa ŋwaa wə, tɨꞌnə me taa zwitə ki. Nsiŋ kɨ yɨ laa nshinə nyaa-nsiŋ taa mètə lèy vɨsɨ Nwi. Nsiŋ yɨ̀ nɨniŋ, fee Nwi.

Galatia 1:4

Yeso Kristo nə kɔ̀ tɔ ki buꞌ vənu vəbwəvə vaŋ-nsiŋ maa məyɨ laa nsiŋ fuu fɨ ghɔ vənu vəbwəvə fɨ taa mbi nyə̀, faŋ lùu mbi yibwə nə. Ŋkə nə gày sheꞌ faŋ Nwi, Tii ŋwaa-nsiŋ, nəə kəə nɨniŋ.

Galatia 5:24

Vɨɨ mbɨə faŋ lùu vɨɨ Yeso Kristo, mèꞌ vənu vəbwəvə vəvəŋ vənshə, nə mbɨꞌtə yibwə yinshə laylay. Ŋkə lùu yaa vəŋ ndi vənu vɔ́, bèy fuu fəŋkɔꞌ fə ŋkɨꞌsə fə Yeso Kristo.

Efesɔs 1:4

Ŋwə nə shòꞌ nsiŋ buꞌ Yeso Kristo ŋkee maa yighee njyə faŋ ŋwə nə kee ta tey kɨ bɔŋ mbi me, laa nsiŋ ndɔ baw fɨ̀nə ŋwə, laa tuu ŋkee wee-ndoꞌ kee lùu maa nsiŋ yikəꞌ ŋwə me. Ŋwə nə kàw nsiŋ dɨdɨꞌ,

Efesɔs 2:2

Yighee vɨsɨ yɔ́, viŋ nəə shɔɔ fɨ maa jɨɨsə bwəsə taa mbi, zɔnə tɨɨ vəzwitə vəbwəvə fɨ taa mbi faŋ ŋwə sɔꞌ vɨɨ mbɨə faŋ vəŋ twey nu Nwi ndwə nə.

Kɔlɔsii 1:22

Luu ndwə, Yeso Kristo yɨ̀sə laa viŋ faynə tɔ kiŋ, viŋ vɨ Nwi, buꞌ faŋ ŋwə nə jwi mbi gù wə, kù tɔ viŋ. Ŋwə yɨ nɨniŋ laa ŋwə ndi viŋ, jwi nə viŋ vɨsɨ Nwi, tɨ́ viŋ kii fwisə leysə buꞌ yiku yi yɔ́, tuu wee-ndoꞌ kee baa lùu maa viŋ me. Kaꞌ viŋ kee baa ŋìi taa nsɔꞌ Nwi me,

1 Tesalonika 4:7

Nwi nə kee tìi nsiŋ laa nsiŋ kɨ yɨsə vənu vəbwəvə me. Ŋwə nə tìi nsiŋ laa nsiŋ baw shɨlə, gə̀ nə vɨsɨ.

1 Tesalonika 4:9

Gə fɨ maa nu məkaw yiŋwaa yiŋ, ŋkə kee lùu nu faŋ mə taa baa nyɔꞌ tɨ́ viŋ me, buꞌ laa nshɨ-tɔ Nwi deesə viŋ maa məkaw yiŋwaa yiŋ, viŋ viŋ.

1 Timoti 4:12

Kɨ wə shia ghɔ buꞌ faŋ a kɨ bii wuu zawə nə me. Kɨ yɨsə laa a luu mfɨꞌ nu tɨ́ vɨɨ məbiŋ nu Kristo fɨ maa yigisə yə, nə ghuu yitoꞌ kə, nə nu məkaw vɨɨ, nə maa mənuŋ fwi maa Kristo, baa nə maa məyɨsə vənu vəleyvə.

1 Timoti 6:17

Kɨ̀ tɨsə vɨɨ faŋ lùu vɨɨ təka maa yighee mbi nyə̀ laa, kɨ vəŋ kɨ koꞌsə ŋwaa me, kee kɨ nuŋ fwi vəŋ maa ka faŋ lùu fa dayday me. Bàw vəŋ nuŋ fwi vəŋ sheꞌ maa Nwi, faŋ kɔ ŋwə kɔ vətɔ vənshə tɨ́ nsiŋ, mbə yaŋ, nsiŋ zɨ nə.

1 Timoti 6:9

Vɨɨ mbɨə faŋ vəŋ kəə fùꞌ ka, yaa kɨ gu maa nu faŋ zwitə bwə bwèꞌsə vəŋ shɔ, baa kɔ̀ꞌsə vəŋ shɔ, fwisə vəŋ ndɔ maa vətɔ vəyaŋ faŋ lùu vətɔ və mfaw, bɨsə fwisə vɨɨ, yɨsə vəŋ ŋii yiku faŋ nyə shɔ̀ɔ ki, nɨniŋ ndɔ ndi.

2 Timoti 3:12

Sheꞌ nɨniŋ, vɨ taa kɨ shoꞌ ghuu vɨɨ vənshə faŋ vəŋ kəə kɨ toꞌ ghuu yitoꞌ vəŋ fɨ yiba Yeso Kristo, yuu ŋkə bàw tɨ́ Nwi.

2 Timoti 4:10

buꞌ laa Dimas nyɨ̀ŋ fɨ yɨ mə, kaw maa məshi taa mbi nyə̀, ndɔ gə shɨ Tesalonika. Kresens gə̀ shɨ Galatia, Titɔs gə̀ shɨ Dalmatia.

Taytəs 3:3

Maa yighee vɨsɨ, nsiŋ nɨzi nə bə̀ə tɔ ley, kee zɔnə Nwi me, toꞌ maa jɨɨ yibwə, baa lùu vəbuꞌ tɨ́ vənu vəbwəvə vəyaŋ faŋ fwi saŋ-nsiŋ nə kàw, toꞌ yitoꞌ nyaa-nsiŋ nə njyoꞌ yibwə, baa ghɨꞌ vɨɨ, vɨɨ bee nsiŋ, nsiŋ baa beenə yiŋwaa nyaa-nsiŋ nɨzi.

Hibru 8:11

Wə kee ndɔ baa lùu shɔ, tɨ wuu shɨ wi, tɨꞌnə me wuu ŋiinə wi me, laa ŋwə kɨ zwetə nu Nwi me. Lùu nɨniŋ buꞌ laa vɨɨ vənshə ndɔ kɨɨ nə mə. Vaŋmbwaa ghɔ vɨɨ taanə vənshə ndɔ kɨɨ nə mə.

Jeyms 1:27

Wə kɨ luu kɨ kəə lùu wuu Nwi leyley, faŋ nu bwə ki kee lùu yikəꞌ tɨta Nwi me, bàw ŋwə kɨ kɨꞌ vaŋ vəti ghɔ vəki ŋkusə maa ŋɨꞌ vəŋ, baa shiinə ŋwaa wi laa kɨ vətɔ və shɨ nsi bɨsə fwi yi me.

2 Pita 2:9

Vənu vəmwavə vɔ́ də̀ tɨ́ nsiŋ laa, Nwi kɔꞌ kɨɨ nə jɨɨ faŋ kaꞌ ŋwə bwèysə vɨɨ vi fɨ ghɔ məmɔŋ nə vənu vəbwəvə, baa kɨɨ nə jɨɨ faŋ ŋwə ndɔ kwaŋ vɨɨ məyɨ vənu vəbwəvə taa ŋɨꞌ, maa shi nsɔꞌ Nwi.

2 Pita 3:11

Nɨniŋ, bàw viŋ shi kɨ kɨꞌ, faŋ viŋ duꞌtə viŋ kɨ̀ɨ laa vətɔ vənshə ndɔ ndi. Viŋ shi nə nshinə njyə faŋ nyə kùꞌnə tɨ́ vɨɨ Nwi, kɨ zɔnə ŋwə maa vənu vənshə.

1 Jɔn 2:27

Gə fɨ maa viŋ, viŋ kɔꞌ kɨɨ laa Zwitə Ley Nwi faŋ Yeso nə tù maa viŋ, gòꞌsə taa fwisə viŋ, nu kee baa ghɔ̀ꞌ viŋ, tɨ́ kɨ kaꞌ wə baa kɨ deesə viŋ nə nu Nwi me, buꞌ laa Zwitə Ley Nwi kɔ́ dèesə vənu vənshə tɨ́ viŋ. Nu ŋkɨə faŋ Zwitə Ley Nwi kɔ́ dèesə tɨ́ viŋ nə, luu ŋkee nu yinsəŋ, kee lùu ba me. Nɨniŋ, bàw viŋ vɨ Yeso goꞌ nə fa kəmuꞌ.

1 Jɔn 2:6

Wə ntɨə faŋ ŋwə toꞌ ghuu yitoꞌ ki sheꞌ faŋ Yeso Kristo nəə toꞌ, buu kaꞌ wə ghɔ́ gì laa yi shi ghɔ Nwi.

1 Jɔn 5:19

Nsiŋ kɔꞌ kɨɨ laa nsiŋ lùu vɨɨ Nwi. Gə fɨ maa vɨɨ mbi, mbi yinshə lùu ghɔ tɨɨ vəzwitə vəbwəvə.

Ŋwaꞌlə Jud 1:18

Vəŋ nəə gisə laa, vɨɨ ndɔ fuu maa yighee shə, kɨ shɨꞌ nu Nwi. Lùu vɨɨ faŋ vəŋ kee kɨ̀ɨ nə Nwi me, yɨ sheꞌ vənu faŋ yiŋwaa vəŋ kàw.

Reveleyshən 14:12

Nɨniŋ, ŋkə bàw laa vɨɨ ley Nwi faŋ vəŋ jia ntɨsə Nwi, baa nùŋ fwisə vəŋ maa Yeso nə, kɨ jia fwisə vəŋ, kee biŋ nyaa yɔ́ me.