Taytəs 1:4 - Vengo (Babungo)

⁴ Mə tɔ̀ŋ ŋwaꞌlə ŋwə̀ tɨ́ ghɔ, Taytəs, faŋ a luu ŋkee ŋwiŋ ŋwaa maa yizii Kristo faŋ nsiŋ nùŋ fwi saŋ-nsiŋ maa ŋwə nə. Tɨta Nwi ghɔ Yeso Kristo, wuu məbweysə ŋwaa-nsiŋ, tu mənɔŋ-bwaŋnə tɔ ghɔ, nə məduꞌ-nyɔŋ.

Taytəs 1:4 ပူးပေါင်းရင်းမြစ်များ

Lukas 2:11

Vɨ bì wuu məbweysə wiŋ ndee ntɨꞌ Deyvid. Ŋwə lùu Kristo, Tɨɨ-mbi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:42

Vəŋ gi tɨ́ wəzwi ghɔ́ laa «Yia kee baa bìŋ Yeso sheꞌ buꞌ yigi yə me. Yia zɔ nə tuulə ghia, buu kɨ̀ɨ yinsəŋ laa ŋwə lùu wə ntɨə faŋ ŋwə ndɔ bweysə vɨɨ.»

Roma 1:12

Baa nə laa fwi nyaa ndɔ zutə nɨzi, buꞌ faŋ nsiŋ nùŋ fwi saŋ-nsiŋ maa fa kəmuꞌ, faŋ lùu Yeso Kristo.

Roma 1:7

Nɨniŋ, mə tɔ̀ŋ ŋwaꞌlə ŋwə̀ tɨ́ viŋ vənshə, faŋ viŋ lùu shɨ Rom, faŋ Nwi kaw viŋ, baa tìi viŋ laa viŋ luu vɨɨ vi. Nwi, Tii ŋwaa-nsiŋ, ghɔ tɨta Yeso Kristo tu mənɔŋ-bwaŋnə tɔ viŋ, kɔ̀ viŋ nə məduꞌ-nyɔŋ.

2 Kɔrintian 12:18

Faŋ mə nə bùꞌ ghɔ tɨ́ Titɔs, ŋwə jwi yɨ viŋ, ghɔ weenshu ŋwaa wuu Kristo mɔ́ꞌ, Titɔs nə kùŋ viŋ mu? Maa yia ŋwə faꞌ sheꞌ maa gɨ yimuꞌ, baa yɨsə vənu sheꞌ maa jɨɨ yimuꞌ.

2 Kɔrintian 2:13

Luu nə, fwi nyaa nə kee yizutə me, buꞌ faŋ mə nə kee yè weenshu ŋwaa Titɔs yifi me. Nɨniŋ, mə ndɔ fɨ yɨ vɨɨ vɔ́, shɔ̀ɔ gə̀ zìꞌ shɨ Makedonia.

2 Kɔrintian 4:13

Zwitə Nwi yɨsə yia nuŋ fwi sia maa nu Nwi, sheꞌ faŋ ŋkə lùu taa ŋwaꞌlə Nwi laa, «Mə nùŋ fwi nyaa maa Nwi, buu kɨ fɨꞌtə nu ki.» Sheꞌ nɨniŋ, yia nùŋ fwi sia maa Kristo, buu kɨ fɨꞌtə nu ki.

2 Kɔrintian 7:6

Luu nə, Nwi faŋ ŋwə yaa kɨ kɔ fwi yizutə tɨ́ vɨɨ mbɨə faŋ vɨ fiitə vəŋ nsi, baa kɔ fwi yizutə tɨ́ yia nɨzi, faŋ Titɔs nə jwì yɨ yia.

2 Kɔrintian 8:16

Mə bwaŋ Nwi, buꞌ laa Nwi yɨ̀sə ŋkawnə yiŋ lwaŋ taa fwi Titɔs. Ŋwə kəə kɨ gaŋtə viŋ sheꞌ yaa mə.

2 Kɔrintian 8:23

Gə fɨ maa Titɔs, ŋwə lùu wuu yitoꞌ ŋwaa, baa gaŋtə mə nə faꞌ faŋ mə fàꞌ buꞌ viŋ nə. Gə fɨ maa vaŋ-nshwi vaŋ-nsiŋ vɔ́, tɔŋ vəməshəŋtə və vɨɨ Nwi tɔŋ vəŋ, vɨɨ bəŋsə yizii Kristo buꞌ vəŋ.

2 Kɔrintian 8:6

Nɨniŋ, yia buꞌ ghɔ tɨ́ Titɔs, faŋ ŋwə nə zi faꞌ ghɔ́ taa ŋwaa viŋ nə, laa ŋwə kɨ faꞌ gə nə vɨsɨ maa məgaŋtə viŋ, tɨ́ kaꞌ viŋ metə faꞌ ŋkawnə ghɔ́.

Galatia 2:3

Nɨniŋ, faŋ Titɔs nə kɔlə luu wuu Griik nə, vəŋ nə kee dɔ̀ɔ laa vɨ sɨɨtə ŋwə me, tɨ́ kaꞌ ŋwə lùu yaa wuu Jus me.

Galatia 3:26

Viŋ lumə laa, viŋ faŋ viŋ kìi nu kəmuꞌ, viŋ vɨ Yeso Kristo, viŋ lùu vaŋ Nwi, buꞌ laa viŋ nùŋ fwi siŋ maa ŋwə.

Galatia 3:28

Nɨniŋ nə, wə kɨ luu lùu wuu Jus, wə mɔ́ꞌ luu wuu Griik, ŋkwiinə kee lùu shɔ me. Vəŋ luu sheꞌ fa kəmuꞌ maa yizii Yeso Kristo. Faŋ a lùu buꞌ, tɨꞌnə me wuu shɨ, ŋkwiinə kee lùu shɔ me. Faŋ a lùu wəndɔŋ, tɨꞌnə me wəzwi, ŋkwiinə kee lùu shɔ me, buꞌ laa viŋ vənshə lùu fa kəmuꞌ viŋ vɨ Kristo. Nɨniŋ, viŋ kɨ nii lùu wə muꞌ.

Efesɔs 1:2

Nwi, Tii ŋwaa-nsiŋ, nə tɨta Yeso Kristo, tu mənɔŋ-bwaŋnə tɔ viŋ, kɔ viŋ nə məduꞌ-nyɔŋ!

Kɔlɔsii 1:2

faŋ yia nyɔ̀ꞌ ŋwaꞌlə ŋwə̀ tɨ́ viŋ, vɨɨ ley Nwi fɨ shɨ Kɔlɔsii. Viŋ lùu vaŋ-nshwi via fiiba jɨŋ Kristo, buꞌ faŋ viŋ nùŋ fwi siŋ maa ŋwə. Nwi, Tii ŋwaa-nsiŋ, tu mənɔŋ-bwaŋnə tɔ viŋ, kɔ̀ viŋ nə zutə.

1 Timoti 1:12

Mə bwaŋ tɨta ŋwaa-nsiŋ Yeso Kristo faŋ ŋwə nə kwàŋ wutə maa mə. Mə bwaŋ ŋwə buꞌ laa ŋwə nə biŋ mə laa mə lùu wuu yinsəŋ, tɨ́ kaꞌ ŋwə nùŋ mə maa faꞌ wi.

2 Timoti 1:1

Lùu mə, Pɔɔl, wuu ntɔŋ Yeso Kristo, faŋ nshɨ-tɔ Nwi nə nùŋsə mə maa faꞌ ghɔ́, laa mə kɨ fɨꞌtə nu məbwey vəlwaŋ faŋ Nwi ndɔ kɔ tɨ́ vɨɨ buꞌ Yeso Kristo nə.

2 Timoti 1:2

Mə tɔŋ ŋwaꞌlə ŋwə̀ tɨ́ ghɔ, ŋwiŋ ŋwaa Timoti, faŋ mə kàw ghɔ. Tɨta Nwi ghɔ tii ŋwaa-nsiŋ Yeso Kristo tu mənɔŋ-bwaŋnə tɔ ghɔ, kèe gəŋ sə, kɔ̀ məduꞌ-nyɔŋ tɨ́ ghɔ!

2 Timoti 4:10

buꞌ laa Dimas nyɨ̀ŋ fɨ yɨ mə, kaw maa məshi taa mbi nyə̀, ndɔ gə shɨ Tesalonika. Kresens gə̀ shɨ Galatia, Titɔs gə̀ shɨ Dalmatia.

Taytəs 1:3

Ŋwə nə yɨ̀ laa yigisə yi yɔ́ fuu ntee yikəꞌ vɨɨ maa njii yighee. Yigi yɔ́ lùu ntɔŋ yijəə Nwi faŋ Nwi, wuu məbweysə ŋwaa-nsiŋ, nə kɔ̀ ghɔ mə, laa mə kɨ fɨꞌtə tɨ́ vɨɨ.

Taytəs 2:13

Nsiŋ kɨ kɨꞌ nu mənɔŋ-bwaŋnə Nwi, faŋ ŋwə ndɔ kɔ məbwey vəlwaŋ tɨ́ nsiŋ, baa kɨꞌ yighee njyə faŋ feenə Nwi, faŋ luu ŋkee Nwi kwalə nə, ndɔ fuu ghɔ Yeso Kristo, wuu məbweysə ŋwaa-nsiŋ,

2 Pita 1:1

Lùu mə, Saymon Pita, faŋ mə luu wuu faꞌ Yeso Kristo, baa lùu wuu ntɔŋ wi nɨzi, faŋ mə tɔ̀ŋ ŋwaꞌlə ŋwə̀ tɨ́ vɨɨ mbɨə faŋ vəŋ nùŋ fwisə vəŋ maa Nwi. Nshɨ-tɔ wia nùŋ fwi sia maa Nwi sheꞌ nɨniŋ, baa nə maa Yeso Kristo, wuu məbweysə ŋwaa-nsiŋ, faŋ ŋwə nə kìasə nu kaŋ-nsiŋ, ŋkə loomə.

2 Pita 1:11

Nɨniŋ, viŋ taa kii jɨɨ yinsəŋ maa məŋii taa yifwàŋ Yeso Kristo, faŋ luu mbweysə nyaa-nsiŋ; nsiŋ vɨ vəŋ taa gòꞌsə shɔ yighee muꞌ.

2 Pita 2:20

Gə fɨ maa vɨɨ mbɨə faŋ vəŋ nə nyɨ̀ŋ vənu vəbwəvə faŋ mbə lùu mbi nə, buꞌ faŋ vəŋ nə kɨ̀ɨ nə tɨta Yeso Kristo faŋ lùu wuu məbweysə vɨɨ nə, kɨ luu laa vəŋ baa bə̀ŋ gə̀ bèꞌsə vənu vəbwəvə vɔ́, ŋìi taa vənu vəbwəvə vɔ́, mbə fi vəŋ, buu ŋkə bɨ̀ maa vəŋ shɔ̀ɔ yighee vɨsɨ faŋ vəŋ nə kee ta kɨ̀ɨ nə Yeso Kristo me.

2 Pita 3:18

Viŋ tɨŋnə sheꞌ taa shəŋ jəə kɔ́, weꞌ shɔ, tɨ́ kɨ kaꞌ tɨta ŋwaa-nsiŋ Yeso Kristo, faŋ lùu wuu məbweysə ŋwaa-nsiŋ, tu mənɔŋ-bwaŋnə tɔ viŋ. Viŋ baa kɨɨ nə ŋwə jəə. Nsiŋ kɨ bəŋsə ŋwə, faŋ ŋwə kìi feenə wi ghee nshə.

2 Pita 3:2

Mə nyɔ̀ꞌ vənu vɔ́ laa, viŋ kɨ lumə təgi tɔ́, faŋ nshiisə-ŋii sɔghɔ nə nàysə fɨshi, baa nə laa viŋ kɨ lumə ntɨ njyə faŋ tɨta Yeso faŋ lùu wuu məbweysə ŋwaa-nsiŋ, nə nàysə tɨ́ viŋ, laa viŋ kɨ yɨ. Ŋwə nə nàysə vənu vɔ́ tɨ́ viŋ, mbə shɔɔ fɨ ghɔ vɨɨ ntɔŋ vi, vəŋ naysə tɨ́ viŋ.

1 Jɔn 5:14

Nu ŋkɨə faŋ kaꞌ nsiŋ jìa fwi shɔ vɨsɨ Nwi, lùu laa, Nwi yaa kɨ zɔ nu ŋkɨə faŋ nsiŋ buꞌ ghɔ, ndwaŋ fɨ ghɔ ŋwə, faŋ lùu nu faŋ fwi Nwi kàw.

Ŋwaꞌlə Jud 1:3

Vɨɨmba vaŋ faŋ mə kàw, mə nə kɨsə kəə laa mə nyɔꞌ ŋwaꞌlə ŋwə̀ tɨ́ viŋ maa mədə faŋ Nwi bwèysə nsiŋ vənshə. Nwi də̀ shee laa ŋkə bàw laa mə nyɔꞌ ŋwaꞌlə tɨ́ viŋ, buꞌ ghɔ tɨ́ viŋ laa viŋ faꞌ nə wutə, tɨ́ kaꞌ viŋ tɨŋ weꞌ maa nu Nwi, faŋ viŋ nùŋ fwi maa Nwi nə. Maa lùu nu faŋ Nwi nə nàysə tɨ́ vɨɨ vi. Kaꞌ yigi yɔ́ kee ndɔ kwiinə me.