Taytəs 1:3 - Vengo (Babungo)

³ Ŋwə nə yɨ̀ laa yigisə yi yɔ́ fuu ntee yikəꞌ vɨɨ maa njii yighee. Yigi yɔ́ lùu ntɔŋ yijəə Nwi faŋ Nwi, wuu məbweysə ŋwaa-nsiŋ, nə kɔ̀ ghɔ mə, laa mə kɨ fɨꞌtə tɨ́ vɨɨ.

Taytəs 1:3 ပူးပေါင်းရင်းမြစ်များ

Mark 1:15

«Yighee njyə faŋ Nwi ndɔ jwì sɔꞌ vɨɨ maa nshɨ-tɔ wi lùu nshənə. Nɨniŋ, viŋ kwiinə fwi siŋ, biŋ ntɔŋ yijəə yɔ́.»

Mark 13:10

Ntɔŋ yijəə Nwi ndɔ ghaa ziꞌ maa məshɨ mə tɔŋ mənshə, buu vəndwə və mbi kuꞌnə.

Mark 16:15

Ŋwə kɨ nii nàysə tɨ́ vəŋ laa, «Viŋ ndɔ, gə̀ taa mbi yinshə, kɨ toꞌ fɨꞌtə ntɔŋ yijəə Nwi tɨ́ vɨɨ vənshə fɨ taa mbi.

Lukas 1:47

Zwitə kaŋ ŋaytə, bəŋsə Nwi, wuu məbweysə ŋwaa,

Akts 10:36

Viŋ kɔꞌ kɨɨ nə yigi njyə faŋ Nwi nə tɔ̀ŋ tɨ́ vɨɨ Isirayl laa, mənɔŋ-bwaŋnə lùu fɨ yiba Yeso Kristo. Yeso lùu wuu məsɔꞌ mbi yinshə.

Akts 17:26

Ŋwə nə yɨ̀sə ŋgwisə vɨɨ vənshə fuu fɨ maa wə muꞌ, kɨ shi shɨ nsi kənshə. Ŋwə baa shìa ki ŋuꞌsə vɨɨ faŋ vəŋ taa kɨ shi mbi, ndɔ fɨ̀ꞌ təki tə shɨ nsi tɨ́ vɨɨ laa vəŋ shi shɔ.

Roma 15:19

faŋ Nwi nə tɨ̀ŋ yiba jɨŋ mə, də̀ vəshwenə nə vənu və shuu yɔŋvə tɨ́ vəŋ buꞌ wutə Nwi nə wutə Zwitə Ley Nwi. Lùu faŋ mə nə fɨ̀ꞌtə ntɔŋ yijəə Nwi yinshə buꞌ Yeso Kristo, zì fɨ ntɨꞌ Jerusalem, kia gə̀ zìꞌ ŋkee maa shɨ Ilirikɔn,

Roma 16:25

Nsiŋ kɨ bəŋsə Nwi faŋ kaꞌ ŋwə kwàŋ wutə maa viŋ, viŋ weꞌ maa nu Yeso Kristo faŋ lùu ŋiꞌ ntɔŋ yijəə Nwi faŋ mə fɨꞌtə tɨ́ vɨɨ nə. Nyə nə ndènə shù fɨshi,

Roma 16:26

baa fùu yikəꞌ vɨɨ ndwə. Nwi faŋ ŋwə nə luu shɔ shù fɨ yighee vɨsɨ, ndɔ goꞌsə yighee muꞌ nə, gì laa, vɨ gə fɨ̀ꞌtə nu Kristo kɔ́ tɨ́ vɨɨ taa məshɨ mənshə, laa vəŋ kɨɨ nə ŋiꞌ nu ŋkɨə faŋ ŋkə lùu taa ŋwaꞌlə nshiisə-ŋii sɔghɔ nə, nùŋ fwisə vəŋ maa Kristo, kɨ zɔnə ŋwə.

Roma 5:6

Ŋwə nə də ŋkawnə yi tɨ́ nsiŋ, buꞌ faŋ Kristo nə kù tɔ nsiŋ maa yighee njyə faŋ Nwi nə tə nə, faŋ nsiŋ nəə kɨ bii vəbwa, baa lùu vɨɨ məmanə Nwi nə.

1 Kɔrintian 9:17

Nii toꞌ lùu ŋkɨɨ nyaa maa məfɨꞌtə nu Nwi tɨ́ vɨɨ, buu kaꞌ ŋkə kùꞌ laa mə bitə fa yaa vəkeynə fɨ ghɔ vɨɨ. Luu nə, kee lùu ŋkitə nyaa me, ŋkə ndɔ̀ fɨ ghɔ Nwi, Nwi nə kɔ̀ faꞌ ŋwə̀ taa ghɔ mə, laa mə kɨ faꞌ tɨ́ ŋwə.

Galatia 4:4

Luu nə, Nwi kɨ nii tɔ̀ŋ ŋwiŋ wi taa mbi maa yighee njyə faŋ Nwi nə tə. Wəzwi mɔ́ꞌ gɔ ŋwə, bì ŋwə. Ŋwə nəə beꞌsə ntɨsə nsɨə faŋ Nwi nə kɔ̀ tɨ́ vɨɨ Jus nə nɨzi.

Efesɔs 1:10

faŋ yighee ndɔ kɨ kuꞌ nə. Maa yighee yɔ́ ŋwə nə tɔ̀ŋ Kristo laa ŋwə baytə vətɔ vənshə faŋ mbə lùu yizɔ, nə mbɨə faŋ mbə lùu nsi, laa Kristo ndɔ sɔꞌ mbə vənshə.

Efesɔs 2:17

Ŋwə nə jwì nɨniŋ, fɨꞌtə ntɔŋ yijəə tɨ́ viŋ, viŋ vɨɨ faŋ viŋ yaa luu ntaŋ nə, nə tɨ́ vɨɨ mbɨə faŋ vəŋ nə luu nshənə. Ntɔŋ yijəə yɔ́ də̀ jɨɨ məduꞌ nyɔŋ tɨ́ nsiŋ.

Filipi 1:13

Vəsogeꞌ və fwàŋ Rom baa nə vɨɨ mɔ́ꞌ kɔꞌ kɨɨ ndwə laa luu buꞌ nu Kristo, faŋ mə ŋìi mfiŋ nə.

Kɔlɔsii 1:23

buꞌ faŋ viŋ kɨ tɨtweꞌ bìŋ Nwi, nùŋ fwi siŋ sheꞌ maa nu Nwi, tɨ̀ŋnə weꞌ, tə̀ sɨ sheꞌ maa vənu mbɨə faŋ viŋ zɔ̀ fɨ taa nu Nwi. Luu sheꞌ nu Nwi kɔ́ faŋ vɨ fɨꞌtə tɨ́ vɨɨ vənshə, ŋkə saynə shɨ nsi kənshə. Mə Pɔɔl nə gù wuu faꞌ nu Nwi kɔ́, laa mə kɨ fɨꞌtə nu Nwi kɔ́ tɨ́ vɨɨ.

Kɔlɔsii 1:6

Ntɔŋ yijəə Nwi yɔ́ zìꞌ maa vəshəŋ vənshə fɨ shɨ nsi, nyə yɨsə vɨɨ kwiinə nshinə vəŋ, kii nshinə yijəə. Viŋ nɨzi zɔ̀ fɨ fuŋ, nyə yɨ viŋ yɨsə vənu vəjəəvə, zì fɨ maa yighee njyə faŋ viŋ nə fɔŋ zɔ̀ yigi yɔ́, faŋ ŋkə nə lèy tɨ́ viŋ, viŋ kɨɨ jəə faŋ Nwi tu mənɔŋ-bwaŋnə wi tɔ viŋ.

1 Tesalonika 2:4

Yia bee kii gisə nu ŋkɨə faŋ Nwi kəə, buꞌ laa ŋwə nə mɔ̀ŋ yia laa yia kùꞌnə mu, buu kɔ̀ nu kɔ́ taa ghɔ yia, faŋ lùu ntɔŋ yijəə Nwi. Yia fɨꞌtə ntɔŋ yɔ́ nɨniŋ, kee kəə kɨ bawsə too vɨɨ me, luu sheꞌ maa məbawsə too Nwi faŋ ŋwə kɔꞌ kɨɨ nə fwi sia.

1 Timoti 1:1

Lùu mə, Pɔɔl, wuu ntɔŋ Yeso Kristo, faŋ mə tɔ̀ŋ ŋwaꞌlə ŋwə̀ tɨ́ ghɔ, Timoti. Nshɨ-tɔ Nwi, wuu məbweysə ŋwaa-nsiŋ, nə Yeso Kristo, faŋ nsiŋ kɨꞌ ŋwə nə, nə tìi mə maa faꞌ ŋwaa ghɔ́.

1 Timoti 1:11

Nu Nwi yinsəŋ luu sheꞌ ntɔŋ yijəə Nwi kɔ̀ŋ yikwalə Nwi faŋ Nwi dùꞌ nə mənɔŋ-bwaŋnə, bàw shɨlə nə. Luu ŋkee ntɔŋ yijəə njyə faŋ Nwi nə kɔ̀ ghɔ mə laa mə kɨ fɨꞌtə tɨ́ vɨɨ.

1 Timoti 2:3

Lùu nu faŋ ŋkə bàw sɨ Nwi, wuu məbweysə ŋwaa-nsiŋ,

1 Timoti 4:10

Lùu nu ŋkɨə faŋ nsiŋ saŋ yiŋwaa nyaa-nsiŋ shɔ, baa tuŋ yighaw buꞌ nu kɔ́, buꞌ laa nsiŋ nùŋ fwi saŋ-nsiŋ maa Nwi, faŋ lùu Nwi faŋ ŋwə goꞌsə yighee muꞌ, baa lùu mbweysə vɨɨ vənshə, bweysə vɨɨ mbɨə faŋ vəŋ nùŋ fwisə vəŋ maa Kristo nə.

2 Timoti 4:17

Luu nə, tɨta Kristo nə tɨ̀ŋnə jɨŋ mə, kwàŋ wutə maa mə, laa mə naysə nu Nwi kənshə, vɨɨ tətɔŋ fu vənshə zɔ. Nɨniŋ, Nwi fuusə mə fɨ shuu bikəə.

Taytəs 2:10

kee shaw fa fɨ ghɔ vəŋ me, yɨsə vənu vəvəŋ vənshə vəbi. Nɨniŋ, vəŋ gaŋtə nu Nwi, wuu məbweysə ŋwaa-nsiŋ, maa vənu vənshə, laa ŋkə baw tɨ́ vɨɨ.

Taytəs 2:13

Nsiŋ kɨ kɨꞌ nu mənɔŋ-bwaŋnə Nwi, faŋ ŋwə ndɔ kɔ məbwey vəlwaŋ tɨ́ nsiŋ, baa kɨꞌ yighee njyə faŋ feenə Nwi, faŋ luu ŋkee Nwi kwalə nə, ndɔ fuu ghɔ Yeso Kristo, wuu məbweysə ŋwaa-nsiŋ,

Reveleyshən 14:16

Wə ghɔ́ faŋ ŋwə nə dùꞌ fuu mbɔꞌ nə, jɨɨsə nywi taa mbi, shwì vətɔ fɨ taa mbi.