Taytəs 1:10 - Vengo (Babungo)

¹⁰ Vɨɨ vəyaŋ shɔ faŋ vəŋ ndì wutə, gisə yigisə dayday, buulə yitɔ yi vɨɨ. Vɨɨ mbɨə faŋ vəŋ bɨ shɔ̀ɔ taa ŋwaa vəŋ, lùu mbɨə faŋ vəŋ fùu fɨ taa ŋwaa vɨɨ mbɨə faŋ vɨ nə sɨ̀ɨtə vəŋ nə.

Taytəs 1:10 ပူးပေါင်းရင်းမြစ်များ

Matiu 23:14

Ndwaŋ tɔ viŋ, vɨɨ mədeesə ŋwaꞌlə Nwi nə vɨɨ Farisii; viŋ lùu vɨɨ məboꞌ ŋwaa. Viŋ fi ndɔꞌ fɨ ghɔ vəki ŋkusə, zɨ, ndɔ shɔ̀ꞌtə Nwi nə təgi təyaŋ, tay dɨdɨꞌ maa məboꞌ sɨ vɨɨ. Nɨniŋ, nsɔꞌ njyə faŋ Nwi ndɔ kwaŋ maa viŋ, ndɔ weꞌ shɔ̀ɔ ki.

Akts 11:2

Pita bəŋ koꞌ gə Jerusalem, vɨɨ mbɨə faŋ vɨ nə sɨ̀ɨtə vəŋ, yaa vɨ yaa kɨ sɨɨtə vɨɨ Jus nə, jia Pita nə ntay,

Akts 15:1

Maa yighee yɔ́, vɨɨ mɔ́ꞌ siꞌ jwì fɨ shɨ Judia, kɨ tɨsə vɨɨ məbiŋ nu Kristo laa, vɨ kɨ luu kee sɨ̀ɨtə vəŋ faŋ nuŋsə Mose naysə me, buu kaꞌ vəŋ kee ndɔ zɨ məbwey vəlwaŋ me.

Akts 15:24

Yia nə zɔ laa vɨɨ mɔ́ꞌ fɨ taa nwaa yia yaa ghaysə viŋ nə yigi, bùulə fwi siŋ, nsə nə lɔꞌ, faŋ kee tɔ̀ŋ yia tɔ̀ŋ vəŋ me.

Akts 20:29

Mə kɔꞌ kɨɨ laa yighee njyə faŋ mə taa meꞌtə viŋ, vɨɨ bwənə ndɔ ŋii taa nwaa viŋ yaa nyaasə bwəsə, faŋ nsə ŋìi taa ŋwaa bisə, kɨ kəə kootə fɨ maa bisə sɔ́.

Galatia 2:4

Ntay yɔ́ nə koꞌ sheꞌ buꞌ vɨɨ mbɨə faŋ vəŋ fùŋsə yiŋwaa, laa vəŋ lùu vɨɨ Kristo, faŋ vəŋ nyɔꞌtə ŋii taa nshəŋtə vɨɨ Kristo. Vəŋ nə nyɔꞌtə ŋìi maa məye nshinə nyaa-nsiŋ, maa mədə tɨ́ vɨɨ laa nsiŋ gù nu, buꞌ faŋ nsiŋ vɨ Yeso Kristo fàynə, dùꞌ vəley, nuŋsə vɨɨ Jus kee baa kìi wutə tɔ nsiŋ me. Vəŋ nəə kəə laa nsiŋ ŋii taa nuŋsə vɨɨ Jus, gù vəbuꞌ tɨ́ nuŋsə vɨɨ Jus.

Galatia 3:1

Aŋ viŋ, vɨɨ Galatia, viŋ jɨ̀ŋtə dɨdɨꞌ. Lòꞌ ndə lòꞌ viŋ? Viŋ lumə faŋ mə nə fɨ̀ꞌtə tɨ́ viŋ ŋkee ley ley, faŋ vɨ nə bèy Yeso Kristo fuu fəŋkɔꞌ fə ŋkɨꞌsə.

Efesɔs 4:14

Kɨ nsiŋ baa luu yaa vaŋmbwaa me, yuu kɨ toꞌ kwiŋ nshə, zɔ̀ ntɨsə sənshə buꞌ mənay vɨɨ, maa jɨɨsə nsɨə faŋ vəŋ bweꞌsə vɨɨ shɔ nə.

1 Timoti 1:4

Naysə tɨ́ vəŋ laa vəŋ meꞌtə təgi kɔ̀ŋ vənu vədayday, nə təgi kɔ̀ŋ təzii təyaŋ, faŋ vəŋ gisə laa lùu təzii tə vɨɨ mwanə. Kəŋ vənu vɔ́ yaa kɨ yɨsə vɨɨ gaasə yiŋwaa nə yigi yiyaŋ. Kaꞌ mbə kee gaŋtə wə maa mənuŋ fwi maa Nwi me, tɨꞌnə me maa məfaꞌ faꞌ Nwi me.

1 Timoti 1:6

Vɨɨ mɔ́ꞌ mèꞌ jɨɨ yɔ́, jìa nu day, gisə vənu vədayday.

1 Timoti 1:9

Nsiŋ baa kɨɨ laa ntɨsə sɔ́ kee lùu nu tɨ́ wə ntɨə faŋ nu ki lùu kəloomə me, luu sheꞌ tɨ́ vɨɨ məsuꞌtə ntɨsə nə vɨɨ məbuulə, nə tɨ́ vɨɨ faŋ vəŋ kee tìi Nwi nə nu me, baa yɨsə vənu vəbwəvə, nə tɨ́ vɨɨ faŋ vəŋ kee kàw nu jəə me, shɨshiasə Nwi, nə tɨ́ vɨɨ faŋ vəŋ zwilə vətɨɨ vəvəŋ ghɔ vənshwi vəvəŋ, nə tɨ́ vɨɨ məzwilə vɨɨ,

2 Timoti 3:13

Luu nə, vɨɨ bwənə nə vɨɨ məbuulə yitɔ yi vɨɨ gə vɨsɨ vɨsɨ nə nu bwə vəŋ, toꞌ bweꞌsə vɨɨ, vɨɨ bweꞌsə vəŋ nɨzi.

2 Timoti 4:4

Vəŋ taa kiasə yiŋwaa vəŋ fɨ maa məzɔ nu ŋkɨə faŋ lùu nu yinsəŋ, ndì fwisə vəŋ, nùŋ maa nu mətiitii təba.

Taytəs 1:6

Bàw laa wuu taa fɨ taa nshəŋtə vɨɨ Nwi luu wə faŋ tuu kee wee-nsɔꞌ kee lùu maa ŋwə me, zu wi baa luu sheꞌ muꞌ, vaŋ vi bìŋ nu Kristo nɨzi, kee kɨ bɨbuulə me, kee shɨshii me.

Jeyms 1:26

Wə kɨ luu bɨ̀ꞌtə laa yi lùu wuu Nwi, kee jìa nditə ki me, buu ŋwə bweꞌsə fwi yi, məbiŋ wi laa yi lùu wuu Nwi, lùu dayday.

1 Jɔn 2:18

Vaŋ vaŋ, yighee shə kùꞌ. Maa viŋ nə zɔ̀ laa wuu mbeenə Kristo ndɔ jwi. Nɨniŋ, vɨɨ mbeenə Kristo duꞌtə vəŋ fuu vəyaŋ ndwə. Nɨniŋ, nsiŋ kɔꞌ kɨɨ laa lùu yighee shə.

1 Jɔn 2:4

Wə ntɨə faŋ ŋwə gì laa, yi kɨɨ nə Nwi, kee kɨ nuŋsə ntɨ si me, buu lùu wuu ba, nu yinsəŋ kee lùu taa ŋwaa ŋwə me.

1 Jɔn 4:1

Vɨɨmba vaŋ, kɨ viŋ baa kɨ biŋ vənu vənshə faŋ vɨɨ fɨꞌtə tɨ́ viŋ laa fɨ̀ꞌtə Zwitə Ley Nwi tɨ́ vəŋ me. Viŋ mɔŋ vəŋ, ywiitə laa zwitə ŋkɨə faŋ ŋkə lùu ghɔ vəŋ, nə ndɔ̀ fɨ ghɔ Nwi mu? Viŋ mɔŋ vəŋ buꞌ laa vɨɨ məsɨɨ təba maa nu Nwi fùu taa mbi vəyaŋ.

Reveleyshən 2:14

Luu sheꞌ wee-nu faŋ ŋkə kee baw too mə me. Nu kɔ́ lùu laa, vɨɨ mɔ́ꞌ fɨ taa ŋwaa viŋ jìa nu Balaam, faŋ ŋwə nə dèesə tɨ́ Balak faŋ ŋkə bàw maa məkɔꞌsə vɨɨ Isirayl, yɨsə vəŋ yɨ nu bwə, zɨ fazɨ faŋ lùu fazɨ vəŋku vənwi, baa tii vəki.

Reveleyshən 2:6

Luu nə, a yɨ̀sə nu mɔ́ꞌ faŋ ŋkə kùꞌnə. Lùu faŋ a bèe vəfaꞌ və vɨɨ Nikolaytən, sheꞌ faŋ mə bee nɨzi.»