Roma 7:4 - Vengo (Babungo)

⁴ Nɨniŋ, vaŋ-nshwi vaŋ, gə̀ fɨ maa jɨɨ yiŋ, vɨ nə zwì ŋwaa Kristo, zwì luu viŋ fɨ kwiŋ ntɨsə Nwi. Ntɨsə Nwi kee baa kii viŋ me, viŋ lùu way ŋwaa wə dɨday. Kìi wə ntɨə faŋ ŋwə nə ywèy fɨ shɨ yiku nə, kìi viŋ ndwə, laa nsiŋ kɨ kwaanə vətaŋ tɨ́ Nwi, yɨsə vənu vəjəəvə.

Roma 7:4 ပူးပေါင်းရင်းမြစ်များ

Matiu 26:26

Faŋ vəŋ nə zɨ̀ nɨniŋ, Yeso ndi bee, tù mənɔŋ-bwaŋnə shɔ, bɨꞌ, kɔ̀ tɨ́ vɨɨ məzwetə nu ki, gì laa, «Viŋ fi zɨ, lùu mbasə ŋwaa ŋwaa.»

Mark 4:20

Gə fɨ maa vɨɨ mbɨə faŋ ngwisə say vəŋ fìŋkə maa shɔꞌ jəə, lùu vɨɨ mbɨə faŋ vəŋ zɔ̀ yigisə Nwi, biŋ. Say vəŋ sɔꞌ, sèe yaŋ yaŋ. Vəŋ yɨ vənu vəjəəvə. Wə mɔ́ꞌ yɨ vənu vəjəəvə vətɨtiꞌ. Wə mɔ́ꞌ yɨ vənu vəjəəvə vəyaŋ. Wə mɔ́ꞌ ŋkee vəyaŋ shɔ̀ɔ ki.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:8

Nu ŋkɨə faŋ yizii Tii ŋwaa taa kɨ kwalə shɔ, lùu faŋ viŋ taa kɨ kwaanə vətaŋ vəyaŋ, yɨsə vənu vəjəəvə, də nɨniŋ laa viŋ lùu vɨɨ məzwetə nu kaŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:29

Wəndɔŋ faŋ ŋwə ndaa wəzwi, wəzwi məndaa lùu ŋgwii. Gə̀ fɨ maa wuumba wəndɔŋ məndaa ghɔ́, ŋwə tɨŋnə kɨ zɔ faŋ wəndɔŋ məndaa ghɔ́ gisə, ŋwə ŋaytə ŋkee dɨdɨꞌ faŋ ŋwə zɔ̀ gɨ wəndɔŋ məndaa ghɔ́. Nɨniŋ, mə luu sheꞌ yaa wuumba wəndɔŋ məndaa ghɔ́. Nu kɔ́ fàynə ndee, mə kìi məŋaytə nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:51

Lùu mə lùu fazɨ kɔ́ faŋ ŋkə ndɔ̀ fɨ yizɔ nə, faŋ ŋkə kɔ məbwey tɨ́ vɨɨ. Wə kɨ luu zɨ̀ fazɨ kɔ́, buu ŋwə bwèy yighee muꞌ. Fazɨ kɔ́ faŋ mə taa kɔ tɨ́ vɨɨ laa vəŋ bwey, lùu mbasə ŋwaa ŋwaa.»

Roma 6:11

Sheꞌ nɨniŋ, bàw viŋ kɨɨ yinsəŋ laa viŋ lùu vəŋku və nsisə maa kwiŋ nu bwə. Viŋ dùꞌ vəbwey lùu tɨ́ Nwi, fɨ yiba jɨŋ tɨta ŋwaa-nsiŋ Yeso Kristo.

Roma 6:14

Kaꞌ nu bwə kee baa kɨ sɔꞌ viŋ me, buꞌ laa viŋ kee baa lùu vɨɨ faŋ vəŋ nùŋ fwisə vəŋ maa ntɨsə Nwi, kɨ kəə bweysə yiŋwaa vəŋ fɨ maa mənuŋsə ntɨsə sɔ́ me. Lùu nɨniŋ, buꞌ laa ntɨsə sɔ́ kee baa sɔꞌ viŋ me, mənɔŋ-bwaŋnə Nwi sɔꞌ viŋ.

Roma 6:2

Bey, kee lùu nɨniŋ me, kaꞌ nsiŋ kee bìŋ nɨniŋ me. Faŋ nsiŋ kùkə tɨ́ nu bwə, sii kaꞌ nsiŋ baa bwèy dùꞌ kɨ yɨ nu bwə kɨkə?

Roma 6:22

Gə̀ fɨ maa ndwə, faŋ Nwi yɨsə viŋ fì tɔ kiŋ fɨ ghɔ nu bwə, gù vəbuꞌ tɨ́ Nwi, viŋ kwaanə vətaŋ viŋ, gù vɨɨ faŋ vəŋ bàw tɨ́ Nwi, gə̀ vɨsɨ vɨsɨ. Vəndwə və nu kɔ́, lùu məbwey vəlwaŋ faŋ ŋwə gòꞌsə yighee muꞌ.

Roma 7:3

Kɨ luu wəzwi məndaa gə fàynə ghɔ wəndɔŋ day, faŋ ndəə wi kɨ bii, buu ŋwə gù ntɨ məndaa, vɨ tii ŋwə nə wuu məshoꞌsə məkee mə məndaa. Luu nə, ndəə wi ku, buu nuŋsə yɔ́ mè fɨ maa ŋwə. Ŋwə kɨ luu ndaa wəndɔŋ day, buu ŋwə kee baa lùu wuu məshoꞌsə məkee me.

Roma 7:6

Gə̀ fɨ maa ndwə, ntɨsə sɔ́ kee baa sɔꞌ nsiŋ me. Nsiŋ gàasə nsiŋ vɨ nuŋsə yɔ́ faŋ mbə nə kà nsiŋ nə. Nsiŋ kukə tɨ́ nuŋsə yɔ́, kìi nshinə yifi, faŋ Zwitə Ley Nwi kɔ̀ tɨ́ nsiŋ nə. Nɨniŋ, nsiŋ faꞌ nu jəə tɨ́ Nwi, kee baa fàꞌ maa jɨɨ yimwa njyə faŋ vɨ nyɔ̀ꞌ taa ŋwaꞌlə ntɨsə nə me.

Roma 8:2

Lùu nɨniŋ buꞌ laa nuŋsə Zwitə Nwi, faŋ nyə kɔ̀ məbwey tɨ́ nsiŋ buꞌ Yeso Kristo, gaŋtə nsiŋ fɨ ghɔ nuŋsə nu bwə, baa nə fɨ ghɔ yiku.

1 Kɔrintian 10:16

Maa yighee njyə faŋ nsiŋ yaa kɨ zɨ fazɨ Mbɔŋ, nsiŋ yaa kɨ bwaŋ Nwi maa ndaw məluꞌ. Faŋ nsiŋ nu məluꞌ mbɔ́, nsiŋ vɨ Yeso Kristo faynə gù fa kəmuꞌ taa mənshi ŋwə. Faŋ nsiŋ bɨ̀ꞌ bee zɨ, nsiŋ faynə nsiŋ vɨ ŋwaa Kristo.

2 Kɔrintian 11:2

Mə weꞌ maa nu kiŋ, buꞌ laa yɨsə Nwi laa mə weꞌ maa nu kiŋ. Viŋ lùu yaa wee-wəzwi faŋ ŋwə kee ta kɨ̀ɨ nə wəndɔŋ me, faŋ mə ŋìi məndaa wi maa məkɔ tɨ́ wə mɔ́ꞌ, wə ghɔ́ lùu Kristo.

Galatia 3:13

Nɨniŋ, nsiŋ lùu taa nsɔꞌ Nwi vənshə, buꞌ laa kaꞌ nsiŋ kee nùŋsə ntɨsə sənshə ghee nshə me. Luu nə, Yeso Kristo fùusə nsiŋ fɨ taa nsɔꞌ yɔ́, buꞌ faŋ ŋwə nə ye ŋɨꞌ, fi nsɔꞌ yɔ́ tɔ ŋwə buꞌ nsiŋ. Ŋkə lùu nɨniŋ buꞌ laa vɨ nə nyɔ̀ꞌ taa ŋwaꞌlə Nwi laa, «Wə tɨ̀ me wə, faŋ vɨ bey ŋwə fuu tɨ, buu lùu nsɔꞌ Nwi tɔ ŋwə.»

Galatia 5:18

Faŋ shiinə Zwitə Nwi shiinə viŋ, buu kaꞌ ntɨ yimɔ́ꞌ kee baa kà viŋ me.

Efesɔs 2:15

Ŋwə nə ndìsə nuŋsə njyə faŋ Nwi nə kɔ̀ tɨ́ vɨɨ Isirayl, ndì kəŋ vɨɨ vɔ́ vəbɔɔ nə, kìasə vəŋ, vəŋ lùu fa kəmuꞌ ndwə fɨ yiba jɨŋ Kristo faŋ ŋwə nə fàynə yigisə vəŋ.

Filipi 1:11

Vənu vəjəəvə ndɔ lwaŋ taa ŋwaa viŋ, viŋ kii nshinə yijəə faŋ nyə ndɔ̀ fɨ ghɔ Yeso Kristo. Nɨniŋ, vɨɨ ye yikwalə Nwi fɨ fuŋ, bəŋsə ŋwə.

Filipi 4:17

Kɨ mə kee tə̀ sɨ maa vətɔ mbɨə faŋ viŋ tɔŋ shee nə mə. Nu ŋkɨə faŋ ŋkə lùu kəkwalə, lùu laa mə yè fɨ fuŋ laa viŋ nùŋ fwi siŋ maa nu Nwi, gə nə vɨsɨ. Lùu ŋiꞌ nu ŋkɨə faŋ mə kìi məŋaytə, buꞌ faŋ viŋ kuꞌsə vənu vəjəəvə viŋ, tɨ́ kaꞌ Nwi ndɔ key viŋ shɔ nə.

Kɔlɔsii 1:10

Nu tɔ ley kɔ́ taa yɨsə laa viŋ kɨ toꞌ nə nshinə yiŋ, faŋ nyə bàw tɨ́ tɨta Kristo, kùꞌnə tɨ́ vɨɨ faŋ vəŋ beꞌsə ŋwə nə. Viŋ kɨ yɨsə vənu vəjəəvə jɨɨsə səyaŋ, baa kɨ̀ɨ nə Nwi ŋkee jəə.

Kɔlɔsii 1:22

Luu ndwə, Yeso Kristo yɨ̀sə laa viŋ faynə tɔ kiŋ, viŋ vɨ Nwi, buꞌ faŋ ŋwə nə jwi mbi gù wə, kù tɔ viŋ. Ŋwə yɨ nɨniŋ laa ŋwə ndi viŋ, jwi nə viŋ vɨsɨ Nwi, tɨ́ viŋ kii fwisə leysə buꞌ yiku yi yɔ́, tuu wee-ndoꞌ kee baa lùu maa viŋ me. Kaꞌ viŋ kee baa ŋìi taa nsɔꞌ Nwi me,

Kɔlɔsii 1:6

Ntɔŋ yijəə Nwi yɔ́ zìꞌ maa vəshəŋ vənshə fɨ shɨ nsi, nyə yɨsə vɨɨ kwiinə nshinə vəŋ, kii nshinə yijəə. Viŋ nɨzi zɔ̀ fɨ fuŋ, nyə yɨ viŋ yɨsə vənu vəjəəvə, zì fɨ maa yighee njyə faŋ viŋ nə fɔŋ zɔ̀ yigi yɔ́, faŋ ŋkə nə lèy tɨ́ viŋ, viŋ kɨɨ jəə faŋ Nwi tu mənɔŋ-bwaŋnə wi tɔ viŋ.

Kɔlɔsii 2:14

Nə luu yighee vɨsɨ, nsiŋ nə gù vənu vəyaŋ, buꞌ laa nsiŋ nəə kee yɨsə vənu mbɨə faŋ Nwi nəə kəə laa nsiŋ yɨsə me. Nwi sɔ̀ yibɨsə yɔ́ faŋ nyə nə luu maa nsiŋ nə. Ŋkə lùu sheꞌ yaa Nwi ndì ŋwaꞌlə nsɔꞌ nyaa-nsiŋ, faŋ vɨ nə nyɔ̀ꞌ tɔ nsiŋ, bèy fuu fəŋkɔꞌ fə ŋkɨꞌsə mfɨə faŋ Yeso nə kù fuu yi nə. Nɨniŋ nə, nsɔꞌ nyaa-nsiŋ yɔ́ mè laylay.

Kɔlɔsii 2:20

Faŋ viŋ nə ŋìi taa nu yiku Kristo nə, ŋkə də̀ laa kɨ vəzwitə vəbwəvə fɨ taa mbi nyə̀ kee baa sɔ̀ꞌ viŋ me. Nɨniŋ, sii yɨ kə viŋ shi yaa vɨɨ fɨ taa mbi nyə̀, biŋ laa vɨɨ kɔ̀ nuŋsə yimɔ́ꞌ tɨ́ viŋ laa,

Hibru 10:10

Lùu nu ŋkɨə faŋ ŋkə yɨ̀sə laa nsiŋ ley vɨsɨ Nwi. Nsiŋ lùu vəley buꞌ laa Yeso Kristo nə yɨ̀sə nu ŋkɨə faŋ Nwi kəə laa ŋwə yɨ. Ŋwə nə kɔ̀ ŋwaa wi yaa ndey tɨ́ Nwi, kù tɔ nsiŋ yighee muꞌ.

1 Pita 2:24

Kristo nə shàꞌ vənu vəbwəvə vaŋ-nsiŋ maa ŋwə, kù fuu fəŋkɔꞌ fə ŋkɨꞌsə. Nɨniŋ laa nsiŋ gaasə nsiŋ vɨ vənu vəbwəvə, kɨ yɨsə luu vənu vəjəəvə yuu vɨ nə nyɔ̀ꞌ taa ŋwaꞌlə Nwi laa, «Buꞌ vədɨꞌ vi, vənu vəbwəvə vaŋ-nsiŋ mè.»

Reveleyshən 19:7

Nsiŋ kɨ ŋaytə, shɨꞌ, bəŋsə yizii yi, buꞌ laa yighee məndaa wee-bi-njɨɨ kùꞌ, zu wi duꞌtə ŋwə lootə ŋwaa wi.

Reveleyshən 21:9

Nshiiŋii Nwi yimuꞌ fɨ taa ŋwaa nshiisə-ŋiisə Nwi kwatia, faŋ nsə nə kìi vəkay və ŋɨꞌ kwatia nə, jwi yɨ mə, gì laa, «Jwi feenə, mə də wəzwi məndaa wee-bi-njɨɨ ghɔ́ tɨ́ ghɔ.»