Roma 8:2 - Vengo (Babungo)

² Lùu nɨniŋ buꞌ laa nuŋsə Zwitə Nwi, faŋ nyə kɔ̀ məbwey tɨ́ nsiŋ buꞌ Yeso Kristo, gaŋtə nsiŋ fɨ ghɔ nuŋsə nu bwə, baa nə fɨ ghɔ yiku.

Roma 8:2 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:10

Yeso bəŋsə tɨ́ ŋwə laa, «A nii toꞌ kɨɨ nə vəkɔ və Nwi, nə wə ntɨə faŋ ŋwə gisə tɨ́ ghɔ laa, Kɔ mə nə muu mə nu, buu a bitə tɨ́ ŋwə, ŋwə kɔ ghɔ nə muu mə vəlwaŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:14

Gə fɨ maa wə ntɨə faŋ mə kɔ muu mə vəlwaŋ mbɔ́ tɨ́ ŋwə, ŋwə nu, kaꞌ twey-muu ndɔ kee baa ywey ŋwə me. Muu mbɨə faŋ mə kɔ̀ tɨ́ ŋwə nə, kiasə gù koꞌ-fɨ-nsi taa fwi ŋwə, muu fuu fɨ fuŋ, yɨ̀sə ŋwə kii məbwey vəlwaŋ faŋ ŋwə gòꞌsə yighee muꞌ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:63

Viŋ zɔ! Kɔ Zwitə Nwi kɔ məbwey tɨ́ wə. Kɨ ŋkə kee luu ŋkee nu mbasə ŋwaa me. Maa lùu ghaŋ tii mə gì tɨ́ viŋ nə. Yigi njyə faŋ mə gi tɨ́ viŋ nə, ndɔ yɨsə Zwitə Ley Nwi ŋii taa ŋwaa vɨɨ, vəŋ zɨ məbwey vəlwaŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:32

Nɨniŋ, viŋ taa kɨɨ nə nu ŋkɨə faŋ ŋkə luu nu yinsəŋ. Nu yinsəŋ kɔ́ yɨ viŋ kee baa lùu vəbuꞌ me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:36

Nɨniŋ, Wee Nwi kɨ luu kɨ yɨsə laa viŋ kee baa lùu vəbuꞌ me, buu viŋ taa nyɨŋ fɨ lùu vəbuꞌ yinsəŋ.

Roma 16:3

Viŋ shɔꞌtə Prisila nə Akwila, faŋ yia vɨ vəŋ nəə faꞌ faꞌ Kristo mɔ́ꞌ nə.

Roma 3:27

Faŋ ŋkə lùu nɨniŋ nə, sii kaꞌ a baa kòꞌsə ŋwaa kɨkə? Kaꞌ nu məkoꞌsə ŋwaa kee baa lùu shɔ me. Nu wə loomə buꞌ kə? Luu buꞌ mənuŋsə ntɨsə Nwi mu? Bey. Luu buꞌ mənuŋ fwi maa Kristo, laa nu wə luu kəloomə vɨsɨ Nwi.

Roma 5:21

Nɨniŋ, sheꞌ faŋ nu bwə nəə sɔꞌ mbi nə wutə yiku nə, nu mənɔŋ-bwaŋnə Nwi ndɔ sɔꞌ mbi sheꞌ nɨniŋ nɨzi, kìasə vənu və vɨɨ, mbə loomə, vəŋ zɨ məbwey vəlwaŋ buꞌ tɨta ŋwaa-nsiŋ Yeso Kristo.

Roma 6:14

Kaꞌ nu bwə kee baa kɨ sɔꞌ viŋ me, buꞌ laa viŋ kee baa lùu vɨɨ faŋ vəŋ nùŋ fwisə vəŋ maa ntɨsə Nwi, kɨ kəə bweysə yiŋwaa vəŋ fɨ maa mənuŋsə ntɨsə sɔ́ me. Lùu nɨniŋ, buꞌ laa ntɨsə sɔ́ kee baa sɔꞌ viŋ me, mənɔŋ-bwaŋnə Nwi sɔꞌ viŋ.

Roma 6:18

Nɨniŋ, Nwi bwèysə viŋ fɨ ghɔ nu bwə, faŋ ŋkə nəə sɔꞌ viŋ nə, viŋ faꞌ lùu tɨ́ nu loomə ndwə.

Roma 6:22

Gə̀ fɨ maa ndwə, faŋ Nwi yɨsə viŋ fì tɔ kiŋ fɨ ghɔ nu bwə, gù vəbuꞌ tɨ́ Nwi, viŋ kwaanə vətaŋ viŋ, gù vɨɨ faŋ vəŋ bàw tɨ́ Nwi, gə̀ vɨsɨ vɨsɨ. Vəndwə və nu kɔ́, lùu məbwey vəlwaŋ faŋ ŋwə gòꞌsə yighee muꞌ.

Roma 7:21

Nɨniŋ, mə ye nuŋsə yimɔ́ꞌ maa mə, laa mə yaa kɨ kəə yɨ̀ nu jəə, nu bwə fùu.

Roma 7:23

Luu nə, mə ye nuŋsə yimɔ́ꞌ ŋkee taa ŋwaa mə, nyə nywenə ghɔ nuŋsə njyə faŋ nyə lùu taa fwi mə. Nuŋsə yɔ́ fɨ taa ŋwaa mə jìa mə, kà mə, nu bwə kɔ́ kii mə.

Roma 7:4

Nɨniŋ, vaŋ-nshwi vaŋ, gə̀ fɨ maa jɨɨ yiŋ, vɨ nə zwì ŋwaa Kristo, zwì luu viŋ fɨ kwiŋ ntɨsə Nwi. Ntɨsə Nwi kee baa kii viŋ me, viŋ lùu way ŋwaa wə dɨday. Kìi wə ntɨə faŋ ŋwə nə ywèy fɨ shɨ yiku nə, kìi viŋ ndwə, laa nsiŋ kɨ kwaanə vətaŋ tɨ́ Nwi, yɨsə vənu vəjəəvə.

Roma 8:1

Nɨniŋ, vɨɨ mbɨə faŋ vəŋ fàynə ghɔ vɨ Yeso Kristo, kaꞌ vəŋ kee ndɔ baa gu nsɔꞌ ndì me.

1 Kɔrintian 15:45

Lùu faŋ vɨ nə nyɔ̀ꞌ taa ŋwaꞌlə Nwi laa, Nwi nə bɔ̀ŋ Adam, faŋ nə lùu mfɔŋ wə faŋ ŋwə kìi məbwey. Adam mɔ́ꞌ baa lùu shɔ faŋ ŋwə nə jwì fɨ yiba. Luu Kristo faŋ ŋwə lùu wuu Zwitə Nwi, faŋ ŋwə kɔ məbwey tɨ́ vɨɨ.

2 Kɔrintian 3:17

Tɨta Kristo lùu Zwitə Nwi. Wə ntɨə faŋ Zwitə tɨta Kristo ŋìi taa fwi ŋwə, buu ŋwə dùꞌ tɔ ŋwə.

2 Kɔrintian 3:6

faŋ ŋwə yɨ̀sə laa yia kuꞌnə yaa vɨɨ faꞌ maa məkee məfimə. Məkee məfimə mbɔ́ vɨ nə kee nyɔ̀ꞌ nə ghɔ taa ŋwaꞌlə me. Nə gwìa Zwitə Nwi gwìa məkee mbɔ́. Nu ŋkɨə faŋ vɨ nyɔ̀ꞌ nə ghɔ taa ŋwaꞌlə, lùu ntɨsə Nwi faŋ nsə yuu kɨ jwi nə yiku. Luu nə, Zwitə Nwi kɔ́ kɔ məbwey tɨ́ vɨɨ.

Galatia 2:19

Gə fɨ maa mə, mə kɔꞌ kɨɨ laa ntɨsə sɔ́ jwì nə yiku tɔ mə, buꞌ laa kaꞌ mə kee kɨ nuŋsə ntɨsə sɔ́ sənshə me. Buꞌ nɨniŋ, mə kee baa nuŋsə fwi nyaa maa ntɨsə sɔ́ me, tɨ́ kaꞌ mə kìi məbwey fɨ ghɔ Nwi me. Faŋ vɨ nə bèy Yeso Kristo fuu fəŋkɔꞌ fə ŋkɨꞌsə, vɨ nə zwì nshinə yibwə nyaa nɨzi.

Galatia 5:1

Kristo nə shùꞌ nsiŋ fɨ ghɔ ntɨsə vɨɨ Jus, laa kɨ nsiŋ baa lùu vəbuꞌ me. Nɨniŋ, viŋ tɨŋnə weꞌ yaa vɨɨ faŋ vəŋ duꞌtə vəŋ nyɨŋ nu. Kɨ viŋ baa biŋ vɨɨ yɨsə viŋ baa gu vəbuꞌ me.

Galatia 6:2

Viŋ gaŋtə wə nə wə, shàꞌ ŋɨꞌ wə nə wə. Viŋ yɨ̀ nɨniŋ, buu ŋkə də̀ laa nshinə Kristo lùu maa viŋ.

Jeyms 1:25

Wə kɨ luu ndeynə ntɨsə Nwi, goꞌsə shɔ, kee lùu yaa wə faŋ ŋwə zɔ ndènə me, luu nə, lùu yaa wə faŋ ŋwə zɔ kɨ yɨsə, buu mənɔŋ-bwaŋnə Nwi lùu tɔ wə ghɔ́ faŋ ŋwə yɨ nu kɔ́ nə. Ntɨsə Nwi bàw shɨ̀lə, yɨsə nsiŋ fuu fɨ ghɔ nu bwə, duꞌ jəə.

Reveleyshən 11:11

Vəshi vɔ́ vətia kɨ shɔɔ, nə bɨꞌ, zwitə məbwey ndɔ fɨ ghɔ Nwi, ŋìi taa ŋwaa vəŋ, vəŋ ndɔ, tɨ̀ŋnə yizɔ, vɨɨ mbɨə faŋ vəŋ ye vəŋ, fee ŋkee dɨdɨꞌ.

Reveleyshən 22:1

Nshiiŋii Nwi yɔ́ baa də̀ muu mə məbwey shee, mbə nə fùu fɨ maa kenə Nwi ghɔ bi-njɨɨ yɔ́, ndwaꞌlə yaa ŋwaꞌlə məye sɨ,