Taytəs 2:11 - Vengo (Babungo)

¹¹ Nu məkee gəŋsə faŋ Nwi kee gəŋsə vɨɨ nə, fùu taa mbi, kɨ kəə bwèysə vɨɨ vənshə.

Taytəs 2:11 ပူးပေါင်းရင်းမြစ်များ

Matiu 28:19

Viŋ gə taa məshɨ mənshə fɨ taa mbi, kɨ yɨsə vɨɨ gu vɨɨ məzwetə nu kaŋ. Viŋ kɔ muu mə Nwi tɨ́ vəŋ maa yizii tɨta Nwi, nə yizii Wee (Nwi), baa nə yizii Zwitə Ley,

Mark 16:15

Ŋwə kɨ nii nàysə tɨ́ vəŋ laa, «Viŋ ndɔ, gə̀ taa mbi yinshə, kɨ toꞌ fɨꞌtə ntɔŋ yijəə Nwi tɨ́ vɨɨ vənshə fɨ taa mbi.

Lukas 24:47

baa nə laa vɨ ndɔ kɨ fɨꞌtə nu ki tɨ́ vɨɨ vənshə fɨ taa mbi, laa vəŋ kwiinə fwisə vəŋ, buu Nwi ndenə yibɨsə vəŋ buꞌ yizii yi. Nɨniŋ, viŋ ndɔ kɨ fɨꞌtə nu kɔ́, tèy fɨ ntɨꞌ Jerusalem.

Lukas 3:6

Wə tɨ̀ me wə ndɔ kɨ ye faŋ Nwi bweysə vɨɨ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:14

Yigi yɔ́ nə kìasə gù wə, shi taa ŋwaa nsiŋ. Yia ye feenə wi, faŋ tɨta Nwi nə kɔ̀ tɨ́ ŋwə, buꞌ laa ŋwə lùu yigɨꞌ Wee Nwi. Ŋwə kee gəŋsə vɨɨ dɨdɨꞌ, ndɔ lùu wuu yinsəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:9

Məley ghɔ́ lùu məley yinsəŋ faŋ ŋwə yɨ sɨ vɨɨ vənshə ley. Ŋwə nəə jɨjwi mbi maa yighee yɔ́.

Akts 11:23

Barnabas gə ziꞌ Antiɔk, yè faŋ Nwi nə tu mənɔŋ-bwaŋnə maa vɨɨ vɔ́, ŋàytə, tɨ vɨɨ vɔ́ vənshə laa vəŋ nuŋ fwisə vəŋ sheꞌ maa tɨta Yeso, goꞌsə ghɔ vɨ tɨta Yeso ghee nshə.

Akts 13:43

Məshəŋtə ghɔ́ kɨ waꞌ, vɨɨ vəyaŋ fɨ taa ŋwaa vɨɨ Jus nə vɨɨ vəmɔ́ꞌ faŋ vəŋ nəə bəŋsə Nwi nɨzi, beꞌsə Pɔɔl ghɔ Barnabas. Pɔɔl ghɔ Barnabas gi tɨ́ vəŋ, tɨ̀sə vəŋ laa, vəŋ nùŋ fwisə vəŋ sheꞌ maa nu gəŋsə Nwi kɔ́.

Akts 13:47

Yia yɨ̀ nɨniŋ buꞌ laa tɨta Nwi nə gì laa, «Mə nùŋ ghɔ yaa kiꞌ tɨ́ vɨɨ tətɔŋ fu, laa a taa də jɨɨ məbwey vəlwaŋ tɨ́ vəŋ, gə kɔ maa vəndwə və mbi.»

Akts 17:30

Nɨniŋ, Nwi ndenə vənu mbɨə faŋ viŋ nə yɨsə nshi yighee vɨsɨ. Lùu ndwə, ŋwə gì tɨ́ vɨɨ vənshə maa vəshəŋ vənshə, laa vəŋ kwiinə fwisə vəŋ,

Akts 20:24

Luu nə, mə kee fii ŋwaa ŋwaa nə nu me. Mə kəə sheꞌ laa mə yɨsə, ndɔ mètə faꞌ ŋgwə faŋ Yeso nə kɔ̀ shee, laa mə faꞌ nə, laa mə fɨꞌtə ntɔŋ yijəə Nwi, faŋ Nwi kee gəŋsə vɨɨ, kəə kɔ məbwey vəlwaŋ tɨ́ vɨɨ.

Roma 10:18

Luu nə, mə bìtə laa vəŋ nə kee yizɔ yimu? - Ɔŋ, vəŋ nə zɔ̀! Maa ŋkə lùu taa ŋwaꞌlə Nwi laa, «Gɨ vəŋ nə fùu, fì nsi yinshə, yigisə vəŋ ziꞌ maa vəndwəsə və shɨ nsi.»

Roma 5:15

Luu nə, nu gəŋsə Nwi faŋ Nwi kee gəŋsə vɨɨ nə, kee lùu yaa nu Adam me, faŋ ŋwə nə gù nu nə me. Wə muꞌ, faŋ lùu Adam, nə gù nu, buu vɨɨ vənshə kukə shɔ. Gə fɨ maa gəŋsə Nwi, nyə kwàlə shɔ̀ɔ nu kɔ́ tɨ́ vɨɨ vəyaŋ, faŋ vəŋ ndɔ zɨ məbwey vəlwaŋ buꞌ wə muꞌ nɨzi, faŋ lùu Yeso Kristo.

Roma 5:2

Tɨta Yeso Kristo nə kɔ̀ jɨɨ tɨ́ nsiŋ maa məshɔɔ fɨ fuŋ, ŋìi mənɔŋ-bwaŋnə Nwi, faŋ nsiŋ nùŋ fwi saŋ-nsiŋ maa ŋwə nə. Nɨniŋ, nsiŋ ŋìi mənɔŋ-bwaŋnə Nwi ghɔ́, kɨ ŋaytə, baa mwa, buꞌ faŋ nsiŋ kɨꞌ nu yikwalə Nwi, faŋ ŋkə bàw shɨlə nə.

2 Kɔrintian 6:1

Faŋ yia gaŋtə maa faꞌ Nwi nə, yia tɨsə viŋ laa viŋ ndɨɨnə laa gəŋsə Nwi, faŋ Nwi kèe gəŋ saŋ-nsiŋ nə, kee gù nu dayday tɨ́ viŋ me.

Galatia 2:21

Nɨniŋ, kaꞌ mə kee mèꞌ gəŋsə Nwi yaa fa dayday me. Nəə toꞌ luu buꞌ mənuŋsə ntɨsə, laa wə luu wuu ley vɨsɨ Nwi, buu yiku Yeso Kristo lùu nu dayday.

Efesɔs 2:5

kɔ̀ məbwey tɨ́ nsiŋ fɨ yiba Kristo maa yighee njyə faŋ nsiŋ nəə kɨ bii vəŋku və vɨɨ taa nu bwə kaŋ-nsiŋ nə. Luu sheꞌ buꞌ gəŋsə Nwi, laa Nwi bweysə viŋ ndwə.

Efesɔs 2:8

Nwi nə bweysə viŋ buꞌ gəŋsə Nwi, faŋ viŋ nùŋ fwi siŋ maa Kristo. Kee bee gaŋtə viŋ gàŋtə yiŋwaa yiŋ me; nə key sheꞌ Nwi kèy viŋ shɔ.

Kɔlɔsii 1:23

buꞌ faŋ viŋ kɨ tɨtweꞌ bìŋ Nwi, nùŋ fwi siŋ sheꞌ maa nu Nwi, tɨ̀ŋnə weꞌ, tə̀ sɨ sheꞌ maa vənu mbɨə faŋ viŋ zɔ̀ fɨ taa nu Nwi. Luu sheꞌ nu Nwi kɔ́ faŋ vɨ fɨꞌtə tɨ́ vɨɨ vənshə, ŋkə saynə shɨ nsi kənshə. Mə Pɔɔl nə gù wuu faꞌ nu Nwi kɔ́, laa mə kɨ fɨꞌtə nu Nwi kɔ́ tɨ́ vɨɨ.

Kɔlɔsii 1:6

Ntɔŋ yijəə Nwi yɔ́ zìꞌ maa vəshəŋ vənshə fɨ shɨ nsi, nyə yɨsə vɨɨ kwiinə nshinə vəŋ, kii nshinə yijəə. Viŋ nɨzi zɔ̀ fɨ fuŋ, nyə yɨ viŋ yɨsə vənu vəjəəvə, zì fɨ maa yighee njyə faŋ viŋ nə fɔŋ zɔ̀ yigi yɔ́, faŋ ŋkə nə lèy tɨ́ viŋ, viŋ kɨɨ jəə faŋ Nwi tu mənɔŋ-bwaŋnə wi tɔ viŋ.

2 Tesalonika 2:16

Nshɨ-tɔ tɨta ŋwaa-nsiŋ Yeso Kristo nə tɨta Nwi faŋ ŋwə nə kàw nsiŋ, kèe gəŋ saŋ-nsiŋ, bàwsə fwi saŋ-nsiŋ, nsə kuꞌnə yighee muꞌ nə, yɨsə nsiŋ kɨ kɨꞌ ŋkee nu jəə.

1 Timoti 1:14

Nɨniŋ, gəŋsə tɨta ŋwaa-nsiŋ, Yeso Kristo, faŋ ŋwə kèe gəŋ saŋ nə, shɔ̀ɔ ki, yɨsə mə nuŋ fwi nyaa maa ŋwə, kàw ŋwə.

1 Timoti 2:4

faŋ ŋwə kəə laa vɨɨ vənshə ndɔ kii məbwey vəlwaŋ, kɨ̀ɨ nə nu yinsəŋ.

2 Timoti 1:10

Lùu ndwə, ŋkə fùu ntee, faŋ wuu məbweysə ŋwaa-nsiŋ, Yeso Kristo nə fùu mbi, ndìsə yiku, nùŋsə məbwey vəlwaŋ faŋ ŋwə gòꞌsə yighee muꞌ tɨ́ vɨɨ mbɨə faŋ vəŋ zɔ ntɔŋ yijəə yɔ́.

2 Timoti 4:17

Luu nə, tɨta Kristo nə tɨ̀ŋnə jɨŋ mə, kwàŋ wutə maa mə, laa mə naysə nu Nwi kənshə, vɨɨ tətɔŋ fu vənshə zɔ. Nɨniŋ, Nwi fuusə mə fɨ shuu bikəə.

Hibru 12:15

Viŋ kɨ ndɨɨnə laa kɨ wə fɨ wiŋ ndi jɨɨ Nwi, mànə gəŋsə Nwi me. Kɨ wə gu yaa mbiŋ faŋ ŋkə bɨbiŋ me, faŋ ŋkə jwi nə məbiŋ wi, yɨsə vətɔ vəmɔ́ꞌ biŋ me. Kəŋ vɨɨ vɔ́ yaa kɨ jwi nə vənu vəbwəvə, bɨsə nshinə vɨɨ vəyaŋ.

Hibru 2:9

Nsiŋ kɔꞌ kɨɨ nə Yeso faŋ Nwi nə yɨ̀sə nshiisə-ŋiisə Nwi luu vɨsɨ fɨ ghɔ ŋwə maa kuŋtə yighee, faŋ ŋwə nə yè ŋɨꞌ ku, buu Nwi kɔ yifwàŋ nə feenə tɨ́ ŋwə nə. Nɨniŋ nə, ŋwə nə kù tɔ vɨɨ vənshə, buꞌ faŋ Nwi nə kèe gəŋsə vɨɨ nə.