Roma 6:3 - Vengo (Babungo)

³ Viŋ kee kɨɨ laa, nsiŋ vənshə faŋ nsiŋ nə fì muu mə Nwi, vɨ bey nsiŋ taa muu mə Yeso Kristo, bèy nsiŋ luu buꞌ yiku yi.

Roma 6:3 ပူးပေါင်းရင်းမြစ်များ

Matiu 28:19

Viŋ gə taa məshɨ mənshə fɨ taa mbi, kɨ yɨsə vɨɨ gu vɨɨ məzwetə nu kaŋ. Viŋ kɔ muu mə Nwi tɨ́ vəŋ maa yizii tɨta Nwi, nə yizii Wee (Nwi), baa nə yizii Zwitə Ley,

Akts 19:5

Vəŋ zɔ nɨniŋ, fì muu mə Nwi maa yizii tɨta Yeso.

Akts 2:38

Pita gi tɨ́ vəŋ laa, «Viŋ kwiinə fwi siŋ, fì muu mə Nwi tɔ tɔ, maa yizii Yeso Kristo, laa Nwi ndenə vənu vəbwəvə viŋ faŋ viŋ nə yɨ̀sə, buu viŋ fi Zwitə Ley Nwi, faŋ Nwi taa key viŋ shɔ nə,

Akts 8:16

Vəŋ nə shɔ̀ꞌtə Nwi nɨniŋ, buꞌ laa Zwitə Ley Nwi nə kee ta ŋìi taa fwisə vəŋ me, vəŋ nə fi sheꞌ muu mə Nwi maa yizii tɨta Yeso.

Roma 6:16

Maa viŋ kɨɨ laa, viŋ kɨ luu fiŋ tɔ kiŋ tɨ́ wə mɔ́ꞌ, gù vəbuꞌ vi, kɨ zɔnə ŋwə, buu viŋ luu ŋkee vəbuꞌ və wə ghɔ́ faŋ viŋ zɔnə ŋwə nə. Nɨniŋ, viŋ luu vəbuꞌ və Nwi, kɨ zɔnə Nwi, tɨ́ kaꞌ nu kiŋ bɔ̀ŋsə. Kee lùu nɨniŋ me, buu viŋ lùu vəbuꞌ tɨ́ nu bwə, ndɔ ku.

Roma 6:8

Kɨ luu nsiŋ ku, nsiŋ vɨ Kristo mɔ́ꞌ, buu nsiŋ kɔꞌ kɨɨ laa, nsiŋ ndɔ bwey nsiŋ vɨ vəŋ mɔ́ꞌ nɨzi.

Roma 7:1

Vaŋ-nshwi vaŋ, mə gì tɨ́ viŋ yaa vɨɨ faŋ viŋ kɨɨ nə ntɨsə Nwi ŋkee jəə. Maa viŋ kɨɨ laa ntɨsə Nwi sɔꞌ wə sheꞌ maa yighee njyə faŋ ŋwə kɨ bii bwey.

1 Kɔrintian 10:2

faŋ vəŋ nəə shɔɔ fɨ ŋiꞌ mbɔꞌ yɔ́. Faŋ vəŋ nə shɔ̀ɔ fɨ taa mamuu nə, ŋkə lùu laa vəŋ vənshə nə fì muu nɨniŋ, fàynə gù fa kəmuꞌ ghɔ vɨ Mose.

1 Kɔrintian 12:13

Faŋ nsiŋ kɔlə lùu nɨŋkwiŋ nɨŋkwiŋ nə, faŋ vɨɨ mɔ́ꞌ lùu vɨɨ Jus, vəmɔ́ꞌ lùu vɨɨ Griik, vɨɨ mɔ́ꞌ baa lùu vəbuꞌ, vɨɨ mɔ́ꞌ kee lùu vəbuꞌ me, nsiŋ vənshə nə fì Zwitə Nwi kɔ́ kəmuꞌ.

1 Kɔrintian 15:29

Vɨɨ mɔ́ꞌ shɔ faŋ vəŋ fì muu mə Nwi buꞌ vɨɨ mɔ́ꞌ faŋ vəŋ duꞌtə vəŋ kukə. Kɨ ghaŋ laa vɨɨ faŋ vəŋ kukə, ndɔ kee ywey me, sii yɨ̀ kə buu vɨɨ kɨ fi muu maa yizii vɨɨ faŋ vəŋ kukə?

1 Kɔrintian 3:16

Viŋ kee yikɨɨ laa viŋ lùu ŋii Nwi faŋ Zwitə Nwi shì taa tey yi yimu?

1 Kɔrintian 5:6

Ŋkə kee bàw laa viŋ kɨ koꞌsə yiŋwaa yiŋ, faŋ viŋ koꞌsə nə me. Maa viŋ kɨɨ laa vɨ yaa kɨ naysə bee, vɨ kwaŋ sheꞌ wee-dɨꞌ fənsɨŋ taa tey yi nee, fənsɨŋ fɔ́ yɨsə bee kɔ́ kənshə mwa sheꞌ fɨkɨꞌ nee.

1 Kɔrintian 6:19

Maa viŋ kɨ̀ɨ laa Zwitə Nwi shi taa ŋwaa viŋ, faŋ lùu ŋii Nwi. Kwàŋ Nwi kwàŋ Zwitə kɔ́ taa fwisə viŋ. Nɨniŋ, kee kìi viŋ kìi yiŋwaa yiŋ me, kìi Nwi kìi yiŋwaa yiŋ.

1 Kɔrintian 6:9

Viŋ kɔꞌ kɨɨ laa vəyɨ-kəbwə kee ndɔ ŋii taa nu yifwàŋ Nwi me. Kɨ viŋ kɨ bweꞌsə yiŋwaa yiŋ me! Vɨɨ faŋ vəŋ yɨsə vənu vəbwəvə, tɨꞌnə me shi nə vəki, nə vɨɨ faŋ vəŋ feꞌ vənwi, nə vɨɨ faŋ vəŋ meꞌtə vəki vəvəŋ, tìi vəki vəmɔ́ꞌ, nə vəndɔŋ faŋ vəŋ shi nə vəliŋ vəvəŋ vəndɔŋ,

1 Kɔrintian 9:13

Maa viŋ kɨɨ laa vɨɨ mbɨə faŋ vəŋ faꞌ taa ŋii Nwi yikwalə, yaa kɨ kii fazɨ fɨ maa vətɔ mbɨə faŋ mbə fuu fɨ taa ŋii Nwi yɔ́, faŋ kɔ̀ vɨɨ nə. Vɨɨ mbɨə faŋ vəŋ faꞌ shəŋ faŋ vɨ feꞌ Nwi shɔ, vəŋ yaa kɨ kii fɨ maa mbasə ghɔ́ nɨzi, faŋ vɨ ndɨ̀, fèꞌ ndey Nwi shɔ nə.

1 Kɔrintian 9:24

Yighee njyə faŋ vɨɨ yaa kɨ sɨɨnə ghuu, vɨɨ vəyaŋ nyɨ̀ŋ, luu nə, taa kii sheꞌ wə muꞌ kìi vəkeynə. Nu mətoꞌ yaa wuu Nwi luu sheꞌ yuu məsɨɨnə ghuu ghɔ́. Nɨniŋ, viŋ nyɨŋ nəŋay, baa nyɨŋ jəə, laa viŋ ndɔ kii vəkeynə vɔ́.

2 Kɔrintian 13:5

Nɨniŋ, bàw viŋ kwaꞌtə nu kiŋ laa fwi yiŋ lùu ghɔ Kristo mu? Viŋ fɨꞌnə nu kiŋ maa nshɨ-tɔ wiŋ. Maa viŋ kɨɨ nə yiŋwaa laa Yeso lùu taa fwisə viŋ? Ŋwə nii toꞌ kee lùu shɔ me, buu nu kiŋ kee yikuꞌnə me.

Galatia 3:27

Viŋ vənshə faŋ viŋ duꞌtə viŋ fi muu mə Nwi, lùu fa kəmuꞌ viŋ vɨ Kristo. Buꞌ muu mbɨə faŋ viŋ fi nə, viŋ biꞌ nshinə Kristo maa viŋ.

Jeyms 4:4

Aŋ viŋ, vɨɨ faŋ viŋ kee nùŋ fwi siŋ maa Nwi me. Maa viŋ kɨɨ laa, wə kɨ luu kɨ kaw vətɔ vɨ shɨ nsi, buu ŋwə lùu wuu mbeenə Nwi. Wə tɨ̀ me wə faŋ ŋwə kwaŋ fwi yi maa vətɔ və shɨ nsi, buu ŋwə lùu wuu mbeenə Nwi.

1 Pita 3:21

Nu muu kɔ́ luu mfɨꞌ nu muu mə Kristo, faŋ mbə bweysə viŋ ndwə. Mbə kee lùu maa məsɔ yifɨŋ fɨ maa viŋ me, lùu nu maa məbuꞌ ghɔ tɨ́ Nwi, laa ŋwə yɨsə fwi siŋ ley. Kaꞌ ŋkə bwèysə viŋ buꞌ laa Yeso Kristo nə ywèy fɨ shɨ yiku,