Roma 9:3 - Vengo (Babungo)

³ Mə nə kaw ŋkee laa Kristo kwaŋ ndwaŋ tɔ mə, mèꞌ mə, faŋ nu kɔ́ nə gaŋtə laa vaŋ-nshwi vaŋ, vɨɨ Isirayl, faŋ vəŋ lùu vɨɨ yikuu vaŋ nə, ndɔ bwey.

Roma 9:3 ပူးပေါင်းရင်းမြစ်များ

Akts 13:26

Vaŋ-nshwi vaŋ, faŋ viŋ lùu vaŋ ŋiꞌ ŋii Abraham, tɨꞌnə me vɨɨ vəmɔ́ꞌ faŋ vəŋ fee Nwi nɨzi, viŋ kɔꞌ kɨɨ laa Nwi tɔ̀ŋ nu ŋkɨə faŋ ŋkə bweysə vɨɨ tɨ́ nsiŋ.

Akts 22:5

Lùu nu faŋ wuu kwalə məfeꞌ Nwi nə vɨɨ məshia nsɔꞌsə vənshə kɨ̀ɨ nə ŋkə ŋkee jəə. Mə nə fì ŋwaꞌlə ŋkee fɨ ghɔ vəŋ, faŋ vəŋ nə ŋwàꞌlə tɨ́ vaŋ-nshwi vaŋ-nsiŋ fɨ ntɨꞌ Damaskɔs (fɨ shɨ Siria), laa mə gə jiatə vɨɨ məbiŋ nu Yeso fɨ yifi, ka vəŋ, jwì nə vəŋ Jerusalem, laa vɨ sɔꞌ vəŋ.»

Akts 28:21

Vəŋ gi tɨ́ ŋwə laa vəŋ kee yè tuu ŋwaꞌlə fɨ shɨ Judia faŋ vɨ nyɔ̀ꞌ kɔ̀ŋ ŋwə me, baa nə laa tuu wə fɨ maa vaŋ-nshwi vəŋ nə kee jwì, gì nu bwə kɔ̀ŋ ŋwə me.

Roma 1:3

Ntɔŋ Nwi yɔ́ lùu nu buꞌ ŋwiŋ wi, faŋ ŋwə nə fùu fɨ ŋiꞌ ŋii fwàŋ Deyvid.

Roma 11:1

Ŋkə də̀ laa Nwi mèꞌ vɨɨ Isirayl, faŋ lùu ŋgwisə vɨɨ vi nə mu? Bey, kee lùu nɨniŋ me. Maa mə lùu wuu Isirayl nɨzi, fɨ taa ŋiꞌ ŋii Abraham fɨ ŋii nə Benyamin.

Roma 11:14

tɨ́ kɨ kaꞌ yighee mɔ́ꞌ mə baa dɔ̀ŋsə ŋgwisə nyaa, bwèysə vɨɨ mɔ́ꞌ fɨ taa ŋwaa vəŋ nɨzi.

Roma 16:11

nə Herodiɔn, faŋ lùu wuu shɨ ŋwaa nə. Shɔꞌtə vɨɨ fɨ fu Narsisəs nɨzi, faŋ vəŋ lùu vɨɨ tɨta Kristo.

Roma 16:21

Timoti, faŋ yia ŋwə faꞌ mɔ́ꞌ nə, nə Lusiɔs, nə Jason, nə Sosipata, faŋ lùu vɨɨ shɨ vaŋ nə, shɔꞌtə viŋ.

Roma 16:7

Viŋ shɔꞌtə Andronikɔs nə Junias, faŋ lùu vɨɨ shɨ vaŋ nə, yia vɨ vəŋ nə luu taa ŋii mfiŋ mɔ́ꞌ. Vəŋ lùu vɨɨ kwalə fɨ taa ŋwaa vɨɨ ntɔŋ Kristo, baa lùu vənshɔɔ vɨsɨ vaŋ maa nu Kristo.

Roma 9:2

Mə luŋ ŋkee dɨdɨꞌ, ŋɨꞌ ghaysə mə fɨ taa fwi mə kɔ̀ŋ vɨɨ vaŋ, vɨɨ Isirayl.

1 Kɔrintian 12:3

Nɨniŋ, bàw ŋkə ley tɨ́ viŋ laa, kɨ luu sɔ̀ꞌ Zwitə Nwi sɔ̀ꞌ wə, buu kaꞌ wə ghɔ́ kee ndà Yeso me. Gə fɨ maa wə faŋ ŋwə gì laa Yeso lùu tɨta wi, kaꞌ ŋwə kee gì nɨniŋ me, tɨ̀ lɨꞌ laa Zwitə Ley Nwi yiba jɨŋ ŋwə me.

1 Kɔrintian 16:22

Kɨ luu wə kee kaw tɨta Yeso me, ndwaŋ tɔ ŋwə. «Maranata! Tɨta Yeso jwi!»

2 Kɔrintian 12:15

Nɨniŋ, mə taa ŋaytə maa məbɨsə fa ŋkɨə faŋ mə kìi kənshə, nə nshɨ-tɔ ŋwaa nɨzi, maa məgaŋtə viŋ, tɨ́ kaꞌ viŋ kìi məbwey vəlwaŋ. Nə yɨ̀ laa mə kàw viŋ ŋkee dɨdɨꞌ, buu viŋ kee kàw mə yimu?

Galatia 1:8

Viŋ zɔ ŋkee jəə! Wə kɨ luu fɨ̀ꞌtə nu Nwi tɨ́ viŋ, faŋ ŋkə lùu nɨŋkwiŋ fɨ ghɔ ŋkɨə faŋ yia nə fɔŋ fɨ̀ꞌtə tɨ́ viŋ, buu Nwi taa kwaŋ nsɔꞌ tɔ wə ghɔ́, kaw kɔlə luu ŋkee wə fɨ wia, kàw luu ŋkee nshiiŋii Nwi, ŋwə ŋii nsɔꞌ Nwi yiweꞌ.

Galatia 1:9

Mə baa gisə tɨ́ viŋ, faŋ yia nə duꞌtə yia teꞌsə gì laa, «Kɨ luu wə fɨꞌtə nu Nwi tɨ́ viŋ, faŋ ŋkə lùu nɨŋkwiŋ fɨ ghɔ ŋkɨə faŋ viŋ nə fɔŋ zɔ̀ fɨ ghɔ mə, bàw wə ghɔ́ ŋii nsɔꞌ Nwi yiweꞌ.»

Galatia 3:10

Gə fɨ maa vɨɨ mbɨə faŋ vəŋ tə̀ sɨ laa vəŋ nuŋsə ntɨsə Nwi, nsɨə faŋ Nwi nə kɔ̀ tɨ́ vɨɨ Jus nə, laa vəŋ taa luu vɨɨ leynə kwiŋ Nwi, buu nsɔꞌ Nwi tɔ vəŋ. Ŋkə lùu nɨniŋ buꞌ laa ŋkə lùu faŋ vɨ nyɔ̀ꞌ taa ŋwaꞌlə Nwi laa, «Wə tɨ̀ me wə faŋ ŋwə kee zɔnə vənu vənshə faŋ vɨ nyɔ̀ꞌ taa ŋwaꞌlə ntɨsə me, kee yɨsə vənu vɔ́ vənshə me, buu nsɔꞌ Nwi tɔ vəŋ.»

Galatia 3:13

Nɨniŋ, nsiŋ lùu taa nsɔꞌ Nwi vənshə, buꞌ laa kaꞌ nsiŋ kee nùŋsə ntɨsə sənshə ghee nshə me. Luu nə, Yeso Kristo fùusə nsiŋ fɨ taa nsɔꞌ yɔ́, buꞌ faŋ ŋwə nə ye ŋɨꞌ, fi nsɔꞌ yɔ́ tɔ ŋwə buꞌ nsiŋ. Ŋkə lùu nɨniŋ buꞌ laa vɨ nə nyɔ̀ꞌ taa ŋwaꞌlə Nwi laa, «Wə tɨ̀ me wə, faŋ vɨ bey ŋwə fuu tɨ, buu lùu nsɔꞌ Nwi tɔ ŋwə.»

Efesɔs 6:5

Gə fɨ maa viŋ, vəbuꞌ, viŋ kɨ zɔnə vətɨɨ viŋ fɨ shɨ nsi nə feenə nə məlɔꞌ, baa nə fwi yijəə, yɨ nɨniŋ sheꞌ faŋ viŋ yɨsə tɨ́ tɨta Kristo.