Roma 3:5 - Vengo (Babungo)

⁵ Nɨniŋ nə, vənu vəkɔvə mbɨə faŋ nsiŋ yɨsə nə, shaꞌsə yizii Nwi yizɔ, buꞌ laa vənu vi lùu vəloomə. Faŋ ŋkə lùu nɨniŋ, nsiŋ gì laa kə? Nwi lùu wuu nsɔꞌ bwə, buꞌ faŋ ŋwə kwàŋ nsɔꞌ tɔ nsiŋ nə mu? Bey, maa mə gì nee luu yigisə wə mənsaw.

Roma 3:5 ပူးပေါင်းရင်းမြစ်များ

Roma 12:19

Vaŋ-nshwi vaŋ faŋ mə kàw, kɨ viŋ ndɔꞌ ntwi tɨ́ wə me! Bàw viŋ meꞌtə, naꞌ, nsɔꞌ Nwi ŋii wə ghɔ́, sheꞌ faŋ ŋkə lùu taa ŋwaꞌlə Nwi laa, Nwi gì laa, «Məndɔꞌ ntwi lùu nu kaŋ, mə taa kɨ ndɔꞌ ntwi maa vənu faŋ vɨɨ yɨsə tɨ́ viŋ.»

Roma 2:5

Luu nə, a shii dɨdɨꞌ, kee kaw kwiinə fwi yə me, kɨ yɨsə vənu vəbwəvə. Nɨniŋ, a yɨ laa nsɔꞌ yə ndɔ luu yiweꞌ maa shi ŋkɨə faŋ Nwi ndɔ kɨ sɔꞌ mbi maa yinsəŋ yi ntee.

Roma 3:19

Nsiŋ kɔꞌ kɨɨ laa vənu vənshə faŋ ŋwaꞌlə ntɨsə Nwi gi, lùu tɨ́ vɨɨ mbɨə faŋ Nwi nə nuŋsə ntɨsə sɔ́ tɨ́ vəŋ, laa nuŋsə yɔ́ fəŋ shuu vəŋ. Nɨniŋ nə, vɨɨ vənshə fɨ taa mbi ndɔ ŋii taa nsɔꞌ Nwi,

Roma 3:7

Nsiŋ kee lùu vɨɨ yinsəŋ me. Luu nə, nu kɔ́ yɨsə yinsəŋ Nwi kwàlə shɔ̀ɔ sɨ vɨɨ, buꞌ laa ŋwə luu ŋkee wuu yinsəŋ. Faŋ ŋkə lùu nɨniŋ, ŋwə sii baa kwàŋ nsiŋ taa nsɔꞌ laa nsiŋ luu vəyɨ-kəbwə buꞌ kə?

Roma 4:1

Nɨniŋ, nu Abraham, faŋ lùu tɨɨ ŋiꞌ ŋii kaŋ-nsiŋ nə, nə luu kɨkə? Nu ki nə luu kəloomə buꞌ vənu vəjəəvə vi faŋ ŋwə nə yɨ̀sə mu?

Roma 5:8

Gə fɨ maa Nwi, ŋwə nə də ŋkawnə yi faŋ ŋwə kàw nsiŋ dɨdɨꞌ nə, faŋ Kristo nə kù tɔ nsiŋ maa yighee njyə faŋ nsiŋ nəə kɨ bii vəyɨ-kəbwə.

Roma 6:1

Faŋ ŋkə lùu nɨniŋ nə, bàw nsiŋ taa gi laa kə? Bàw laa nsiŋ goꞌsə taa nu bwə, tɨ́ kaꞌ gəŋsə Nwi ndɔ yaŋ tɔ nsiŋ mu?

Roma 6:19

Mə gisə nɨniŋ, fɨꞌ sheꞌ maa ndɨɨlə wə mənsaw, buꞌ laa ŋwaa wiŋ nə bwa maa nu Kristo. Nə luu maa yighee vɨsɨ, viŋ nə fìŋ vəshəŋ fɨ maa viŋ maa nu bwə, nə maa nu faŋ ŋkə kee kùꞌnə maa ntɨsə Nwi me, viŋ gu vəbuꞌ və vənu vɔ́, sùꞌsə ntɨsə Nwi. Nɨniŋ, bàw viŋ baa luu fìŋ yiŋwaa yiŋ yinshə tɨ́ nu ŋkɨə faŋ ŋkə lùu kəloomə ndwə, gù vəbuꞌ tɨ́ nu faŋ ŋkə lùu kəloomə, laa viŋ baw vɨsɨ Nwi, gə̀ vɨsɨ vɨsɨ.

Roma 7:7

Nɨniŋ, bàw nsiŋ gi laa kə? Ntɨsə Nwi lùu nu bwə mu? Bey, ŋkə kee lùu nɨniŋ me. Nwi nəə toꞌ kee kɔ ntɨsə sɔ́ me, buu mə yaa kee kɨ̀ɨ nə nu ŋkɨə faŋ lùu nu bwə tɨ́ Nwi me. Ntɨsə Nwi nii toꞌ kee gì laa, «Kɨ ghɔ kɨ səsə vətɔ me,» buu mə kee kɨ̀ɨ nə nu maa məsə fa me.

Roma 8:31

Faŋ ŋkə lùu nɨniŋ nə, kaꞌ nsiŋ zwètə kə fɨ fuŋ? - Viŋ zɔ! Faŋ Nwi lùu maa kwiŋ ŋwaa-nsiŋ nə, sii kaꞌ baa kɔ̀ŋ ndə kɔ̀ŋ nsiŋ?

Roma 9:30

Ŋkə lùu kɨkə ndwə? - Viŋ zɔ! Vɨɨ tətɔŋ fu faŋ vəŋ nə kee kəə jɨɨsə maa məgu vɨɨ loomə vɨsɨ Nwi me, gù vɨɨ loomə. Nu vəŋ lùu kəloomə buꞌ faŋ vəŋ nùŋ fwisə vəŋ maa Kristo.

1 Kɔrintian 15:32

Yighee njyə faŋ mə nə luu shɨ Efesɔs, mə nə luu taa ŋɨꞌ, ŋkə nə luu yuu mə nywenə yia nyaasə shəsə fɨ taa gay. Ŋkə nəə toꞌ maa lùu laa vɨ yweysə vɨɨ fɨ shɨ yiku me, buu sey ŋgwə faŋ mə kìi, faŋ mə yɨ̀sə kəŋ vənu ghɔ́ nə, sii lùu kə? Ŋkə toꞌ kee lùu laa vɨɨ ndɔ ywey fɨ shɨ yiku me, buu ŋkə bàw laa mə gi tɨ́ viŋ laa «Nsiŋ kɨ zɨ, ndɔ nu məluꞌ, zə̀ yiŋwaa nyaa-nsiŋ, buꞌ laa mbisɨ nsiŋ taa kukə.»

1 Kɔrintian 9:8

Faŋ mə naysə vənu və̀, mə kee naysə sheꞌ nu faŋ ŋkə ndɔ̀ fɨ taa yigisə vɨɨ me. Nə nyɔ̀ꞌ Mose taa ŋwaꞌlə Nwi sheꞌ nɨniŋ.

2 Kɔrintian 6:4

Maa vənu vənshə faŋ yia yɨsə, kaꞌ vɨ ye laa yia lùu vɨɨ faꞌ Nwi, jia fwi sia dɨdɨꞌ maa yighee njyə faŋ yia ye ŋɨꞌ tɨ̀ me ŋɨꞌ.

2 Kɔrintian 7:11

Maa viŋ yè faŋ ŋkee məluŋ ghɔ́, faŋ viŋ nə lùŋ maa jɨɨ Nwi nə, nə yɨ̀sə viŋ ŋɨɨlə maa nu jəə. Viŋ bìŋ nu bwə kiŋ. Nu bwə bɨ tɨ́ viŋ, viŋ fee Nwi. Jɨŋ yia za viŋ, viŋ kɨɨtə buꞌ yia, kwàŋ nsɔꞌ maa wuu məyɨ nu bwə wì. Maa vənu vənshə viŋ yɨ̀ jəə, tɨ́ kaꞌ mə kɨ̀ɨ laa viŋ lèy fɨ maa nsɔꞌ yɔ́ yighee muꞌ.

Galatia 2:18

Wə ntɨə faŋ ŋwə nə twey nuŋsə vɨɨ Jus, kɨ nii baa kwìinə biŋ nuŋsə yɔ́, lùu yɨ-kəbwə.»

Galatia 3:15

Vaŋ-nshwi vaŋ, mə taa ndi nu fɨ taa mbi maa mfɨꞌ maa mədə nu tɨ́ viŋ. Viŋ lumə yigi viŋ wə vəbɔɔ, maa ŋgunə nyaa-nsiŋ, kɨ ghaŋ wə gwia məkee ghɔ wə vəbɔɔ, wə kee lùu shɔ baa bɨꞌ məkee mbɔ́ me, wə kee lùu shɔ baa kùꞌsə nu shɔ me, nɨniŋ buꞌ laa lùu nu faŋ vɨ gì bey.

Reveleyshən 15:3

zwà nyay Mose, wuu faꞌ Nwi, nə nyay wee-bi-njɨɨ ghɔ́, laa, «Nu ŋkɨə faŋ a yɨsə, lùu nu kwalə, luu ŋkee nu shuu yɔŋ mɔɔ, tɨta Nwi Nshɔɔ-mbi, jɨɨsə sə bɔ̀ŋsə, baa lùu yinsəŋ mɔɔ, fwàŋ ŋgwisə vɨɨ vənshə.

Reveleyshən 18:20

Luu nə, viŋ kɨ ŋaytə buꞌ shɨ kɔ́, mɔɔ yizɔ, viŋ vɨ vɨɨ Nwi, nə vɨɨ ntɔŋ Kristo, nə nshiisə-ŋii sɔghɔ, buꞌ laa Nwi shìa nsɔꞌ tɔ shɨ kɔ́ faŋ vəŋ nə yɨnə viŋ nə.»