Roma 8:9 - Vengo (Babungo)

⁹ Gə̀ fɨ maa viŋ, viŋ kee toꞌ luu fɨ maa nuŋsə mbasə ŋwaa me. Viŋ toꞌ luu fɨ maa Zwitə Ley Nwi, buꞌ laa Zwitə Ley Nwi shi taa ŋwaa viŋ. Wə kɨ luu kee kìi Zwitə Kristo taa fwi ŋwə me, buu kaꞌ ŋwə kee lùu wuu Kristo me.

Roma 8:9 ပူးပေါင်းရင်းမြစ်များ

Lukas 11:13

Nɨniŋ, faŋ viŋ kɨ̀ɨ maa məkɔ vətɔ vəjəəvə tɨ́ vaŋ viŋ, faŋ viŋ kɔlə lùu vɨɨ bwənə nə, buu tɨta Nwi faŋ ŋwə lùu yizɔ nə, kɨɨ kɔ jəə shɔ̀ɔ viŋ. Ŋwə taa kɔ Zwitə Ley ki tɨ́ vɨɨ mbɨə faŋ vəŋ ndwaŋ fɨ ghɔ ŋwə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:17

Lùu Zwitə yinsəŋ, faŋ kaꞌ ŋkə kee ŋìi taa fwi mbi me, buꞌ laa kaꞌ vəŋ kee yè zwitə kɔ́ me, kee kɨ̀ɨ nə ŋkə me. Gə̀ fɨ maa viŋ, viŋ kɔꞌ kɨɨ nə zwitə kɔ́, buꞌ laa ŋkə taa goꞌ tɨ́ viŋ, baa lùu taa fwisə viŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:23

Yeso gi tɨ́ ŋwə laa, «Wə ntɨə faŋ ŋwə kaw mə, ŋwə taa kɨ nuŋsə yigisə nyaa nɨzi, Tii ŋwaa taa kaw ŋwə, yia Tii ŋwaa taa kɨ shi yia vɨ vəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:34

Wə ntɨə faŋ tɔ̀ŋ Nwi tɔ̀ŋ ŋwə, gisə sheꞌ yigisə Nwi, buꞌ laa Nwi kɔ̀ Zwitə Ley Nwi tɨ́ ŋwə, mfɨꞌ yi kee lùu shɔ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:6

Fa ŋkɨə faŋ vɨ bì fɨ taa mbasə ŋwaa, lùu mbasə ŋwaa; fa faŋ vɨ bì fɨ taa Zwitə Ley Nwi, lùu fa Zwitə Ley Nwi.

Akts 16:7

Vəŋ kɨ ziꞌ kwiŋ Misia, fɨꞌnə maa məshɔɔ gə̀ shɨ Bitinia, Zwitə Yeso twey.

Roma 7:5

Yighee njyə faŋ nsiŋ nəə shi yaa vɨɨ mbɨə faŋ vəŋ yɨ sheꞌ nu ŋkɨə faŋ ŋwaa vəŋ kàw, fwi saŋ-nsiŋ nəə ndɔ maa vənu vəbwəvə. Nə yɨ ntɨsə Nwi laa fwi saŋ-nsiŋ ndɔ maa vənu vəbwəvə vɔ́, kwaanə vətaŋ faŋ mbə jwi nə yiku tɨ́ nsiŋ.

Roma 8:1

Nɨniŋ, vɨɨ mbɨə faŋ vəŋ fàynə ghɔ vɨ Yeso Kristo, kaꞌ vəŋ kee ndɔ baa gu nsɔꞌ ndì me.

Roma 8:11

Kɨ luu laa Zwitə Ley Nwi ŋkɨə faŋ ŋkə nə ywèysə Yeso fɨ shɨ yiku nə, lùu taa fwisə viŋ, buu Nwi faŋ ŋwə nə ywèysə Yeso fɨ shɨ yiku nə, ndɔ yɨsə yiŋwaa yiŋ faŋ nyə ndɔ ku, baa ywèy nɨzi buꞌ Zwitə ki faŋ ŋkə lùu taa fwisə viŋ nə.

Roma 8:2

Lùu nɨniŋ buꞌ laa nuŋsə Zwitə Nwi, faŋ nyə kɔ̀ məbwey tɨ́ nsiŋ buꞌ Yeso Kristo, gaŋtə nsiŋ fɨ ghɔ nuŋsə nu bwə, baa nə fɨ ghɔ yiku.

1 Kɔrintian 15:23

Vənu vənshə kɨ gay maa yighee yi. Nə bɨ fɔŋ ywèy Kristo fɨ shɨ yiku. Ndɔ lùu maa yighee njyə faŋ ŋwə ndɔ baa bəŋ jwì shɨ nsi, vɨɨ vi vənshə ndɔ ywey nɨzi, bèꞌsə ŋwə.

1 Kɔrintian 3:16

Viŋ kee yikɨɨ laa viŋ lùu ŋii Nwi faŋ Zwitə Nwi shì taa tey yi yimu?

1 Kɔrintian 6:17

Luu nə, wə faŋ ŋwə faynə yiŋwaa ghɔ tɨta Yeso Kristo, wə ghɔ́ kìi zwitə kəmuꞌ ghɔ Yeso.

1 Kɔrintian 6:19

Maa viŋ kɨ̀ɨ laa Zwitə Nwi shi taa ŋwaa viŋ, faŋ lùu ŋii Nwi. Kwàŋ Nwi kwàŋ Zwitə kɔ́ taa fwisə viŋ. Nɨniŋ, kee kìi viŋ kìi yiŋwaa yiŋ me, kìi Nwi kìi yiŋwaa yiŋ.

2 Kɔrintian 10:7

Viŋ ndeynə nu faŋ kaꞌ ŋkə luu kəley sɨ viŋ. Wə mɔ́ꞌ lùu shɔ faŋ ŋwə lumə ŋwaa wi laa yi lùu wuu Kristo, bàw ŋwə baa ywiitə fɨ taa fwi ŋwə laa yia lùu vɨɨ Kristo sheꞌ yaa ŋwə.

2 Kɔrintian 6:16

Sii kaꞌ nwi dayday dùꞌ taa ŋii Nwi kɨkə? Maa nsiŋ lùu ŋii Nwi, faŋ Nwi nə gì laa, «Mə taa kɨ shi taa ŋwaa vəŋ, toꞌ yia vəŋ. Mə taa luu Nwi vəŋ, vəŋ luu vɨɨ ŋiinə vaŋ.»

Galatia 4:6

Faŋ viŋ lùu vaŋ Nwi, Nwi tɔ̀ŋ Zwitə ŋwiŋ wi, ŋkə jwi ŋìi taa fwisə nsiŋ. Zwitə ki kɔ́ yɨsə laa nsiŋ tii Nwi laa, «Tii wia, tɨta.»

Galatia 5:24

Vɨɨ mbɨə faŋ lùu vɨɨ Yeso Kristo, mèꞌ vənu vəbwəvə vəvəŋ vənshə, nə mbɨꞌtə yibwə yinshə laylay. Ŋkə lùu yaa vəŋ ndi vənu vɔ́, bèy fuu fəŋkɔꞌ fə ŋkɨꞌsə fə Yeso Kristo.

Efesɔs 1:13

Gə fɨ maa viŋ, faŋ viŋ nə zɔ̀ nu yinsəŋ Nwi sheꞌ fɨ yiba, viŋ zɔ̀ ntɔŋ yijəə Nwi nɨzi, faŋ nyə bweysə viŋ nɨzi. Viŋ kɨ nii nùŋ fwi siŋ maa Kristo nɨzi. Nwi kɔ viŋ nə Zwitə Ley ki, faŋ ŋwə nə kɔ̀ꞌnə maa məkɔ tɨ́ vɨɨ nə. Zwitə Ley Nwi kɔ́ lùu shwenə ki mbɨɨ ŋwaa viŋ,

Efesɔs 2:22

Nɨniŋ, vɨ fìanə viŋ shɔ nɨzi, maa ŋii Nwi yɔ́ faŋ Zwitə Ley Nwi shi taa tey yi.

Efesɔs 3:17

Kristo baa nɔ̀ŋ taa fwisə viŋ, faŋ viŋ nùŋ fwi siŋ maa ŋwə, laa viŋ kɨ kaw ŋwə ŋkee dɨdɨꞌ. Mə buꞌ ghɔ tɨ́ Nwi laa viŋ nuŋ fwi siŋ maa ŋwə sheꞌ faŋ vɨ yaa kɨ bia tɨ taa nsi, ŋkə ŋìisə ghay ghi taa shɔꞌ, tɨŋ ŋkee kəweꞌ.

Filipi 1:19

buꞌ laa mə kɔꞌ kɨɨ laa məshɔꞌtə wiŋ, faŋ viŋ shɔꞌtə Nwi tɔ mə nə, baa nə ŋgaŋtə njyə faŋ Zwitə Yeso Kristo kɔ shee, taa yɨ laa nsɔꞌ nyaa fuu sheꞌ yijəə tɨ́ mə.

2 Timoti 1:14

Nuŋsə vənu vəjəəvə vɔ́ faŋ Nwi kɔ̀ tɨ́ ghɔ nə. Zwitə Ley Nwi faŋ ŋkə lùu taa fwisə nsiŋ, taa gaŋtə ghɔ.

1 Pita 1:11

Zwitə ley Kristo faŋ ŋkə nə luu taa fwisə vəŋ, nə tey kɨ fɨꞌtə nu ŋɨꞌ, faŋ Kristo ndɔ ye, nə feenə wi faŋ Nwi ndɔ kɔ yighee yiba. Vəŋ nəə kəə laa nu kɔ́ ndɔ gay yighee kə, baa nə laa ŋkə ndɔ jwi kɨkə?

1 Jɔn 3:24

Wə ntɨə faŋ ŋwə jia ntɨsə Nwi nùŋsə, buu ghɔ Nwi gòꞌ fa kəmuꞌ. Nwi nɨzi baa luu gòꞌ taa fwi ŋwə. Nu ŋkɨə faŋ kaꞌ nsiŋ kɨ̀ɨ fɨ fuŋ laa Nwi gòꞌ taa fwisə nsiŋ, luu buꞌ Zwitə Ley Nwi faŋ Nwi nə kɔ̀ tɨ́ nsiŋ nə.

1 Jɔn 4:13

Nu ŋkɨə faŋ kaꞌ nsiŋ kɨ̀ɨ fɨ fuŋ laa nsiŋ lùu fa kəmuꞌ nsiŋ vɨ Nwi, baa nə laa nshɨ-tɔ Nwi gòꞌsə taa fwisə nsiŋ nɨzi, lùu faŋ ŋwə kɔ̀ Zwitə Ley ki tɨ́ nsiŋ.

1 Jɔn 4:4

Gə fɨ maa viŋ, vaŋ vaŋ, viŋ luu vɨɨ Nwi. Nɨniŋ, viŋ ghɔ̀ꞌ vɨɨ təba vɔ́, buꞌ faŋ Nwi lùu taa fwisə viŋ. Ŋwə kwàlə shɔ̀ɔ tɨɨ vəzwitə vəbwəvə faŋ ŋwə lùu taa fwisə vɨɨ təba vɔ́ fɨ mbi nə.

Reveleyshən 13:8

Vɨɨ vənshə fɨ taa mbi faŋ vɨ kee nyɔ̀ꞌ təzii təvəŋ taa ŋwaꞌlə məbwey vəlwaŋ me, bəŋsə nyaa yɔ́. Ŋwaꞌlə məbwey vəlwaŋ ghɔ́ lùu ŋgwə wee-bi-njɨɨ yɔ́, faŋ vɨ nə zwì ŋwə nə. Vɨ nə nyɔ̀ꞌ təzii tə vɨɨ vi taa ŋwaꞌlə ghɔ́ shù fɨ faŋ Nwi nə bɔ̀ŋ mbi.

Reveleyshən 20:15

Wə tɨ̀ me wə faŋ vɨ nə kee nyɔ̀ꞌ yizii yi taa ŋwaꞌlə məbwey vəlwaŋ me, vɨ mɔꞌ ŋwə taa wi yɔ́.