Taytəs 1:12 - Vengo (Babungo)

¹² Maa wuu shɨ vəŋ mɔ́ꞌ, faŋ nə luu nshiiŋii-sɔghɔ, nə gi ŋkee nu yinsəŋ laa, «Vɨɨ Kriit sɨɨ təba ghee nshə. Vəŋ lùu yaa nyaasə bwəsə, lùu vɨɨ məbəə ŋay, baa lùu vəwaŋ-mfii-ndaa.»

Taytəs 1:12 ပူးပေါင်းရင်းမြစ်များ

Akts 17:28

Nsiŋ bwey sheꞌ buꞌ ŋwə, toꞌ buꞌ ŋwə, shi sheꞌ ghɔ ŋwə. Lùu faŋ vɨɨ ŋwaꞌlə viŋ vəmɔ́ꞌ ŋwaꞌlə laa, «Nsiŋ lùu fɨ ŋiꞌ ŋii Nwi.»

Akts 2:11

Nsiŋ lùu vɨɨ Jus mbinə mbinə nə vənjwinjwi faŋ vəŋ biŋ nu Nwi kaŋ-nsiŋ, nə vɨɨ Kriit, nə vɨɨ Areybia. Nɨniŋ, nsiŋ vənshə zɔ maa təghaŋ taŋ-nsiŋ faŋ vəŋ gisə kɔ̀ŋ vənu vəkwalə mbɨə faŋ Nwi yɨsə nə.»

Akts 27:12

Shəŋ kɔ́ nə kee lùu kəjəə maa məduꞌ shɔ maa yighee gwə me. Vɨɨ vəyaŋ gi laa bàw vɨ fuu fɨ yifi, mɔ̀ŋ maa məgə zìꞌ ntɨꞌ Fiinis, dùꞌ yifi maa yighee bwə. Shəŋ kɔ́ luu shəŋ mətɨŋnə bay shɨ Kriit maa kwiŋ mfiŋ-shɨshwi, faŋ jɨɨsə bay maa məŋii shəŋ kɔ́ nə luu shɔ səbɔɔ.

Akts 27:13

Fɨɨ zutə koꞌ fɨ yitəŋ, vəŋ bɨꞌtə laa bàw vɨ yɨ nu ŋkɨə faŋ vəŋ nii kɔ̀ꞌnə nə, vəŋ keꞌtə bay gə̀, tòꞌ sheꞌ nshənə fɨ mbɔꞌ Kriit.

Akts 27:7

Yia kɨ nii tòꞌ sheꞌ bwaŋnə bwaŋnə maa vəshi vəyaŋ, buꞌ faŋ fɨɨ nəə shɔɔ dɨdɨꞌ. Nɨniŋ, yia gə zìꞌ yɨ shɨ Snidɔs ŋkee nə wutə. Yia nə kəə ŋii shɨ yɔ́, fɨɨ fəŋ yia, yia kɨ nii kìasə, gə̀ fɨ kwiŋ shɨ Kriit, shɔ̀ɔ fɨ yɨ kwiŋ Salmoni,

Roma 16:18

buꞌ laa kəŋ vɨɨ vɔ́ kee faꞌ luu tɨ́ tɨta ŋwaa-nsiŋ Yeso Kristo me, vəŋ faꞌ luu tɨ́ njyoꞌ vəŋ, bweꞌsə vɨɨ faŋ məbiŋ vəŋ lùu ŋoo-shuu vəŋ nə yigisə yibwaŋnə nə yigisə yisɨꞌsə.

Filipi 3:19

Vəŋ ndɔ ŋii taa nsɔꞌ Nwi, ndì. Vəŋ kàw sheꞌ maa məzɨ shɨ. Nu kɔ́ lùu tɨ́ vəŋ yaa Nwi vəŋ. Vəŋ koꞌsə ŋwaa buꞌ vənu faŋ bee kii lùu vənu və tɔ dɨɨ. Vəŋ bɨꞌtə sheꞌ vənu və shɨ nsi.

1 Timoti 4:2

Vɨɨ məsɨɨ təba vəmɔ́ꞌ, boꞌ ŋwaa, bwèꞌsə vɨɨ. Mbɨꞌtə vɨɨ təba vɔ́ kukə, shwenə nu bwə lùu taa fwisə vəŋ, luu sheꞌ yaa vɨ twaŋ nə bwey ndɔŋ.

Taytəs 1:5

Ŋiꞌ nu ŋkɨə faŋ mə nə mèꞌtə ghɔ shɨ Kriit, lùu laa a bɔŋsə vənu mbɨə faŋ mbə nə gòꞌ nə, nùŋsə vɨɨ taa taa nshəŋtə vɨɨ Nwi ntɨꞌsə ntɨꞌsə, faŋ mə nə gì tɨ́ ghɔ nə.

2 Pita 2:12

Vɨɨ vɔ́ gisə bwə kɔ̀ŋ vənu faŋ vəŋ kee kɨ̀ɨ nə mbə me, vəŋ yɨ vənu yaa nyaasə faŋ nsə kee kìi tɔ ley maa məbɨꞌtə nu me. Nyaasə kee kɨ̀ɨ nə nu me, kaꞌ wə jia zwi. Yinsəŋ vɨɨ vɔ́ ndɔ ndi yaa nyaasə sɔ́.

2 Pita 2:15

Vəŋ mèꞌtə jɨɨ yiloomə, kɨ beꞌsə jɨɨ nshiiŋii-sɔghɔ Balaam, wee Bio, faŋ ŋwə nə kàw maa məsey ka fɨ maa nu bwə.