Taytəs 1:9 - Vengo (Babungo)

⁹ jia sheꞌ nu yinsəŋ Nwi faŋ vɨ nə dèesə tɨ́ ŋwə nə, tɨ́ kaꞌ ŋwə baa kùꞌnə maa mətɨsə vɨɨ nə nu yinsəŋ Nwi, kɨ̀ɨ maa məkɨ ŋaꞌsə sɨ vɨɨ faŋ ghɔ vɨ vəŋ shɔɔnə nə yigi.

Taytəs 1:9 ပူးပေါင်းရင်းမြစ်များ

Akts 18:28

Ŋwə nə ghɔ̀ꞌ vɨɨ Jus ntee, faŋ ŋwə nə twèlə fɨ taa ŋwaꞌlə Nwi ŋkee ley, laa Yeso lùu Kristo, wuu məbweysə vɨɨ, ŋgwə faŋ Nwi nə kɔ̀ꞌnə nə.

1 Kɔrintian 14:24

Luu nə, viŋ vənshə kɨ luu kɨ fɨꞌtə yigisə shuu Nwi, wə mɔ́ꞌ kɨ nii jwì faŋ ŋwə kee ta kɨ̀ɨ nə nu Nwi me, tɨꞌnə me bìŋ nu Kristo me, wə ghɔ́ kɨ jwì, ŋìi shɔ, zɔ̀ yigisə yiŋ yɔ́, buu ŋkə taa də tɨ́ wə ghɔ́ laa nshinə yi kee yikuꞌnə vɨsɨ Nwi me. Ŋwə ye laa yi luu yɨ-kəbwə.

1 Tesalonika 5:21

Viŋ kɨ kwaꞌtə vənu vənshə, jìa ŋkɨə faŋ ŋkə kùꞌnə.

2 Tesalonika 2:15

Nɨniŋ mɔɔ, vaŋ-nshwi via, viŋ kɨ tweꞌ, jìa vənu mbɨə faŋ yia nə nàysə tɨ́ viŋ nə shuu wia, nə mbɨə faŋ yia nə nyɔ̀ꞌ tɨ́ viŋ taa ŋwaꞌlə wia nə.

1 Timoti 1:10

nə tɨ́ vɨɨ mətii vəki, nə vɨɨ faŋ vəŋ shi ghɔ vəliŋ vəvəŋ vəndɔŋ, nə vɨɨ məfiŋ vɨɨ, nə vɨɨ təba, nə vɨɨ faŋ vəŋ kee yizii Nwi maa nshulə shaŋ, nə vɨɨ faŋ vəŋ yɨsə kəŋ nu tɨ̀ me kəŋ nu faŋ ŋkə kee kùꞌnə ghɔ nu Nwi yinsəŋ me.

1 Timoti 1:15

Yigisə Nwi lùu nu jəə. Bàw vɨɨ vənshə biŋ laa Yeso Kristo nə fùu taa mbi maa məbweysə vɨɨ bwənə, faŋ mə luu nshɔɔ vɨsɨ vəŋ.

1 Timoti 1:19

Nuŋ fwi yə maa Kristo, tweꞌ shɔ, kɨ yɨ vənu tɨ́ kaꞌ fwi yə kee ghaysə ghɔ me. Vɨɨ mɔ́ꞌ nə mèꞌ nu jəə, fwisə vəŋ kee dùꞌ səjəə me. Nu Kristo kɨ nii ndì fɨ ghɔ vəŋ laylay. Vəŋ fɨnə vɨɨ faŋ vəŋ dùꞌ taa bay, ŋkə seenə gù taa muu.

1 Timoti 4:9

Ntɨ Nwi lùu nu yinsəŋ; bàw vɨɨ vənshə biŋ.

1 Timoti 6:3

Wə kɨ luu kɨ deesə nu Nwi kədaykə, kee bìŋ yigisə tɨta ŋwaa-nsiŋ Yeso Kristo, faŋ lùu nu yinsəŋ nə me, buu wə ghɔ́ koꞌsə ŋwaa wi. Wə kɨ luu kɨ deesə nu faŋ ŋkə kee kùꞌnə maa məbəŋsə Nwi shɔ me,

2 Timoti 1:13

Jia yigisə yinsəŋ njyə faŋ mə nə dèesə ghɔ shɔ nə, kɨ deesə sheꞌ nɨniŋ, nùŋ fwi yə maa Yeso Kristo, dùꞌ taa ŋkawnə njyə faŋ ŋwə kaw nsiŋ shɔ nə.

2 Timoti 2:2

Fi yigi njyə faŋ a nə zɔ̀ fɨ ghɔ mə, faŋ mə nəə fɨꞌtə nu Kristo vɨsɨ vɨɨ vəyaŋ nə, ndì nùŋsə tɨ́ vɨɨ yinsəŋ, faŋ vəŋ kùꞌnə tɨ́ kaꞌ vəŋ ndɔ baa kɨ deesə tɨ́ vɨɨ mɔ́ꞌ.

2 Timoti 2:25

Bàw ŋwə kɔ bəŋsə tɨ́ vɨɨ mətwey nu Kristo taa gɨ yibwaŋnə, laa kaꞌ yighee mɔ́ꞌ Nwi gaŋtə vəŋ, vəŋ kwiinə fwisə vəŋ, kɨ̀ɨ nə nu yinsəŋ,

2 Timoti 3:14

Gə fɨ maa ghɔ, bàw a goꞌ nə nu ŋkɨə faŋ a nə zwetə̀, kɨɨ laa lùu yinsəŋ, buꞌ laa a kɨ̀ɨ nə vɨɨ mbɨə faŋ a nə zwètə fɨ ghɔ vəŋ nə.

2 Timoti 4:3

A kɔꞌ kɨɨ laa yighee ndɔ kɨ jwi, faŋ nu yinsəŋ Nwi ndɔ bɨ tɨ́ vɨɨ, vəŋ twey maa məzɔ, gə̀ kɨ kəə vɨɨ mədeesə vəŋ, faŋ vəŋ gisə sheꞌ vənu faŋ mbə sɨꞌsə tɨ́ vəŋ.

Taytəs 1:11

Bàw vɨ kɨ fəŋ vəŋ, buꞌ laa vəŋ kiasə ŋkee yishuu yindɔꞌ yi vɨɨ, nyə gu, buꞌ faŋ vəŋ fɨꞌtə vənu faŋ mbə kee yikuꞌnə me. Vəŋ yɨ̀ nɨniŋ sheꞌ maa məkəə ka, faŋ lùu nu tɔ dɨɨ.

Taytəs 2:1

Gə fɨ maa ghɔ, bàw a naysə nu ŋkɨə faŋ ŋkə kùꞌnə maa nu yinsəŋ Nwi, faŋ nsiŋ deesə nə.

Ŋwaꞌlə Jud 1:3

Vɨɨmba vaŋ faŋ mə kàw, mə nə kɨsə kəə laa mə nyɔꞌ ŋwaꞌlə ŋwə̀ tɨ́ viŋ maa mədə faŋ Nwi bwèysə nsiŋ vənshə. Nwi də̀ shee laa ŋkə bàw laa mə nyɔꞌ ŋwaꞌlə tɨ́ viŋ, buꞌ ghɔ tɨ́ viŋ laa viŋ faꞌ nə wutə, tɨ́ kaꞌ viŋ tɨŋ weꞌ maa nu Nwi, faŋ viŋ nùŋ fwi maa Nwi nə. Maa lùu nu faŋ Nwi nə nàysə tɨ́ vɨɨ vi. Kaꞌ yigi yɔ́ kee ndɔ kwiinə me.

Reveleyshən 2:25

Mə gi tɨ́ viŋ sheꞌ laa viŋ kɨ jia nu ŋkɨə faŋ ŋkə lùu ghɔ viŋ nə, gə kɔ tɨ́ shi ŋkɨə faŋ mə ndɔ jwi.

Reveleyshən 3:11

Mə taa yasə jwi. Jia nu ŋkɨə faŋ ŋkə lùu ghɔ ghɔ, laa kɨ wə fi vəkeynə və me.

Reveleyshən 3:3

Lumə faŋ nu Kristo nə jwì zìꞌ ghɔ ghɔ, faŋ a nə zɔ̀ nu kɔ́ nə. Nɨniŋ, kwiinə fwi yə, baa jia nu kɔ́. A kee kaw kɨ shi nə yikɨꞌ me, buu mə taa nyɔꞌtə jwi yaa ndɔꞌ maa yighee faŋ a kee yikɨɨ laa mə taa jwi yɨ ghɔ me.