Roma 5:2 - Vengo (Babungo)

² Tɨta Yeso Kristo nə kɔ̀ jɨɨ tɨ́ nsiŋ maa məshɔɔ fɨ fuŋ, ŋìi mənɔŋ-bwaŋnə Nwi, faŋ nsiŋ nùŋ fwi saŋ-nsiŋ maa ŋwə nə. Nɨniŋ, nsiŋ ŋìi mənɔŋ-bwaŋnə Nwi ghɔ́, kɨ ŋaytə, baa mwa, buꞌ faŋ nsiŋ kɨꞌ nu yikwalə Nwi, faŋ ŋkə bàw shɨlə nə.

Roma 5:2 ပူးပေါင်းရင်းမြစ်များ

Matiu 25:21

Tɨɨ faꞌ wi gi laa, «A yɨ̀ jəə, a lùu wuu faꞌ jəə, baa lùu wuu yinsəŋ. A nə luu wuu yinsəŋ maa wee-fɨ-fa, mə taa kɔ vəyaŋ tɨ́ ghɔ. Gə nə, ŋìi taa shəŋ məŋaytə tɨɨ faꞌ wə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:7

Nɨniŋ, Yeso baa kɨ gì tɨ́ vəŋ laa, «Viŋ zɔ! Mə gì tɨ́ viŋ yinsəŋ laa, mə lùu yaa shuu ŋkɔꞌ bisə ghɔ́.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:9

Mə lùu yaa shuufɔ, wə tɨ̀ me wə faŋ ŋwə shɔ̀ɔ fɨ maa mə, ndɔ bwey. Ŋwə ndɔ kɨ ŋii baa fuu faŋ ŋwə kàw, yè gay jəənə maa məkwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:6

Yeso gi tɨ́ ŋwə laa, «Lùu mə lùu jɨɨ yɔ́. Nu yinsəŋ nə məbwey vəlwaŋ ndɔ fɨ ghɔ mə nɨzi. Kaꞌ wə kee gə ye tɨta Nwi me, maa tɨ̀ lɨꞌ laa ŋwə shɔ̀ɔ fɨ maa mə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:24

Viŋ zɔ! Mə naysə tɨ́ viŋ yinsəŋ laa, wə ntɨə faŋ ŋwə zɔ̀ yigisə nyaa, bìŋ Nwi faŋ ŋwə nə tɔ̀ŋ mə nə, buu ŋwə fùu fɨ shuu yiku, ŋìi məbwey vəlwaŋ, kee ndɔ baa ŋii taa nsɔꞌ Nwi me.

Akts 14:27

Faŋ vəŋ nə bəŋ jwi zìꞌ Antiɔk, bàytə vɨɨ məbiŋ nu Kristo, nàysə vənu vənshə faŋ Nwi nə gàŋtə vəŋ, vəŋ yɨsə, baa nə faŋ Nwi ŋaꞌsə jɨɨ tɨ́ vɨɨ tətɔŋ fu, laa vəŋ biŋ nu Nwi.

Roma 11:20

Lùu nɨniŋ. Luu nə, vɨ nə bɨ̀ꞌtə vəŋ buꞌ faŋ vəŋ kee nùŋ fwi vəŋ maa Kristo me. Vɨ yə̀ənə ghɔ shɔ, buꞌ faŋ a nə nùŋ fwi yə maa ŋwə. Nɨniŋ, kɨ buꞌ dɨŋ me, kɨ fɨfee.

Roma 12:12

Ŋaytə buꞌ məbwey vəlwaŋ faŋ viŋ kɨꞌ ŋwə nə, jia fwi maa ŋɨꞌ, weꞌ maa məshɔꞌtə Nwi.

Roma 14:4

A sii lùu ndə, tɨ́ kaꞌ a kɨ sɔꞌ wuu faꞌ wə dɨday? Luu sheꞌ tɨɨ faꞌ wi faŋ kaꞌ ŋwə gì laa ŋwə faꞌ jəə, tɨꞌnə me bwə. Luu nə, mə kɨɨ laa nu ki taa kuꞌnə, ŋwə kee gù me, buꞌ laa tɨta wi kìi wutə maa məbɨŋsə ŋwə.

Roma 15:13

Nwi faŋ ŋwə yɨsə vɨɨ kɨꞌ məbwey vəlwaŋ, kwàŋ məŋaytə nə məduꞌ-nyɔŋ taa fwisə viŋ, ŋwə lwaŋ, buꞌ faŋ viŋ nùŋ fwi siŋ maa ŋwə nə. Zwitə Ley Nwi baa luu kɔ̀ wutə tɨ́ viŋ, tɨ́ kaꞌ viŋ kɨ kɨꞌ məbwey ghɔ́ nə fwi yiŋ yinshə.

Roma 2:7

Ŋwə ndɔ kɔ məbwey vəlwaŋ tɨ́ vɨɨ mbɨə faŋ vəŋ twèꞌ maa məyɨ nu jəə, tə̀ sɨ maa nu ŋkɨə faŋ ŋkə kee ndɔ mè me, baa kəə jɨɨ laa vəŋ baw mètə, tɨ́ kaꞌ Nwi bəŋsə vəŋ.

Roma 3:23

Vɨɨ vənshə nə yɨsə vənu vəbwəvə, kee bàw yaa Nwi me.

Roma 5:5

Faŋ nsiŋ kɨꞌ nu kwalə fɨ ghɔ Nwi, buu nsiŋ kee ndɔ ndi tɔ dɨɨ shɔ me, buꞌ laa Nwi nə kwàŋ Zwitə Ley ki taa fwisə nsiŋ, ŋkə lwaŋ, yɨ laa nsiŋ zɔ faŋ Nwi kàw nsiŋ.

Roma 8:1

Nɨniŋ, vɨɨ mbɨə faŋ vəŋ fàynə ghɔ vɨ Yeso Kristo, kaꞌ vəŋ kee ndɔ baa gu nsɔꞌ ndì me.

Roma 8:24

Ŋwə duꞌtə ŋwə bweysə nsiŋ, laa nsiŋ kɨ kɨꞌ vətɔ fɨ yizɔ. Nəə toꞌ lùu laa nsiŋ duꞌtə nsiŋ ye vətɔ vɔ́ fɨ yizɔ nə, buu nsiŋ kee baa kɨ kɨꞌ me. Wə faŋ ŋwə yè fa, baa kɨ kɨꞌ fa kɔ́ kɨkə?

1 Kɔrintian 15:1

Vaŋ-nshwi vaŋ, bàw mə baa lùmə ŋiꞌ nu Kristo tɨ́ viŋ, faŋ mə nə fɔŋ fɨ̀ꞌtə tɨ́ viŋ. Viŋ nə bìŋ yigisə Nwi yɔ́, wèꞌ shɔ.

2 Kɔrintian 3:18

Nɨniŋ, nsiŋ vənshə kee baa kìi njwi yɔ́ yikəꞌ nsiŋ me. Mɔꞌmbi, faŋ ŋwə bàw shɨlə nə, bee yikəꞌ nsiŋ, nsiŋ kiasə gù yuu ŋkɨꞌnə yi, bàw, gə̀ vɨsɨ vɨsɨ, buꞌ laa yɨ̀sə Zwitə Mɔꞌmbi nɨniŋ. Nɨniŋ, nsiŋ lùu yaa ŋwaꞌlə məye sɨ faŋ vɨɨ ye məbaw Nwi fɨ fuŋ.

2 Kɔrintian 4:17

Faŋ nsiŋ ye ŋɨꞌ ndwə nə, nsiŋ ndɔ zɨ ŋkee nu kwalə faŋ ŋkə shɔ̀ɔ ki, gòꞌsə yighee muꞌ. Nɨniŋ, nu ŋɨꞌ yɔ́ luu sheꞌ nu tɨtiꞌ faŋ nyə taa tay sheꞌ maa wee-fɨ-yighee nee.

Efesɔs 2:18

Luu sheꞌ buꞌ ŋwə laa nsiŋ kìi jɨɨ, ŋìi yɨ tɨta Nwi taa Zwitə ki kəmuꞌ ndwə.

Efesɔs 3:12

Nsiŋ kii fwi yizutə vɨsɨ Nwi buꞌ Kristo ndwə. Kɨ kaꞌ nsiŋ jìa fwi saŋ-nsiŋ, gə̀ ye Nwi nə məŋaytə, buꞌ faŋ nsiŋ nùŋ fwi saŋ-nsiŋ maa Yeso Kristo.

Efesɔs 6:13

Nɨniŋ, viŋ shuŋ vətɔ və yighaw və Nwi, laa viŋ kɨɨ nə təsə ghuu wiŋ maa shi nu bwə, maa məyɨsə vənu vənshə vəjəə, mètə, tɨ̀ŋnə weꞌ.

2 Tesalonika 2:16

Nshɨ-tɔ tɨta ŋwaa-nsiŋ Yeso Kristo nə tɨta Nwi faŋ ŋwə nə kàw nsiŋ, kèe gəŋ saŋ-nsiŋ, bàwsə fwi saŋ-nsiŋ, nsə kuꞌnə yighee muꞌ nə, yɨsə nsiŋ kɨ kɨꞌ ŋkee nu jəə.

Hibru 3:6

Jwi maa Kristo, ŋwə lùu ŋkee Wee Nwi faŋ ŋwə shiinə njiinə ŋii. Ŋii yi yɔ́ lùu nsiŋ. Nsiŋ lùu vɨɨ ŋiinə vi, faŋ nsiŋ tə̀ sɨ maa məbwey vəlwaŋ, faŋ nsiŋ kɨꞌ ŋwə nə fwi yimuꞌ nə, tweꞌ shɔ, zìꞌ maa vəndwə nə məŋaytə.

Hibru 6:18

Nɨniŋ nə, Nwi də̀ maa jɨɨsə səbɔɔ laa ŋkɔꞌnə yi lùu yinsəŋ. Kaꞌ Nwi kee sɨ̀ɨ ba shɔ me. Ŋkɔꞌnə Nwi yɔ́ nə məlɨꞌtə ghɔ́ kɔ̀ wutə tɨ́ nsiŋ, tɨ́ kaꞌ nsiŋ jìa fwi nɨzi, kɨ tə sɨ maa nu ŋkɨə faŋ Nwi kɔ̀ꞌnə tɨ́ nsiŋ nə.

1 Pita 3:18

Kristo nə kù yighee muꞌ buꞌ vənu vəbwəvə faŋ vɨɨ yɨ̀sə. Ŋkee wə ntɨə faŋ vənu vi lùu vəloomə, kù tɔ vɨɨ faŋ vənu vəvəŋ kee lùu vəloomə me, laa ŋwə kiasə nsiŋ, kɔ̀ tɨ́ Nwi. Vɨ nə zwì mbasə ŋwaa wi, luu nə, zwitə ki bwey.

Reveleyshən 21:11

nɨndwaꞌlə yaa Nwi ndwaꞌlə ŋkee yaa wey faŋ shwaŋ wi luu ŋkee ndɔŋ, bee ndɔ ley twenə.

Reveleyshən 21:23

Shɨ kɔ́ kee baa kəə shɨshwi, tɨꞌnə me ŋuu, maa məbee me, buꞌ laa feenə Nwi bee shɔ. Bi-njɨɨ yɔ́ luu kiꞌ wi.

Reveleyshən 21:3

Mə zɔ gɨ wə gi fɨ fuu kenə kɔ́ nəŋay laa, «Viŋ ye vəbee və Nwi taa ŋwaa vɨɨ. Nwi ndɔ kɨ shi taa ŋwaa vəŋ, vəŋ luu ŋgwisə vɨɨ vi. Ŋkee nshɨ-tɔ Nwi lùu ghɔ vɨ vəŋ,

Reveleyshən 3:21

Wə ntɨə faŋ ŋwə jia fwi yi, kee mèꞌtə nu Nwi me, sheꞌ faŋ mə nə jìa fwi nyaa nɨzi, ziꞌ tɨ́ shi yiku nə, buu mə ndɔ biŋ laa yia ŋwə duꞌ fuu ŋkaw mə, kɨ sɔꞌ mbi mɔ́ꞌ, sheꞌ faŋ yia Tii ŋwaa duꞌ fuu ŋkaw ŋwə, kɨ sɔꞌ nə.»