Roma 5:1 - Vengo (Babungo)

¹ Faŋ ŋkə lùu nɨniŋ nə, vənu vaŋ-nsiŋ lùu vəloomə vɨsɨ Nwi, buꞌ faŋ nsiŋ nùŋ fwi saŋ-nsiŋ maa Yeso Kristo nə, buu nsiŋ vɨ Nwi kìi məduꞌ-nyɔŋ fɨ yiba jɨŋ tɨta ŋwaa-nsiŋ Yeso Kristo.

Roma 5:1 ပူးပေါင်းရင်းမြစ်များ

Lukas 19:38

Vəŋ luꞌ laa, «Mənɔŋ-bwaŋnə tɔ wə ntɨə faŋ ŋwə jɨjwi yaa fwàŋ maa yizii tɨta Nwi. Mənɔŋ-bwaŋnə lùu taa yizɔ, nə məbəŋsə maa yizii Nwi fɨ yizɔ.»

Lukas 19:42

gì laa, «Aŋ Jerusalem, ŋkə nə bàw laa a kɨ̀ɨ nə nu ŋkɨə faŋ ŋkə gaŋtə ghɔ laa a duꞌ nə mənɔŋ-bwaŋnə ndee. Luu nə, ŋkə ndènə fɨ yikəꞌ ghɔ.

Lukas 2:14

«Nsiŋ kɨ bəŋsə Nwi fɨ yizɔ, məduꞌ-nyɔŋ shɨ nsi tɨ́ vɨɨ gəŋsə Nwi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:27

Mə gə, mèꞌtə məduꞌ-nyɔŋ tɨ́ viŋ. Mə taa kɔ məduꞌ-nyɔŋ tɨ́ viŋ. Mə kee kɔ tɨ́ viŋ faŋ mbi kɔ nə me. Kɨ fwi siŋ lɔꞌ me, nduŋ kee kɨ sɨɨ viŋ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:33

Mə naysə nu kɔ́ tɨ́ viŋ, tɨ́ kaꞌ nsiŋ lùu fa kəmuꞌ, fwi yiŋ duꞌ nyɔŋ. Viŋ taa ye ŋɨꞌ taa mbi nyə̀, viŋ ka fwi siŋ, buꞌ laa mə duꞌtə mə ghɔꞌ mbi nyə̀.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:31

Vənu mbɨə faŋ vɨ nyɔ̀ꞌ feenə, vɨ nyɔ̀ꞌ laa viŋ biŋ laa Yeso luu wə ntɨə faŋ Nwi nə shoꞌ, wuu məbweysə ŋwaa-nsiŋ, Wee Nwi. Viŋ biŋ yizii yi, nùŋ fwi siŋ maa ŋwə, buu kìi məbwey vəlwaŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:24

Viŋ zɔ! Mə naysə tɨ́ viŋ yinsəŋ laa, wə ntɨə faŋ ŋwə zɔ̀ yigisə nyaa, bìŋ Nwi faŋ ŋwə nə tɔ̀ŋ mə nə, buu ŋwə fùu fɨ shuu yiku, ŋìi məbwey vəlwaŋ, kee ndɔ baa ŋii taa nsɔꞌ Nwi me.

Akts 10:36

Viŋ kɔꞌ kɨɨ nə yigi njyə faŋ Nwi nə tɔ̀ŋ tɨ́ vɨɨ Isirayl laa, mənɔŋ-bwaŋnə lùu fɨ yiba Yeso Kristo. Yeso lùu wuu məsɔꞌ mbi yinshə.

Roma 1:17

Ntɔŋ Nwi yɔ́ twelə tɨ́ vɨɨ faŋ Nwi kìasə vənu və vɨɨ, faŋ vəŋ nùŋ fwisə vəŋ maa ŋwə, mbə loomə, vəŋ baa kɨ nii nùŋ fwisə vəŋ maa ŋwə, wèꞌ shɔ, gə̀ vɨsɨ vɨsɨ. Luu sheꞌ faŋ ŋkə lùu taa ŋwaꞌlə Nwi laa, «Wə ntɨə faŋ nu ki lùu kəloomə, ndɔ zɨ məbwey vəlwaŋ, buꞌ laa ŋwə kwàŋ fwi yi maa Nwi.»

Roma 1:7

Nɨniŋ, mə tɔ̀ŋ ŋwaꞌlə ŋwə̀ tɨ́ viŋ vənshə, faŋ viŋ lùu shɨ Rom, faŋ Nwi kaw viŋ, baa tìi viŋ laa viŋ luu vɨɨ vi. Nwi, Tii ŋwaa-nsiŋ, ghɔ tɨta Yeso Kristo tu mənɔŋ-bwaŋnə tɔ viŋ, kɔ̀ viŋ nə məduꞌ-nyɔŋ.

Roma 10:10

Lùu nɨniŋ buꞌ laa wə kɨ luu biŋ Kristo nə fwi yi, buu nu ki kiasə lòomə vɨsɨ Nwi. Ŋwə baa lùu biŋ ŋwə nə shuu wi ntee, buu ŋwə ndɔ bwey.

Roma 10:15

Baa nə laa, sii kaꞌ vɨ kɨ fɨꞌtə nu Kristo kɔ́ kɨkə, faŋ vɨɨ ntɔŋsə kee fùu fu me? Luu nə, Nwi yɨ̀ nu ŋkɨə faŋ ŋkə lùu taa ŋwaꞌlə Nwi laa, «Luu ŋkee nu jəə maa məzɔ nshɨŋsə ghuu vɨɨ ntɔŋsə faŋ vəŋ jwi nə ntɔŋ yijəə.»

Roma 14:17

Ŋiꞌ nu yifwàŋ Nwi kee lùu nu məzɨ fa, baa nə nu mənu fa me. Nu yifwàŋ Nwi lùu nu faŋ Zwitə Ley Nwi ŋìi taa fwi wə, kìasə nu ki, ŋkə loomə, fwi yi zutə, lwàŋ nə məŋaytə.

Roma 15:13

Nwi faŋ ŋwə yɨsə vɨɨ kɨꞌ məbwey vəlwaŋ, kwàŋ məŋaytə nə məduꞌ-nyɔŋ taa fwisə viŋ, ŋwə lwaŋ, buꞌ faŋ viŋ nùŋ fwi siŋ maa ŋwə nə. Zwitə Ley Nwi baa luu kɔ̀ wutə tɨ́ viŋ, tɨ́ kaꞌ viŋ kɨ kɨꞌ məbwey ghɔ́ nə fwi yiŋ yinshə.

Roma 15:33

Nwi faŋ ŋwə kɔ məduꞌ-nyɔŋ tɨ́ vɨɨ nə, luu viŋ vɨ vəŋ vənshə. Ŋkə lùu nɨniŋ.

Roma 3:22

Jɨɨ yɔ́ lùu laa wə nuŋ fwi yi maa Yeso Kristo, buu Nwi kiasə vənu vi, mbə loomə. Jɨɨ yɔ́ lùu tɨ́ vɨɨ vənshə faŋ vəŋ nùŋ fwisə vəŋ maa ŋwə, faŋ vəŋ kɔlə lùu vɨɨ fə, ŋkwiinə kee lùu shɔ me.

Roma 3:30

Lùu nɨniŋ buꞌ laa Nwi luu sheꞌ muꞌ, yɨsə vənu və vɨɨ Jus faŋ vɨ sɨ̀ɨtə vəŋ nə, kiasə lòomə, faŋ vəŋ nùŋ fwisə vəŋ maa Kristo. Ŋwə baa yɨsə vənu və vɨɨ tətɔŋ fu faŋ vɨ kee sɨ̀ɨtə vəŋ nə me, kiasə lòomə nɨzi, buꞌ faŋ vəŋ nùŋ fwisə vəŋ maa ŋwə.

Roma 4:5

Kɨ luu wə kee kɨ faꞌ vəfaꞌ maa məbɔŋsə vənu vi me, luu nə, nùŋ fwi yi maa Nwi, buu Nwi ndì vənu vi yaa vənu vəbivə. Lùu nɨniŋ buꞌ faŋ ŋwə nùŋ fwi yi maa Nwi faŋ ŋwə kiasə vənu və wə faŋ ŋwə yaa manə Nwi, yɨ̀sə mbə loomə.

Roma 5:11

Nɨniŋ, nsiŋ koꞌsə yiŋwaa nyaa-nsiŋ buꞌ nshɨ-tɔ Nwi, fɨ yiba jɨŋ tɨta ŋwaa-nsiŋ Yeso Kristo, faŋ ŋwə yɨ laa nsiŋ gu fa kəmuꞌ nsiŋ vɨ Nwi maa yighee ndwə.

Roma 5:18

Nɨniŋ, faŋ nu bwə wə muꞌ nə yɨsə nsɔꞌ Nwi gu tɔ vɨɨ vənshə nə, buu nu jəə kəmuꞌ fuusə vɨɨ vənshə fɨ taa nsɔꞌ Nwi yɔ́, bwèysə vəŋ.

Roma 6:23

Lùu nɨniŋ buꞌ laa nu bwə yaa kɨ ndɔꞌ vɨɨ faꞌ vi nə yiku. Luu nə, Nwi key vɨɨ mbɨə faŋ ghɔ vɨ tɨta ŋwaa-nsiŋ Yeso Kristo lùu nə fa kəmuꞌ nə, nə məbwey vəlwaŋ faŋ ŋwə gòꞌsə yighee muꞌ.

Roma 9:30

Ŋkə lùu kɨkə ndwə? - Viŋ zɔ! Vɨɨ tətɔŋ fu faŋ vəŋ nə kee kəə jɨɨsə maa məgu vɨɨ loomə vɨsɨ Nwi me, gù vɨɨ loomə. Nu vəŋ lùu kəloomə buꞌ faŋ vəŋ nùŋ fwisə vəŋ maa Kristo.

Galatia 2:16

Luu nə, faŋ nsiŋ kɔlə luu vɨɨ Jus binə nə, nsiŋ kɔꞌ kɨɨ laa, nu wə kee yaa kɨ kwiinə, lùu kəloomə sɨ Nwi buꞌ vənu mbɨə faŋ ŋwə yɨsə, faŋ gì nuŋsə me. Vənu və wə yaa kɨ kwiinə sheꞌ faŋ ŋwə nùŋsə fwi yi maa Yeso Kristo. Nɨniŋ, nsiŋ nùŋ fwi saŋ-nsiŋ maa Yeso Kristo sheꞌ yaa vɨɨ vɔ́ faŋ vəŋ kee lùu vɨɨ Jus me. Vənu vaŋ-nsiŋ lùu vəloomə vɨsɨ Nwi sheꞌ buꞌ faŋ nsiŋ nùŋ fwi saŋ-nsiŋ maa Yeso Kristo, kee luu buꞌ yitoꞌ nyaa-nsiŋ faŋ nsiŋ jia nuŋsə vɨɨ Jus nə wutə me. Ŋkə luu ŋkee faŋ vɨ nə nyɔ̀ꞌ taa ŋwaꞌlə Nwi fɨshi laa, «Wə kee lùu shɔ faŋ vənu vi ndɔ ley vɨsɨ Nwi, buꞌ laa ŋwə nuŋsə ntɨsə nə wutə me.»

Galatia 3:25

Ndwə, faŋ jɨɨ lùu yiŋaꞌsə maa məbiŋ Kristo, ndəwee kee baa kìi nu maa nsiŋ me.

Galatia 5:22

Gə fɨ maa vənu mbɨə faŋ mbə ndɔ̀ fɨ taa Zwitə Nwi, mə kəə naysə vənu vɔ́ tɨ́ viŋ nɨzi. Vənu vɔ́ luu ŋkawnə, nə məŋaytə, nə məduꞌ bwaŋnə, nə məjia fwi, nə məsaylə jəə, nə məgaŋtə vɨɨ, nə məzɔnə,

Efesɔs 2:7

Lùu faŋ ŋwə də ŋkawnə yi tɨ́ vɨɨ fɨ taa mbi yifi faŋ nyə ndɔ jwi nə. Vɨ ndɔ kɨɨ nə gəŋsə Nwi fɨ maa nu ŋkɨə faŋ ŋwə nə kee gəŋ saŋ-nsiŋ dɨdɨꞌ, gaŋtə nsiŋ dɨdɨꞌ buꞌ Yeso Kristo nə.

Filipi 3:9

Mə kəə sheꞌ laa mə goꞌsə yia ŋwə. Mə kee baa lùu wuu ley buꞌ vənu mbɨə faŋ nəə yɨsə mə me, faŋ mə nəə beꞌsə ntɨsə vɨɨ Jus nə me. Mə lùu wuu ley buꞌ laa mə nùŋ fwi nyaa maa Kristo. Nwi ndɨ̀ wə yaa wuu ley buꞌ faŋ ŋwə nùŋ fwi yi maa Kristo.

Kɔlɔsii 1:20

Nwi nə baa tə laa vɨɨ vənshə bəŋ jwì, gù fa kəmuꞌ, ghɔ vɨ Nwi, fɨ yiba Kristo. Nwi nə yɨ laa Kristo kù fuu fəŋkɔꞌ fə ŋkɨꞌsə, tɨ́ kaꞌ vətɔ vənshə fɨ yizɔ nə fɨ nsi kiasə, kee baa lùu vɨɨ mbeenə vi me, luu nə, gù vɨɨmba vi buꞌ mənshi mə Kristo faŋ ŋwə nə tùtə nə.

Kɔlɔsii 3:15

Viŋ kɨ yɨsə laa mənɔŋ-bwaŋnə faŋ ŋwə ndɔ̀ fɨ ghɔ Kristo, shiinə viŋ maa vənu vənshə faŋ viŋ yɨsə, buꞌ laa Nwi nə tìi viŋ laa viŋ jwi dùꞌ nyɔŋ, lùu yaa ŋwaa wi muꞌ, kɨ bwaŋ Nwi shɔ ghee nshə.

1 Tesalonika 5:23

Nshɨ-tɔ Nwi faŋ ŋwə lùu Nwi mənɔŋ-bwaŋnə nə, yɨsə viŋ baw shɨlə maa vənu viŋ vənshə! Bàw ŋwə jia zwitə kiŋ nə fwi siŋ nə ŋwaa wiŋ, laa viŋ baw mètə, tuu wee-ndoꞌ kee lùu maa viŋ me, maa shi ŋkɨə faŋ tɨta ŋwaa-nsiŋ Yeso Kristo ndɔ bəŋ jwi.

2 Tesalonika 3:16

Ŋkee nshɨ-tɔ Tɨɨ mənɔŋ-bwaŋnə kɔ viŋ nə mənɔŋ-bwaŋnə ghee nshə maa jɨɨsə sənshə! Tɨta Kristo goꞌsə viŋ vɨ vəŋ vənshə!

Hibru 13:20

Nwi faŋ ŋwə kɔ məduꞌ-nyɔŋ ywèysə tɨta ŋwaa-nsiŋ Yeso Kristo fɨ shɨ yiku. Yeso luu nshii nyaa-nsiŋ faŋ ŋwə shii vɨɨ vənshə. Nə luu mənshi mə Yeso faŋ Nwi nə ndì, yɨ̀sə laa məkee mbɨə faŋ Nwi nə kɔ̀ꞌnə tɨ́ nsiŋ nə, weꞌ gòꞌsə yighee muꞌ.