Roma 7:5 - Vengo (Babungo)

⁵ Yighee njyə faŋ nsiŋ nəə shi yaa vɨɨ mbɨə faŋ vəŋ yɨ sheꞌ nu ŋkɨə faŋ ŋwaa vəŋ kàw, fwi saŋ-nsiŋ nəə ndɔ maa vənu vəbwəvə. Nə yɨ ntɨsə Nwi laa fwi saŋ-nsiŋ ndɔ maa vənu vəbwəvə vɔ́, kwaanə vətaŋ faŋ mbə jwi nə yiku tɨ́ nsiŋ.

Roma 7:5 ပူးပေါင်းရင်းမြစ်များ

Matiu 15:19

Lùu nɨniŋ buꞌ laa vənu vəbwəvə vənshə fuu fɨ taa fwi wə. Mbɨꞌtə yibwə nə nu məzwi wə, nə nu mətii vəki və vɨɨ, nə nu wəzwi sakə, nə nu vəndɔꞌ, nə nu məsɨɨ ba tɔ wə, nə nu məndasə Nwi; vənu vɔ́ vənshə fuu fɨ taa fwi wə,

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:6

Fa ŋkɨə faŋ vɨ bì fɨ taa mbasə ŋwaa, lùu mbasə ŋwaa; fa faŋ vɨ bì fɨ taa Zwitə Ley Nwi, lùu fa Zwitə Ley Nwi.

Roma 1:26

Lùu ŋiꞌ nu ŋkɨə faŋ Nwi mèꞌtə vəŋ taa vənu və tɔ dɨɨ vəŋ, faŋ fwisə vəŋ ndɔ maa vənu vɔ́ nə. Vəki mèꞌtə maa məfaynə ghɔ vəndəə vəvəŋ, yuu Nwi nə nuŋsə vəŋ nə, ndi vənu mbɨə faŋ mbə kee kùꞌnə maa nuŋsə mbi me.

Roma 3:20

buꞌ laa tuu wə muꞌ kee ndɔ fuu loomə yikəꞌ Nwi buꞌ vəfaꞌ vi faŋ ŋwə kəə kɨ beꞌsə nuŋsə ntɨsə sɔ́ me. Kaꞌ ntɨsə Nwi sɔ́ yɨ̀sə sheꞌ laa nsiŋ kɨɨ laa vənu mbɨə faŋ nsiŋ yɨsə, luu vənu vəbwəvə.

Roma 4:15

Lùu nɨniŋ buꞌ laa ntɨsə Nwi yɨsə sheꞌ laa nsɔꞌ Nwi ndɔ ŋii maa vɨɨ, buꞌ faŋ vəŋ kee kɨɨ maa mənuŋsə ntɨsə sɔ́ me. Wə ntɨə faŋ ntɨsə sɔ́ kee lùu shɔ tɨ́ ŋwə me, buu kaꞌ ŋwə kee gù nu maa ntɨsə sɔ́ me.

Roma 5:20

Gə fɨ maa ntɨsə Nwi, nsə kee kìi nu shɔ me; nsə nə jwì sheꞌ laa nu bwə yàŋ. Luu nə, shəŋ ŋkɨə faŋ nu bwə lùu shɔ kəyaŋ, gəŋsə Nwi yaŋ shɔ shɔ̀ɔ ki.

Roma 6:13

Kɨ viŋ baa kɨ kɔ fa yiŋwaa yiŋ tɨ́ nu bwə, maa məyɨsə nu faŋ ŋkə kee lùu kəloomə me. Viŋ bee kii fiŋ tɔ kiŋ tɨ́ Nwi, buꞌ faŋ viŋ lùu vɨɨ faŋ vəŋ nə fùu fɨ shɨ yiku, zɨ̀ məbwey. Nɨniŋ, viŋ kɔ yiŋwaa yiŋ tɨ́ Nwi, kɨ yɨsə vənu faŋ mbə lùu vəjəə, baa lùu vəloomə.

Roma 6:19

Mə gisə nɨniŋ, fɨꞌ sheꞌ maa ndɨɨlə wə mənsaw, buꞌ laa ŋwaa wiŋ nə bwa maa nu Kristo. Nə luu maa yighee vɨsɨ, viŋ nə fìŋ vəshəŋ fɨ maa viŋ maa nu bwə, nə maa nu faŋ ŋkə kee kùꞌnə maa ntɨsə Nwi me, viŋ gu vəbuꞌ və vənu vɔ́, sùꞌsə ntɨsə Nwi. Nɨniŋ, bàw viŋ baa luu fìŋ yiŋwaa yiŋ yinshə tɨ́ nu ŋkɨə faŋ ŋkə lùu kəloomə ndwə, gù vəbuꞌ tɨ́ nu faŋ ŋkə lùu kəloomə, laa viŋ baw vɨsɨ Nwi, gə̀ vɨsɨ vɨsɨ.

Roma 6:21

Ŋgwisə vətaŋ yiŋ faŋ viŋ nə mɔ̀ꞌ maa yighee yɔ́, nə luu mbɨə? Maa nə luu nu ŋkɨə faŋ tɔ kiŋ dɨ̀ɨ shɔ ndwə, buꞌ laa vəndwə və vənu vɔ́ lùu yiku.

Roma 6:23

Lùu nɨniŋ buꞌ laa nu bwə yaa kɨ ndɔꞌ vɨɨ faꞌ vi nə yiku. Luu nə, Nwi key vɨɨ mbɨə faŋ ghɔ vɨ tɨta ŋwaa-nsiŋ Yeso Kristo lùu nə fa kəmuꞌ nə, nə məbwey vəlwaŋ faŋ ŋwə gòꞌsə yighee muꞌ.

Roma 7:23

Luu nə, mə ye nuŋsə yimɔ́ꞌ ŋkee taa ŋwaa mə, nyə nywenə ghɔ nuŋsə njyə faŋ nyə lùu taa fwi mə. Nuŋsə yɔ́ fɨ taa ŋwaa mə jìa mə, kà mə, nu bwə kɔ́ kii mə.

1 Kɔrintian 15:56

Nə luu buꞌ vənu vəbwəvə faŋ yiku kìi wutə maa məndisə vɨɨ. Vɨɨ kɨɨ nə wutə nu bwə buꞌ ntɨsə Nwi faŋ Nwi nə kɔ̀ tɨ́ vɨɨ nə.

2 Kɔrintian 10:3

Lùu yinsəŋ laa yia shi taa mbi, luu nə, yia kee nywenə yaa vɨɨ taa mbi me.

Galatia 3:10

Gə fɨ maa vɨɨ mbɨə faŋ vəŋ tə̀ sɨ laa vəŋ nuŋsə ntɨsə Nwi, nsɨə faŋ Nwi nə kɔ̀ tɨ́ vɨɨ Jus nə, laa vəŋ taa luu vɨɨ leynə kwiŋ Nwi, buu nsɔꞌ Nwi tɔ vəŋ. Ŋkə lùu nɨniŋ buꞌ laa ŋkə lùu faŋ vɨ nyɔ̀ꞌ taa ŋwaꞌlə Nwi laa, «Wə tɨ̀ me wə faŋ ŋwə kee zɔnə vənu vənshə faŋ vɨ nyɔ̀ꞌ taa ŋwaꞌlə ntɨsə me, kee yɨsə vənu vɔ́ vənshə me, buu nsɔꞌ Nwi tɔ vəŋ.»

Galatia 5:24

Vɨɨ mbɨə faŋ lùu vɨɨ Yeso Kristo, mèꞌ vənu vəbwəvə vəvəŋ vənshə, nə mbɨꞌtə yibwə yinshə laylay. Ŋkə lùu yaa vəŋ ndi vənu vɔ́, bèy fuu fəŋkɔꞌ fə ŋkɨꞌsə fə Yeso Kristo.

Efesɔs 2:11

Nɨniŋ, viŋ lumə laa viŋ yaa luu vɨɨ məmanə Nwi shù fɨ taa njyoꞌsə vənshwi viŋ. Vɨɨ mbɨə faŋ vɨ tii vəŋ nə vɨɨ faŋ vɨ nə nàysə, buꞌ faŋ vɨ nàysə ŋwaa vəŋ nə ghɔ nə, vəŋ nə tìi viŋ nə tənswia.

Efesɔs 2:3

Nə luu yighee vɨsɨ, nsiŋ vənshə nəə toꞌ ghuu yitoꞌ kaŋ-nsiŋ taa ŋwaa vɨɨ mətwey nu Nwi, yɨsə vənu mbɨə faŋ mbasə ŋwaa ŋwaa-nsiŋ nəə kaw, nə vənu mbɨə faŋ nsiŋ nəə bɨꞌtə fɨ taa fwi saŋ-nsiŋ. Nɨniŋ, nsiŋ yaa luu vɨɨ faŋ nsɔꞌ Nwi lùu tɔ vəŋ, buꞌ fwi yibwə nyaa-nsiŋ, sheꞌ yuu vəŋ.

Kɔlɔsii 3:5

Nɨniŋ, viŋ meꞌ nshinə yimwanə yiŋ, faŋ nyə ndɔ̀ fɨ taa mbi yibwə. Viŋ ndi nshinə yɔ́ yaa nu faŋ ŋkə duꞌtə ŋkə ku. Kɨ viŋ baa kɨ tii vəki me, tɨꞌnə me yɨ kəŋ nu bwə mɔ́ꞌ me. Kɨ fwi yiŋ ndɔ maa nu me. Kɨ viŋ tə sɨ maa nu bwə me, tɨꞌnə me baytə vətɔ vəyaŋ me, buꞌ laa wə kɨ luu kɨ baytə vətɔ vəyaŋ, buu vətɔ vɔ́ kɨ nii luu tɨ́ ŋwə yaa vənwi faŋ ŋwə feꞌ. Vənu vəbwəvə vɔ́ vənshə ndɔ fɨ maa nshinə yimwanə yɔ́.

Taytəs 3:3

Maa yighee vɨsɨ, nsiŋ nɨzi nə bə̀ə tɔ ley, kee zɔnə Nwi me, toꞌ maa jɨɨ yibwə, baa lùu vəbuꞌ tɨ́ vənu vəbwəvə vəyaŋ faŋ fwi saŋ-nsiŋ nə kàw, toꞌ yitoꞌ nyaa-nsiŋ nə njyoꞌ yibwə, baa ghɨꞌ vɨɨ, vɨɨ bee nsiŋ, nsiŋ baa beenə yiŋwaa nyaa-nsiŋ nɨzi.

Jeyms 1:15

Nu ŋkɨə faŋ ŋkə fuu fɨ taa mbɨꞌtə yibwə, bi nu bwə, wə kɨ nii mètə yɨ̀ nu bwə kɔ́. Ŋkə kɨ nii jwì nə yiku. Wə ghɔ́ kee zɨ məbwey vəlwaŋ me.

Jeyms 4:1

Yighaw nə nywaŋsə sii ndɔ fɨ fə taa ŋwaa viŋ? Maa nsə ndɔ fɨ taa fwi siŋ faŋ nsə kàw vətɔ və shɨ nsi. Maa nsə tùŋ yighaw taa ŋwaa viŋ.

1 Jɔn 3:4

Wə ntɨə faŋ ŋwə yɨ nu bwə, twey ntɨsə Nwi, buꞌ laa nu bwə kee kaw ntɨsə Nwi me. Nu bwə lùu nu mətwey ntɨsə Nwi.