Roma 3:9 - Vengo (Babungo)

⁹ Nɨniŋ, nu kɔ́ lùu kɨkə ndwə? Yia vɨɨ Jus shɔ̀ɔ vɨɨ mɔ́ꞌ nə nu mu? Bey, yia kee bee shɔ̀ɔ vəŋ me. Maa nsiŋ nii duꞌtə nsiŋ ye laa, vənu vəbwəvə lùu maa vɨɨ Jus ghɔ vɨ vɨɨ tɔmə day vənshə.

Roma 3:9 ပူးပေါင်းရင်းမြစ်များ

Lukas 7:39

Wuu Farisii ghɔ́ faŋ ŋwə nə tìi Yeso taa ŋii ŋwə nə, ye, bɨ̀ꞌtə fɨ taa fwi ŋwə laa, Yeso nii toꞌ lùu nshiiŋii-sɔghɔ, buu ŋwə kɨ̀ɨ nə wəzwi ŋwə̀, faŋ ŋwə kɔ̀ŋ ŋwə nə, baa kɨ̀ɨ nə ŋiꞌ ki laa lùu wuu məyɨ vənu vəbwəvə.

Roma 1:18

Fwi Nwi shə maa vɨɨ vənshə faŋ vəŋ twèy nu ki, yɨsə vənu vəbwəvə. Nsɔꞌ Nwi yiweꞌ fuu fɨ taa yizɔ, jìa vɨɨ vɔ́ faŋ vəŋ buulə̀ nu yinsəŋ, jìa luu vənu vəbwəvə.

Roma 11:32

Nɨniŋ, Nwi nə nùŋsə vɨɨ vənshə laa vəŋ gu vəshii, tɨ́ kaꞌ ŋwə kèe gəŋsə vəŋ vənshə.

Roma 11:7

Nɨniŋ, ŋkə lùu kɨkə ndwə? Ŋkə lùu laa nu ŋkɨə faŋ vɨɨ Isirayl nəə kəə nə, vəŋ kee yenə me. Nə ye sheꞌ vɨɨ mbɨə faŋ Nwi shòꞌ vəŋ nə. Bətə vɨɨ shɨshii.

Roma 2:1

Aŋ ghɔ, wə mənsaw, a sii taa fi tɔ kə kɨkə, faŋ a kàw maa məsɔꞌ nsɔꞌsə tɔ vɨɨ nə? A kɔꞌ kɨɨ laa a sɔꞌ nsɔꞌ wə, baa yɨ̀ sheꞌ vənu mbɨə faŋ wə ghɔ́ yɨ̀, buu a bɨ̀sə tɔ kə nɨzi.

Roma 3:1

Faŋ ŋkə lùu nɨniŋ nə, nu wuu Jus sii baa shɔ̀ɔ nu vɨɨ mɔ́ꞌ nə kə? Nu məsɨɨtə vɨɨ sii gaŋtə wə nə kə?

Roma 3:19

Nsiŋ kɔꞌ kɨɨ laa vənu vənshə faŋ ŋwaꞌlə ntɨsə Nwi gi, lùu tɨ́ vɨɨ mbɨə faŋ Nwi nə nuŋsə ntɨsə sɔ́ tɨ́ vəŋ, laa nuŋsə yɔ́ fəŋ shuu vəŋ. Nɨniŋ nə, vɨɨ vənshə fɨ taa mbi ndɔ ŋii taa nsɔꞌ Nwi,

Roma 3:5

Nɨniŋ nə, vənu vəkɔvə mbɨə faŋ nsiŋ yɨsə nə, shaꞌsə yizii Nwi yizɔ, buꞌ laa vənu vi lùu vəloomə. Faŋ ŋkə lùu nɨniŋ, nsiŋ gì laa kə? Nwi lùu wuu nsɔꞌ bwə, buꞌ faŋ ŋwə kwàŋ nsɔꞌ tɔ nsiŋ nə mu? Bey, maa mə gì nee luu yigisə wə mənsaw.

Roma 6:15

Faŋ ŋkə lùu nɨniŋ, faŋ ntɨsə sɔ́ kee baa sɔ̀ꞌ nsiŋ me, buꞌ faŋ mənɔŋ-bwaŋnə Nwi sɔꞌ nsiŋ nə, kaꞌ nsiŋ kɨ yɨ vənu vəbwəvə mu? - Bey, ŋkə kee lùu nɨniŋ me.

Roma 7:14

Nsiŋ kɔꞌ kɨɨ laa ntɨsə Nwi lùu nu Zwitə Ley Nwi. Gə̀ fɨ maa mə, mə luu wə mənsaw nə mbasə ŋwaa. Vɨ nə fìŋ mə yaa buꞌ tɨ́ nu bwə.

1 Kɔrintian 10:19

Ŋkə də̀ laa kə? Ŋkə lùu laa vənwi vədayday lùu fa mu? Mbasə ŋgwə faŋ vɨ fèꞌ vənwi vɔ́ shɔ nə, lùu fa faŋ ŋkə kìi wutə mu?

1 Kɔrintian 14:15

Ŋkə də̀ laa kə? Ŋkə lùu laa, mə kəə ndɨ̀ təghaŋ tɔ́ faŋ Zwitə Nwi kɔ̀ shee nə, shɔ̀ꞌtə Nwi shɔ. Luu nə, mə taa kɨ shɔꞌtə Nwi nə ghaŋ ley faŋ ŋwə ndɔ̀ fɨ taa mbɨꞌtə nyaa nɨzi. Mə kəə zwà nyay maa wutə Zwitə Ley Nwi. Luu nə, mə taa ndɨ ŋkitə nyaa, zwà nyay shɔ nɨzi.

1 Kɔrintian 4:7

Sii nàysə ndə laa a shɔ̀ɔ vɨɨ mɔ́ꞌ? A kìi fa ghɔ ghɔ faŋ ŋkə kee ndɔ̀ fɨ ghɔ Nwi yimu? Faŋ kɔ̀ Nwi kɔ̀ vətɔ vənshə tɨ́ ghɔ nə, sii yɨ̀ kə a koꞌsə ŋwaa maa vətɔ vɔ́, yaa wə faŋ ŋwə nə fàꞌ nu nə ŋkiinə wutə.

Galatia 3:10

Gə fɨ maa vɨɨ mbɨə faŋ vəŋ tə̀ sɨ laa vəŋ nuŋsə ntɨsə Nwi, nsɨə faŋ Nwi nə kɔ̀ tɨ́ vɨɨ Jus nə, laa vəŋ taa luu vɨɨ leynə kwiŋ Nwi, buu nsɔꞌ Nwi tɔ vəŋ. Ŋkə lùu nɨniŋ buꞌ laa ŋkə lùu faŋ vɨ nyɔ̀ꞌ taa ŋwaꞌlə Nwi laa, «Wə tɨ̀ me wə faŋ ŋwə kee zɔnə vənu vənshə faŋ vɨ nyɔ̀ꞌ taa ŋwaꞌlə ntɨsə me, kee yɨsə vənu vɔ́ vənshə me, buu nsɔꞌ Nwi tɔ vəŋ.»

Galatia 3:22

Vɨ bee kii nyɔ̀ꞌ taa ŋwaꞌlə Nwi laa wutə nu bwə sɔꞌ mbi yinshə. Nɨniŋ laa Nwi kɔ mənɔŋ-bwaŋnə wi faŋ ŋwə nə kɔ̀ꞌnə nə, sheꞌ tɨ́ vɨɨ mbɨə faŋ vəŋ nùŋ fwi vəŋ maa Yeso Kristo.

Filipi 1:18

Luu nə, mə kee shə̀ŋ shɔ me. Vəŋ kɔlə yɨsə nə mbɨꞌtə yikə, kɨ vəŋ fɨꞌtə nu Kristo nə fwi yijəə, tɨꞌnə me nə fwi yifəŋ, fwi nyaa lùu nə məŋaytə buꞌ faŋ vɨ fɨꞌtə nu Kristo tɨ́ vɨɨ. Yinsəŋ məŋaytə ŋwaa taa kɨ gə nə vɨsɨ,