Roma 7:7 - Vengo (Babungo)

⁷ Nɨniŋ, bàw nsiŋ gi laa kə? Ntɨsə Nwi lùu nu bwə mu? Bey, ŋkə kee lùu nɨniŋ me. Nwi nəə toꞌ kee kɔ ntɨsə sɔ́ me, buu mə yaa kee kɨ̀ɨ nə nu ŋkɨə faŋ lùu nu bwə tɨ́ Nwi me. Ntɨsə Nwi nii toꞌ kee gì laa, «Kɨ ghɔ kɨ səsə vətɔ me,» buu mə kee kɨ̀ɨ nə nu maa məsə fa me.

Roma 7:7 ပူးပေါင်းရင်းမြစ်များ

Matiu 5:28

Luu nə, mə gì ŋkaŋ tɨ́ viŋ laa, kɨ luu wə ye wəzwi, sə, buu ŋwə duꞌtə ŋwə tii wəzwi ghɔ́ fɨ taa fwi ŋwə.

Lukas 12:15

Ŋwə baa kɨ nii gì tɨ́ vɨɨ vɔ́ laa, «Viŋ kɨ ndɨɨnə, shiinə yiŋwaa yiŋ laa, kɨ fwi yiŋ kɨ ndɔ maa vətɔ me, fɔnə wə kee yaa kɨ bwey buꞌ laa vətɔ yàŋ ghɔ ŋwə bə̀ me.»

Lukas 20:16

Maa ŋwə ndɔ jwi, zwilə vɨɨ vɔ́, ndì vɨɨ day maa məfaꞌ taa biisə ghɔ́.» Yeso nə nàysə yigisə tii yɔ́, vəshɨꞌ vɔ́ gì laa, «Bey-nə-kia.»

Akts 20:33

Mə nə luu taa ŋwaa viŋ, kee kəə ka wə me, kee fì njwi wə me.

Roma 13:9

Lùu nɨniŋ buꞌ laa ntɨsə Nwi sənshə faynə sheꞌ maa ntɨ yimuꞌ, yuu kɨ tii wəzwi me, kɨ zwi wə me, kɨ shaw me, kɨ sə fa me, nə ntɨsə Nwi səmɔ́ꞌ sənshə. Nyə yimuꞌ lùu laa, «Kaw weenshu wə yaa nshɨ-tɔ wə!»

Roma 3:20

buꞌ laa tuu wə muꞌ kee ndɔ fuu loomə yikəꞌ Nwi buꞌ vəfaꞌ vi faŋ ŋwə kəə kɨ beꞌsə nuŋsə ntɨsə sɔ́ me. Kaꞌ ntɨsə Nwi sɔ́ yɨ̀sə sheꞌ laa nsiŋ kɨɨ laa vənu mbɨə faŋ nsiŋ yɨsə, luu vənu vəbwəvə.

Roma 3:5

Nɨniŋ nə, vənu vəkɔvə mbɨə faŋ nsiŋ yɨsə nə, shaꞌsə yizii Nwi yizɔ, buꞌ laa vənu vi lùu vəloomə. Faŋ ŋkə lùu nɨniŋ, nsiŋ gì laa kə? Nwi lùu wuu nsɔꞌ bwə, buꞌ faŋ ŋwə kwàŋ nsɔꞌ tɔ nsiŋ nə mu? Bey, maa mə gì nee luu yigisə wə mənsaw.

Roma 4:1

Nɨniŋ, nu Abraham, faŋ lùu tɨɨ ŋiꞌ ŋii kaŋ-nsiŋ nə, nə luu kɨkə? Nu ki nə luu kəloomə buꞌ vənu vəjəəvə vi faŋ ŋwə nə yɨ̀sə mu?

Roma 4:15

Lùu nɨniŋ buꞌ laa ntɨsə Nwi yɨsə sheꞌ laa nsɔꞌ Nwi ndɔ ŋii maa vɨɨ, buꞌ faŋ vəŋ kee kɨɨ maa mənuŋsə ntɨsə sɔ́ me. Wə ntɨə faŋ ntɨsə sɔ́ kee lùu shɔ tɨ́ ŋwə me, buu kaꞌ ŋwə kee gù nu maa ntɨsə sɔ́ me.

Roma 5:20

Gə fɨ maa ntɨsə Nwi, nsə kee kìi nu shɔ me; nsə nə jwì sheꞌ laa nu bwə yàŋ. Luu nə, shəŋ ŋkɨə faŋ nu bwə lùu shɔ kəyaŋ, gəŋsə Nwi yaŋ shɔ shɔ̀ɔ ki.

Roma 6:15

Faŋ ŋkə lùu nɨniŋ, faŋ ntɨsə sɔ́ kee baa sɔ̀ꞌ nsiŋ me, buꞌ faŋ mənɔŋ-bwaŋnə Nwi sɔꞌ nsiŋ nə, kaꞌ nsiŋ kɨ yɨ vənu vəbwəvə mu? - Bey, ŋkə kee lùu nɨniŋ me.

Roma 7:11

Nu bwə nə yè jɨɨ yi bwèꞌsə mə, yɨ̀sə mə gu ntɨsə sɔ́. Nɨniŋ, nu bwə kɔ́ zwi mə.

Roma 7:13

Ŋkə nə də̀ laa nu ŋkɨə faŋ lùu nu jəə nə, jwì nə yiku shee mu? Bey, kee lùu nɨniŋ me. Lùu nu bwə kaŋ faŋ ŋkə yɨsə mə ku. Nu bwə nə fuu ntee yaa nu bwə buꞌ nu jəə kɔ́, buu jwì nə yiku shee. Nɨniŋ, ntɨsə sɔ́ yɨsə nu bwə fuu ntee yaa ŋkee nu bwə faŋ ŋkə shɔ̀ɔ ki.

Roma 7:5

Yighee njyə faŋ nsiŋ nəə shi yaa vɨɨ mbɨə faŋ vəŋ yɨ sheꞌ nu ŋkɨə faŋ ŋwaa vəŋ kàw, fwi saŋ-nsiŋ nəə ndɔ maa vənu vəbwəvə. Nə yɨ ntɨsə Nwi laa fwi saŋ-nsiŋ ndɔ maa vənu vəbwəvə vɔ́, kwaanə vətaŋ faŋ mbə jwi nə yiku tɨ́ nsiŋ.

Roma 7:8

Nɨniŋ, nu bwə kìi jɨɨ maa məŋii taa ŋwaa mə, yɨsə fwi nyaa ndɔ maa vənu, buꞌ laa ntɨ yinjii twey nu kɔ́ tɨ́ mə. Ntɨsə sɔ́ nii toꞌ kee lùu shɔ me, buu nu bwə duꞌ kɨ shəŋ ŋwaa.

1 Kɔrintian 15:56

Nə luu buꞌ vənu vəbwəvə faŋ yiku kìi wutə maa məndisə vɨɨ. Vɨɨ kɨɨ nə wutə nu bwə buꞌ ntɨsə Nwi faŋ Nwi nə kɔ̀ tɨ́ vɨɨ nə.

Efesɔs 5:3

Kɨ nu mətoꞌ sakə, nə nshinə yibwə, nə nu məzɨ shɨ luu taa ŋwaa viŋ me. Kɨ vɨ kee bee gisə kɔ̀ŋ kəŋ vənu vɔ́ me, tɨ́ kaꞌ viŋ kùꞌnə yaa vɨɨ ley Nwi.

Kɔlɔsii 3:5

Nɨniŋ, viŋ meꞌ nshinə yimwanə yiŋ, faŋ nyə ndɔ̀ fɨ taa mbi yibwə. Viŋ ndi nshinə yɔ́ yaa nu faŋ ŋkə duꞌtə ŋkə ku. Kɨ viŋ baa kɨ tii vəki me, tɨꞌnə me yɨ kəŋ nu bwə mɔ́ꞌ me. Kɨ fwi yiŋ ndɔ maa nu me. Kɨ viŋ tə sɨ maa nu bwə me, tɨꞌnə me baytə vətɔ vəyaŋ me, buꞌ laa wə kɨ luu kɨ baytə vətɔ vəyaŋ, buu vətɔ vɔ́ kɨ nii luu tɨ́ ŋwə yaa vənwi faŋ ŋwə feꞌ. Vənu vəbwəvə vɔ́ vənshə ndɔ fɨ maa nshinə yimwanə yɔ́.

1 Tesalonika 4:5

Kɨ viŋ kɨ tii vəki sheꞌ faŋ mbasə ŋwaa wiŋ kàw me, yaa vɨɨ məmanə Nwi yaa kɨ yɨsə nə.

Hibru 7:19

Ntɨsə sɔ́ nə kɨ kaꞌ nsə kee yɨ̀sə wə lùu wuu jəə tɨ́ Nwi me. Nwi bee kii jwì nə nu faŋ ŋkə bàw, faŋ nsiŋ nùŋ fwi saŋ-nsiŋ shɔ, tɨ́ kaꞌ nsiŋ shəŋtə yɨ Nwi.