Roma 8:4 - Vengo (Babungo)

⁴ Nɨniŋ, Nwi shia nsɔꞌ tɔ nu bwə, yuu ŋkə kùꞌnə maa ntɨsə Nwi. Nu kaŋ-nsiŋ kɨ nii lùu kəloomə, faŋ nsiŋ toꞌ ghuu yitoꞌ kaŋ-nsiŋ fɨ taa Zwitə Ley Nwi, kee toꞌ maa nuŋsə mbasə ŋwaa ŋwaa-nsiŋ me.

Roma 8:4 ပူးပေါင်းရင်းမြစ်များ

Lukas 1:6

Vənu vəvəŋ nə luu vəloomə yikəꞌ Nwi. Vəŋ nə toꞌ ghuu yitoꞌ vəŋ maa ntɨsə Nwi sənshə, yɨsə vənu vənshə faŋ Nwi nə nùŋsə. Tuu nu nə kee lùu shɔ faŋ vəŋ gù me.

Roma 2:26

Gə fɨ maa vɨɨ mbɨə faŋ vəŋ kee kɨɨ nə Nwi me, vɨ kee sɨɨtə vəŋ me, kɨ luu laa vəŋ yɨsə nu ŋkɨə faŋ ntɨsə Nwi gì, buu Nwi ndì vəŋ yaa vɨɨ faŋ vɨ sɨ̀ɨtə vəŋ.

Roma 3:31

Ŋkə nə də̀ laa nsiŋ mèꞌ ntɨsə Nwi buꞌ nu mənuŋ fwi maa Kristo mu? - Bey, nsiŋ gisə laa ntɨsə sɔ́ lùu yinsəŋ.

2 Kɔrintian 10:2

Nɨniŋ, mə buꞌ ghɔ tɨ́ viŋ laa viŋ yɨsə laa, yighee njyə faŋ mə ndɔ jwi yɨ viŋ, fwi nyaa kee baa shə maa viŋ me. Mə kɔꞌ kɨɨ laa kaꞌ fwi nyaa wèꞌ maa vɨɨ mbɨə faŋ vəŋ gisə laa yia yɨsə vənu maa ŋkitə mbi.

2 Kɔrintian 10:3

Lùu yinsəŋ laa yia shi taa mbi, luu nə, yia kee nywenə yaa vɨɨ taa mbi me.

Galatia 5:16

Viŋ zɔ! Mə gì tɨ́ viŋ laa, bàw Zwitə Ley Nwi kɨ shiinə viŋ maa vənu vənshə faŋ viŋ yɨsə, laa kɨ ŋkitə yiŋ kɨ sɔꞌ viŋ me.

Kɔlɔsii 1:22

Luu ndwə, Yeso Kristo yɨ̀sə laa viŋ faynə tɔ kiŋ, viŋ vɨ Nwi, buꞌ faŋ ŋwə nə jwi mbi gù wə, kù tɔ viŋ. Ŋwə yɨ nɨniŋ laa ŋwə ndi viŋ, jwi nə viŋ vɨsɨ Nwi, tɨ́ viŋ kii fwisə leysə buꞌ yiku yi yɔ́, tuu wee-ndoꞌ kee baa lùu maa viŋ me. Kaꞌ viŋ kee baa ŋìi taa nsɔꞌ Nwi me,

Hibru 12:23

Viŋ lùu fɨ maa mfɔŋsə vaŋ Nwi taa mfaynə yɔ́, faŋ Nwi nə nyɔ̀ꞌ təzii təvəŋ taa ŋwaꞌlə yizɔ. Viŋ ndɔ tɨŋ vɨsɨ Nwi faŋ ŋwə sɔꞌ vɨɨ vənshə. Viŋ ndɔ faynə viŋ vɨ vɨɨ vɔ́ fɨ ywaŋ-vɨsɨ, faŋ Nwi nə ndì vəŋ yaa vɨɨ loomə nə.

1 Jɔn 3:2

Vɨɨmba vaŋ, nsiŋ luu vaŋ Nwi ndwə. Luu nə, fa ŋkɨə faŋ nsiŋ ndɔ luu nə, ŋkə kee ta fùu ntee yikəꞌ vɨɨ me. Nsiŋ kɨɨ sheꞌ laa, yighee njyə faŋ ŋkə ndɔ fuu ntee sɨ vɨɨ, nsiŋ kɨ nii lùu yuu ŋwə, buꞌ faŋ nsiŋ ndɔ ye ŋwə faŋ ŋwə lùu.

Ŋwaꞌlə Jud 1:24

Nsiŋ kɨ bəŋsə Nwi faŋ ŋwə kìi wutə maa məyɨsə viŋ weꞌ maa nu Nwi, kee gù nu shɔ me. Kìi Nwi kìi wutə maa məsɔ yibɨsə yiŋ yinshə, tɨ́ kaꞌ viŋ ndɔ jwi nə məŋaytə, jwì tɨ̀ŋnə vɨsɨ Nwi, faŋ ŋwə kìi feenə nshə.

Reveleyshən 14:5

Vɨ nə kee zɔ tuu nu ba fɨ shuu vəŋ me. Tuu wee-ndoꞌ kee lùu maa vəŋ me.