Roma 4:6 - Vengo (Babungo)

⁶ Luu sheꞌ faŋ fwàŋ Deyvid nə gì laa Nwi tu mənɔŋ-bwaŋnə tɔ wə ntɨə faŋ Nwi gì laa vənu vi loomə̀, faŋ wə ghɔ́ nə kee bee faꞌ vəfaꞌ vəjəəvə maa məbɔŋsə vənu vi me.

Roma 4:6 ပူးပေါင်းရင်းမြစ်များ

Matiu 25:19

Ŋkə tay ŋkee dɨdɨꞌ, tɨɨ vəŋ ghɔ́ bəŋ jwì, tii vəŋ maa məndeynə nu ŋkɨə faŋ vəŋ nə yɨ̀ nə ka ghɔ́.

Roma 1:17

Ntɔŋ Nwi yɔ́ twelə tɨ́ vɨɨ faŋ Nwi kìasə vənu və vɨɨ, faŋ vəŋ nùŋ fwisə vəŋ maa ŋwə, mbə loomə, vəŋ baa kɨ nii nùŋ fwisə vəŋ maa ŋwə, wèꞌ shɔ, gə̀ vɨsɨ vɨsɨ. Luu sheꞌ faŋ ŋkə lùu taa ŋwaꞌlə Nwi laa, «Wə ntɨə faŋ nu ki lùu kəloomə, ndɔ zɨ məbwey vəlwaŋ, buꞌ laa ŋwə kwàŋ fwi yi maa Nwi.»

Roma 3:27

Faŋ ŋkə lùu nɨniŋ nə, sii kaꞌ a baa kòꞌsə ŋwaa kɨkə? Kaꞌ nu məkoꞌsə ŋwaa kee baa lùu shɔ me. Nu wə loomə buꞌ kə? Luu buꞌ mənuŋsə ntɨsə Nwi mu? Bey. Luu buꞌ mənuŋ fwi maa Kristo, laa nu wə luu kəloomə vɨsɨ Nwi.

Roma 4:11

Ŋwə nə bɨ nùŋ fwi yi maa Nwi, Nwi ndi ŋwə yaa wuu loomə, faŋ vɨ nə kee ta nàysə ŋwə me, buu Nwi kɨ nii kɔ̀ nu məsɨɨtə wə tɨ́ ŋwə yaa shwenə wuu loomə. Nɨniŋ, Abraham gu tɨɨ vɨɨ vənshə faŋ vəŋ nùŋ fwisə vəŋ maa Kristo, faŋ vɨ kee sɨ̀ɨtə vəŋ me, Nwi ndi vəŋ yaa vɨɨ loomə.

Roma 4:24

Vɨ nə nyɔ̀ꞌ yigi yɔ́ tɨ́ nsiŋ nɨzi, buꞌ laa Nwi taa ndi nsiŋ yaa vɨɨ loomə nɨzi, faŋ nsiŋ nùŋ fwi saŋ-nsiŋ maa Nwi faŋ ŋwə nə ywèysə tɨta ŋwaa-nsiŋ Yeso fɨ shɨ yiku.

Roma 4:5

Kɨ luu wə kee kɨ faꞌ vəfaꞌ maa məbɔŋsə vənu vi me, luu nə, nùŋ fwi yi maa Nwi, buu Nwi ndì vənu vi yaa vənu vəbivə. Lùu nɨniŋ buꞌ faŋ ŋwə nùŋ fwi yi maa Nwi faŋ ŋwə kiasə vənu və wə faŋ ŋwə yaa manə Nwi, yɨ̀sə mbə loomə.

Roma 4:7

Ŋkə lùu taa ŋwaꞌlə Nwi laa ŋwə nə gì laa, «Mənɔŋ-bwaŋnə tɨ́ vɨɨ mbɨə faŋ Nwi mèꞌ vənu vəbwəvə vəŋ faŋ vəŋ nə yɨsə, shìtə nu gu vəŋ.

Roma 4:9

Yigi mənɔŋ-bwaŋnə yɔ́ luu sheꞌ tɨ́ vɨɨ Jus faŋ vɨ sɨ̀ɨtə vəŋ nə mu, mu lùu tɨ́ tənswia nɨzi? Maa nsiŋ gì laa Nwi nə tìi Abraham nə wə faŋ vənu vi lùu vəloomə, buꞌ faŋ ŋwə nə nùŋ fwi yi maa Nwi.

1 Kɔrintian 1:30

Luu buꞌ Nwi, faŋ viŋ gù fa kəmuꞌ viŋ vɨ Yeso Kristo. Nə yɨsə Nwi laa nu Kristo gu nu tɔ-ley tɨ́ nsiŋ. Luu sheꞌ buꞌ Yeso faŋ Nwi ndɨ̀ nsiŋ yaa vɨɨ faŋ vənu vəvəŋ lùu vəloomə. Yɨsə ŋwə buu nsiŋ lùu vɨɨ ley Nwi. Ŋwə bweysə nsiŋ fɨ ghɔ vənu vəbwəvə.

2 Kɔrintian 5:21

Nwi nə yɨ̀sə laa wə ntɨə faŋ ŋwə nə kee kɨ̀ɨ nə nu bwə me, biꞌ yibɨsə nyaa-nsiŋ, tɨ́ kaꞌ nsiŋ lùu vɨɨ loomə vɨsɨ Nwi.

Galatia 3:14

Lùu ŋiꞌ nu ŋkɨə faŋ ŋkə yɨ̀, buu kaꞌ vɨɨ vənshə fɨ mbi ndɔ ye mənɔŋ-bwaŋnə fɨ ghɔ Nwi, faŋ Nwi nə kɔ̀ꞌnə tɨ́ Abraham nə. Ŋkə luu sheꞌ buꞌ Yeso Kristo faŋ ŋwə nə kù tɔ nsiŋ nə. Lùu faŋ nsiŋ fi Zwitə Nwi, faŋ Nwi nə kɔ̀ꞌnə maa məkɔ tɨ́ nsiŋ nə. Nsiŋ fi Zwitə Nwi kɔ́, faŋ nsiŋ nuŋ fwi saŋ-nsiŋ maa Kristo.

Galatia 4:15

Yighee yɔ́ viŋ nə ŋàytə dɨdɨꞌ buꞌ mə. Sii yɨ̀ kə ŋkə kee baa lùu nɨniŋ me? Mə kɔꞌ kɨɨ ŋkee yinsəŋ laa, maa yighee yɔ́, nə kaꞌ viŋ shòꞌtə ŋkee sɨ ghiŋ, kɔ̀ shee, faŋ viŋ nə yè jɨɨ gaŋtə mə nɨniŋ.

Efesɔs 1:3

Nsiŋ kɨ bəŋsə Nwi, tɨɨ tɨta ŋwaa-nsiŋ Yeso Kristo, faŋ ŋwə nə kɔ̀ ŋgwisə mənɔŋ-bwaŋnə yinshə tɨ́ nsiŋ, kɔ vənu və Zwitə Ley Nwi faŋ mbə lùu taa yizɔ tɨ́ nsiŋ fɨ jɨŋ Kristo.

Filipi 3:9

Mə kəə sheꞌ laa mə goꞌsə yia ŋwə. Mə kee baa lùu wuu ley buꞌ vənu mbɨə faŋ nəə yɨsə mə me, faŋ mə nəə beꞌsə ntɨsə vɨɨ Jus nə me. Mə lùu wuu ley buꞌ laa mə nùŋ fwi nyaa maa Kristo. Nwi ndɨ̀ wə yaa wuu ley buꞌ faŋ ŋwə nùŋ fwi yi maa Kristo.

2 Timoti 1:9

Ŋwə nə bwèysə nsiŋ, shoꞌ nsiŋ maa vɨɨ ley vi, kee kɨ tii nsiŋ buꞌ vənu vəjəəvə vaŋ-nsiŋ me. Ŋwə nə tìi nsiŋ luu buꞌ faŋ nshɨ-tɔ wi nə kɔ̀ꞌnə taa fwi ŋwə shù fɨ maa vənzi və mbi, laa ŋwə ndɔ kee gəŋ saŋ-nsiŋ, faŋ ŋwə ndɔ tɔŋ Yeso Kristo tɨ́ nsiŋ nə.

Jeyms 2:18

Kaꞌ wə mɔ́ꞌ gì shee laa, «A fàꞌ tɨ́ Nwi, gə̀ fɨ maa mə, mə nùŋ fwi nyaa maa Nwi.» Nɨniŋ, sii kaꞌ a də̀ kɨkə faŋ a nùŋ fwi yə maa Nwi, faŋ a kee yɨ vənu vəjəəvə me. Gə fɨ maa mə, kaꞌ mə də̀ tɨ́ ghɔ laa mə nùŋ fwi nyaa maa Nwi fɨ maa vənu vəjəəvə vaŋ faŋ mə yɨsə.

2 Pita 1:1

Lùu mə, Saymon Pita, faŋ mə luu wuu faꞌ Yeso Kristo, baa lùu wuu ntɔŋ wi nɨzi, faŋ mə tɔ̀ŋ ŋwaꞌlə ŋwə̀ tɨ́ vɨɨ mbɨə faŋ vəŋ nùŋ fwisə vəŋ maa Nwi. Nshɨ-tɔ wia nùŋ fwi sia maa Nwi sheꞌ nɨniŋ, baa nə maa Yeso Kristo, wuu məbweysə ŋwaa-nsiŋ, faŋ ŋwə nə kìasə nu kaŋ-nsiŋ, ŋkə loomə.