Roma 7:6 - Vengo (Babungo)

⁶ Gə̀ fɨ maa ndwə, ntɨsə sɔ́ kee baa sɔꞌ nsiŋ me. Nsiŋ gàasə nsiŋ vɨ nuŋsə yɔ́ faŋ mbə nə kà nsiŋ nə. Nsiŋ kukə tɨ́ nuŋsə yɔ́, kìi nshinə yifi, faŋ Zwitə Ley Nwi kɔ̀ tɨ́ nsiŋ nə. Nɨniŋ, nsiŋ faꞌ nu jəə tɨ́ Nwi, kee baa fàꞌ maa jɨɨ yimwa njyə faŋ vɨ nyɔ̀ꞌ taa ŋwaꞌlə ntɨsə nə me.

Roma 7:6 ပူးပေါင်းရင်းမြစ်များ

Roma 1:9

Mə lumə viŋ ghee nshə vɨsɨ Nwi. Nshɨ-tɔ Nwi faŋ mə faꞌ faꞌ wi nə fwi nyaa yinshə, sàynə ntɔŋ yijəə kɔ̀ŋ ŋwiŋ wi nə, kɔꞌ kɨɨ laa mə lùmə viŋ.

Roma 12:2

Kɨ viŋ kɨ toꞌ ghuu yitoꞌ kiŋ maa jɨɨ mbi nyə̀ me. Viŋ bee kii kwìinə fwi siŋ nə mbɨꞌtə yiŋ, kɨ kwaꞌtə nu ŋkɨə faŋ Nwi kəə laa viŋ kɨ yɨ. Nɨniŋ laa viŋ kɨ yɨsə nu faŋ ŋkə lùu kəjəə, baa ndɨŋ tɨ́ Nwi, nə ŋkɨə faŋ ŋkə bàw shɨlə.

Roma 6:11

Sheꞌ nɨniŋ, bàw viŋ kɨɨ yinsəŋ laa viŋ lùu vəŋku və nsisə maa kwiŋ nu bwə. Viŋ dùꞌ vəbwey lùu tɨ́ Nwi, fɨ yiba jɨŋ tɨta ŋwaa-nsiŋ Yeso Kristo.

Roma 6:19

Mə gisə nɨniŋ, fɨꞌ sheꞌ maa ndɨɨlə wə mənsaw, buꞌ laa ŋwaa wiŋ nə bwa maa nu Kristo. Nə luu maa yighee vɨsɨ, viŋ nə fìŋ vəshəŋ fɨ maa viŋ maa nu bwə, nə maa nu faŋ ŋkə kee kùꞌnə maa ntɨsə Nwi me, viŋ gu vəbuꞌ və vənu vɔ́, sùꞌsə ntɨsə Nwi. Nɨniŋ, bàw viŋ baa luu fìŋ yiŋwaa yiŋ yinshə tɨ́ nu ŋkɨə faŋ ŋkə lùu kəloomə ndwə, gù vəbuꞌ tɨ́ nu faŋ ŋkə lùu kəloomə, laa viŋ baw vɨsɨ Nwi, gə̀ vɨsɨ vɨsɨ.

Roma 6:2

Bey, kee lùu nɨniŋ me, kaꞌ nsiŋ kee bìŋ nɨniŋ me. Faŋ nsiŋ kùkə tɨ́ nu bwə, sii kaꞌ nsiŋ baa bwèy dùꞌ kɨ yɨ nu bwə kɨkə?

Roma 6:22

Gə̀ fɨ maa ndwə, faŋ Nwi yɨsə viŋ fì tɔ kiŋ fɨ ghɔ nu bwə, gù vəbuꞌ tɨ́ Nwi, viŋ kwaanə vətaŋ viŋ, gù vɨɨ faŋ vəŋ bàw tɨ́ Nwi, gə̀ vɨsɨ vɨsɨ. Vəndwə və nu kɔ́, lùu məbwey vəlwaŋ faŋ ŋwə gòꞌsə yighee muꞌ.

Roma 6:4

Nɨniŋ, faŋ vɨ nə bèy nsiŋ taa muu nə, ŋkə luu yaa nsiŋ nə kùkə, vɨ təə nsiŋ vɨ Kristo taa swi mɔ́ꞌ. Nɨniŋ laa nsiŋ zɨ̀ məbwey, toꞌ ghuu yitoꞌ finə, buꞌ laa tɨta Nwi nə baa ywèysə Kristo fɨ shɨ yiku nə wutə ki kəkwalə nə.

Roma 7:1

Vaŋ-nshwi vaŋ, mə gì tɨ́ viŋ yaa vɨɨ faŋ viŋ kɨɨ nə ntɨsə Nwi ŋkee jəə. Maa viŋ kɨɨ laa ntɨsə Nwi sɔꞌ wə sheꞌ maa yighee njyə faŋ ŋwə kɨ bii bwey.

Roma 7:2

Ndi nu wəzwi məndaa, maa ntɨ jia ŋwə laa ŋwə gòꞌsə ghɔ ndəə wi faŋ ndəə wi kɨ bii. Kɨ luu ndəə wi ghɔ́ ku, ŋwə kee baa lùu taa nuŋsə yɔ́ faŋ vɨ nə kà məndaa shɔ nə me.

Roma 7:4

Nɨniŋ, vaŋ-nshwi vaŋ, gə̀ fɨ maa jɨɨ yiŋ, vɨ nə zwì ŋwaa Kristo, zwì luu viŋ fɨ kwiŋ ntɨsə Nwi. Ntɨsə Nwi kee baa kii viŋ me, viŋ lùu way ŋwaa wə dɨday. Kìi wə ntɨə faŋ ŋwə nə ywèy fɨ shɨ yiku nə, kìi viŋ ndwə, laa nsiŋ kɨ kwaanə vətaŋ tɨ́ Nwi, yɨsə vənu vəjəəvə.

2 Kɔrintian 3:6

faŋ ŋwə yɨ̀sə laa yia kuꞌnə yaa vɨɨ faꞌ maa məkee məfimə. Məkee məfimə mbɔ́ vɨ nə kee nyɔ̀ꞌ nə ghɔ taa ŋwaꞌlə me. Nə gwìa Zwitə Nwi gwìa məkee mbɔ́. Nu ŋkɨə faŋ vɨ nyɔ̀ꞌ nə ghɔ taa ŋwaꞌlə, lùu ntɨsə Nwi faŋ nsə yuu kɨ jwi nə yiku. Luu nə, Zwitə Nwi kɔ́ kɔ məbwey tɨ́ vɨɨ.

2 Kɔrintian 5:17

Nɨniŋ, wə kɨ luu kìi nu kəmuꞌ ghɔ Kristo, Nwi nàysə ŋwə, ŋwə gu fa fi, vənu vəmwavə vi ndì, gù vəfi.

Galatia 3:13

Nɨniŋ, nsiŋ lùu taa nsɔꞌ Nwi vənshə, buꞌ laa kaꞌ nsiŋ kee nùŋsə ntɨsə sənshə ghee nshə me. Luu nə, Yeso Kristo fùusə nsiŋ fɨ taa nsɔꞌ yɔ́, buꞌ faŋ ŋwə nə ye ŋɨꞌ, fi nsɔꞌ yɔ́ tɔ ŋwə buꞌ nsiŋ. Ŋkə lùu nɨniŋ buꞌ laa vɨ nə nyɔ̀ꞌ taa ŋwaꞌlə Nwi laa, «Wə tɨ̀ me wə, faŋ vɨ bey ŋwə fuu tɨ, buu lùu nsɔꞌ Nwi tɔ ŋwə.»

Galatia 6:15

Faŋ vɨ sɨ̀ɨtə wə, faŋ vɨ kee sɨ̀ɨtə wə me, ŋkwiinə kee lùu shɔ me. Nu kwalə luu sheꞌ laa Nwi yɨsə nsiŋ luu vɨɨ finə.

Efesɔs 4:24

Viŋ mɔꞌ nshinə yifi maa viŋ faŋ vɨ nàysə maa ŋkɨꞌnə Nwi. Viŋ kɨ toꞌ maa jɨɨ yiloomə, baa nə yaa vɨɨ ley Nwi maa yinsəŋ.

Filipi 3:3

Lùu nsiŋ lùu vɨɨ faŋ Nwi nə kɔ̀ shwenə ki tɨ́ nsiŋ. Shwenə Nwi yinsəŋ kee lùu nu məsɨɨtə wə me. Shwenə ki faŋ ŋwə kɔ̀ tɨ́ nsiŋ, lùu Zwitə Ley Nwi, faŋ ŋkə yɨsə laa nsiŋ bəŋsə Nwi, kɔ feenə tɨ́ Yeso Kristo. Nsiŋ kee nùŋsə fwi saŋ-nsiŋ maa vənu faŋ lùu vənu və shɨ nsi me.

Kɔlɔsii 3:10

Viŋ bee kii ndi nshinə yifi, mɔ̀ꞌ maa viŋ yaa njwi. Nwi kɔ̀ nshinə yifi yɔ́ tɨ́ viŋ, yɨ̀sə laa viŋ gə nə vɨsɨ, kɨ kɨɨ nə Nwi. Ŋkɨꞌnə yiŋ kɨ nii lùu yaa njyə faŋ Nwi nə bɔ̀ŋ viŋ shɔ nə.