Taytəs 1:8 - Vengo (Babungo)

⁸ Bàw ŋwə bee kii kàw maa məfisə vəndɔ taa ŋii ŋwə, kàw vənu vəjəəvə, yɨsə vənu vənshə nə yitɔfə, yɨ vənu vəloomə, baa lùu wuu ley vɨsɨ Nwi, kɨɨ maa məshiinə ŋwaa wi,

Taytəs 1:8 ပူးပေါင်းရင်းမြစ်များ

Lukas 2:25

Maa yighee yɔ́ wə mɔ́ꞌ nə luu shɔ ntɨꞌ Jerusalem, yizii yi luu Saymon. Ŋwə nəə yɨsə vənu faŋ mbə lùu vəloomə, kɔ feenə tɨ́ Nwi, kɨꞌ sheꞌ wə ntɨə faŋ Nwi nə kɔ̀ꞌnə maa mətɔŋ maa məzwisə fwisə vɨɨ Isirayl. Zwitə Nwi luu maa ŋwə.

Akts 24:25

Pɔɔl gi kɔ̀ŋ nu məyɨ nu loomə, nə nu məmeꞌtə vənu vəmɔ́ꞌ, baa kɔ̀ŋ shi nsɔꞌ Nwi faŋ ŋkə ndɔ jwi maa yighee yiba. Goməna ghɔ́ fee, gì laa bàw ŋwə gə ndwə, laa yi ndɔ baa kii yighee, buu baa tii ŋwə.

1 Tesalonika 2:10

Nshɨ-tɔ wiŋ, nə Nwi, nə ye nə yisɨ faŋ nshinə yia nə luu yiley, baa lùu yiloomə taa ŋwaa viŋ, yia kee gu tuu nu maa viŋ, faŋ viŋ nùŋ fwi siŋ maa Nwi nə me.

1 Timoti 3:2

Luu nə, ŋkə bàw laa kɨ tuu wee-fɨ-nu bwə lùu maa wuu məndeynə vɨɨ Nwi me. Bàw zu wi luu sheꞌ muꞌ. Tɔ ki luu kəley, ŋwə kɨ yɨsə vənu nə yitɔfə, yɨsə vənu maa jɨɨ yiloomə, kwaŋ vəndɔ taa ŋii ŋwə, baa kùꞌnə maa mətwelə ŋiꞌ nu Nwi.

1 Timoti 4:12

Kɨ wə shia ghɔ buꞌ faŋ a kɨ bii wuu zawə nə me. Kɨ yɨsə laa a luu mfɨꞌ nu tɨ́ vɨɨ məbiŋ nu Kristo fɨ maa yigisə yə, nə ghuu yitoꞌ kə, nə nu məkaw vɨɨ, nə maa mənuŋ fwi maa Kristo, baa nə maa məyɨsə vənu vəleyvə.

1 Timoti 6:11

Gə fɨ maa ghɔ, wuu Nwi, nyɨŋ vənu vɔ́, bèꞌsə fɨ jɨŋ nu ŋkɨə faŋ lùu nu loomə, baa nə nu məbəŋsə Nwi, nə maa mənuŋ fwi maa Kristo, nə məkaw vɨɨ, nə maa məjia fwi taa ŋɨꞌ, nə nu məduꞌ bwaŋnə.

2 Timoti 2:22

Kɨ nyɨŋ vənu vəbwəvə mbɨə faŋ zawə yaa kɨ kəə, beꞌsə luu fɨ yiba jɨŋ nu faŋ lùu nu loomə, baa nə maa mənuŋ fwi yə maa Kristo, baa nə maa məkaw vɨɨ, baa nə maa məduꞌ bwaŋnə viŋ vɨ vɨɨ vənshə faŋ vəŋ tii yizii tɨta Kristo nə fwi yiley.

2 Timoti 3:3

kee kaw vɨɨ me, kee mètə nsɔꞌsə ghɔ vɨɨ me, bɨsə yizii vɨɨ, kee jia fwi me, jia vənu taa njyoꞌ, bee nu jəə,

Taytəs 2:7

Nuŋsə ŋwaa wə laa a luu mfɨꞌ nu tɨ́ vəŋ maa vənu vənshə, mbə kɨ baw. Deesə sheꞌ nu yinsəŋ tɨ́ vɨɨ, faŋ a deesə nu Nwi tɨ́ vəŋ. Deesə nu Nwi nə fwi yimuꞌ,

1 Jɔn 3:14

Nsiŋ kɔꞌ kɨɨ laa, nsiŋ fuu fɨ shuu yiku, ŋìi taa məbwey vəlwaŋ. Nsiŋ kɨɨ buꞌ faŋ nsiŋ kaw vaŋ-nshwi vaŋ-nsiŋ. Wə ntɨə faŋ ŋwə kee kaw weenshu wi me, gòꞌ shuu yiku.

1 Jɔn 5:1

Wə ntɨə faŋ ŋwə biŋ laa Yeso lùu wuu məbweysə vɨɨ, faŋ ŋwə ndɔ̀ fɨ ghɔ Nwi, buu bì Nwi bì wə ghɔ́. Maa wə ntɨə faŋ ŋwə kaw tɨɨ vaŋ, kaw vaŋ vi nɨzi.